大漠 (已結業)

新開張時光顧過,印象很好.今次帶埋爸媽來試下新彊變種菜四個人叫左個二人套餐B,+羊架飯.先上棒棒雞沙律,good!羅宋羊湯及紫椰菜偏甜了一點古法咖哩雞唔辣o既...手卷狀碎羊肉薄餅個個讚！酥炸羊肋骨好香孜然味，相比羊架的秘醬就無咁香,但羊架煮得鬆軟無羊騷味,碟飯真係大件夾抵食呀！最後人人一杯羊奶凍,捧住個肚走

羊鞍和奶涷好食.炒飯炒散d會易食d, 落多少少鹽冇妨, 肉多d就更好啦.深色的碟很容易看見手指毛, 侍應最好抹乾淨一d,客人就食得開心.

I went for a set lunch with lamb rib and rice cassole.I was a bit disappointed as the lamb rib are very fatty and the sauce is tastless.There is a soup included in the lunch, a russian borsh with lamb taste. The taste is a bit strange.The atmosphere of the restaurant is quite good.

今晚想食d 特別菜式，朋友試過話幾好，甘就黎試下，但地點都幾難搵。店內環境氣氛有新疆feel，又不斷播住好似催眠曲既音樂。鎮店羊鞍：睇落好似唔夠熟，但實際上燒得剛好，肉嫩 juicy，但就肥左d。串燒牛肉：牛肉野味有肉汁，雖然無鎮店羊鞍甘肉嫩，但都好好味，飲埋紅酒超正。烤魚：魚肉鮮味多汁，加埋獨特既香料一齊烤，好香啊！羊奶奶凍：好滑好濃奶味，奶味濃郁既程度係平時 3.6 牛奶既兩倍。雖然好香，但食左幾啖就好 “溜”。呢度只有一款智利既紅酒 ($130)，質素幾好，襯埋牛羊肉食，好正啊！

好懷念上一次黎大漠Dinner,即刻上網check下大漠今年有冇擺工展會,收工去工展會一轉,為既都係一隻羊鞍未行到已經聞到香噴噴的燒羊味,即刻買包黎食,雖然個雞皮紙袋仔滲左勁多油出黎,(都係我廢時影相的原因)但係咬落一d都唔覺得油,羊鞍燒到剛好,不過我嫌佢D herbs(孜然粉?)落得唔夠多,多D會仲好食 不過,講真$15一隻羊鞍真係超級勁抵食!!好想再去大漠一轉,最衰土瓜灣唔就腳啦~

十二月廿七日(星期日)行到了大漠的counter...上年都吃了它的羊鞍,老公仔食過番尋味!一陣又一陣的羶味飄過來我又開始不抗拒的老公仔二話不說拿了錢去買羊鞍...有兩件!我也試過的確燒得很香,其香料味道特別!推介!下次有機會到土瓜灣店一試

第二次光顧,上次order 八道菜套餐,二個人吃實在太多了,今次只是散叫。1) 牛尾湯 - 好濃味,good~2) 香蔥餅 - 送湯一流3) 炸哈蜜瓜牛腩 - 味道好夾,不過都幾漏4) 羊肉串燒 - 好好食, 我食過最好食的串燒5) 新疆黑啤 - 必叫,奉上冰凍木碗,同就咁用樽飲係吾同風味老闆送上甜品羊奶凍,今餐就完滿結束喇~見到隔離枱叫左一隻燒羊比,份量夠8個人食,下次一定要叫多d朋友一齊黎試下,要一日前預訂呀~

今日夜晚 , 我終於去慕名已久的 "大漠" 食晚飯。居住在九龍城區的我 , 對於長期獲得高度評價甚至位列十大好店的同區名店 , 每次都只限於在店外行過 , 望著玻璃外貼著的剪報 , 卻從來未入去品嚐。今晚 , 我同女朋友一家 , 一行五人 , 開展了同樣地我們五人的第一次。在裹面最入的一張檯坐下後 , 抬頭欣賞一下店內的裝潢 , 真的很有情調 , 它沒有旺角食店公式化的一片幽黑 , 亦沒有某大國內火煱集團的 "羊" 系推廣硬銷 , 有的是一片的自然感覺和適當柔和的光線。看罷菜單 , 亦問過侍應生的意見後 , 我們決定一試它的四人套餐。由落單開始 , 差不多每五六分鐘左右就有一碟菜上檯 , 檯面不少但份量卻十分豐富 !! 頭盤的冷豆腐十分香滑 , 而且冷冷的令剛坐下的我們感覺一陣陣的涼意 , 但美中不足的卻是發現它所用的應是某大本地的包裝品牌....往後的次序因上菜的速度而令我忘記 , 但有幾道菜則卻是不俗 : 新鮮清甜的炒紅椰菜 , 香脆的炸羊骨排 , 風味十足的肉類串燒 , 還有酥香的牛夾餅。整個套餐的每一道菜 (約七八款)都做得很好 , 很有北方風味 , 而所有的 "羊"系菜式都

因為大家都鍾愛羊..所以我地呢個約左成半年既晚餐就揀左有特色既新彊菜喇~~店舖位置易搵~成條街都係食店.星期六未夠八點已座滿客~急不及待order左羊肉鬆手抓卷, 烤羊肉串, 燒羊鞍, 咖哩雞, 新彊香葱烤餅, 特色扒阿魏菇先上既羊肉鬆手抓卷, 其實即係油酥餅捲住羊肉碎, 食到羊羶味...yummy~ 油酥餅軟熟唔會太油~卷上面灑左花生碎及青提子乾~更能增加口感~烤羊肉串, 一份有兩串..羊肉切方立體..較煙韌有口感~食法係自行灑上孜然粉同辣椒粉~可帶出羊味道~但羶味不及手抓卷..一客有4小件既燒羊鞍~約燒至7成熟~羶味係手抓卷同羊肉串既中間~有肥膏肉唔韌..同樣可配孜然粉同辣椒粉~幾有驚喜係waitress介紹既咖哩雞…雞件既份量多~咖哩汁唔多辣但濃杰調得剛好…而且又多配料:洋蔥, 青椒, 蕃茄等~配埋熱騰騰既香葱烤餅食~一流..香葱烤餅夠厚身..底部微脆..好香但偏油~一客4四件..至於同樣係waitress介紹既特色扒阿魏菇…就真係太出乎意料喇~原來阿魏菇係成件扒咁樣~要自己切開~質感有d似鮑魚菇…較硬爽~個獻汁又鹹又杰~..反而旁邊用既西蘭花比菇好得多~埋單時會送一小碗羊奶凍~

因為住係附近, 由開鋪初期到依家都會去下.見成半年沒去, 友人與我都試過都覺得ok, 所以放工後叫埋同事一齊去啦. 我地一行7人, 去到叫左個8 人餐.d食物比起以前差左, 個湯得胡椒味食唔到d羊味, 個羊排沒以前咁香口...個奶凍沒以前咁滑啦..唯有個串燒同咖哩都仲可以...但大家留意一下, 呢個8人餐, 份量夠8 人食, 但唔夠分..可解??事緣...我們有d餅塊, 肉排等等的食物, 常理係足夠8 個人分黎食.點知..黎到得 6份.唔明之餘, 咪叫侍應妹妹埋黎問下兼希望幫忙分番8 件, 等每個人都有得試下麻..點知個位侍應妹妹不停解釋係夠我們食...又唔肯幫手去分..我們都話明白, 只不過想分到每個人都有得食, 但講極佢唔都明..唔明唔緊要...態度唔好又係一個問題...去到後期..我們問她野就當我地透明, 理都唔理..真係....呀!!!呢餐真飽呀...一肚氣..

在一個舊區，他們的價錢可算得上數一數二.... ＄２２一罐可樂... ＄４５一碟細到無輪的炒紫椰菜.... ＄６０一個淡而無味的炒飯.... 一個６吋大的什麼什麼薄餅都賣＄４５一個.... 以上的都算....今次去食的目的是想試一下他們的烤羊架... 但沒有羊架... 只有羊脾...這一隻羊脾.... 一個字... 差！完全食不出是有醃過似的... 淡如水！完全似是事前用水煮熟一樣...一行十個人.... 盛惠１４００個大洋！去過試過就算...

難得去開土瓜灣，就走來大漠看看。既然來到大漠，雖然天時暑熱，都無理由不食羊。因此選了哈密瓜燴羊腩飯的套餐。先來的桂花檸檬茶，表面看似清水一杯，實質少少檸檬酸味，配桂花香味又真是幾好。隨後上的忌廉湯，內有果仁碎、提子乾、意粉等，並不求其。杰杰的，飲完飽了幾成。見到提子乾，即時令我想起最近去過的新疆，不少地方盛產葡萄。感覺好配合。主食到。羊腩勁多，咬落好腍滑。個人而言嫌不夠臊味。醬汁甜甜酸酸的，感覺似在吃咕嚕羊肉。反而找不到哈密瓜，亦察覺不到有其味道。最後還有甜品羊奶凍。意外地豐富滿足。原以為收你＄35的午飯，叫你食飽就算，卻原來做得認真有誠意。抵讚！

想去大漠好耐，因為香港抄人的餐廰多，有創意的少得可憐！這一次一早訂了位，因約了兩個老朋友，抱著試新嘢的心情，去大漠探險！先來一個豆腐做頭盤，不錯喎，豆腐算滑，花生碎也香，不知用甚麼汁料，不錯的開胃菜！之後吃的都是大路嘢，羊鞍，串燒，不是過熟就是沒有味兒，很失望！之後的海蜇老虎菜也不過不失！有無好嘢介，就是那些新彊黑啤了，用碗飲夠豪，有大漠Feel跟住都叫了隻胡椒雞，不過真的又乾又沒味...... 沒話說總結，失望的一餐！

同家人吃飯，呢次來到土瓜灣，幫襯之前從未幫襯過的「大漠」試試呢度的新疆菜！來之前未有訂位，見店子小小，當侍應問有無訂位嘅時候，都有d擔心會唔會冇位，好彩，都仲有。連隨坐低，拿著餐牌看了一會，點了幾味，試試呢度嘅新疆羊肉先。先來兩份（四串）烤羊肉串，再來一個侍應同餐牌都推介的「鎮店清真古法極品燒羊鞍」，加多個菜「炒什菌」同「大漠廚師炒飯」（本來諗住叫羊肉炒飯的，不過屋企人唔想味味都係羊，於是咪轉左呢個囉）。炒什菌先到，味道稍嫌淡了些，炒飯跟著來到，配料係一些小蝦同雞肉，食落冇乜特別，只係普通嘢。不過冇所謂啦，來得呢度食新疆菜，梗係羊肉先係主打啦。烤羊肉串同燒羊鞍終於到啦！羊肉串份量都幾夠，加埋d另上嘅孜然粉同香料，味道都算唔錯！至於個羊鞍，老婆仔嫌佢生左d，我自己就覺得微帶粉紅色的羊肉，半生半熟，幾嫩口，整得都算唔錯。我地幾個人食完枱上的食物，見個肚仲有位，意猶未盡，於是再拿餐牌看看，見有個「鮮什果炒鴨胸」好似都幾好，親親咁話加碼再斬四兩啦。過左冇幾耐，呢個菜來啦，原來好戲在後頭，呢味餸比d羊仲正，賣相雖然唔算靚，不過d水果（有蘋果、奇異果等）同鴨胸，在酸甜度調得恰到好處的醬汁配搭下，中

太公之公很喜歡吃羊，甫聞大漠有新彊菜供應，旋即拉了太公去試。然後，打開餐牌，見到「清真手抓羊肉」，即時兩眼發青光，二話不說就點了。「清真手抓羊肉」($98) 其實做得不錯，羊肋部份連皮、肥膏和肉，加上孜然等香料和芹菜等同煮；由於有肥油的關係，羊肉夠嫩滑；羊脂裏滲出的羶味，沒有腥氣，卻帶香味，反倒有點像內蒙吃的的感覺，吃罷齒頰留香，不俗；只是嫌羊肉裏本身的羶味薄了點。只是，為著保護之故，北方人煮羊肉，脂肪保留得頗多；平時主要吃白肉和海產的太公吃不很慣。不過，太公之公這食肉獸，卻吃得津津有味。一份有八大件羊肉，對兩個人來說，終究太heavy, 吃畢其他東西都不用吃了，建議人較多時才點。我們只多叫了一份新彊香葱烤餅和酸奶。新彊香葱烤餅雖做得鬆化，外層也夠脆，但奈何葱味嚴重不足，有負其「香葱」之名。酸奶做得不俗；雖然這羊奶的羶香很薄弱，也不太夠酸，但藏在酸奶裏的腰果碎和葡萄乾，與微酸而滑溜的羊奶配合得宜，當點心吃不錯；只是對「酸」這味道，不要期望過高 - 因為其酸度，比牛記乳酪還弱。埋單後，侍應送上兩客羊奶凍；真好，土瓜灣不愧多街坊，就算我們沒有豪吃，也送了這兩客甜品，完全沒有歧視。羊奶凍頗滑