大澳德發 (已結業)

之前已經介紹過呢間茶記 不過之前就淨係食過lunch同埋Tea 而除夕當日我冇選擇去食大餐又或者有啲咩西餐 同左男朋友講話我想食小菜🥢😂然後就帶咗佢黎呢度麻甩一下🥰嘩原來佢條樓梯加咗嘢 非常貼地💛💛💛★*"`'*-.,_,.-*'`"*-.,_☆,.-*`'`*-.,_,.-*`'`*★-.,_,.-*🥢嗌小菜不嬲都好花心 太多香口嘢想食 但係得兩個人其實好快飽 最後嗌到盡都淨係嗌咗4個😋🍯蜜糖黑椒金薯牛仔粒 $118好食到🥺🥺！蜜糖味好出 新鮮出爐嘅牛仔粒有咬口 又不會太韌 配蜜糖黑椒係一流！🤤淋淋地嘅薯仔🥔完全索哂黑椒加蜜糖汁 非常香口🦑椒鹽鮮魷 $108係我食飯店或者大排檔必點嘅小菜😚😍終於食到！不會過鹹 每件魷魚都恰到好處 咬落去卜卜脆 保持魷魚原有嘅口感 唔會過分濕潤 超級惹味😋個人比較喜歡就咁食 唔點側邊嘅喼汁🥢七味炸豆腐 $68又係我必點嘅小菜！！仲要我估唔到佢成碟豆腐嘅份量多到咁！啱啱夾落口仲熱到非常㶧嘴😂😂即整嘅炸豆腐堅正！食到唔停口🥢男朋友覺得有少少偏鹹 但係我呢啲重口味人就覺得冇咩嘢😌 🥬濃湯野菌泡時蔬 $88食咗咁多鹹嘅嘢都要食返樣清清地嘅！雖然清清地但係佢連菜

聖誕長假期連續吃了三日大餐，今晚唔敢食太多，簡簡單單去咗大澳德發食鹹雞魚海鮮，留意咗呢間海鮮茶餐廳一段日子，來自大澳，我認識有蝦膏之外就係食海鮮，現在唔使行咁遠！必吃大澳鹹香雞，籠仔蒸很有風味，賣 $128 真係抵，大大件，肉滑滑，皮爽口，配綠色薑蔥醬，非常香，清清地唔係油炸嘢，啱食。阿爸鍾意食鱔多過食魚，因為夠滋味，點了鼓汁銀絲蒸白鱔，白鱔夠肥，粉絲極吸汁是精華，仲有好多蔥及有菇，送白飯食一流。喜歡欖角的鹹香，因為煮肉排超正，蜜錢欖角骨真係好好食，心水推薦。現在晚餐食滿$400送兩隻辣椒蒸蠔，怕辣嘅唔好食埋啲紅辣椒。全部菜式都係百零蚊為主，抵食好食。好得意，餐牌係一個BNO護照。

喺銅鑼灣廣場附近嘅大澳德發位置方便，同朋友去完SOGO行幾分鐘就到，餐廳有兩層，而餐枱數目亦有好多，所以好快就可以入座用餐。蒜蓉蒸龍躉腩龍躉腩好有海魚既味道，食得出係用新鮮魚煮既，而且龍躉下面仲擺咗粉絲係底清蒸，粉絲又索晒龍躉既味道。蒜子火腩大鱔煲呢個菜式唔係間間中菜館都會有，所以我地一見到就即刻叫咗呢個菜式，火腩煮得好淋，相反大鱔就無煮到咁淋，有咬口，唔係淋pat pat既大鱔。大澳三寶銀絲泡菜苗菜苗清淡，加上有蝦乾、魷魚乾，味道清新。

謝斐道這個地舖上兩手都是茶餐廳，但都冇辦法長期經營；今次又是茶餐廳，唔知結果會如何呢？茶餐廳個名雖然是「大澳德發」，但同「大澳」基本上沒有任何關係 ⋯⋯ 勉強來講，唯一關係就是餐廳加入了小量水上人家常見的竹筲箕作為裝修特色，而大澳就是香港最出名的水鄉。下午茶時段只求簡單醫肚，沒有太大要求及期望。第一時間卻注意到餐牌上的標誌，即時令人聯想起港英時代的龍獅盾徽 ⋯⋯ 雖然再看清楚就知道是完全不同的圖徽。另外一點吸引目光的就是串錯了英文的「MEUN」！法蘭西多士（$32）外表對板，但稍嫌多士薄身。切開之後，西多士的兩片薄方包之間塗上了花生醬，係正宗傳統港式法蘭西多士！生炸雞髀配炸薯條（$45）係真正生炸，雞皮卜卜脆、雞肉多汁；只嫌醃料味道一般、未夠濃郁。一如所料，茶餐廳的炸薯條只採用急凍預切坑紋薯條；無論口感及味道皆及不上新鮮即切即炸的 French fries。大澳生炸雞扒包（$38）令人失望。雞扒醃料味道同生炸雞髀一樣，皆只是一般而已；而且雞皮炸得不及雞髀香脆，雞扒包就變得不好吃了。

又到中餐推介😋呢間係銅鑼灣主打心思鑊氣小菜👍🏻🌊椒鹽焗鮑魚鮑魚雖然炸過 但仍然好軟林焗時落左粉少椒鹽 令鮑魚更加惹味🤍金磚豆腐拼花枝餅豆腐如其名 炸到好似粒粒金磚咁外表金黃💛面頭加放左一埋椒鹽同炸蒜外香脆內軟滑😋花枝餅啖啖都係花枝🦑加左少少豆腐令口感實在🙂🍍菠蘿拔絲咕嚕肉店家選左吾肥吾瘦嘅豬肉做咕嚕肉加上粉漿唔厚 食落外脆內軟啖啖肉🥩🥩個甜酸汁教得剛剛好🧡🐷三弄脆皮豬手豬手好香脆 肉質都非常嫩 味道適中芥末醬醬及沙律醬原來係好襯豬手😙

今晚一家四口出來食個飯預祝2021年快完結，全年冇得去旅行的確經典，唯有走來大澳德發，拎住個護照幻想旅遊覓食，不過今次呢個護照只能帶你去大澳食特產，例如蠔、蜆、魚等。惹味卜卜蜆煲 $168明火面前自己煮，聽到卜卜聲，見到唔係好多水，原來越煮越出水，因為蜆吐海水，證明新鮮，並不太大隻但是鮮甜。碧綠龍躉球 $148現在香港有養殖龍躉，所以食客有口福，供應多了，價錢平了，今晚的龍躉球蒸得好滑。鼓汁銀絲蒸白鱔 $138海鮮唔怕多吃，又再一份白鱔，肉厚入味，粗身米線吸盡精華。紅燒野菌滑豆腐 $78顧名思義豆腐就是極滑，正整大件不破非常好，紅燒很香，配合野菌非常好味。蒜蓉生蠔 （送）消費滿$400送兩隻，我們一人一隻剛剛好，新鮮就是好。雖然茶餐廳格局，但食物唔錯，服務都過得去，環境乾淨，家常便飯好選擇。

晚飯小菜，最緊要又抵食，又好食又好坐，咁一定係最好。與兩丁友吹下水，又一日。 黃金鮮魷+鹹香雞，其實係一份晚飯孖寶$218 先講講鮮魷，見到其他枱都有叫就知道一定冇叫錯了。咸蛋黃個味道好重好香，但又唔會話過多。而且新鮮炸起，個皮好脆，但炸粉又唔會太多，香到令人難以抗拒，雖然日日都同自己講要減肥，但太好食，好難忍口。 鹹香雞鹹香雞，我覺得其中一樣好重要既，係佢完全唔油，不會用好多既調味料，只係帶鹹香味。簡簡單單，最食得到雞既鮮味，仲有一樣好重要，平日街邊既雞，好多時有血水，帶點點紅,而今次係全熟，但又保持到雞既滑度，肉質一樣滑。 豉椒炒蟶子有得選擇是不是加米粉底，加米粉底就加$15，米粉底本身只是以係加普通米粉，原來有驚喜，係4件炸過既米粉餅。可以整件拎得起，沾上豉椒汁食，有薄餅的感覺，但換成米粉餅，個面仲有一點點脆，十分特別。蟶子一共4隻，都幾大隻，鮮味，加上豉椒味香。 當然，都有叫一份老火湯架，畢竟天氣凍，飲過靚湯暖笠笠一張單滿$400，仲送蒜蓉焗生蠔生蠔蒜蓉味好重，一上黎既時侯仲係熱辣辣，入口個感覺都好唔錯。

年尾老友約食飯，佢話過去一年，大家冇穿冇爛，健健康康地渡過，都好開心😆。放咗工行完Sogo後，佢揀咗呢間食水上人家菜，佢話好正，唔使入大澳都有得食。🐷漁村三寶蒸肉餅$108肉餅上有蝦乾🦐、魷魚乾、銀魚乾，肉餅吸收了海味的鹹香惹味，增加味道層次感，送飯🍚一流。😋🐟香蔥鮑魚龍躉骨$168一上枱，香噴噴，以蒜子、乾葱片、紅椒、洋蔥及雜菌把龍躉及鮮鮑炒得好香，好惹味。龍躉肉肉厚，啖啖肉，鮑魚彈牙。🥬薑汁炒芥蘭$78翠綠嘅芥蘭，以薑汁炒，爽脆清甜。🍹自家製檸檬薏米水$25生熟薏米、檸檬🍋、蜜棗等一起煲，微酸微甜，美白去濕，好正。

🍞🐟椒鹽焗鮑魚鮑魚輕輕炸過 所以好鬆脆之後再落椒鹽去焗 令椒鹽香入晒鮑魚肉必叫🦑金磚豆腐拼花枝餅豆腐炸到金黃色 外脆內滑少少椒鹽同炸蒜令豆腐更惹味花枝餅好香脆 花枝打成膠再加豆腐入去所以口感會較為實淨及豐富🍍🐷菠蘿拔絲咕嚕肉咕嚕肉係小編嘅至愛因為酸酸甜甜同啖啖肉😍呢個拔絲咕嚕肉外皮炸得香脆但吾會太厚粉而咕嚕汁酸甜到調校得剛剛好🐖三弄脆皮豬手好陰地方嘅脆豬手都吾好食一係皮吾夠脆仲有點硬一係肉太「鞋」同太咸呢度呢間係小編難得覺得好食除左皮脆外 肉質都幾嫩 吾會好韌必叫

很高興在銅鑼灣見到德發分店，因為早前光顧過北角分店，印象良好，加上銅鑼灣出入機率總比北角高，以後大可多多支持。海藍色佈局，滿載大澳海色風情，簡潔中見特色！Passport 造型餐牌，頗有新意！點了三款小菜及一款飯麵，豐富晚餐！茶記冰室一向價錢公道，抵食抵食！大澳鹹香雞（半隻）$128，雞肉嫩滑，就連雞胸都不會嚡口，鹹味吊出肥雞的味道，醺點葱油後，更是滋味。椒鹽九肚魚 $88，外層乾身香脆，內裏魚肉水潤嫩滑，加上蒜、鹽的調味，回味無窮！招牌小炒王 $118，是夜最喜歡這個。蝦乾咸香惹味；小魚乾及腰果鬆化脆口；韮菜花嫩口無渣，很好吃👍☺️☺️星洲炒米 $68，價錢吸引！淡淡的㗎喱味道，不會過濃；米粉乾身，條條分明，大蝦更爽口，葱花美觀。

俗語謂冬大過年，雖然從來覺得農曆新年的意義比冬至大得多，冬至極其量都是食一餐飯，但既是傳統，亦隨俗吧。屋企人習慣做節前的一個星期六食飯，所以正日空閒得很。冬至日要上班，外出食飯首選中式小炒，兩個人沒有上酒樓的必要，飯店或茶餐廳均可。港島區的大澳德發是心水之一，因為沒有訂位，早點前來碰碰運氣。是夜運氣看來不錯，不用叫飛等位，可以舒舒服服享用晚餐。在大澳德發未試過所謂必試菜式，既然如此，就趁是夜一試。原來銅鑼灣店亦可加二十元轉白飯例湯套餐，是夜例湯是合掌瓜肉湯，味道非常濃郁鮮甜。大澳海味雜菜煲大澳海味雜菜煲有大量大澳海味如蝦乾及魷魚，雜菜種類很多，有菜心、白菜、生菜、西蘭花等，加上菇菌類，清清地又營養豐富均衡。金磚豆腐拼花枝餅金磚豆腐做得外脆內軟，外層不太厚，豆腐豆味清香，十分嫩滑。花枝餅十分厚身，入口依然食到粒粒花枝肉。三弄脆皮豬手豬手皮與豬手肉上枱時已經分離，豬手皮外觀猶如沙爆燒肉皮但厚身得多，入口較硬身但依然脆口，豬手肉味道不算太鹹，軟硬適中，可以點上黃芥末增添辣度。自家檸檬薏米水 檸檬薏米水酸酸甜甜，薏米去濕健脾，感覺健康。

又去左銅鑼灣食中菜今次去左大澳德發野食唔錯份量好多 仲要唔洗加一 抵上加抵椒鹽鮑魚酥炸好脆好香口 避風塘口味好正最鍾意啲炸蒜粒 鮑魚都幾鮮嫩頭抽乾煎海中蝦煎到連蝦殼都好香脆頭抽入晒味 啲蝦夠晒彈牙金磚豆腐拼花枝餅椒鹽豆腐一口size 外脆內嫩滑花枝餅同想像中唔同 佢加左豬肉入去口感冇想像中咁彈牙 但就有豬肉嘅油香呢個幾特別 店員話係正宗大澳風味大澳咸鮮蒸馬友因為水上人成日都有好多漁獲 為左保存佢地都會用鹽醃呢個係先醃左一晚再蒸肉質嫩滑 魚味濃郁 同平時啲魚好唔同值得一食陳醋雲耳好爽口 唔會好酸 蒜味比較重

今日約左朋友出黎銅鑼灣行街，行到咁上下唸住一齊食埋飯啦, 平時成日食西餐或者日本菜泰國菜，今日突然想食返d中式口味，朋友就話之前試過呢間餐廳都唔錯，特別係d海鮮，整得好有風味，而家餐廳既位置好方便，就係銅鑼灣廣場既後面，所以就過黎擦返餐啦餐廳係兩層樓高既，如果有老人家都唔緊要上2樓可以搭lift既，見到呢到牆身同吊燈既佈置都好有風味，好有大澳既色彩，果然係好有水上人家既特式見到本Meun感覺就好似本BNO咁好有特式，見到入面既菜式太多，樣樣都想試真係好難揀呀，不過黎到呢到當然係主攻海鮮啦，最後我地叫左好多嘢食，真係非常豐富椒鹽焗鮑魚蒜蓉蒸龍躉腩椒鹽鮮魷蒜蓉粉絲蒸聖子大澳海味雜菜煲大地魚蠔仔肉碎湯飯飲品方面，我地揀左餐廳自家制既薏米水，清熱去濕岩晒而家飲總括黎講真心好推薦呢間餐廳，除左位置方便，價錢大眾化之外，最緊要就係呢到既海鮮好新鮮，而且廚房既手勢一流，全部即叫即整，真係好正，下次有機會都要再帶屋企人黎試下呀

是日再訪銅鑼灣大澳德發，大約半年前已經同另一班朋友食過一次。當時覺得好抵食，最平嘅小菜只係六十幾七十蚊，但係絕對唔欺場，佢一樣可以俾到大排檔嘅份量同質素。呢個價位講緊係位於銅鑼灣嘅鬧市地段，唔係上水粉嶺、元朗天水圍，價錢嚟講已經跑贏同區餐廳一截。小菜款式選擇幾多，餐牌上有唔少特色菜品可供選擇，例如大澳鹹香雞、大澳海味雜菜煲、漁村三寶蒸肉餅等等。今日我就揀咗其他香口小菜，諗住遲啲有機會先食大澳特色菜。金磚豆腐拼花枝餅椒鹽豆腐＋三大塊花枝餅。椒鹽豆腐炸得香口，卻能夠做到唔沾油，豆腐亦夠滑。花枝餅食得出花枝用料好新鮮，完全做到外脆內軟嘅口感。蜜椒金薯牛仔粒近年到訪大排檔必點菜式之一，呢到都做得相當出色。薯仔大大粒，表面沾滿蜜糖好惹味。牛肉相當有肉味，用嘅部位更勝一般大排檔。生啫唐生菜煲天氣凍，當然要食啫啫煲去暖一暖胃。唐生菜特別適合做生啫，事關生菜易熟，靠醬汁同埋熱力已經可以逼熟，呢煲生菜做得好夠味。咁高興，叫返枝大枝裝Hoegaarden賀一賀佢，估唔到呢類型中菜館又有Hoegaarden供應，幾過癮！

大澳德發銅鑼灣謝斐道477-481號肇明大廈1樓及地下A號舖難得放假今日同左屋企人去左維園行工展會，行完之後唸住係附近食埋飯啦，所以上openrice睇下有咩好食，主要就屋企人都係唸住食中式為主，見到呢間<大澳德發>有好多好評，係食水上人家既菜式，即時唸起豐富既海鮮，岩晒我地胃口啦椒鹽焗鮑魚呢味應該係餐廳既招牌菜式，絕對唔會令大家失望，第一次食炸鮑魚感覺好新鮮，出奇地口味，餐廳將鮑片輕輕炸左，但食落仍然有食開鮑魚既口感，加上鋪係上面炸蒜一齊食就最有風味啦蒜蓉蒸龍躉腩份量好足有好多舊，而龍躉肉好厚身，食落啖啖肉有口感之餘仲非常嫩滑，再加埋墊底既豉油同埋粉絲一齊食，真係好正蒜蓉燒生蠔雖然蠔嘅size唔算太大隻，但係燒得好香，表面鋪滿左蒜蓉同辣椒仔，食落仲係好鮮嫩多汁蒜蓉粉絲蒸聖子 聖子好新鮮，食落口感彈牙，配合埋蒜蓉蒸真係絕配，而精華所在當然就係d粉絲啦，撈埋少少豉油一齊食，無得頂呀大澳海味雜菜煲食左咁多海鮮當然要食返個菜中和下，入面除左有各款唔同既蔬菜之外，餐廳仲用左大澳既蝦乾一齊黎煮，所以個湯底非常甜味，蔬菜食落都特別鮮甜