大煲皇煮廚 (已結業)

一家人打邊爐最愛選任食的，因為大家可以各自點愛吃的! 看見這家除了半自助外，還送頭盤，可選刺身或雞煲！我們怕雞煲太頂肚，所以點了刺身。刺身有希靈魚、北寄貝、三文魚和鱆紅魚。每次準備吃火鍋前，就是要調較出最合自己口味的醬油，大煲皇有齊我最喜愛的配料，生蒜、炸蒜、辣椒、麻油、香葱。湯底點了花甲水蟹煲，水蟹多膏，還有粟米、蕃茄、冬菇，令湯底十分鮮甜。最初我們都感到十分奇怪，因為湯比一般的小，但原來這裡用的煲很特別，湯是會愈煲愈多的，不用叫服務員加湯，很是方便！跟餐的海鮮拼盤，有大花甲、切片鮑魚、帶子等、全部都很新鮮喔！豚肉片的脂肪分佈比例平均，爽口香滑，有驚喜。還有龍躉片，魚香味甚濃。這裡還有新鮮海蝦，蝦滑墨魚滑等供任點，特別喜愛脆骨腩片，又香又爽。

生日飯局本來想放題，誰知比較心水的兩間都結業(可能只是轉手…總之電話沒人接聽…)荃灣區任食不想去大鍋口(不是不好，而是太多人又有點亂亂的)，就只知大煲皇。老實說論價錢是貴大鍋口一大截，朋友紛紛媽聲四起，但時間緊迫，不准異議。食罷，大家都一致話有下次！為什麼180度大轉變？ 因為真心靚料！任飲任食無欺場！沒漏單，上菜快，乾淨衛生，冷氣夠，食物多款式！九點後全包，送的雞煲，湯底，手切肥牛和海鮮併盤全部都好正！（食完都飽一半了！） 湯底要了醉雞鍋，沒想過雞另上！單是湯底已經超級足料！十分驚喜！ 因為沒想過湯底已經有一隻小雞，刺身和雞煲之間我們選了雞煲。用的香料等等和出面專門食雞煲的有得揮，辣勁可以再加大力度就更正了～（其實是因為有朋友不吃辣所以選了小辣。） 手切肥牛，睇相已經知靚，這裡是四人份量，真心沒欺場吧！！ 海鮮拼盤全部用上極新鮮的海鮮，上桌時大家都驚嘆不已，還未吃打邊爐的料已經有這麼多食物！！這一盤有鮑魚，蠔，聖子，蝦，鱔片，貝。 熟了的蠔都有這個size，真是太太太太太離譜了吧！！！！ 如假包換的真鮑魚啊！ 任食的打邊爐料有非常多款，不能盡錄，當中手打蝦滑又彈牙又甜

跟朋友來到這間大煲皇試下呢個半自助火鍋海鮮餐，首先可以頭盤二選一刺身拼盤或深圳辣雞煲，其實本身對刺身己有興趣，但是店員說這個雞煲更為值得推介，因此我們選了微辣雞鍋。火鍋湯底六選一我們選了濟公豬骨鍋：豬骨味香濃，味道不是味精的。我們先上一個微辣嘅雞煲，配料有芫茜、辣椒仔和洋蔥再加上花椒八角，令到味道嘅層次有所提升。 雞肉方面不嫩滑但雞味十分重，特別係一啲有骨痴住嘅肉位，配上淡淡雞煲汁，味道超正。手切安格斯肥牛，肥牛的紋理十分工整 ，大約落五秒就上。味道方面非常重牛味，而且肉質很夠林。環球海鮮盤大約六至八款海鮮海蝦、魷魚片、生蠔、大蜆、聖子等等款款都夠新鮮，個人認為最特別嘅係蜆肉 size非常之巨型，佢呢一間係似大型酒樓嘅格局，佢出面有啲游緊水嘅海鮮，非常生猛，仲有生蠔！非常好食一啲都唔腥。30款任點任食火鍋配料，以下是推介：鯇魚片十分爽脆，而且未到一啲都唔腥，配上火鍋湯底，沾些少汁來吃，滋味無窮。芋絲好吃，清一清腸胃。不少得蔬菜類分別有：粟米蕃茄，兩者由頭煲到落尾，估唔到粟米煲完之後食落都有幾分味道，當係再清一清腸胃，食得唔好曬⋯牛柏葉爽口得嚟唔會話鹼水味過重，而且佢將牛柏葉切成一小小長

晏就放lunch同同事經過見到佢門口既poster，200幾蚊有半自助火鍋，又有刺身同海鮮盤，覺得食得過，就叫埋屋企人今晚係到開餐。打邊爐唔同平時既電磁爐，係蒸氣火鍋黎既，唔洗驚痴底或者食到一半另外加水，因為佢會一直蒸 d氣出黎，反而會愈食愈多湯。湯底方面，叫了花甲水蟹鍋，另外再叫了蕃茄同粟米加落個湯一齊煲，乳白色既湯底都幾鮮甜，但如果鍾意濃味既建議揀其他，因為呢個湯比較清。雪長蟹柳，唔系一般果啲劣質蟹柳，幾好食；海蝦，海蝦任叫真係好正，每次都有出到足俾我地，都算幾新鮮，蝦既size大大隻，碌完又唔會縮水，肉質牙，啖啖肉，食到非常爽。海鮮盤：有花甲，海蝦同蟶子皇，樣樣都係新鮮既，每人一份，花甲好鮮甜，海蝦比任叫既蝦更新鮮更大隻，蟶子皇當然size 都有返咁上下，好甜美！炸魚皮非常脆身香口，亦無咁容易碌到散曬，但注意輕輕灼幾秒就夠喇，仲可以保留返彈性，口感好啲麻。安格斯肥牛係送既，只有一碟，係靚料，想encore 都無得encore，當然係非常有牛味，肉質有彈性，肉同脂肪既比例岩岩好，非常好食！

暑期日日唔係好熱, 就係成日落雨, 搞到個人都無心機. 放假都係響荃灣隨便食下野又一日.屋企人提議去打邊爐, 就黎左呢間大煲皇, 外觀似一般既酒樓, 有兩層好多位.食左半自助海鮮火煱餐, 除左有肥牛一碟, 海鮮盤, 同埋其他火煱料, 汽水任飲任食.仲有頭盤刺身拼盤或雞煲兩選一, 揀左刺身唔會咁飽肚.刺身拼盤外觀不錯, 共有4款刺身, 希靈魚, 北寄貝, 三文魚, 油甘魚等, 好爽口, 有光澤且新鮮.打邊爐湯底要左野菌花甲鍋, 材料確實好多, 除左大大隻花甲, 仲有栗米, 蘿蔔, 蕃茄, 野菌, 冬瓜等, 剩係呢堆湯底已經非常豐富. 而湯味道唔會太咸, 清清地唔算濃.跟餐既安格斯牛肉, 肥瘦各半, 咬落夠軟嫩, 唔韌彈牙, 豐富既肉鮮味.跟餐仲有海鮮拼盤, 有蟶子, 北寄貝, 花甲, 生蠔, 鮑魚, 海蝦, 魷魚等等, 剩係睇海鮮既SIZE就知超值, 款款都大大隻. 樣樣都好爽口, 鮮味濃. 最正係鮑魚, 淥到剛剛好, 所以好彈牙.另外響火煱料仲揀左羊片, 同幾款丸類. 羊片輕輕既羊臊味, 好易入口, 而且幾軟嫩. 丸類, 芝士腸等都好正常, 夠晒飽肚.

相信如果說打邊爐是大部分香港人的至愛菜式之一，應該沒有人會反對吧！火鍋店開到成行成市，傳統的邊爐火鍋、日式牛肉鍋、蒸氣海鮮鍋、麻辣雞煲比比皆是，但說到任食火鍋，大家應該只會想到那些粗製濫造，以平價招徠的大堆頭食店吧，當朋友跟筆者說去荃灣食任食邊爐時，同一想法也不其然的浮現在筆者腦海裡，心想任食火鍋質素好極有限，在港島九龍也有不少選擇，為甚麼要專程去荃灣呢？但當吃過這餐後，筆者完完全全的改觀了。位於荃灣鬧市内，海壩街的一角，佔地兩層，外觀有點舊式街坊酒樓的味道，地面有著專營外賣的燒味檔，側邊一條長樓梯直通樓上，裝潢跟一般中餐食市分別不大，店内還有一列大魚缸，飼養了很多生猛海鮮，像極了舊式酒樓的排場。當晚我們來到時已接近九時多，想不到店内還是座無虛席，心想平日時份都有這樣的叫座力，這火鍋店一定有其過人之處。看看餐牌，這裡的火鍋可散叫或是半自助形式，店員推介我們四個大男人點了每位$248的半自助海鮮火鍋餐，頭盤可以選刺身拼盤或雞煲，另包一碟手切安格斯肥牛和一個環球海鮮拼盤，其他還有差不多五十款食物任點任食，竹蔗水、夏枯草和汽水都是任飲的，9時後入座更免收加一，果然係好介紹，一於拼盡試一下！首

過份，成層二樓火鍋場得兩個侍應，一個傳菜，想叫人擰點菜紙, 加湯， 追單，簡直都係妄想！！！！！埋單時好彩望一望，多收咗汽水錢。兩個人埋單$609食到一肚氣，唔駛旨意有下次！！！

近幾日終於轉涼, 打邊爐就最適合不過~😉😉之前經過大煲皇看見它的超大型花牌已經想試試看花牌真是好誇張 😆😆來到正苦惱吃什麼的時候店員推介了這個半自助海鮮火鍋, 👀$248 可以任食30款料同任飲, 好像蠻不錯, 所以就試了一來可以選剌身或雞煲, 好久沒吃雞煲的我們選了雞煲💗💗雞煲超好味,中辣剛剛好, 夠開胃, 雞件好滑, 無雪味, 多人分享最正😏😏連餐的海鮮拼盤非常新鮮, 都沒有腥味的, 貝殼類很鮮甜, 無沙,正,😍😍下次來可以試他們的蒸海鮮調味盤有好多選擇, 推介XO醬,足料,惹味😚😚芋頭好粉好香, 再飽都可以食多兩件。😎😎最捧的是他們的餃子, 蝦餃大愛, 皮簿, 餡料爆滿😋😋, 韭菜餃也是不錯的選擇牛丸好彈牙, 同外面一般d牛丸有不同,更彈牙爽口, 😎最特別是蝦丸,裡面真的有大蝦的,正雖然牛肉只有一盤, 但這麽多火鍋料可以任食都夠我們抱着肚回去, 太飽 😂😂阿姐服務OK, 跟單算足,有求必應整體坐得舒服, 四人卡位都幾寛闊, 抽氣系統不錯, 服務ok, 而食物雖然牛肉無任食, 但其他料都好夠, 水準中上, 真是適合一班朋友來 😁😁

物超所值半自助海鮮火鍋餐@大煲皇早陣子到荃灣探朋友，在朋友帶路下到了大煲皇打邊爐，他說這間酒樓非常爆，我們以為晚一點會人少一點，因此訂了９點鐘沒有想過九點多的平日，酒樓入面仍然爆滿，入面都是剛下班的ＳＡＬＥＳ和街坊為主，大家都大杯酒，大杯肉，開懷吃喝，氣氛非常熱鬧～　 火煱可散點或叫餐，店員推介下點了半自助海鮮火鍋餐，我們人不多，點餐食得比較多款式而且更有預萛。任飲任食，９點後入座更免收加一平時食自助火鍋，都是平價的啤酒，這裡則提供嘉士伯任飲，如果係好飲得之人，一下子飲上一打半打都成百蚊了醬料～一坐下店員奉上的前菜在等食時為我們送上的刺身，在肚餓非常的時間倍感美味，非常細心的安排 湯底都有好幾款的選擇，我們最後點了花甲水蟹鍋，用料豐富，而且入面大量花甲和一整只水蟹，愈滾愈鮮甜！湯底還有粟米， 蘿白 ，蕃茄等增加口感和美感 自選手切安格斯肥牛一碟，每一片都加厚，更具口感！而單看那雪花紋理分明，已知道上等靚肉稍為滾一滾就好食了～把牛肉涮成這個樣子是最美味，肉質嫩滑，非常腍軟，食起來很有肉味，牛脂在口入滲透著，沒有想過食放題可以有這質素的肉食環球海鮮盤！！！！是半自助放題必送的項目！嘩，太豐

大約2年前第一次同同事到長沙灣食過大煲皇雞煲幾好味，不過因為唔太就腳關係，一路都無再去過，今次爸爸生日，話想食雞煲，見荃灣竟然開左大煲皇分店，即刻訂定位全家出動陪爸爸過生日荃灣分店地方頗大，店鋪有2層，冷氣十分充裕，還有電視提供，非常適合聚餐！店鋪現時做緊$248半自助餐，包雞煲或刺身，一碟手切肥牛，再加海鮮拼盤，再加任食火鍋配料，岩哂我地班大食鬼！深圳雞煲 - 選了小辣，店家放入了莞茜，紅蔥，花椒，雞脾菇等調味，令熱騰騰既雞煲登場時已經香氣噗鼻，雞肉辣味中帶點甜，味道香濃惹味，雞肉嫩滑，不太吃辣的人都岩食！手切肥牛 - 肥牛厚切，脂肪紋理分佈好靚，牛味重，大大件但食落非常嫩腍豬骨湯底 - 又係非常足料，放滿大大件既豬骨，粟米（甜過我地叫既竹庶水）等材料，味道清甜海鮮拼盤 - 6人份量既海鮮（有海蝦，聖子，生蠔，龍躉魚？，大花甲，魷魚等），全部都非常新鮮海蝦：勁鮮甜同彈牙，唔沾任何調味已好食聖子同大花甲：雖然鮮味十足，但有沙，加上我地拾太耐關係，比較韌生蠔： 生蠔大隻肥美，家人至愛！魚：好正，魚質非常滑，魚皮充滿骨膠原其餘火鍋配料有約30幾款選擇，脆肉鯇肉質爽口，夠大件魚皮餃皮夠煙韌，

雖然夏天熱辣辣 但成日都心思思打邊爐朋友帶我來呢間大煲皇食火鍋半自助任食頭盤有得揀刺身拼盤或者雞煲 今日唔係好想食生冷野 所以揀咗個雞煲可以揀辣 由於我唔太食得辣 都係揀個唔辣雞煲算啦 上菜好快有得食雖然唔辣但係味道都好入味 湯底方便有六個選擇 我哋揀咗豬骨湯底 材料十足好多豬骨 絕對真材實料 侍應俾咗張任食紙我哋 張紙上面食物種類好多 可以不停咁叫同其他鋪頭唔同 佢唔會淨係俾少少你 碟碟份量十足 而且完全冇漏單嘅情況 要幾多俾幾多 炸魚皮大大塊 比起平時十幾文一包得小小 完全大讚蝦滑拼墨滑 2款都好鮮味 而且個調味較得好 吾會好咸烏冬吾係普通噹噹烏冬 有稻庭烏冬 果然特別滑同彈牙芝士丸係"真"芝士丸 中間d芝士熟左溶溶地正爗之前食過有D任食比D平價丸無咩芝士-_-海鮮拼盤上所有海鮮都好新鮮 見到侍應係即時係魚缸度拎鮑魚煮熟之後完全唔UN 花甲冇沙 清洗得非常乾淨食物質素非常之高 食打邊爐又點可以冇飲品所有汽水任飲 仲有竹庶水提供 我哋食咗一輪就已經好飽 食吾落下一輪

因現在於葵涌那邊上班，所以經常會到荃灣這邊吃Lunch和Dinner，這晚又與幾位同事一同來到荃灣的大煲皇吃火鍋。半自助海鮮火鍋每位$248，另收茶芥及加一，價錢一般，屬市場水平，但不怎具競爭力。湯底有六款可選，包括蕃茄牛腩湯、花甲水蟹煲、豬骨煲、麻辣水煮魚等等，我們選了花甲水蟹煲。多款汽水及竹蔗矛根水任飲，後者清涼解渴，生津滋潤，打邊爐必備。海鮮拼盤即叫點即劏，非精新鮮，有大元貝、鮑魚切片、花甲王等等。元貝出奇地鮮甜嫩滑，並不像一般的淡而無味而鮑魚既新鮮又爽口彈牙!任點的羊肉片非常香濃，羊味濃厚到位，帶微微羊羶香，毫無冰鮮味手切安格斯肥牛片不是任點，只送一碟，色澤鮮紅，油脂比例不高，肉味亦較濃郁可恨的是只有一碟當湯底愈煮愈濃，吸收了海鮮、肉類的精華後，此時候放下響鈴輕灼數秒，半脆半腍的炸腐竹香加上香甜湯底精華，是我的最愛。

有少炒同打邊爐既食店 兩年前食過長沙灣總店都覺得邊爐好好味， 今日見到有半自助餐 即刻去試下限時2.5 小時 248 蚊位既半自助餐打邊爐(計埋茶芥小食 或者假期加多10 蚊位， 加埋一 大慨300 位)入面包既野1. 深圳雞煲or刺身，我點左前者雞煲上枱熱辣辣 , 深圳雞煲 係唔辣但比較重口味 落左好多葱花 醬汁 洋葱等等， 但整個煲比較乾身 雞肉好多 就算冇一隻但一定多過半隻雞， 而且雞肉除左盡吸醬汁味 仲十分嫰滑 推介！2. 6選1.火鍋底， 點左花甲水蟹鍋湯底盡吸 蟹肉同花甲 既味道 仲有粟米， 蘿白 蕃茄 冬菇 令到成個湯十分新鮮 鮮甜 要黎邊爐十分適合 !3. 手切安格斯肥牛一碟牛肉脂肪 同肌肉成37 比 食落九少少油脂 得黎又帶有少許牛肉既煙韌， 牛肉味濃程度大慨係一半半 好味4. 環球海鮮拼盤有鮑片 海蝦 扇貝 生蠔 魷魚 大花甲， 全部都十分新鮮 尤其係鮑魚同扇貝十十分 鮮甜 超正5. 30 幾款 menu上既打邊爐料任食估唔到任食既火鍋料質素都高， 雲吞蝦夠大夠新鮮 , 九菜餃應該當日先包 充滿九菜味， 炸魚片即炸 , 日本黑豚肉 肥瘦適中 口感鬆軟， 冰豆腐新鮮，

阿女話荃灣有一間任食火鍋想和我去吃下。阿女近日和我去不同地區吃飯，她話想陪去吃好D呀，我和阿女不是大食的人。對任食的食店興趣不大，阿女又話想吃下，做人父母陪下她試下啦，我和阿女對荃灣不是太熟悉。花了些小時間去找大煲皇，火鍋配料好新鮮。它用蒸氣來吃火鍋十分特別。味道又幾好。服務都OK.環境稍為嘈些小。十分抵食

近來吃得太多蒸氣海鮮想轉下口味，上星期和屋企人去了筌灣行街，屋企人想吃火鍋，屋企人問我有咩推介，每次外出吃飯時間，屋企人話交給我去負責找餐廳，今時今日上網塭餐廳十分方便，見到這間多人推介餐廳，決定去試下這間大煲皇，因為不熟悉這區 ，花了時間去揾路,最後找到這間,價錢又不是好貴，仲要是任食海鮮和肥牛,這裡的海鮮十分新鮮，可能採用蒸氣爐，個火力度不夠猛 ,服務亦都OK,環境都可以，稍為嘈咗些小，地方都十分適中,價錢十分平民化,屋企人大讃有水準味道特級肥牛,牛肉十分新鮮，肉質好嫩滑海蝦 ，十分大隻呀，蝦肉清甜可口聖子,第一次見咁大聖子,聖子肉質美味可口湯底,揀了南瓜湯。味道好清甜。又不會太咸，十分好飲服務我覺得都幾好呀,店員有禮貌，主動介紹有什麼值得去叫環境地方適中,稍為嘈咗些小。可以接受價錢250元十分抵食