大煲皇煮廚 (已結業)

之前介紹荃灣一鍋堂嘅時候都提過「烚下烚下」係港人至愛，話明至愛又點會得一間心水咁少呢！如果你嫌一鍋堂太難搵位，其實喺荃灣我都有另一間火鍋店長期喺我嘅「我的最愛」入面㗎！佢就係「大煲皇」喇！▼大煲皇距離荃灣搵食熱點「大鴻輝」只係幾分鐘嘅距離▼剛開業無耐嘅時候，佢只有散叫嘅火鍋，不過去到近年佢已經演變到有任食火鍋，甚至有海鮮任食嘅蒸氣火鍋！任飲任食火鍋收費$248一位（未計加一），另外附送海解盤、安格斯肥牛、刺身或燒鵝二選一。▼免費湯底共有九款，除咗一般湯底仲有雞煲可以選擇，想食好啲仲可以加錢試其他湯底。而蒸氣海鮮火鍋收費為$368一位（未計加一），包含頭盤（刺身或海鮮），一款粥底（如車瓜排骨粥）。任食配料方面有各款海鮮、蟲草雞同釀豆卜等。最特別嘅係連甜點都有得蒸，好似馬拉糕同紅棗糕等，睇落好吸引。不過利申，本人平時係食開散叫，未試過任食同蒸氣火鍋，因為價錢比較貴，如果大家有興趣可以自己一試。▼回歸主題，大煲皇雖然食咗無數次，不過每次我哋都一定會叫呢個「濃湯翅群雞煲」，唔好睇佢好似油油地咁，但其實雞味濃得嚟之餘，一啲都唔肥膩。▼唔好睇佢料少少，其實入面有瑤柱、魚翅、大半隻雞同埋一大塊冬瓜墊

第3次黎打邊爐， 次次都叫最貴既手切牛， 次次都覺得好食，其他海鮮既靜係食過大蜆同筒蠔， 都好生鮮，魚卜同牛筋丸唔建議叫因為真係無特別。 同埋佢地西洋菜同皇帝菜都好爽好食， 無渣。 最近呢次見有生蠔食，試左幾隻都好新鮮有海水味。

我無寫過一篇咁長嘅食評 但係今晚發生咗一件好嚇人嘅事情 不得不分享一下...😤今晚一行三人嚟打邊爐 起初經已發覺啲碗碟好污糟 唯有自行攞滾水清潔一下啦 點知開始打邊爐無耐 發現一隻曱甴响枱面行走 😱 即刻叫阿姐啦 阿姐徙手就將隻曱甴消滅 加一句『洗手』就行咗去喇 我哋當然目定口呆啦 😵因為已經開始咗喇 唯有繼續 因為曱甴依家嘢呢 就一定响有嘢食嘅地方生存嘅 以為只係我哋唔好彩見到佢啫 點知說時遲 那時快 竟然有另一隻曱甴出現响個落單紙插座度 😱 頭先徙手捉曱甴阿姐唔响附近 唯有隨手叫身邊嘅哥仔姐仔幫手啦 點知佢兩個應該無經驗 都係要離遠叫頭先阿姐處理 佢話咁快又處理好😨 其實當時有個著便服嘅叔叔响側邊 佢似係話得下事嘅 但係佢都係行開就當無事 😤成個過程簡直難以置信 佢哋好似唔當一回事咁 消滅咗隻曱甴就當無事 道歉都無 我哋唔出聲唔代表無嘢囉 重點係間舖頭由上而下對於衛生要求嘅標準令人髮指囉😡 佢哋嘅衛生程度可想而知 仲要每人俾$300 老實講 食物一般 果個報稱嘅刺身 依家諗翻轉頭都驚 同埋呀 依個價錢真係大把可以選擇囉 你哋真係要三思一下至好決定去唔去食囉

其實已經嚟過無數咁多次，點解會嚟咁多次好簡單！好多地方越食質素越差，喺呢度絕對唔係！次次都係咁新鮮，250幾蚊一個人，喺荃灣區嘅任食打邊爐來講屬於偏貴！（未計另外叫象拔蚌）但係當你食過之後就發覺佢係絕對抵嘅！由於去咗好多次嗰度老闆都已經認得我，佢嗰度即開生蠔超級新鮮唔好講笑，但係我次次都同老細講係唔係買一送一？跟住佢就笑笑口最後都係買一送一做俾我超好人，同埋佢象拔蚌刺身又係好抵食，其他食品亦都好新鮮，別係要一提嘅就係嗰個新鮮鵝腸，平時系出邊如果係火鍋店叫都要成＄70一碟佢呢度竟然任食冇因為係任食而揸流攤，嗰啲烏冬即係我最愛嘅真X稻庭烏冬，任飲啲汽水，講最緊要嘅重點比你哋聽！呢度成班人聚會傾計一流，佢話就話兩個鐘頭但係如果冇乜人係會俾你繼續錯超好，啲服務員個個服務態度都唔錯架，所以真係好值得推介

出左少少BONUS，請爸媽來吃個痛快，選擇了全包任食邊爐，侍應就送來一碟燒鵝，啖啖肉，唔會好肥，好耐無食真正燒鵝，幾好味的!******************************之後再來一碟送既安格斯肥牛，睇落幾得，唔太厚，淥熟之後食落唔會好UN。******************************我地揀左太公魚頭湯底，有好大陣既中藥材味，第一次食藥材湯底唔太習慣，愈煲愈濃，媽媽幫忙夾起藥材，魚頭就爸爸至愛，不過滾多兩滾就散曬。送既三人份量海鮮盤，全部都係三大隻，大蜆，蟶子王，蝦都新鮮，蝦好爽，呢碟野都幾滿意，除了生蠔可能浸得太耐水係無味的。******************************開始點野食，父親大人讚魚皮，話大大塊而唔係碎既係靚野，不過...........超咸，浸湯都好咸否則可再encore 架..響鈴係正常野，無COMMENT.******************************海鮮盤既蝦新鮮又爽甜，所以要再叫，不過每次得三隻，寫左幾次單囉.........花膠就一般。******************************牛得一種揀

去開荃灣實在太多美食，真係有d選擇困難想找個地方坐得耐d又可以慢慢食吹吓水，經朋友推介，就選左大煲皇，呢間店有幾款選擇，可以選健康d既蒸鍋和任飲任食火鍋，最後我哋選左任食，見任食需然唔算平但都好多選擇，而且找數時唔使煩計數，有冇收多錢任食火鍋個九個免費湯底都好正，所以冇加錢轉湯底，送既刺身拼盤或燒鵝，我哋就選左燒鵝，見佢送上來係例牌size，食落啖啖肉冇肥膏，皮好脆但我覺得味道就鹹少少，不過都好好味，我見隔離枱就選左刺身拼盤，望落都好靚好吸引食緊燒鵝時，其他火鍋配料就送上，睇落都好靚，送個碟安格斯肥牛，真係好正，好有牛肉味，肥瘦適中環球海鮮盤，有蝦、蟶子、蜆、生蠔、帶子和鮑魚，樣樣都好新鮮好大隻蜆和蟶子食落冇沙，好鲜好彈牙，除左以上送既海鮮，其他任點既食物中，都有d貴價食物，例如：花膠、海蝦、帶子片和白鱔片，還有很多食物選擇，墨魚滑就好彈牙，而炸魚皮就薄而脆其他食物就唔多講，整體都中上，但本人覺得唔好叫油炸鬼，唔係幾靚講吓個湯底，都好足料，好好味，蘿白好冧，好多舊豬骨，好好肉，唔錯汽水任飲，都有好多款選擇：荔枝綠茶、東瓜茶、烏龍茶、可樂等另外，在fb上載相片like&share送小食一

朋友話呢間邊爐坐得舒服又好味我即刻book同屋企人食，仲有得用openrice 優惠！我地先叫manager推介的黑松露什菌湯底我同屋企人都超級鍾意唔淥野都要飲2啖先！佢d料好多，黑松露味都好出，成個湯好清甜鍾意食菇的人真係唔可以錯過

星期五去了吃火鍋，由於九時後入座較便宜，我們九時多才到門口。到了要等一會兒，入座後點了任食火鍋，當中包括肥牛、刺身、海鮮拼盤，海鮮拼盤新鮮，也很好吃。大約到11時，開始有煙味，起初以為是廚房裏有人吸煙，後來發現是幾枱客人在吸，但職員完全沒有理會，最後我們盡快離開了。結論：食物質素：高，員工服務態度：還好，但9時後入座很大機會要聞煙味，這點需要改善。

四位靚媽， 每月一聚， 約埋出嚟食餐好嘅 ，上網見到呢間D食評幾好，仲係$248任食 ，就一於嚟呢度啦。 訂咗位七點半，黎到唔使等位即刻可以入座 。睇下餐牌先，$ 248一位任食，但其實加埋啲小食呀，茶介呀嗰啲， 大約要$290 一位埋單。 我哋揀咗胡椒豬肚湯底 ，唔記得影低佢好似仲有醉雞湯底， 鴛鴦湯底等等有九款俾你揀嘅。醬料自己撈送嘅精選刺身拼盤 手切安格斯肥牛環球精選海鮮拼盤 ： 包括有 蝦，帶子，蟹， 蠔 ，龍躉， 蟶子任點任食就係呢下呢個表最抵食嘅就係肩胛肥牛同埋帶子片， 好少餐廳可以有 任點任食嘅帶子片，質素仲幾好喎~其他食物質素都算幾新鮮嘅， 總括嚟講都算幾好食 應該會再有下次~

6個人食左$1815蚊 打邊勞套餐任食，所有食物唔新鮮得黎仲要好好好難食，係得肥牛食得下、但肥牛都無咩味而且太厚，每次比一碟，豉油仲要酸的、店員話係咁、野飲唔算多，都係d普通平野、呢個價真係貴，食百幾蚊任食果d好味幾陪，不會再去食！

食過咁多次火鍋，呢間火鍋店都算係唔錯，食物海鮮都新鮮，必食肥牛、芝士丸、打響鈴最好係可以任食非常新鮮嘅帶子。座位比起一般火鍋酒樓都坐得舒服， 唯一不足嘅地方就係有溜單情況，但唔算嚴重，提一提侍應，好快送到黎。今次好在book咗位唔使等，嚟到見到好多人，建議大家一定要book， walk in 有難度。

蒸海鮮不再新奇，但服務佳，海鮮新鮮，又抵食卻不易找。今次我們選了瑤柱淮山粥底，希望清淡口氣不會蓋過海鮮鮮味。先上贈送的鱆紅魚。一向對火鍋店的刺身無大好感，今次也沒有改變我的想法，只是刺身尚算新鮮，肉質彈牙，但和鮮甜有點距離。隱約看到相內的前菜嗎？是炸三文魚，香脆不油膩，不太咸，佐酒一流！沒有另外收費卻有這種質素，實在驚喜！尖尖藤蓋蓋著的，是侍應姨姨稱很「先進」的鍋，其實這是看似洗手盤設計，看似「去水位」的則是出蒸氣之處。侍應姨姨強調，這個設計衛生方便，不必加水，因為桌下已有蒸餾水加到鍋內。正式開動，先來龍蝦真是超新鮮，仍然在動的龍蝦，看得我們心毛毛，好像有點殘忍呢！但大大隻又生猛的龍蝦，怎看都是美味啊！幾分鐘後，龍蝦已熟，侍應姨姨全程協助放好，計時，起蓋，分龍蝦。龍蝦肉脹卜卜的，又滑又爽又甜，完全不用加調味！相比之下，蟹就比較細小了，不過都有膏，而且肉味鮮甜，蟹味濃，蟹小而肉也多的。侍應姨姨教我們把濃味的可後一點品嘗，加上拆龍蝦和解需時，她先為我們蒸貝類，分別有桂花蚌、元貝，都是清甜味美，不是硬硬的老貨色。蟶子是用蒜蓉粉絲上的，陣容很盛，蒜蓉很多，難得的是沒有過咸，沒有蓋過蟶子的鮮味。

星期一既晚餐,order左蒸氣石鍋海鮮餐,9點前入座計每位$368。首先包左3款海鮮頭盤啦,自選5款海鮮再加其他火鍋配料任食,汽水啤酒竹蔗水任飲。頭盤活魚刺身: 爽口好新鮮,點壽司醬油一流貝殼盛盆: 無沙, 爽口鮮甜美國龍蝦: 開邊蒸啖啖肉, 好彈牙自選海鮮揀左鮑魚仔、蟶子皇、桂花蚌、象拔蚌仔&龍躉件,全部都非常新鮮好味任點任食必點肥牛片,原來清蒸都可以咁正,忍唔住食左3 round,牛味濃而且嫩娃娃菜清蒸保留左水份-鮮甜。今餐食到好飽好滿足

9點前去到、本身Book左位但都要等左40分鐘、問我地介唔介意坐樓下、廢是再等所以都照坐、侍應唔夠人手、樓下只見有一個人間唔中走落黎送下野食、等個胡椒豬肚鍋黎等左15分鐘、等佢滾又等10分鐘,湯冇咩味、海鮮麻麻地、有沙、牛肉已經算係唔錯了、環境唔太好、張台我用濕紙巾抹完是咖啡色的。 我睇完其他的食評、覺得大部分讚好的食評都是......（自己諗）如果這個價錢、我不會再食第二次。

除夕夜黎食任食，真係超抵食$238包埋加一！湯底多選擇！今次加$68轉花甲水蟹湯👍🏻👍🏻蟹多膏花甲又多！任食有魚生拼盤，肥牛同海鮮拼盤！食物用料真係好新鮮！任飲汽水，綠茶，烏龍茶...真係宵夜首選😁😁上次食既