影片
以上資料只供參考, 請與餐廳確認詳情
經過大班見佢d蛋糕都幾多款又幾靚下，所以買左個法式浪漫（法式焦糖布甸蛋糕）試下，價錢優惠左系$168.3。睇個樣都唔錯，切開黎系一層海綿蛋糕一層布甸。但食落口真系幾伏。cream唔軟滑，成個蛋糕同布甸死甜，海綿蛋糕無蛋香。話系焦糖布甸，但完全食唔出焦糖味。我同屋企人食左一件完全唔想繼續食。唔怪之得大班甘冷清無人買蛋糕啦。因為食得太無癮，第二日去買左日本c字頭蛋糕店既切餅，果然有d野唔慳得。
繼續閱讀
之前有大班$25現金劵,一於豪d食貴包可惜用現金劵買唔到$23/3個包(16:00後特價)鮮奶蛋撻去到就見出爐所以試番個直徑9cm奶嘅脂肪味聞落唔濃,不過連埋撻皮嘅雲呢拿味一齊聞提升左d奶香撻皮可能因剛出爐,好軟唔似曲奇或者可能入袋焗住水氣所以好軟不過食落燉奶奶香配溫呢拿皮好襯,好甜個人覺得匹比東海堂(當然冇咁濃奶脂香)香桃丹麥酥見到個樣有d似煎蛋有桃,吉士同牛角包(鹹)吉士唔少,食落甜的吉士同鹹的牛角酥好配合,有d似泡芙,不過覺得塊桃好搶味,食埋一齊就冇吉士味,所以建議吉士+牛角酥 & 桃+牛角酥 咁食tips: 有時食唔出吉士味可以咬完留響舌頭等等就食得出架喇朱古力合桃方塊(驚喜) 之前見到就想試佢,聞落可可味好濃,食落質地結實,多合桃粒,外表有一層朱古力包著入面朱古力包,外貌似brownies食到好濃可可苦味,加埋合桃果仁苦實味,反而苦得好食,入面有溶化朱古力粹增添甜味但又唔會搶過可可味,推薦俾鍾意食可可苦味嘅人$9蚊,足料可充肌,好~不過咁濃可可味,要留到最後食,tips: 食前雪一雪入冰箱可增甜整體黎講三種都好食,不過原價真係貴,唔會捨得經常食
繼續閱讀
當日SISTER又想食朱古力孖寶卷,所以拜託我買~但係另1款口味的橙味賣剩5條裝,但朱古力味只賣剩2條裝only,別無選擇的情況下,見到今日出售的朱古力孖寶卷的朱古力麵包部份比較少…… 可能廚房缺乏朱古力粉吧…幸好食落去朱古力孖寶卷 又唔會很少朱古力,朱古力份量總算適中的~
繼續閱讀
路經大班，看見現時的冰皮月餅，款式多多，林林總總，最重要的是，有很多口味都未曾嚐過，後來知道某信用卡提供優惠，可以用99元換購四款冰皮月餅，機不可失，馬上選了以下四款，提早迎接中秋的來臨記得以前見到的保溫袋是銀色的，未見過金色的保溫袋，可能專門是用來裝載散裝月餅，有點庸俗。大班的冰皮月餅，個人是蠻喜歡的，冰皮夠薄，綠豆蓉稠濃適中，不太甜，可以多吃幾口 奶凍抺茶--綠豆蓉內的抺茶味是有一點，當然只是淡淡的味道，更欣賞的是中間包著大舊的奶凍，口感滑溜溜，如果奶凍都是由抺茶造成，可能更好味 法式焦糖布甸--四款冰皮中，感覺最差的一款，看到月餅中間的焦糖布甸份量，少之又少，已經心知不妙，吃下完全感受不到何來焦糖布甸的味道，跟普通的冰皮月餅沒甚分別心太軟--千萬不要被名字騙到，正常來說，吃冰皮月餅要冰凍時吃，至於心太軟則需要有點微暖，朱古力呈半溶狀態為之最合適，所以在一般情況下吃冷冷的冰皮月餅，又何來可以吃到半溶的朱古力呢？雖然沒有心太軟，但是綠豆蓉的朱古力味尚算十分濃厚，甜度適中，加上中間點點真正的朱古力，可以一試 流沙蛋黃--若果閣下愛好咸蛋黃，這款冰皮月餅絕對可以品嚐一下，月餅中間藏著的，並不是一顆咸蛋黃，取而代之的是蛋黃蓉，不過由於蛋黃本身實屬惹味，所以十分有蛋黃的味道，相比起傳統的蛋黃月餅，沒有膩口，只有清新的口感
繼續閱讀
大約 5 月中，見到新墟 <大班麵包西餅> 搬咗喺大眾銀行隔離；就算新開都無咩人幫襯，相信價錢及質素等吸引力有限。事隔差不多一個後，經過新墟，連大班原址嘅美心西餅都開埋，反而人頭湧湧買特價麵包；見咁多人，走入<大班> 睇吓有咩啱心水！門面有 macaron，可惜，只係陳列品。 如果，有得賣就好嘞！其實，大部分麵包款普普通通！無驚喜！ 無新鮮感！最終，俾我搵到有款特別少少嘅麵包！ 捲心芝麻多士 $10.5可以一開 6 片，切開後賣相認真麻麻地！灰沉沉！ 勝在包質鬆軟！略帶咸味！芝麻醬不多，只有些少甜味！平平地食得過！ 作為早餐 / 下午茶亦不錯。另外，見到有些貼有紅點特價麵包，買兩個平 $1，吸引力有限！假如，加 $1買多一個又唔同講法呀！ 係咪？之所以，俾美心搶咗不少生意囉！
繼續閱讀