大甲芋圓

營業中

休息中

知道天水圍開左芋圓糖水舖，今日專程來幫襯~ 兩人share左個焙茶牛乳芋圓，不用3分鐘就上枱了，見到有焙茶雪糕浮喺牛乳上面，用匙羹撈起就見到d芋圓同紅豆，唔算多料。焙茶雪糕味道ok, 但牛乳略嫌冇咩味，芋圓夠彈牙，但整體比較淡

招牌大甲芋圓($28)▪️之前天瑞商場依個鋪位係木子甜品，都係賣芋圓，我覺得meun有9成相似，味道都有9成似😂改頭換面(?)叫左碗招牌大甲，乜都有齊可以試晒🤘🏾三色包心芋圓，芋圓，芋泥，芋頭雪糕，仙草底，入口滑溜 少少咬口，甘甘的味道，芋頭雪糕🍦少甜偏冰感，芋泥就偏重奶味，有點甜，不過有顆粒質感，入口有層次d，地瓜，芋圓味道偏淡，但口感好煙韌，最喜歡包心嘅芋圓，包住綿綿嘅地瓜泥/芋泥，外皮有嚼勁夠彈牙😚

今次真係山長水遠入左天水圍食芋圓，事關早排見有個雜誌post話推介呢間「大甲芋圓」排頭4位？所以趁放假去check it out~星期六下午2點幾去到，唔太多人，唔洗等位。店舖不大，座位比較少，坐得舒服，最埋邊靠牆有個bar枱位。望望張menu芋圓配搭選擇算多，可以配豆花、紫米、仙草。招牌大甲芋圓男朋友9秒9就揀左招牌款，配料好豐富！有3色芋圓、包左餡嘅大粒芋圓、仙草、芋泥、芋頭味雪糕，咁多料都只係$28好抵食！芋圓煙煙韌韌，仙草清甜滑溜，我們覺得最驚喜係芋泥同雪糕，好重芋頭味，而又唔會太甜。紅豆仙草芋圓芋圓、仙草同招牌一樣，粒粒紅豆蓉，唔太甜，配芋圓一齊食都好夾！個雪糕食落好似椰子味？味道就偏淡，冇招牌果個芋頭雪糕咁好味。

之前成日經過見到間鋪好多人排隊，諗住實無死，就去幫親啦，坐底叫左個椰果紫糯米芋圓，黎到先食啖紫糯米，xxxx，甜到xx，好似食梗幾啖糖咁，算～食埋個芋圓，香口膠咁趙唔爛，個雪糕淡而無味，前後食左3啖就埋單走人，成碗野只能用垃圾形容！！！咁既質素都有咁多人排隊，佩服！

之前嘅［木子甜品］同一個舖位，前後兩間都係主打賣芋圓。［木子］嘅質素雖然唔係話好高，但個人認為點都好過呢間［大甲芋圓］囉。環境方面 店舖嘅裝修都ok，但地方都幾細下。座位勁少，不過好彩早尼冇乜人。竟然係店面度放一架處理廚餘嘅車係咩挽法？？食物方面 真係 超！伏 ！叫左兩個招牌大甲芋圓($28×2)，一個椰果豆花芋圓($23)，一個芋泥豆花芋圓($23)。碗招牌入面有一球白色嘅芋頭雪糕，一pat野咁，完全冇味，質感勁奇怪！食左勁耐都唔知係咩尼，真係唔睇翻個餐牌都唔知原來呢一舊叫雪糕 。紫色嘅果球芋泥就起碼食到有芋頭味，但都唔係好食。包心芋圓同芋圓就好似食緊膠咁，仙草都好膠冇乜味。真心可以改叫 招牌雜膠。另外兩碗豆花都有芋膠，最勁嘅係個豆腐雪糕竟然比個豆花更有豆味，真係唔知講咩好。到走嘅時候仲要排左十幾分鐘先埋到單🙃

紅豆豆花芋圓 $23 + 蘆薈仙草芋圓 $23為左食芋圓可以去到幾盡？就係可以山長水遠走入天水圍食。星期日晚上21:30去到，門口都有唔少人等緊位，但等大約5-10就有得入座，唔錯唔錯。-落完單5分鐘唔洗就有得食，超快。1️⃣ 紅豆豆花芋圓 $23-面頭嘅豆花雪糕 & 豆腐花都好香豆味，食落好fresh。豆花做得好滑，配埋紅豆一齊食，真係好好味。-✔️芋圓有地瓜&芋頭味，雖然我食唔出地瓜&芋頭味，但芋圓本身好煙韌、彈牙，而且數量都唔少，至少有10粒。-2️⃣ 蘆薈仙草芋圓-面頭嘅椰漿球撈埋仙草食好香椰味。-不過相比起豆花芋圓就會覺得冇咩特別。-回頭指數：8/10 （豆花芋圓有驚喜，而且$23真係好抵食，不過係天水圍就遠左少少）-埋賣係去收銀度比，排左至少10分鐘以上都未埋到張單。

突然想食芋圓，見到天瑞開左間新的甜品店，剛好有芋圓，就買黎一次。天水圍台式甜品店唔多，突然想食台灣芋圓可以黎呢到過下癮。呢間店前身都是一間甜品店，門面裝修簡約整潔，重幾文青。價錢唔算貴，幾親民！今次我叫左芋泥豆花芋圓，我幾中意咬落去煙韌，見到有d食評寫佢粉粉地，但我今次食又冇呢個問題，係煙煙韌韌，係芋頭味唔算好出，好彩有芋泥加返d味，地瓜圓反而有驚喜，又煙韌又有味，豆花都唔錯，雖然唔算好滑，但豆腐味幾重，呢個價位都算係咁架喇！重有呢個唔似雪糕嘅唔知咩野，係冇味嘅！整體黎講係幾抵食，過下癮都唔錯嘅，如果芋圓再多d就好喇！

第一次寫食評～之前上網睇到有人介紹見賣相不錯 價錢又唔貴 就試下買左個招牌大甲芋圓 有哂幾種芋圓同埋勁多仙草 加芋泥同芋頭雪糕各一球料係好多 但味道真心一般仙草食唔到有味 芋圓味唔突出成碗野淡貿貿🤔唯一可取是果球疑似芋泥雪糕既野食左半碗就放棄左👋🏻

佢開左咁耐一路都好想試.終於經過買到喇..返到黎屋企一食.好失望.！芋圓好似唔太熟..仙草還可以..但整個沒味道咁..呢芋泥都係還可以...除左芋圓唔夠透..都可以既..但下次就.....

屋企樓下新開一間芋圓專賣店，對於屬於芋圓迷的我黎講相當吸引。Happy friday與男朋友食完晚飯專程黎拜訪一下。一到步已見到門外圍了一埋人等外賣，仲擔心是否需要等位，幸而尚有高枱位置，可以直入。由於我地已經食過晚飯，所以只點了一份招牌大甲芋圓。招牌大甲芋圓內有仙草、芋泥、芋圓地瓜圓、包餡芋圓及大甲芋頭雪糕。今日天氣又熱又濕，我地都十分期待食到冰涼的甜品。而芋圓製作都很快，2分鐘左右便有得食，但食落卻十分失望。先講講芋圓，芋圓質地煙韌，但就食唔到芋頭同地瓜的味道，似現成買來的貨色。芋頭雪糕口感不似雪糕，雖食到芋頭味，但甜味欠奉，同芋泥十分相似，只是一冷一熱的分別。仙草夠滑，帶微甜。而整個招牌大甲芋圓只靠仙草的微涼及微甜支撐。對於一間標榜是芋圓專賣店的甜品店，招牌芋圓只有這個水準，我地真是十分失望，沒有食完整碗就離開了。只能說一分錢一分貨罷了。

新开的糖水铺 位置不大 由于我跟老公刚吃完下午茶餐 只点了一份招牌芋圆share 坐下没多久就上来了 芋圆一般 芋头雪糕一般 仙草不够滑嫩 总之太干 没有吃糖水的感觉 隔壁的铺头还在装修 吵得我们吃完马上就走了

天水圍天瑞村新開左一間糖水店，昨日突然心血來潮想去試吓。呢間糖水店嘅匙羹同埋紙巾都放咗喺枱面上，我諗應該係方便好似我呢啲人客自己去拎匙羹同埋紙巾去抹嘴(>^ω^<)首先叫咗個紫米芋圓，上面有一個好大嘅波波球，波波球係椰子味嘅，似雪糕。下面就係紫米，唔會太甜，甜度適中。(⁎⁍̴̛ᴗ⁍̴̛⁎)另外叫咗個抹茶牛乳，上面真係有個抹茶雪糕㗎，下面就係牛奶。最後買單50一蚊兩個人。紅豆紫米芋圓就$23，抹茶牛乳芋圓就$28。

掉空了數個月，前木子甜品的糖水店終於租出，變了大甲芋圓，弟弟在想會不會只是木子甜品改其店名，新瓶舊用。我都不管這麼多，起碼不是街市裡糖水店獨市生意，多一個選擇。既然店名名大甲芋圓，芋圓絕對是它的招牌吧，我們全家就吃招牌大甲芋圓，包羅萬有，一次過吃到仙草，芋泥，地瓜圓，芋圓，包餡芋圓及大甲芋頭雪糕。大甲芋頭雪糕嚐起來挺濃厚芋頭香味，不過質感完全不像雪糕，也不是雪泥，我們超好奇這球白色的究竟是甚麼，雖然它很好吃，可是它不是雪糕。地瓜圓和芋圓煮得過於生硬，相信是因為太多外賣自取，故店鋪快速煮過便算，欠缺芋圓，地瓜圓所具備的彈性，亦零芋頭，地瓜的香甜，弟弟吃了幾顆後已不想再吃，說很難吃。相對包餡芋圓較地瓜圓與芋圓好吃，始終有內餡嘛，儘管芋泥，地瓜泥不算太甜美，它有味道已屬不錯，它亦沒有那麼硬邦邦的，叫作容易入口。總結來說，如果一間以芋圓，地瓜圓作招牌，卻如此失色，很難讓食客相信其他糖水的水準。弟弟說他不會再吃這裡的芋圓甜品，別的款式糖水可能都會試試看。

終於都等到開左新野 係糖水店 想試左幾日 但係經過左兩晚都好多人 見到咁多人還連外賣都唔想等 所以今日見三號風球時間尚早 快點買兩碗返去同仔仔自私食先 企門口姐姐同落單哥哥都有笑容同禮貌 令客人感覺舒適的仔仔最近有兩聲咳 揀左個熱的川貝麥冬燉雪梨入面有半個梨 有點雪耳 試左一口 幾清甜見到仔仔好快食晒 似乎好滿意喎自己就揀左個紅豆紫米芋圓芋圓好有咬口 三樣野一齊好夾 岩我條脷期待下次再試其他野兩碗野無記錯好似一共$48價錢夠晒大眾化