大皇拉麵小籠包 (已結業)

本人甚少寫食評, 尤其係不好的食評, 但今次真的忍不住即日寫番個劣評~今日我地三個女仕shopping了一整天, 逛到嚟尖東, 已經行到好累, 雖然肚子不太餓, 但又夠晒鐘食晚飯, 加上食過晚飯就可以各自返屋企, 於是到處搵食。個人對西式食物興趣不大, 而且我們三人又吃得不多, 於是揀了這間大皇拉麵小籠包入內, 諗住隨便吃點東西就可以~一入內侍應尚算熱情招呼, 剛好有卡位供我們三人坐下~但只是一坐下不久, 已先後有兩個侍應問你要點甚麼食物, 外加一次問你要唔要點小籠包, 似乎真的太心急了點吧~遣走了侍應後細看餐牌已覺得有中伏的感覺~一來選擇不算多, 最重要是價錢真的超乎我們想像中貴~一籠四隻的小籠包要$32, 比翡翠拉麵小籠包及夏麵館還要貴~本來貴不是問題, 但一看周圍環境, 完全是茶餐廳的格局, 試問如此的裝淇怎值這樣的收費呢?好了, 既來之則安之, 我們研究了很久, 終於點了一籠共四隻的至尊小籠包($32), 一碟大皇炒拉麵($52), 一個糖醋魚塊飯套餐($48), 套餐包一杯飲品~初時我們其中一人還說擔心點了一麵一飯及小籠包會吃不完, 但當麵及飯端來時才發覺實在擔心得過了頭,

我同女友特登過海黎尖沙咀想試兔角，點知冇開門。因為好餓，所以求其響度醫肚。一入去見到 d 裝修好 hea，待應阿姐大大聲傾計，加埋廚房傳出既收音機聲，完全係茶餐廳感覺。呢度有幾款小籠包，有豬 / 蝦 / 雞 / 蟹粉... 我地因為未試過，所以好奇點左雞肉小籠包 ($32 / 4隻)。小籠包個樣幾奇怪，大隻同幾厚皮，食落 d 餡同普通豬肉小籠包冇分別。我地好仔細咁食，都食唔到一丁點既雞味。我地懷疑落錯單，於是問阿姐...「呢個餡係咩肉？」「雞。」「但我食到係豬黎 wo...」「係有雞有豬混埋左。」咁我估 d 雞佔一成都冇 講返小籠包既質素－－比翡翠拉面小籠包差，但仲要貴 d !!!另外點左雜菜炒拉面 ($56) & 清湯牛腩面 ($4x)。雜菜炒拉面真係非常 hea，即係豉油王炒，女友話夠鑊氣 wo，不過咁既價錢真係超唔抵。牛腩面份量細，牛腩一睇就知放左好耐、縮晒水，咬落亦非常 "un"，比魚米家既牛腩差好多倍!!阿姐態度好差!!一開始點左小籠包之後，佢就俾左兩隻碗我地。後來我地再點兩個面...面一黎到，佢就聲都唔聲拎走左兩隻碗!! 下?! 咩意思?! 即係要我地響個裝面既碗 / 碟上

番夜校之前去左食碗晚餐，見到尖東有間上海野小弟入去試下，點知呢間野令我覺得唔食好過食...叫左碗東坡肉拉麵，非常un好似唔熟甘，湯底冇味，東坡肉得肥膏，得十份一肉，個十份一肉冇味非常難食小籠包皮非常厚，岩岩蒸起都已經乾皮硬晒，好難食這間東西令上海食品蒙羞，上海食品甘妹味，點解佢可以整得甘難食，仲旌過超市買既急凍小籠包!!!!!!!!!!!!!

呢間野叫自己做上海菜，仲哀過街邊麵檔，叫左個肉碎擔擔麵，個湯希lau lau, 拉麵麵條勁厚又un, 再叫左個至尊上海小籠包，個皮厚到跌落枱面都唔穿，可能屋村酒樓司傅都好過佢，埋單啦，我前後共講左三次唔該，個阿姐無講過一聲多謝、唔該之餘，連笑下都無，得罪佢咁。我無下次，希望各位唔好有第一次！

First time to eat a dumpling, crab and pork. We could not eat them, but did not want to hurt feelings. Literally had to mind over matter it. We tried a spicy ckicken noodle dish with nuts and I'm definitely going back for more. I tried their lemon tea, bubble tea, and dragon tea, and ended up settling for a coke after all. They did not taste good either.

每年都會同朋友去影燈飾, 今年去到尖沙咀....發現想去嘅食肆都執咗, 最後見到呢間就試下啦!至尊小籠包 - 皮唔會太厚, 餡料都OK, 咬開都好多湯, 唔差.蒙古羊架 - 香草太多, 不過蓋咗羶味, 一般.湛江土雞 - 無雞味, 賣相唔吸引, 味道唔得.大皇炒拉麵 -炒得幾香口, 唔太油.蒜茸炒生菜 - 蒜茸炒得唔夠香, 不過都可以.魚香茄子 - 無魚香味, 茄子可以再煮腍少少.京蔥爆牛肉 - 有鑊氣, 味道似干炒牛河.

嬲爆及氣憤 本人從未寫過食評. 今次就算覺得超麻煩,都要用我老公的account寫下對此店的憤恨.差劣要點如下:1) 食物質數 - 炒拉麵 (極油) - 炒油麥菜 (正常) - 小籠包 (皮厚難吃) - 窩貼 (到來時竟然是蒸的, 當然要換, 可是卻換來油浸不熱的煎窩貼) - 吃了半口 - 雪菜肉絲炒年糕 (好恐怖,賣相其差, 個汁好像鼻涕一樣, 而且完全無味) - 完全無食過2) 零服務態度一開始要求另外一款餐牌(因看見隔壁桌子有不同的), 但伙計極不願及面黑唔想拿.當年糕到來吃了一口後要求更換或取消, 伙計第一句立即拒絕. 於是我客氣地問他可否叫他的經理和我談, 他離開30秒回來對我講老闆說所有食物點了不可取消的 (什麼態度???) 到付款時我再問這位收銀妳是否老闆? 為什麼這裡食物可以如此難吃? 她竟答我這兒是沒有老闆的 (OMG... 那麼那個男的剛才回應我時是否致電給他老細??????//?(ps.重厚面皮到要收加一) 真心奉勸所有人類,就算成個九龍大爆炸,炸剩只有這間大皇拉麵都唔好去呀!!!!!!!!!!

從未寫過食評但食完呢間野之後都忍唔住要寫出第一次今日係尖東搵食最後揀左呢間餐廳裡面格局同一般茶餐廳無異叫了芳香排骨麵$38非常非常難食排骨完全無味好似煲完湯的渣咁唔明點解可以係尖沙咀食到咁差既質素待應態度差完全無服務比茶餐廳仲要差但最吹漲係竟然要收加一真係o晒咀,十個趣絕對絕對無下一次

呢間野真係一絕...上星期五經過..入左去食晚餐.....入到去自己搵位...自己拎menu...感覺已經唔係咁好...得2-3個樓面....舉手叫落單...完全無人理你....當你透明....好不容易先捉到人落單....落order時....唔比散叫....一定要叫套餐...一定要你跟杯野飲....ok...咁咪叫law....19:15落單...2碗面...2杯野飲......等左15分鐘....咩都無黎...咪捉過樓面問下..望都唔望我叫左d咩...就話無咁快架.....好啦又等......再過5分鐘....見到人地起碼都有杯野飲丫.....咪又捉人問一問.....佢又話等下啦......我話會唔會漏左單呀......佢好快咁答我...."會架..應該漏左單wor"...之後就走左去完全唔理你...我覺得...除左起身...衝出門口...真係諗唔到有咩好做!!.......連走人都無人理你....真係一絕!!!

食物質素我都唔想再講，實在同上面的朋友所講一樣，唔掂！！今次主要想講下佢地嘅服務態度，真係差到無人有，老實講，比起我公司樓下果d食堂仲差！！坐位已經係逼到死，叫野食又黑面，都唔係最離譜，最離譜係黎野食嘅時候，兩碟野就咁掉低，問都唔問聲，本來跟餐有生果跟，借d意就唔俾你，仲要一見你放低筷子，就收晒你所有野，然後同你講：幫你埋單！喂！野都未齊，生果未上，咀都未抹好，就趕人走呀？唔係咁做生意架？仲要收加一架！！！！依我所見，我唔係個別事件囉，隔離檯都一樣。所以如果大家唔想俾錢食餐飯都唔開心嘅話，就請大家都不要再去。

多年前被數張油畫吸引，到內一歇。畫作筆觸豪邁，色彩豐富，極具個人風格。可惜當時未有相機隨身，現只得借先前食家之相片作說明。當時店內之數幅油畫，為愛畫人一新耳目，就算食品一般，然賞畫亦樂事也。現在回想，該等作品，就其畫風觀之，可能是畫家劉令華之大作，現付上其作，讓大家對照。本著食色大事，年前再往，食者醫肚；色者賞畫，豈料畫作引退，裝潢已改。食品尚可，無苛求矣！上週路過，重訪故舊。尚餘空桌一張，悠然坐下，竟然呆住刻鐘，既無執拾，亦無招呼。按奈不往，揮手揚聲，侍應才懶然而至。閱過菜譜，又要高揮手，大揚聲，才可喚醒侍應的靈魂！霎時間，成了殭屍道長！等待菜肴時，貴客絕不沉悶，因店主己請來蚊蟲數位，伴坐陪食，狀甚親暱，令人受寵若驚！酸辣湯，料少湯稀，淡而無味，下品！雪菜炒年糕，量少！雪菜起渣，年糕心凍，淡而無味，下下品！孜然牛肉餅，廚子憑恃蓋世神功，將牛肉五雷轟頂，魂魄灰飛煙滅，騷味肉味徹底去除，肉餅形存而神亡。佩服！佩服！來也匆匆；去也沖沖！心裡氣沖沖！算了、休了、罷了。不要說再見，永別了！

9月29日（星期三）晚，是晚女友約了去試衫，主要是選擇心宜的婚紗，經過一輪篩選後總算找到了。試完後已是九時許，女友亦感到有點倦意，所以盡快找個地方吃點食物然後送女友回家。為了方便坐過海巴士的關係，就和女友來到尖東，因不想吃得太“重”，於是選擇來這裡。二人祇點了一個芳香排骨拉麵餐和六隻至尊小籠包，所謂的餐也祇是跟飲品一杯，簡單地點了熱檸水。一般排骨麵的排骨也是炸的，這裡的芳香排骨卻是五香粉炆煮而成的五香肉排而已，長形的五香肉排頗入味，肉質卻甚為結實，由於麵條真的是師傅拉出來的，口感爽滑有嚼勁，不過湯底色澤雖濃但祇能喝到辣油微微的辣味；至尊小籠包也不知道如何“至尊”，皮不夠薄，湯汁也不夠多，鮮肉勉強叫做合格，質素和我公司樓下飯堂早上賣的小籠包相若，真的枉稱「至尊」二字。回家打食評才知道和女友誤闖“尖東喊面王”，可能我倆時運高，其實食物不算難吃，格局和招呼也是茶記水準，不過見到此店在香港祇有這間總店，其餘兩間分店也在深圳，莫非又是另一“過江龍”？

誤闖尖沙咀喊評王自問都成日上openrice寫食評，成日搵下有咩好評食店，卻忽略了喊評的重要性，這天就誤闖尖沙咀喊評王﹗周日約了友人們吹水飲野，4:00pm見lunch都未食，就走來這間大皇一試﹗真的不敢想像原來呢間野0的喊評多得咁緊要，早知就唔鬼幫趁啦，咁多喊評總有因﹗人手不足服務差入到去，待應阿姐只得一個，張張枱都係食客食完既野未執，睇見都已經唔開胃。是旦找個位置坐下，等左成三四個字阿姐先埋來招呼下我地，幸好不趕時間，唔係又要扯火﹗真不明白如此大的場地，只得一個待應，阿姐其實已見落力盡快招呼客人，但這兒的老闆不是諗住人地好似甄子丹咁可以一個打十個嘛？睇到咁既情景其實都唔多想食，不過入到來就即管一試，要了一客四隻的招牌小籠包。賣相核突的小籠包又係等左成三四個字先有得食，小籠包就睇賣相就似「洩了氣的皮球」一樣，四隻小包一點新鮮的美感也沒有，個頂仲要有0的似未蒸熟一樣，同食家一望之下也笑了出來﹗皮厚，小籠包的皮有點似用「鍋貼皮」來包一樣，煙韌欠奉，勝在「鐵打」一樣你點拉佢都唔爆。不過其實爆都無所謂，因破開入面湯汁少之又少得幾滴，餡料尚算有肉香卻欠甜美，如佢話呢個小籠包是招牌菜的話，而家又

因為趕時間睇戲,但又唔知食咩好,見到呢間鋪咪諗住試吓囉,就係咁就出事喇一坐低,就只係得一張MENU俾我地選擇,(記住係一張,唔係一本),因為我地有五個人,所以就叫左個四人餐啦,$370,價錢唔算好貴,另外叫左半隻口水雞,跟住個類似老闆娘既女人就提意我地叫多客小籠包,因為一籠只有四隻,好彩我地其中一個朋友唔食,所以無叫到,,呢個女人幫我地落完單之後,就行開左,跟住我朋友又話要擔擔麵,咪搵第二個職員再落單囉.等左一陣,好快就上菜,而唔好既事開始喇,D野好咸小籠包D皮厚到呀......鱔糊......雖然小妹唔係試過好多間鋪頭既鱔糊,但未試過係食到有骨架~~~~~~~仲要係無味既,好似用水煮熟,再加DD味咁D口水雞又係用水煮熟,再加D醬落去,真係難食到爆個擔擔麵.....D麵又粗又"鞋",湯底都係一般個雲吞雞.....D雞好似放左好耐咁再煮番熱,D雲吞都係唔好食......好喇...D野我地真係食唔落,唯有埋單走啦,張單一放低,多謝$605呀,吓$605,點計呀,個餐$370,個口水雞$80左右,都係$450左右,咁我地問,個擔擔麵幾錢呀?個似老闆娘既女人就只係答:擔擔麵夜晚無散叫架!!咁即

有一日同男朋友收工後見未食過呢間餐廳一於去試下，點知就奶野了................- 服務態度非常差- 食物質素非常一般- 唔抵食見到佢間鋪咁大，客人先得果小貓三四隻都算啦(多數呢d 情況間野都唔慌好食得去邊)平時去食飯，除左畀推介食品/特別餐既卡仔之外，都會有本menu點知佢真係只得一張單面又少野食到爆既"menu" 卡仔印象中有A set 係幾款面餐& B set 係幾款飯餐同幾款小食A & B 夾埋既選擇真係超少..........................問佢可唔可以A set 既排骨面轉做排骨飯，佢話d 野set 死左無得轉好少可d 餐廳會咁唔識變通。唔緊要.. 或者真係公司規矩轉唔到野食啦，個侍應不停迫我地食某d 佢"介紹"既野食個態度好似已經幫我地落埋單..... 過程非常不愉快同埋佢畀既係零建設既提議到上菜.. 我地2 個人坐4 人位，張檯&周圍都好空曠上菜個侍應竟然將我個飯就咁凌空對埋黎，表現到奉旨要我接住咁完全無擺底係檯既意慾 ..............................................................