大紅袍火鍋料理 (已結業)

見屋企人話想試吓呢一間火鍋店所以就特登嚟咗💁🏻‍♂️美味指數 😋: ⭐️⭐️⭐️環境指數 🏖: ⭐️⭐️⭐️⭐️服務態度 👨🏼‍🍳: ⭐️⭐️⭐️翻兜指數 💫: ⭐️⭐️(五粒星為滿分💯)🔷 豬骨湯火鍋湯底方面我哋叫咗豬骨湯👍🏻 佢個湯底的確係唔錯嘅 如果鍾意食豬骨嘅朋友可以選擇一下因為佢鍋入邊嘅豬骨都幾多 料亦都非常足🤔 而且佢啲胡椒味都非常濃湯底方面其實唔差🔷 招牌餃。黑松露蟹肉🥟 鮮蝦雲吞🦐由於屋企人唔食得多所以叫嘅嘢食亦都唔係好多 比較想講講嘅係呢個雲吞同餃子🤔 兩款都可以講得上係餐廳嘅推介啦 不過坦白講都係麻麻地💁🏻‍♂️ 首先佢嘅黑松露蟹肉餃子的確係幾重黑松露味 不過我食嘅時候都感覺到有唔少蟹肉殼😅 以佢嘅鮮蝦雲吞雖然鮮蝦都算大隻 不過又未至於去到勁好食中規中矩咁💁🏻‍♂️個人會覺得佢嘅價錢偏貴 所以都未必會再嚟

向來食火鍋都一定只選麻辣鍋不過由於朋友說這裡的椰子雞鍋湯底超正所以就點了個鴛鴦拼果然.....椰子味濃又夠清甜連雞件都超級嫰滑令人忍不住喝了一碗又一碗至於食材方面有幾好就不再多說了用照片來說明吧總括一句,此火鍋店值得一來再來

就緊聖誕節，當然要相約朋友一齊食飯相聚一下，最岩是去打邊爐，之前係荃灣食過，見到太子開左，決定近近地就約太子打邊爐，約左9點見到好多人，好彩有訂，建議訂定枱搵陣一啲訂位，安排左卡位我哋，我們好快叫左金屋藏嬌同花膠雞湯，湯底好快黎到，等佢滾，一定要飲佢既湯，因為佢啲湯太好飲，大人細路都最少飲兩碗。火鍋調品料勁多選擇， 之後當然要叫火鍋配料，牛，鴨血，紫菜響鈴，娃娃菜 ，唐生菜，韮菜餃，芝士腸，墨丸，雲吞。。

又有朋友生日，壽星女話想去hot pot 淥下淥下，佢選址大紅袍火鍋料理（太子店）。地點幾好，中間地帶，大家返屋企都方便。一早訂左位，一行6人準時到達，唔使等位直入。一張大圓枱👍🏻，打邊爐緊係圓枱先方便架嘛。（我試過另一間係10個人比張長枱，都唔知點打好）調味料都係自助餐式，成盤比你，任君喜好。聽聞呢度出名有個湯底叫「金屋藏嬌」，原來係大大個冬瓜同雞係湯，好足料，好鮮甜。食物方面，我地都係叫左牛肉、丸、餃子......呢d例牌野，正常野。係個湯底加分。

前幾天約朋友食飯在開飯啦網站搵到宜間食店，之前都聽過個名咁就試一試！上到服務都是一般叫左椰子雞鍋同手切牛同雜菌同蔬菜個椰子雞鍋我都是經常打邊爐這個鍋啲雞仔半隻都無比較淡味道手切牛$268例牌份量好少!

裝潢與一般麻辣鍋店很類似，燈光微暗，值得一讚的是座位寬敞舒適。這裡的麻辣湯底尤其出色，大概是牛油高質，麻香辣俱備，最神奇之處就是即便加了水，湯頭還是愈煮愈辣～松茸湯底都清甜好喝，但始終被麻辣湯底搶了風頭食材方面中規中矩，貝殼類新鮮乾淨，薯粉萵筍正正常常，紫菜響鈴不是即炸好可惜。牛肉方面分別點了大碟本地手切肥牛和大碟安格斯牛頸脊。價錢一樣，但牛頸脊贏太多，油花漂亮，牛味香濃，口感嫩滑。要彈的是鬼馬蝦膠，油條本來一涮即食，蝦膠則是需要時間煮至熟透，餐廳竟把這兩種食材放在一起，最後油條口感毀掉，是個自以為充滿創意的失敗品。人均消費方面還算合理，4人用餐每人大約$400多，整體質素都讓我機會再來。

今次同爸媽慶祝週年紀念，梗係要搵一間有特色既餐廳慶祝下嘅。咁岩我地都想打邊爐就揀左呢間大紅袍試下先。佢開係太子好方便。上到去都唔係太多人，可以鬆動d。呢度都係提供左好多款調味俾我地揀😍湯底雖然有好多選擇，但係當然會揀返佢最出名既金屋藏嬌啦。大大個冬瓜盅同雞係個湯度，超足料。個湯仲好鮮甜添。至於火鍋料都唔講得少，我最鐘意係佢個響玲，超脆。仲有花雕肥牛，遠遠都聞到酒味，食落好濃好好味。今餐好滿足，下次會再黎過👍🏻

今曰特登揀咗呢間慶祝母親節同媽咪生曰,結果好失望一早book了6:30pm，知道有限時2小時，所以一坐低就嗌嘢食，叫個椰子雞湯煲，個店員就話不如叫兩底啦？但我地得5大2小，又廢時放在小朋友前所以都係叫了一底，但店員面有不悦唔知點解但個湯一D椰子味都無，又無🐔味，失望跟住個店員好殷勤介紹了海鮮,例如蝦，象拔丰，但我哋都對海鮮麻麻,所以婉拒，轉頭個店員又再介紹海鮮，結果成餐飯，個店員介紹了4次，真係無言咁都算了，我哋一行7人，得3人食牛，所以嗌咗碟細，個店員又問點解唔叫大，已解釋得3人食，佢仍然話大碟抵食D~其實並不是價錢，而係怕食唔晒我哋真係唔明白點解食店都要hard sell,唔通要追quote?不過不得不讚紫菜響鈴，香脆爽希望佢地改善下經營手法

食物好普通！價錢貴！叫左金屋藏嬌湯底，湯底覺得好一般冇咩特別 ，食物都好一般冇咩特別，同老公兩個人食，上到去只有幾台客人！但成晚都感覺唔到侍應嘅禮貌，招待入座，傳送食物！全程黑口黑面！埋單走人多謝無句！當你透明！好似對住團空氣咁，一句說話都無。不會再幫襯，這個價錢有很多選擇，想講就算你價錢平都好！侍應嘅態度好重要！建議貴公司對客戶培訓下！見d侍應都上咗年紀可能係貴公司嘅老臣子！但個態度實在唔得，成個氣氛好唔舒服！

近排天氣又濕又涼返，食返個麻辣火鍋就岩晒。今晚肚腩男共四人去左大紅袍，一直都幾鐘意佢環境，用上大量木材設計既中國風。而哩度出名係湯底十分多選擇！湯底叫左佢聲稱重慶空運牛油麻辣搭個清清地既舞茸。作為麻辣fans,集中講下個辣湯，用上牛油係會令湯底更香濃同保持温度，重要既係唔夠湯加清水嘅時候唔會容易溝淡！試落種辣係屬於慢上，帶長餘韻，係越食越辣個隻！真心正之不過，食材方面就完全無驚喜。。。象拔蚌仔，係新鮮既。-大手切本地牛，以三百幾價位來說係失望。明明望落去呃得下人，可惜切得太薄，可能部位問題，容易老，重點係無乜肉味。-鬼馬蝦膠，名菜，望落無乜美感，油色唔新鮮，偏硬，唔知整定幾耐-紫菜響鈴，雖然並非即叫即炸響鈴，不過係好食夠香脆，可能個辣湯底太出色，沾晒全條落去兩秒即食，索晒辣油一口咬落去係滿足既-大雪花, 好食過手切，急凍野部位靚無根油脂香味重。以三百幾價錢來說還可以，份量偏少，可能得十小片。-萵筍片，正常蔬菜類別四粒韭菜餃搭三粒黑松露餃，係好食，皮薄用料新鮮，不過黑松露好搞笑有午餐肉味，可以當佢一種餃兩種享受好似係百四蚊，廿蚊粒，掋唔掋食自己諗。筒蠔，肥美肉厚有八粒，值得一讚係洗得好乾

都有成個月冇返嚟。原本一坐低就叫金屋藏嬌，依依話佢哋嘅招牌唔係呢一個，我話食咗咁多年而家先講，佢極力推薦花膠螺頭金華火腿燉雞，咁好啦既然都係雞湯，我都冇抗拒嘅能力。不過我要講返一句，我都係鍾意金屋藏嬌多啲，因為佢哋有幾舊大冬瓜。而今日呢一個燉雞湯，佢真係一個燉雞湯，作為打邊爐嘅湯底，佢over左。如果你當佢只係燉雞湯咁飲， 你係會相當滿足。今日同行嘅朋友食得唔多野，所以淨係加咗炸響鈴炸魚皮同埋一份西洋菜。6:45坐低八點半準時還枱。

今日約左朋友黎呢間大紅袍火鍋，聽講都唔錯，環境又ok，所以就黎試下啦預先打左電話黎訂位，所以唔需要等位，星期四晚黎計都算多人，全場都滿既，但係外面就唔見人等位，建議大家黎食都係打電話留位先。餐廳唔算好大，大概坐到十數檯人，另外有兩間好大既vip房，可以坐一圍。我地就當然係坐出面啦，空氣都算流通，唔怕太熱或者太凍。坐底左就打算飲水先，點知叫左三個人都叫我地等陣先，跟住無左件事，成20分鐘都無俾到水我地可能係人手唔夠啦！隔左陣，湯底就黎到啦，我地叫左呢個招牌金屋藏嬌鍋，其實係由花膠，雞，蟲草花同冬瓜煲既，養生又養顏料都算ok既，唯獨係花膠得一隻，半隻雞其實好細但係味道係濃既，唔錯只係唔好預可以食料...話說中途就發生左一件事，侍應過黎幫我地剪開冬瓜，我地未知既時候問”咦，呢個咩黎㗎？”點知侍應就覆左我地一句”冬瓜囉！”態度超差，當時我同朋友都呆左好有驚喜既係呢個極上牛肉刺身，之前都有喺台灣食過牛肉刺身，又係好薄好甜，呢個都係，醬汁甜甜地，再加上洋蔥會無咁用腥，正$128既價錢計係幾抵食既另外十分推介既就係鴨血，如果你諗住同豬紅差唔多就錯啦豬紅可能好多人覺得太易淋同有少少腥，但係鴨血就唔會啦

今日朋友生日飯，太子大紅袍打邊爐，聽左咁耐第一次去，首先揀咗個湯底，麻辣椰子雞鴛鴦湯底，麻辣我自己覺得真係唔辣嘅，椰子雞都算足料牛肉$298叫咗一碟呢隻望落去個樣幾靚，食落去都有牛味嘅但係唔算好濃郁，不過啲顏色望落去係好新鮮新鮮哦腸呢個好食喎好乾淨，好肥美珊瑚蚌爽口貴妃蚌鮮甜爽脆好味炸響鈴食落去好香脆鬼馬油炸鬼🦐膠賣相幾靚不過其實食落去冇乜特別墨魚丸入邊真係有新鮮墨魚肉好好食呢個雜錦水餃韭菜餃普通，吃松露幾香不過所有水餃類嘅皮都太厚牛肉刺身賣相好靚份量就真係好小，其實就食唔到有牛肉味好似紙咁薄，不過本身我本人就好鍾意食刺身所以都鍾意嘅白鱔片超薄所以冇咗口感變得唔好食芝士牛丸其實咬入去食唔到芝士味蔬菜嗰啲都係平時嘅咁冇乜特別最後送咗雪糕有榴槤同椰子味，冇諗過個雪糕幾好食，不過呢度啲店員真係幾好服務態度尤其是一個男仔，可以再嚟！不過價錢我覺得都係略嫌貴左少少，人均$400，久唔久打下OK嘅

大紅袍出名火鍋湯底多選擇，有好多都好特別，而且火鍋料選擇亦都好多，新鮮就一定嫁啦牛肉又夠雪花夠林夠牛味每次都必叫鬼馬蝦膠，廣島（好鮮味）。唯一一樣唔好嘅就係。。。成日都冇位囉

屋企人食飯 想打邊爐上OpenRice 搵下，見呢間評分唔錯決定一試火鍋店來講，環境不錯食物種類多我地叫左2個湯底麻辣同花膠雞個花膠雞湯真係正女仔飲好滋補上菜都算快食物份量唔算多 不過好新鮮價錢中上 唔算平但食物質素對得起價格值得一試