大紅袍火鍋料理 (已結業)

好耐無黎大紅袍邊爐啦今次叫左個金屋藏嬌湯底，有半隻雞，花膠，冬瓜，蟲草花，紅棗杞子，竹笙。個湯底補，又甜到痴線，未開波就飲左2大碗，真係雞滑花膠滑飲完皮膚都滑秘制滑牛好盞鬼，比粒卵去撈均隻牛，令個滑度再升級，仲有芽菜墊底滑類好足料，鯪魚滑配有陳皮香，海蝦滑有蟹籽脆，啖啖都係新鮮芝士丸又係爆汁系列，墨魚肉蝦肉新鮮，加埋有芝心點會唔好食紫菜炸響鈴同魚皮都係即點即炸，上枱熱辣辣，即食點湯都唔錯韮菜餃同雙籽鮮蝦雲吞又係大大隻爆晒餡，食材新鮮，索埋個湯汁真係呼完一下又一啖魚皮餃同特級蟹棒普通無特別另外非常鍾意呢度自家做嘅秘制蔥油，神來之筆，如果配個麵食一定好勁肥仔

閨蜜抱恙，相約摯友宣布消息，選擇火鍋因為大家均好此道，選擇大紅袍因為位置便利，入座隨即想起有朋友快將生日，決定把消息擱置，先為好友慶祝一番。鴛鴦湯底，有辣有唔辣，皆大歡喜。麻辣湯底越煲越辣，有人高興有人受不了。壽星是內臟魔王，既是主角，他的喜好當然得到贊同。衆多款式中，比較喜歡黃喉，雖無味道但質感爽脆，而豬皮太過軟爛，毫無囗感，其他食材不過不失，可以一試。店員推介先點了手切肥牛，可惜質素不似預期，向店員反映，再推介安格斯牛頸脊，不愧是好夥計一名，策略成功。海產只點了脂香滿滿兼爽彈的白鱔片和味淡如水的桂花蚌。點了數款火鍋配料，最喜歡的是手打四寶丸和炸腐皮，四寶丸款款都不俗，墨魚丸尤其爽囗彈牙，炸腐皮則即叫即製，鬆脆而富豆香。蔬菜份量與質素不過不失。

幾個男人食餐飯聚舊，自然就係打邊爐，今次見到呢間大紅袍有個招牌湯底叫金屋藏嬌，自然二話不說就決定去試下佢。入到去個環境滿滿的中國風，同店名襯到絕。坐低後我哋當然要點返個金屋藏嬌湯底，一大堆男人打邊爐必點嘢食，同一人一杯麒麟生啤，啤一啤佢。個金屋藏嬌一到就聞到香味，咁啱現炸既響鈴到左，決定用佢來打響頭炮。響鈴浸一浸個湯幾秒，放入口滿滿既濃湯真係好過癮，再淥一淥牛肉配啖生啤，真係滿足！麻甩佬食飯唔點鵝腸點得，啲腸一睇就對板，滿滿既油份，真係食完仲想再食！

今晚接近八點，較多食客，職員問我們是否願意搭枱，我和朋友均同意。及後被帶往半弧形枱，目測可坐8人，當時已有2名食客用餐。當時我們已坐下，其中1名食客對職員講，咁即是要我宜家埋單走者。片刻，職員走過來叫我們走，或者等多一個鐘，九點入座。擺明不想做生意了。食客態度固然可惡，但職員事先也沒跟食客溝通好，到後面更直接趕走客人，客戶體驗非常差。我們也不是生客，咁樣的待客之道令人卻步！以往每月都約朋友到此飯局，雖然價錢唔算大眾，但貪呢度就腳，服務態度良好，不過是次體驗非常差，唔會有下次了。

好耐冇打邊爐了 湯底揀咗金屋藏嬌 有半隻雞 魚肚 加上冬瓜 娃娃菜 蟲草花等等淆製 咁足料味道當然係十分清甜啦🤤店員仲會將雞切件 再放落湯繼續滾 咁就唔怕加多幾次水會變得淡味食物種類選擇實在太多了牛脷粒 牛肉味重秋葵 份量多西班牙豬肉片 薄薄肉片吸滿湯汁 白鱔片 魚味香濃蟹籽墨魚滑 鮮味十足又彈牙炸魚皮拼紫菜響鈴 熱辣辣即炸 香脆可口魷魚 非常新鮮冰豆腐 即係蜂巢豆腐 口感煙韌 打邊爐必點雙子拼雲吞 皮薄餡靚😆鬼馬蝦膠 油炸鬼加上蝦膠同蟹子 款式特別最後仲送上本地雪糕品牌Coco Berry 嘅雪糕波波三隻味道分別有椰子/芒果/香芋我試咗香芋同芒果 兩隻甜度都比較低 但香芋味道感覺比較真實整體都好推薦大家一試 店員全部都親切又落力 環境寛敞 食物選擇多 有水準！

依間火鍋無論環境定食物質素都無得輸，好闊落，坐得舒服岩哂傾計！湯底選擇都過二十款，試左人氣推介嘅金屋藏嬌，好豐富，入面有鮮熬雞湯、花膠、竹笙、冬瓜、蟲草花、娃娃菜等等。仲有半隻雞！一滾一定要試左個湯先，好甜好濃雞味見有半隻雞都無特登叫肉，叫左珊瑚蚌($118)，淥一淥就熟，爽口彈牙，味道鮮甜另外叫左鬼馬蝦膠（ $75 ），係油炸鬼再加手打蝦膠，口感特別，又脆又彈牙，吸哂咁甜嘅湯底入味好食蟹籽墨魚滑（ $88 ），墨魚滑爽滑彈牙，蟹籽熟左就少少脆， 令口感更豐富芝士獅子狗（ $34 ），好少地方有，一咬就好多芝士流出黎，又香又濃郁除咗打邊爐之外仲有仲有得嗌刺身！叫左個原條活魚刺身($268)，係立魚黎，肉質爽口有咬口，帶淡淡甘甜，夠哂新鮮最後送埋雪糕，係cocoberry嘅椰子味，味道夠哂濃郁，入口都好滑今餐真係好豐富！

呢間火鍋店有種古色古香嘅宮廷風望落好霸氣🪭 環境每個座位都好闊落配合返宮廷既感覺❤️ 特別吸引我嘅係呢度有好多唔同特色湯底😛 全部都係新鮮真材實料煲出黎特別濃郁🍲 真店之寶金屋藏嬌湯底梗係令我震撼💛 店員仲笑說係唯一可以合情合法金屋藏嬌嘅地方添🤣⭐️ 金屋藏嬌 🏦原來係個好足料嘅冬瓜雞湯🐔 特別推薦開始打邊爐之前先飲返兩碗🥰雞湯滋潤得加左好多冬瓜來一啲都唔燥☀️ 裏面仲有花膠蟲草花同埋竹笙等材料🌸 每一口都係清甜既滋補口味⭐️ 極級本地手切肥牛 🥩雖然話係肥牛但係肉質非常唔錯👍🏻肉味香濃唔會好似邊爐肥牛咁剩係得脂肪😛⭐️ 新鮮炸響鈴 🫔⭐️ 自製炸魚皮 🐟響鈴一如既往嘅香口🔥 魚皮仲要係即叫即炸好香魚味加上椒鹽嘅調味🌶️ 意外有驚喜⭐️ 招牌三拼餃 🥟每一粒餃到非常飽滿😁韭菜同埋黑松露肉蟹搞嘅味道十分濃郁🍄 個人就比較喜歡傳統嘅鮮蝦雲吞🍤 蝦肉新鮮彈牙⭐️ 海中蝦滑 🦐蝦滑夠晒蝦味入口非常爽口🌊配上湯底增添鮮味⭐️ 酸梅湯 🍓酸甜度恰到好處🥤中和返肉類嘅味道❤️‍🔥

湯底可算係火鍋嘅靈魂😌即使啲料幾靚都好，湯底唔得都會好影響整個味道😖港式火鍋老店「大紅袍火鍋料理」就絕對冇令人失望☺️足料湯底令人立即愛上🥰.🔥金屋藏嬌💰$228餐廳招牌湯底🌟原隻冬瓜盅+半隻新鮮嫩雞，配以蟲草花、紅棗、娃娃菜、芫荽、竹笙等豐富配料熬製🔥湯料比例接近五五波，勁誇張😆金黃色湯頭滿滿鮮香，雞肉相當嫩潮，冬瓜吸滿湯汁精華勁好味😋起碼飲返幾碗先打邊爐😝.🔥極級本地手切肥牛💰$398（大）牛肉色澤紅潤，油花唔算多但肉味香濃，肉質鬆軟😙鋪滿整整一碟，食極都有🤪.🔥芝士墨魚丸拼芝士蝦丸💰$108手打墨魚丸&蝦丸再包裹芝士粒🧀一咬落去先係彈牙口感，再爆出芝士💦芝士咸香四散 正😙.🔥雙籽鮮蝦雲吞💰$80雲吞粒粒皮薄飽滿，彈牙蝦肉夾雜豬肉餡，夠足料👍🏻.🔥紫菜炸響鈴💰$60就咁食都夠香脆，🐻就鍾意蘸埋湯汁食😙紫菜中和響鈴油膩感，又有紫菜香氣🙂.🔥椒鹽雞軟骨💰$75估唔到份量都幾多，鋪滿炸蒜好香口😝炸得好香脆，唔會好厚粉😌.最後仲有雪糕球送🍨香港本地品牌，揀咗榴槤味，香滑又唔會好甜😋

趁住星期日放假時間，同朋友食個飯，今次揀左打邊爐，餐廳唔只環境舒適，員工服務態度非常好，味道也是一流👍🏻湯底《金屋藏嬌》$228見到網上個個都推介呢個湯底，所以我地都試試，發現真係好足料，半隻雞、一大個冬瓜、竹笙、花膠、菇同蟲草花，店員會幫我地切好隻雞同冬瓜，方便我地食，滾起後我地都忍唔住飲住碗，十分鮮甜，以呢個價錢來講真係好抵食招牌餃 $108平時打邊爐都會去叫餃子，但呢個招牌餃就好少火鍋店有賣，所以叫左黎試試，呢個餃子一食落口第一啖已經發覺非常足料，啖啖蟹肉，充滿黑松露味，絕對要encore😆大蜆 $98當日本身諗住食花甲，點知賣曬，最後轉左食大蜆，冇諗過有驚喜，大蜆十分新鮮，未煮前都仲見到佢郁，睇得出係新鮮貨新鮮炸腐皮 $60呢個響鈴比平時火鍋店見到的還要大，食落好滿足👍🏻👍🏻鬼馬蝦膠 $75 呢個鬼馬蝦膠結合左油炸鬼加蝦膠，估唔到兩者好夾，淥1分鐘就食得，油炸鬼好脆口，而蝦膠就好爽口桂花蚌$138桂花蚌十分爽口，仲加左胡椒吊味，令整個桂花蚌更鮮味冰豆腐 $42 又係我最愛嘅冰豆腐，打邊爐必備，豆腐裏包住滿滿湯汁😆😆西班牙豬肉 $108豬肉平時都係打邊爐好多人都會叫嘅食物，而我都

同同事約食飯，諗唔到食咩？投票得出結果係打邊爐！過往自己有去開荃灣大紅袍打邊爐，感覺唔錯，今次我提議試吓太子分店，因為方便大家，地理位置交通方便，喺太子E出口，只需要行大約2分鐘就到我事先經OpenRice訂位，順便賺里數👍🏻今日係平日星期二，我哋到舖頭大約七點，舖頭入面既人未多大紅袍嘅裝修比較中式，職員居然安排咗一間房俾我哋，真係開心😊每次嚟親，我都鍾意叫佢嘅金屋藏嬌，材料好豐富，而且好好味！職員上枱前記住影返張相先，因為佢會幫你剪件坐低等人期間我哋有啲肚餓叫咗啲小食，椒鹽九肚魚同椒鹽粟米，好好味，值得推介唔少得梗係要叫牛肉啦！叫咗手切肥牛同安格斯牛頸脊手切肥牛，牛味好濃，對比安格斯牛頸脊會比較硬身，但安格斯牛頸脊入口軟化，各有優點另外叫咗必食嘅獅頭鵝肝酒味濃郁，入口即溶，食完會想再食👍🏻我哋叫咗雙拼丸，估唔到牛肉丸牛味好濃好好味！所有食物嘅擺盤都好精美，未食嘅時候已經令到你胃口大增，食物新鮮好味而且大紅袍職員服務親切有禮，賓至如歸嘅感覺令你下次會想再嚟👍🏻鍾意打邊爐嘅朋友，真係值得一試

餐廳離太子站只係幾步之遙，非常方便👍🏽 經正門出入要行兩層樓梯，如果要搭電梯前往，可以打電話通知店員安排，電梯入口正正位於隔離大門🛗 餐廳環境乾淨企理，座位空間闊落，十分適合親朋聚會👍🏽 湯底點咗招牌金屋藏嬌($228)，金黃色雞湯內有半隻新鮮嫩雞，影相打咭後，店員會剪開隻雞同切開大冬瓜。放入火鍋配料前先𢳂羹雞湯試味，湯底雞味濃郁，帶冬瓜清甜味。雞隻肉質鮮嫩，即使喺鍋內滾得耐，肉質仍然嫩滑。湯底內仲有養顏花膠、蟲草花、娃娃菜同菇等配料，滋補又豐盛！推介👍🏽 🐟第一次打爐有自製炸魚皮同新鮮炸響鈴提供(雙拼$70)，上枱時仲聽到剛炸起嘅格嘞聲😯 脆卜卜炸魚皮好大塊，暖暖地就咁食都好好味😋 小食點咗🐟椒鹽九肚魚($88)，外層香脆，內裏魚肉好滑溜😋🥩大紅袍牛肉三拼($368) 有齊手切肥牛、牛頸脊同封門柳，三款牛肉肉味都足夠，最鍾意肥牛，肉質最軟嫩😋 五拼選項會有埋牛肉粒同牛脷托丸類點咗🇦🇺澳洲和牛丸($49/半份) 幾好味😋 芝士獅子狗($34/半份) 都唔錯湯底嘅蔬菜都好充足，餐前小食亦有青瓜粒，另外都點咗萵荀片($38)飲品點咗酸梅湯($40)招牌三拼餃($138)，有齊🦀黑松露肉蟹餃

大紅袍太子店員工服務態度非常之好，尤其是梅姐，殷勤良好服務態度令客人賓至如歸，下次一定會再來光顧！還有食物質素亦非常之高，環境舒適，值得光顧之火煱店！👍🏻👍🏻👍🏻👍🏻👍🏻

在極端酷熱天氣下打邊爐，一樣Enjoy盡興！太子MTR附近這間高質火鍋店，湯底足足有25款選擇，養生、藥膳、海鮮、麻辣、雞煲、豬骨煲都應有盡有，花多眼亂。除了火鍋配料外，還有刺身、小食提供。裝修走中式風格，座位寬敞，私隱度高。金屋藏嬌 $228限量湯底，幸好友人早到先落單，不然晚到15mins就賣光了！半隻雞加上非常適合夏天的原片冬瓜，已經想像得到湯底會很鮮甜，還加上竹笙、芫茜、蟲草花和花膠等材料，完全是錦上添花的精華，忍不住多喝幾碗。值得一讚，店員將雞拆件和冬瓜去皮切件的手法純熟，還會適時主動加湯，服務細心。安格斯牛頸脊(例) $278例牌份量都不少，2人Share剛剛好！比起Shabu Shabu火鍋切法厚一點，咬口和質感更紮實。均勻的雪花和脂肪分佈可謂完美，牛味濃郁，適合不沾任何醬料調味，吃到最純粹的牛香。秘製滑牛肉 $118脂肪和卡路里較低的代表有滑牛肉，切法較大片、厚身，以生雞蛋拌勻，還有一點點麻油。雖然沒有吸睛的雪花，滑溜溜的口感和牛肉味也是有另一番風味。牛脷托 $70牛味也算濃郁，還有豐富的油香。整體軟腍嫩口，中間有筋腱位，煙韌帶點彈性，口感特別。薄切輕燙10秒就可以吃了

太子特色湯底有質素的中式火鍋✨🎈🦥餐廳以中式裝修為佈置，有懷舊的中式花燈、中式椅、桌、圖畫，風情濃厚。座位也很寬敞，坐得也很舒適！餐廳有很多款湯底選擇，其中以「金屋藏嬌」的湯底最受歡迎呢！《金屋藏嬌》$228這是餐廳的王牌湯底，「金屋」是指金黃色的湯底，而「嬌」是指鍋中的半隻新鮮嫩滑雞。湯底用了鮮熬雞湯，加入了頂級花膠、日日魚以及蟲草花熬製而成，雞味非常濃郁，配料亦非常豐富，用了冬瓜包著鮮嫩的雞 ！《手切封門柳》$268牛肉有幾款的選擇，這款手切封門柳，其肉質鬆軟，不易變韌，而且牛肉味極為濃郁，是打邊爐很好的選擇呢！《脆鯇魚骨腩》$98魚類當然要點脆鯇魚骨腩，新鮮厚肉，爽脆美味！《桂花蚌》$138爽口彈牙帶鮮味，人氣必吃之一！《招牌餃》$54黑松露肉蟹餃，有半份和全份之分，咬下去皮薄，啖啖蟹肉，黑松露味道香濃！《牛骨髓》$50份量有很多，其口感上和豆腐有點類似，雖然沒有豆腐那麼軟嫩，但吃來像是很嫩的炒蛋一樣。蔬菜類也有不同的選擇！有大量的蔬菜類任君選擇！《皇帝菜》$45《淮山》$38飲品方面除了汽水外，更有一大樽的自家製飲路。《酸梅湯》$40

金屋藏嬌湯底有半隻雞，冬瓜，蟲草花，竹笙。一開始先食咗雞同飲湯，兩個人食嘅話都已飽咗啲，食完雞飲完湯先至再order其他打邊爐嘢食，之後叫咗盞鬼蝦滑，炸魚皮併紫菜響鈴，再加一個羊肉，娃娃菜。紫菜響鈴啱啱炸起好味。但啲冬瓜就食唔晒有啲浪費。整體成個打邊爐都好味，埋單六百幾蚊