大美督嘉年華燒烤

營業中

休息中

這個週末我同屋企人去咗大埔嘅燒烤嘉年華燒嘢食 我哋呢日大概三點去 唔太曬又唔太熱 一切都剛剛好真的沒想過燒烤場原來是這麼大 非常有規模 場內提供多個燒烤爐 燒烤模式有三種: 韓式燒烤，重慶燒烤，港式燒烤。星期五/六/日/假期前夕/公眾假期 $198位，長者/小童$100位，每人包2款飲品。$40開爐費，包炭一包及蜜糖一樽。自駕到場點到點勁方便 在場內燒烤可有五小時免費泊車優惠 大空地可以容納多部車輛將近萬聖節場地佈置得非常漂亮 氣氛十足 在這裏度過佳節也是一個不錯的選擇 到了晚上掛著的燈籠會亮起 別有一番美麗雖然地方郊外又帶點偏僻 個人非常關注就係洗手間 洗手間雖然簡陋 衛生情況不差 有水沖厠 有洗手盆洗手 飲品方面選擇都幾多 對住熱辣辣嘅火爐 真係要飲返啲冰涼既飲品解喝食物選擇非常多樣化 一般燒烤只會提供多種肉類/丸類，但這裏不同之處 卻有大量蔬菜提供 例如:鮮番茄 韭菜 翠玉瓜 菇等等…個人最喜歡雞全翼，醃得非常入味，大大隻食落啖啖肉。多春魚條條都好肥，唔係甩皮甩骨嗰種， 條條都好靚。豬腩片個人都非常推薦，半肥瘦，入口有即溶效果，燒到燶燶哋更加好吃。食物盤已有指定食物在內 食曬之後

好耐無燒野食，難得同朋友黎到燒野食，燒野食一定要食綿花糖同麵包呢到燒烤場無咩人，岩曬我呢d唔中意多人，有韓式，串燒同中式燒烤，因為我好耐無燒野食，而其他成日都食到就簡呢個入場每人可以攞兩包野飲去到會比一包灰我地，拎住佢地比我地既紙去簡食物，仲送左蝦，腸同菠蘿，出奇地腸好好食，有d似台灣腸除咗有得燒烤之外，旁邊仲有得夾公仔，出面仲有個小型嘅小朋友遊樂場，我睇到話間唔時仲會有band，最緊要場地夠大嘅幾舒服

Happy friday 就緊係要同朋友放咗工入去大尾篤燒嘢食 大美督嘉年華個場夠大,而且仲有泊車位,仲有幾款唔同嘅燒烤可以選擇,於是就決定呢到!呢度有得免費泊車,仲有唔少設施比小朋友放電,岩哂一家大細黎玩!同朋友揀咗韓式燒烤 呢度叫嘢食都好方便係職員夾畀你 唔使自己夾 因為係又唔叫我哋叫咗好多款唔同嘅食呀好似係牛扒雞扒豬扒土匪雞翼 台灣腸 冬菇韭菜 菠蘿 等等全部都醃得好好味 而且一款扒都有幾款味道選擇 總有一款啱你 而每人都會有一隻海蝦可以食,好彈牙!😻😻入場包咗每人兩款飲品 而且仲可以去附近嘅 設施玩 打下卡影相 都幾開心㗎😽😽😽

呢間燒烤場地好濶落，分戶外和室內，戶外有玩樂場所，氣墊大滑梯🛝又有大草地，最適合一家大細成班朋友。入場費包4小時任燒，另外包2罐野飲，價錢合理。燒烤爐有三款，建議韓式燒烤，因為這樣比較容易燒。另外取食物和飲品是分開的，在士多拿飲品，另一地區拿食物，每人包一袋冰蝦和台灣腸。肉類：朋友推介必燒牛扒，牛柳粒，果然冇介紹錯，醃得啱啱好，有牛肉味。另外，我覺得豬扒都唔錯，肉質不會粗糙。雞翼有五款，至愛土匪雞翼，超級惹味。台灣腸微甜，口感彈脆，一定要試。各種蔬菜款式有雞髀菇，鮮冬菇，翠玉瓜，韭菜，青椒🫑，洋蔥，車厘茄，每樣都新鮮。最後燒菠蘿韭菜，好好的完結。

終於等到星期五，好耐冇去過BBQ ，放工就約咗朋友去大美督嘉年華燒烤場！燒烤場面積好大，除咗bbq之外，仲有好多玩樂設施，有夾公仔機、草地，最誇張係有個巨型吹氣滑梯，如果帶埋小朋友嚟，一定開心死！可以燒烤嘅方式有三種，可以揀傳統燒烤叉、韓式燒烤爐或者傳銷爐，我哋揀咗韓式燒烤，唔使揸住燒烤叉咁累😝😝食物方面，有好多選擇，基本上諗到嘅燒烤食物都有，有蔬菜類、肉類、海鮮類、丸類，重點係全部食物嘅質素都好高質，唔係廉價嘅燒烤場、啲食物放唔入口嗰啲，之前試過一啲好難食嘅燒烤場，呢間可以放心去，好食！嗰晚好肚餓，食咗好多肉類，牛扒、雞翼、豬扒、雞扒，全部都好好食，肉質有質感，唔係好淋果種。另外每位都包兩罐飲品，唔使自費買飲品👍🏼👍🏼 

開始入秋 又係燒雞翼時間！！呢個燒烤場真係好大 爐與爐有足夠空間唔會好迫不得不讚 呢個場真心乾淨企理！！今日我地收工黎到岩岩好見到日落 環境好正啊！！燒烤都有分三種 港式/韓式/重慶串燒 認真多元化場內見到有蒙古包同埋冷氣貨櫃vip room , 下次可以嗌埋成班朋友黎玩黎歎下!!今晚我地揀左港式燒烤 食物款式多又廣泛素菜都有好多選擇！不過我係食肉獸 都係主攻肉肉🤪⭐特別推介：蜜味叉燒粒 蒜香雞全翼 金沙骨 孜然羊扒 土匪雞翼 咖哩魷魚 食物質素好高 肉類新鮮吾會雪到死哂煤哂 調味岩岩好吾會好咸！姐姐話佢地無加味精！吾怪得我唔洗喪飲水啦！金沙骨encore左幾次🤣🤣🤣燒烤場隔離仲有一大遍草地 瀡滑梯 仲有巨型充氣城堡，大人燒野食之餘，小朋友又可以周圍跑，玩足成日好開心 放電放電放電💗

燒雞翼🍢我最鍾意食🍖作為燒肉控嘅我，BBQ就最啱一班人一齊圍埋叉住燒，特別依家有啲涼意，最適合去郊外玩。入大尾督好方便，坐港鐵再轉小巴或者巴士就到，今次我地選擇嘅燒烤場面積好大，一入到去已經見到夾公仔機，而且佢哋仲有一個好大嘅士多，入面淨係飲品都要用兩個雪櫃裝 🍺 燒烤區分咗幾個區域，有日式，韓式，港式燒法，你想點燒都得。個人建議韓燒，因為場內太多嘢玩，一個人睇住個爐，其他小朋友同大人就可以陪小朋友出去玩😆逢星期六，日過嚟，燒烤場仲會準備巨型吹氣城堡，放電一流🥳順帶一提，食物同飲品係分開拎嘅，飲品可以去士多拎，食物可以去草地旁邊嘅櫃檯拎，而且仲有專人夾食物，方便又衛生。呢度嘅食物冇味精又好味，選擇種類多，肉類同蔬菜加埋超過40樣，啱晒唔同飲食喜好嘅人過嚟玩吓聚下。大美督嘉年華燒烤地址: 大埔汀角路17-29地段136-148號地下

今日同朋友入大尾督輕鬆下 好耐冇去過香港的郊區玩 知道大尾篤都有好多個燒烤場今日嚟到大美督嘉年華燒烤場 chill下 😁個場好大好啱一家大細嚟玩建議大家可以由大埔墟租架單車踩到去呢個燒烤場 bbq有好多選擇有韓燒港式同埋串燒 我哋今次揀咗韓燒 燒烤套餐包咗兩支嘢飲 同埋嘢食都係任叫☺我哋叫咗勁多款唔同嘅肉類有牛扒雞扒雞翼雞全翼 仲有台灣腸芝士腸 勁多款唔同嘅丸 全部都好好食 醃得好入味最鍾意係個土匪雞翼 不得了😍😍佢個牛扒係有驚喜 呢個價錢食到唔錯質素嘅牛扒有牛味 唔會太韌 !!!😋😋成個場都好多打卡位嘅地方 影咗好多相岩哂一家大細嚟😘

入秋季馬上安排去BBQ去燒烤首選地方一定係大美督啦！今次去左大美督嘉年華佔地4萬呎，有超大草地景色超靚，仲有大大個LOVE打卡影靚相就啱曬208平方米吹氣城堡免費任玩小朋友們興奮到不得了滑梯仲要超高大人BBQ小朋友就放電收費:星期五六日 成人$188小童$100 任食4小時包2罐飲品超過50款食物任你揀素食都有好多款蔬菜最特別啊呢度連爐都有得揀有韓式燒烤爐、日式串燒爐同埋港式BBQ我就揀咗串燒爐，好過癮有竹籤可以自己將食物串起場內亦有孜然粉、辣椒粉、生油、豉油自由調味串燒爐燒烤速度快可以食多幾轉場地有有蓋同埋露天選擇如果怕熱嘅話仲有蒙古包入邊有冷氣㗎！

今日同幾個同事去咗大尾督做野，做完之後突然間即興想燒嘢食，所以就幾個人走咗嚟呢度燒 🤣 燒烤場位置都幾方便，而且燒烤場出邊仲有好多泊車位，附近仲有新起嘅龍尾沙灘添。燒烤場面積非常之大，想吸收大自然可以戶外燒吸收下啲正能量，怕曬嘅人亦都可以去有蓋嘅地方燒，而且某啲地方路面不平，樂園都有好多溫馨提示。男女廁所係獨立分開嘅，而且亦非常乾淨，呢點真係好重要，有時好怕廁所污糟邋遢。樂園設施都有唔少，有夾公仔機、Sir滑梯、大草園等等，而且園內仲有一間士多，有多款飲品提供，另外仲有薯片、杯麵、玩具等產品，非常適合一家大細嚟玩返一日。

最近聽朋友講大美督有間燒烤樂園唔錯，所以今日就同咗幾個朋友仔一齊嚟試吓，揀咗閒日嚟因為紅日一定多人到爆。燒烤場門口就已經有大量泊車位超級方便，燒烤場提供三種燒烤方式，分別係韓式燒烤、重慶串燒同港式燒烤，咁嘅方式都幾創新。燒烤場面積相當大，座位亦相當寬闊，怕太陽曬嘅話可以選擇錯有蓋位置。食物方面都幾多選擇，如果係素食者都唔使怕，因為餐廳都有提供素食燒烤食物，而且食物都由職員喺雪櫃夾俾你，所以衛生情況非常好。場內嘅士多除咗提供飲品外，仲有薯片、公仔麵、杯麵都一應俱全，而且仲有小朋友玩具同超級重要嘅外置充電器可供租借添，租借充電器呢個服務真係相當貼心。如果小朋友唔買士多嘅玩具都仲可以玩場內嘅遊樂設施，而且園內仲有一大個草原。

We visited The BBQ party. It is good to have a group of people go and play, chill out and relax .First of all, as soon as you enter to buy a flight, someone will take you to your seat. There are 3 types of BBQ, Hong Kong style, Korean style and Chongqing BBQ can be chosen. There are more than 50 types of food to choose from, mainly in the form of self-service. There are garlic bread, sea prawns, chicken wings and various types of meat balls. It is very convenient to barbecue without having to bu

🇭🇰Hong KongAverage price po: HKD$188 for 4 hours📍Address: BBQ party, Tai Po大美督燒烤場，好啱成班人一齊去再玩同埋食野。首先一入去買飛，然後就會有人帶入座。有3款燒烤，港式、韓式同重慶燒烤可以選擇。食品有超過50款選擇，已自助形式為主，有蒜蓉包、海蝦、雞翼同埋各種唔同丸類，燒烤就唔使自己買材料黎燒，相當方便。飲品方面，每人可以喺士多換兩罐。帶小朋友嘅父母唔使擔心，士多仲有啲玩具可以買，又有大草地、彈床，啱曬一家大細去玩，比細路仔放電⚡️細心嘅地方，設有帳篷係冷氣房，入面有好大個彈床area比細路玩，地方好大，一大班人燒烤傾偈都幾開心

好耐無燒過嘢食，明明大尾篤同我這麼近卻那麼遠🤣正所謂秋涼，一過中秋就帶埋小朋友同芯爸去燒嘢食。呢度場地好大，佔地40萬尺，除咗燒烤場外仲有一片大草原，每逢星期五，六，日同公眾假期仲會有一個超級大嘅吹氣城堡，小朋友黎一定超開心！戶外活動仲有農莊體驗同遊樂專區添，芯芯仲夾到一隻公仔添！今次我地夜晚黎，雖然無吹氣城堡，但一入場已經比隻大嘅吹氣兔仔同五光十色嘅燈籠吸引住，場主喺佈置真係落咗好多心機，打咭影相好靚 📷 一入場先選擇港式/日式串燒/韓式燒烤，因為我地帶住小朋友想方便啲，就揀咗韓式燒烤，一網打盡😂不過無論你用邊個方法燒嘢食，都係用炭架😎職員幫我地開爐之後我地就去士多拎用具同飲品。每位入場收費除咗任食之外仲會包兩罐飲品，留意返選擇燒烤爐之後就唔可以再轉。至於食物方面都算多，淨係肉類都有30幾款，素食者都有接近二十款食物選擇。如果要拎嘢食每次用返場內提供嘅盤就ok，食物區會有專人幫你拎嘢食，咁就可以確保衛生d亦唔怕浪費食物。順帶一提，呢度嘅食物係無味精架👍🏻醬料分別有孜然粉，辣粉蜜糖同鼓油，記得拎生油呀，韓式燒烤必備🍖 我覺得佢地整嘅南乳雞翼同洋蔥豬扒都好入味，肉質亦夠淋，大人同小朋友都

趁住兩個小朋友放暑假除咗游水之外最好梗係去燒嘢食啦呢日放假就係咗 大尾篤嘉年華燒烤而且佢仲有唔同種類嘅食物可供選擇分別有 港式 韓式 串燒三款完全滿足到唔同人嘅需要同喜好帶埋小朋友bbq邊有可能要求佢哋坐定定幾個鐘同大人一樣一路慢慢燒慢慢食丫所以呢個場最正嘅就係提供小朋友玩嘅地方除咗有個公園瀡滑梯之外仲有玩水區 吹氣滑梯城堡不過就只限六、日/公眾假日先至開最正係地方真係好夠大完全足夠比佢哋周圍走玩到攰返嚟 就啱啱好燒完可以食腸仔 丸 就小朋友至愛而且丸類好齊全燒雞翼我自細鍾意食 而且仲有四隻口味咁多 南乳 香草 咖喱 土匪 每一款都各有特色 另外 咖哩魷魚 蜜汁叉燒粒唔止無雪藏味 燒完仲好多汁 孜然羊扒 燒汁牛扒 魚露雞扒扒類都好豐富 而且肉質新鮮嫩滑 五花腩肉片 係個人最愛 半肥瘦 剛剛好 入口即溶 仲有少少脆口整體款式種類繁多 絕對夠曬滿足食飽飽充夠電又可以繼續玩所以好推薦一家大細假日一齊嚟燒烤啦