大門拉麵 (屯門市廣場1期)

營業中

休息中

平時成日見店外有人排隊，今日終於有機會試下。呢間拉麵相對比較平，五十幾蚊有交易。最平炒飯三十幾蚊添呀。叫左大門沾麵$78同黑蒜油沾麵$65，仲有忌廉薯餅$15試下。碗麵都幾大碗，面質煙韌，有咬口，較普通拉麵粗身。湯入面都有d荀同豚肉，大門拉麵相對香，黑蒜油蒜味濃，有少少苦味。食完拉麵加埋個木魚湯飲，大門湯底真係好飲，清清的，再加上木魚既香味。至於忌廉薯餅超脆，內脆外軟，都幾婇味，不過有d漏。呢間仲要唔使加一，真係拉麵平價之選。

呢間沾麵成日都有人排隊，今日見排隊既人唔多就試下。間餐賣點應該係沾麵，就叫左碗沾麵，佢有教可加咩醬料食碗麵，我就喜歡加蒜蓉夠香，麵係比較粗身，彈牙，個湯就偏咸。價錢幾抵食。

每次經過屯門市廣場，係Aeon超市樓層，都會見到好多人喺度排隊，為嘅就係食大門拉麵！大門拉麵我都食過幾次，佢經常都會出一啲特別款拉麵，好似今次佢就出咗混麵，應該係類似乾拌麵咁自己覺得佢嘅湯拉麵做得比較好，黑蒜油湯底味道濃，湯底唔算好油，叉燒厚身，$58價錢以拉麵店算好抵食！拉麵質地好厚身，有啲似烏冬嘅感覺。另一個因為想叫輕食d，所以就叫咗個飯嘅套餐，有一個細碗嘅叉燒炒飯，三隻煎餃子，同埋一個麵豉湯。味道一般，比較推薦各款湯拉麵～

本時經過大門拉麵都見到好多人排隊，聽聞佢地個拉麵湯底係由日本直送的。我之前食過都覺得大門個湯底味道好濃郁，好好飲。今次我就帶埋女友一齊去食。我地都選了食最原始的大門拉麵，入面有一執厚叉燒，麵的份量都唔少，食得我們飽飽的。唯一美中不足是拉麵沒有配上流心蛋，要另外付費加配。拉麵熱辣辣的，我很快就配著湯來吃麵，不消一會兒便吃了半碗了。如有朋友不想吃湯麵或沾麵，亦可以試試大門的油麵。我上次食過，自行配上桌面上的醬料，也很有風味的。

今晚想食拉麵，揀左呢間小店食。一開始見好多人排隊，以為都要等好耐！不過條龍都去得好快，等左10分鐘左右已經入得。我諗主要原因係因為店鋪上菜的時間好快好爽手，食客落單之後好快有得食，食完就走。所以就算間舖細細地 唔多位，d人都食得好快 走得好快。拉麵店黎講 選擇都唔算少，有麵有飯！我見坐晌旁邊個“姐姐“叫左個期間限定ge 吉列豬排飯 都好似好正咁。我就簡簡單單食個大門拉麵就ok唔好睇小個平價拉麵，麵質好有咬口、湯底濃郁！平時食拉麵都要＄70－80 起標，＄52 又唔洗加一，晌邊度食到？！ 當然...如果有埋食蛋就最好la  XD

今日公眾假期，同男友特登尼食依間拉麵，因為我上次食過吾錯，所以帶佢尼試下。我地2個都叫左主角：大門拉麵大門拉麵入面冇溏心蛋，依樣我覺得扣分，有蛋是正常吧！😪😪😪叫完有啲後悔想叫返有溏心蛋個碗大門油面，唯有下次先啦～肉得一片，特登影左個厚度俾你地睇，我覺得依個厚度，一塊可以接受，如果係薄切，我就覺得真係冇良心了，肉係好食嘅，吾鞋，肥瘦分明，個味調得吾錯面嘅質感係偏粗同硬身，分量適中，吾係大食應該都夠嘅，食完吾會飽亦吾會吾夠。另外叫左忌廉炸薯餅，好味，外面炸得好脆，入面薯仔食到一粒粒個口感同埋忌廉溶埋一齊咁，內脆外軟，點汁會夠味啲我男友吾夠飽，佢比較大食，追加上左餃子，本來幾期待，一食就不外如是，外皮好薄，入面個餡係(肉末)，因為食吾到肉嘅質感，所以用肉末尼形容，佢係肉同菜已經二合為一，分不出你我了，本人覺得麻麻地，可食可吾食有好多種調味料任君選擇咖，隨便加，跟據個人口味

店铺小小，但经常坐滿客人，當然有其道理。很简单因为好味，雖然这裏主要食品就是拉面，但他的日本拉面与其他店不同，粗很多，極之弹牙，正合我的胃口。而且有湯面、油面、沾面供客人选择，配上不同的配料更是可口。

拉麵閒閒地都要$9x -$1xx 一碗，但大門拉麵係平價拉麵之中覺得吾錯既餐廳，裝修好有小店既特色今次order左一個大門拉麵（$52）呢個價食到呢種風格 覺得吾錯喇 紫菜幾脆叉燒肥美，值得一試，但湯底就普通，拉麵最緊要係湯底 ，但呢間幾湯底偏淡，呢個係失分位 ，同埋環境偏熱 食緊拉麵時覺得好焗好吾舒服但整體味道還好，價錢便宜

衞生問題！衞生問題！衛生問題！重要的事情要說三次。今日下午4點同家人黎到呢度食野，餐廳係大型商場1樓，唔係街鋪。之前都黎過4-5次 食物同價錢都ok。今次我叫左碗大門油麵，食到最尾竟然發現有隻「小強」屍體係碗底，都幾大隻，即刻想嘔 我地即刻通知職員佢亦都冇收果碗麵既錢。本身想call食環署，之後諗廢事搞大件事。餐廳環境衞生做得幾足我唔知，但係咁大隻小強都可以睇唔到，煮埋出尼比客食，我好難有信心，以後都唔敢再黎。食物衞生係對食肆的基本要求，連呢樣野都做唔好，就唔洗講其他野

過年食咗幾日好heavy嘅中餐，想食啲不一樣嘅嘢。原先想試「東京築地」，一聽見話要收加二，轉頭即走。(全日本無一間拉麵舖會收服務費，連呢樣都唔跟味道好極有限，唔駛試。正如香港食雲吞麵魚蛋粉會收加一嗎？）轉移陣地，見呢間嘢次次經過都超多人排隊，今日竟然得兩三個人排，又話係日本某拉麵店嘅分支。點咗碗黑蒜油拉麵，另外一隻味蛋。有日本麵店backup，唔等於好食。奉客清水唔係大冰水，已知中伏。味道果然不外如是。味蛋，七仔玉子飯團嗰隻好吃十倍。黑蒜油拉麵無黑蒜味，但有厚厚一層油；件鳴門卷完全唔彈牙，粉嘅；一大堆筍，無味嘅；蔥，完全無半點蔥味，唯一嘅味就係鹹。致命傷係唔熱，溫吞吞超難食。😑總結：一試投降，唔試無妨。

今次去了屯門市廣場嘅大門拉麵，由於一個人食等咗十分鐘就有位喇，最後食咗海報嗰個黑蒜油沾麵，  侍應好快落單，大約3分鐘有得食， 但係啲麵就室溫嘅， 個湯就少少熱， 不過我 之前都食過知道佢嘅 沾麵湯係唔係好熱嘅。大門嘅日本直送湯底比其他日本麵店嘅沾麵湯底淡， 有點失落，只有少少蒜味唔鹹嘅 ，但係啲麵就幾多，而且同埋好掛熨感。木魚湯都係一般 ，唔係特別鮮味 ，但係我都飲曬。仲有個麵湯底有筍 叉燒塊 魚片，有不少材料，同埋好好味及爽口嘅葱，整體不錯。

*日式風情小店*大門拉麵*心心同屋企人睇完馴龍記，黎到屯門市廣場食午餐醫飽個肚先，再出發去維多利公園行年宵。*日式拉麵小店既裝潢同佈置，令心心有種去左日本既感覺。*心心與屋企人一齊點左兩款小食同埋拉麵。*心心好中意食泡菜，泡菜魷魚，泡菜蓮藕等等醃製品。難得見過依間有道小食叫鹽辛魷魚，當然好想試下，於是點左一份，食落微辣，但真係愈食愈咸，建議配其他一齊食。*心心另外點左一道忌廉薯餅，雖然都係吉列方法去處理，但食落滿口香濃忌廉味，沾上特製醬汁，真係充滿驚喜，好滋味。*心心屋企人點左黑蒜油豚肉拉麵，湯底既香濃黑蒜味已經非常加分，日式拉麵最正就係湯底，整得好一d都吾簡單，加上煮得軟綿綿既豚肉同埋拉麵，真係岩晒心心同屋企人既胃口。*一個人或者朋友家人聚餐都非常適合。*喜歡既請關注我：VictoriaChan1008#foodie #foodporn #Openrice #instalikesandfollowers4u #tbt #rocket_hastags #l4l #instadaily #commentforcomment #picoftheday #takeaway #photo #d

見有人排隊，斷估哩間大門拉麵都應該幾好食掛? 未食過所以就排隊試吓。坐低叫左個沾麵，好快就送到黎。啲湯完全唔熱，只能夠話微暖… 其實拉麵嘅湯唔熱係完全唔掂架… 我覺得一碗好嘅拉麵精髓係在於個湯，如果熱嘅可能會好食好多…一夾落啲拉麵到，係一餅野痴住架…而且啲麵好粗，我自己唔太鐘意，比較鐘意幼身啲, 所以整體黎講認真麻麻! 食過一次就夠，唔會再有下次另外，9點半唔夠，我見有人想入黎食，啲店員話已經截單，其實店有寫明截單時間係22:00, 閂門時間係22:30… 我諗係啲店員想早啲收工所以咁樣做啦

大門拉麵一間以平價作賣點嘅日式拉麵舖喺門口排隊嗰陣已經聞到有醬油嘅香味喇蒜香無比，今期嘅推介店內嘅位置大概有20至30個餐牌就係呢度啦，用顏色筆喺上面畫你鍾意嘅食物，交比店員就可以點餐店舖內的裝潢簡約，少少日本風格嚟到大門拉麵當然就要試佢嘅大門拉麵啦對面上面有蔥花 ，筍， 日本叉燒， 蔥花嘅味道突出鮮香， 而筍片唔會有渣， 叉燒肉質嫩口， 塊叉燒唔算太厚，只係得一塊， 而湯底嘅醬油味香濃， 拉麵嘅硬度適中。整體上如果以咁嘅價錢嚟衡量有咁嘅食物質素，性價比都算高。

記得初開時的湯底十分濃重， 豬骨湯底夠厚身，充滿骨膠原那種 黏性， 鰹魚粉夠多，沉在碗底，香味突出。但可能香港人未如日本人般接受較濃較鹹的口味，現在的湯底已不如從前濃厚， 湯已溝稀了很多，沒有從前的黏性，豬骨味亦淡薄了不少，可惜。但味道還是不錯，只是有點不痛不癢，是所為中庸之道乎？！叉燒水準keep到，燒過有微微焦香，算是厚切，肥廋分明，夠軟滑， 但略嫌味道較淡。麵好粗，筋性很強，有咬口但不太吸到湯的味道，可能沾或撈麵效果更好。 溏心蛋是敗筆，蛋黃邊已有些過熟，不軟滑，沒有流心效果，而且味淡，滷汁味不入蛋內，死氣沉沉，要加$12不值。