大門拉麵 (屯門市廣場1期)

營業中

休息中

拉麵來說，大多已不像以前４—５０蚊有交易，現在閒閒地都１００蚊碗。但大門拉麵卻一反常態，招牌大門拉麵都只售＄４８！當然，呢個價錢一不及果Ｄ百元好貨，但都算交足功課了！晚市，要等１５分鐘入座，唔算耐。大門拉麵，打大旗號賣日式拉麵，入到去裝潢算不錯，至少一睇就知是日式拉麵店。坐位舒適，唔會迫！係餐牌上畫低想叫咩大門拉麵（＄４８）★★★／５：湯底，極度濃郁，配上麵食是ＯＫ，唔錯的，但絕不能飲晒。麵質，唔似Ｘ籣果種，而係Ｎ年前果種拉麵（粗，爽口彃牙，但冇咩味果種）。湯同麵都夠熱！好彃牙！同Ｘ籣唔同ＳＴＹＬＥ，做得幾好！叉燒得一片，偏肥，有肉香脂香，但連埋個濃湯，一片真是剛好。紫菜未至於軟，但唔脆。大門叉燒沾麵（＄７０）★★★／５：以沾麵來說，湯底唔夠濃，但面頭重本下了大量鰹魚粉，勉強收貨。以為以叉燒命名，會好多叉燒，但只有２舊，同個食物名唔夾。紫菜未至於軟，但唔脆。想食沾麵，但又唔想出銅、尖、旺，可以一試！日本叉燒丼（＄２０）★★★★／５：叉燒幾舊，偏肥，有濃郁肉香脂香。每啖飯都夾著叉燒汁，所以好濃香～配上蔥花，醮少許白醋，真係唔錯，齒頰留香！睇一睇個價錢才＄２０，算交足功課！忌廉薯餅（＄１５

今日下午我們去咗屯門市廣場同變形金剛嘅主角「大黃蜂」同「柯柏文」嘅大型figure公仔影完相之後行到去一間充滿日本特色嘅拉麵店「大門拉麵」食下午茶！我們叫咗大門拉麵、大門油麵同大門沾麵嘅麵質超煙韌彈牙，而且比較粗身，所以口感更加豐富，但浸著湯嘅就諗身咗啲啲！拉麵嘅湯底超級濃郁，濃度有啲過鹹！油麵嘅醬油味道唔會好鹹，而且都幾香甜，而令到整碗麵更加好味嘅就係溫泉蛋，撈埋一齊食，令到味道更加惹味！沾麵嘅湯底亦都係極之濃郁，味道超鹹，好彩啲麵係分開另上，所以鹹嘅程度我們可以自己控制！叉燒嘅肉質都算鬆化，但質感比較「粗嚡」！

喺屯門市行行下街突然好想食拉麵於是就行下睇下附近有咩拉麵店一搵就搵到呢間細細間，坐滿曬人冇人等位，我地等左5分鐘左右就有人埋單呢度嘅選擇唔多，價錢亦都算平我都男朋友一個要沾麵一個要拉麵沾麵先到我幾中意個麵質，好彈牙，唔會煮過龍，同埋冇我最憎果陣「簡水味」個沾麵湯係好重木魚味，我諗未必個個識欣賞，但我個人好鍾意所以食到最後示意個侍應幫我加木魚水，再連湯都飲埋男朋友碗拉麵就中規中距，佢覺得個湯唔夠濃味，但麵質都幾好同埋配料太少，如果貴番少少多啲配料會再好啲

今日係同我的最愛的一個頗重要日子，所以又係時候出黎拍下拖覓食，今次黎到大門。我地每人都叫左碗大門拉麵，之後再叫個餃子。大門拉麵，講真都好一般，十分入面最多得五分，湯底唔好食，面質亦唔好食，唔彈牙唔爽口，佢d面好似比其他拉麵粗身d.另外，塊叉燒的口感有少少奇怪，我睇番openrice有人講話似午餐肉口感，其實又真係少少似餃子正路，皮薄，餡主要係肉，如果多番d菜撈撈埋就好食啦！

今日黎到屯門睇戲，睇左成兩個幾鐘，個肚餓到呱呱叫，當然想食大大份嘅美食啦！逛左屯市一大圈，就選擇左食位於aeon附近嘅大門拉麵店啦！呢碗係我叫嘅大門拉麵，賣相唔錯，有竹筍，一片大大嘅肉，中有紫菜，蔥花做配料。竹筍香香辣辣，而片肉好滑嫩，入口即溶嘅狀態，份量都好充足，絕對可以填飽肚，但麵質有d硬，如果軟少少會更加好味!

諗住今日星期日搵個老友去行下，之後搵埋個知己一齊去食晚餐架啦 見個間拉麵好似好唔錯就一齊入去食點知中伏了 超難食 拉麵d麵硬過我地三個條命 d日式叉燒 食入口好似食緊橙色個隻梅林午餐肉甘 我自己就叫左拌麵 又係凍冰冰既碗麵明明都唔係涼拌架啦 小食仲衰 鹽辛魷魚 又係凍既 喊到死，食入口好似 凍既生咸魚既味道 杯 乳酸梳打 就係759 7蚊支 佢倒出嚟賣 18蚊 未食過垃圾 真係貼錢買難受 影衰日本直送 無諗個一間咁靚既門面，竟然係食垃圾食物

之前黎過幾次，一直對呢到既沾麵念念不忘，但今次實在令我太失望，點解個湯底可以唔熱架！仲有，侍應條女係咁㩒電話，又黑口黑面，想點？🙄唔會再黎食囉...真心希望店舖老板可以睇到呢篇野啦...

食咗幾次呢間拉麵店，都要排一排隊，頗多人捧場😍😍拉麵店以和風及木裝潢為主我去過幾次都選擇食雜菜拉麵，好味又多菜😍😍👍👍最鍾意加埋佢d蒜茸醬，好好味拉麵是較為粗身的餃子亦都OK在屯門嚟講，呢間拉麵店都不錯👍👍😋😋

在屯門市廣場逛逛街，行到腳有點酸軟，於是四處找找食肆。去到吉之島超市那層，見到大門拉麵不多於10人排隊，所以決定排一排，結果不用15分鐘便有位了。一向都喜歡吃沾麵又喜歡辣的我決定點鬼大門沾麵（$60）。沾麵湯底不夠濃郁，太稀令掛湯力不足，食落麵與湯不能融合。而且辣味蓋過了原本的木魚味，但辣度卻不足以令人流涕，變相兩頭不到岸的感覺。座位旁有教食客吃沾麵攻略，我跟著其做法叫店員加湯，味道變淡了，但喝盡辣味湯有點不健康的感覺，所以最終只喝了一半。大門拉麵（$48）招牌拉麵當然一試，結果沒有令我失望。木魚湯底十分濃郁有別於近年香港一般的人氣豬骨湯底拉麵店，木魚湯底令我更有新鮮感。雖然只有一塊叉燒，但48元的拉麵我都不抱太大要求，而且叉燒質素不錯，叉燒稍稍烤香，醃製得也入味，叉燒厚身。拉麵的麵底粗身，與沾麵的麵一樣，粗拉麵相信未必人人喜愛，但由於拉麵粗，食完很有飽肚感。忌廉薯餅（$15）本身諗住叫四件，但店員說只剩下一件。為了嘗試唯有照叫吧，但既沒有忌廉味，又沒有重的薯味。

香港本來就好少正宗的拉麵店，新界區就更加慘不忍睹。見到呢間啲點評，居然有人投訴話「沾麵啲麵竟然冇味」，就知道咩人都有，感受好個人，唔好咁容易信人地食評哈哈（廢話）經過Aeon呢間店外睇到大旗寫住「日本直送湯底」，以為係日本品牌就試下啦⋯⋯看菜單上的圖片，已經感覺一半中伏睇落好似つけ麺比較可靠，就下單但不敢期望。果然，唔夠2分鐘就出餐！連做下戲都唔願意！先黎一口湯，再試一下塊叉燒，馬上就可以判死刑！湯溫只係微暖，連最基本都做唔到？拉麵湯要熱辣辣咋，叉燒都唔好咁硬啦⋯⋯希望此店老闆或者廚房睇到呢篇認真考慮一下！其實湯味係OK的，最好自己加啲蒜蓉同胡椒粉提味就更好。但真係唔好意思，2分鐘出餐同埋微溫的湯底，你地咁唔認真、仲掛羊頭賣70蚊一碗叉燒麵，而人地好多賣20-30蚊一碗的都辛辛苦苦認真做好碗米線雲吞油渣麵，唔認真的我地顧客只能哭了！大家記得呢間同日本大門冇任何關係⋯⋯

從未試過“我期待到無奈發誓要講”😂由頭講起先平安夜驚多人GF又鍾意食拉麵咁啱見到間睇落唔錯嘅拉麵店又咁啱得5個人等緊即刻嗱嗱臨攞飛啦 等咗好一陣終於有個侍應行出嚟話“唔好意思我唔個你地邊個嚟先，er你地係哩(門口左)排隊啦”原來門口有張紙話要排隊，但唔留意真係冇人知。入到去一坐底第一個感覺係個水壺好x大好阻住，張枱本身已經細但d嘢仲要佔1/3，Menu得嗰幾樣，心諗菜式專注食物應該唔錯，想食薯餅冇唔緊要，想飲啤酒又冇，再次覺得d嘢好好賣間嘢真係好似好正，嗌完唔夠5分鐘到齊(大門x2煎餃x1乳酸sodax1烏龍x1)，明顯煮定，麵配料少到可憐。好啦，跟住落嚟真係我期待到無奈，碗微暖，第一啖試湯，味精湯，之後到麵，麵身實得嚟冇佢應有嘅麵香，少少都冇，fine，叉燒，韌淡似去骨嘅白焯豬手，落完調味再食少少麵少少湯一啖啜落口，救佢唔到，宣告死亡。餃明顯落咗好多糖，邊唔脆勝在啱啱煎起。飲品，韓國窄身罐乳酸soda，烏龍我冇飲。以為到谷底，點知仲有更精彩，我本身算食得快，餐飯食咗唔夠半個鐘叫我埋單先，我二話不說起身埋單走人。總結，哩間嘢令我諗起當年未有openrice成班中學雞去明將打大佬嘅歡樂

每次經過都大排長龍， 今天見到唔多人，梗係要試下啦店內比較細，座位唔多，裝修簡㓗餐牌簡單，有拉麵，沾麵及飯，速食格局大門拉麵賣相唔錯，有义燒，有香蔥、筍及紫菜先試下個湯，有豬骨味道，唔錯，义燒比較肥，麵質比較粗，彈牙又滑，有口感價格又便宜，抵食

（叉燒沾麵）個麵本身是沒有味道的，全靠碗濃湯配搭。濃湯內基本配料有(幾小粒豬肉粒，紫菜，小小木魚粉，荀片)。因為點的是叉燒沾麵，所以多了兩片叉燒。 濃湯-因為有木魚粉的關係好香，加上了豬肉粒有小小黏黏的感覺。 大致一切都好滿意。 除了在尾聲按推薦牌上示：叫服務員加木魚湯，沒想到竟然落水的 。即刻成碗麵無味。 既然沒有木魚湯就不要推介。有想過是否同事落錯，但係水同木魚湯的分別很明顯。

已經食過好幾次，分唔清佢究竟係日本定係台灣，店名似日本。。但沾麵係未台灣呢？唔去考究了，我係黎為食啫～嗜辣派嘅我，店內只有兩款辣麵，但我多數食赤門沾麵不太辣，少辣至可以品嚐湯味，麵條沾湯食又唔會太「辣咀」，我至怕食麵熱到飛起，紫菜上有少許柴魚粉令整個湯加添香味同鮮味，湯味道適中麵條要浸湯才有味道，麵條有彈牙感，值得一試

常常都吃拉麵，沾麵，今次換轉吃油麵。其實我也未吃過，所以我都在猜它究竟是甚麼麵來，是豬油麵? 抑或是辣椒油麵? 通通都不是，原來是醬油撈麵😶醬油一點都不鹹，少許甜，暖暖的麵攪拌著，吸收醬油汁，麵條爽口彈牙。叉燒吃起來好像燒肉，不過不算太肥膩，豬肉鮮味濃郁。最重要有溫泉蛋吃，一刺穿蛋黃，鮮黃蛋醬滾滾流出，拌麵一流。