大門拉麵 (屯門市廣場1期)

營業中

休息中

大門拉麵師父喺你面前即叫即煮，而湯底同拉麵都係喺日本直送過嚟嘅，新鮮直送排緊隊嘅時候睇下有咩好食先， 選擇都有幾多架店內嘅雅座都有30多個環境設計簡單舒適， 小小和風嘅味道鬼門拉麵張餐牌介紹嗰度寫住呢個湯底係有三隻辣椒仔㗎， 唔知係咪真係咁辣呢， 即刻就試下先呢個紅卜卜嘅鬼門拉麵真係相當之辛辣， 湯底入面會見到一塊一塊辣椒皮， 食落相當刺激， 好彩店內提供一壺冰水喺每枱枱面， 拉麵嘅硬度適中， 配合埋湯底一齊食都真係幾好味，而拉麵上面就係半肥瘦豬肉。呢間舖係全日免收加一嘅， 埋單都只係五十零蚊， 都幾抵食又幾好味。

星期日，天寒地凍唔想煮晚餐，唯有出去食啦，妹子提議食拉麵，都好，好一段時間無食拉麵了。屯門市中心有幾間拉麵店，今次選大門，貪佢位置方便。啱啱好唔駛等位，行遲一步就要排隊嚕。大門主打係油麵，妹子選黑蒜油拉麵，我揀試吓大門油麵。其實2隻麵的麵質相約，不是軟腍腍而是軟中帶點嚼勁。黑蒜油拉麵有湯聞到好香蒜油味，配料有叉燒、紫菜、荀條、香蔥和鳴門卷。上之食過都覺得好食。大門油麵這個麵沒有湯，卻有特製醬汁在碗底，配料大致相同，多了溫泉蛋，沒有鳴門卷。坐位旁貼有油麵的推薦食法，唔想整爛個溫泉蛋，所以先把蛋吞吃，Oops ......原來個蛋是冷凍的，即刻精神曬。首先試吓店長推薦食法，不加任何醬料，拌勻麵條與醬汁，唔...好味到唔識形容，吃了一半才想起試其他食法。加了醋和辣油試經典食法，食味香濃，多了另一種層次感，一樣好食。然後又挾了一箸加點蒜蓉試，麵條添了蒜香和食味，都好配合哦最後在碗裡加埋蛋黃醬，出乎意料的夾，把強勢的味道柔化了。吃完麵條後，又試吓請店員加點木魚湯，一口氣喝下去，多了木魚香，正啊!一碗麵試勻咁多種食法，好食又好玩，哈哈

Lunch吾知食乜好。記得有朋友介紹過呢到附近有間拉麵吾貴又吾差。所以揾下呢間野。門面係無乜野既。舖頭都吾大。位置吾算多。20個位左右。第一時間當然睇餐牌啦！咦！又吾算貴喎。50,60蚊有交易。算係咁上下。無辣不歡既我當然係叫個辣既啦！叫左個鬼門拉麵。都算係餐牌上既貴野。出麵既速度吾快。我有理由相信佢係即整。因為都真係要小小時間。第一啖湯未有太強既辣味。但佢既辣會慢慢加上去。所以後尾既辣都收貨！而麵呢，就偏硬既！個人口味啦。個人黎講係ok既！豬肉就一般啦。因為吾係叉燒。但鬼門拉麵又得呢個肉選擇，所以無計。總身都ok既。平價既拉麵！會再戰！

我之前食過一次，11點正到，個面十分鐘內整好，大門湯拉麵，味道符合五十蚊既質數，唔太差，似即食拉麵包咁樣，湯係淡左啲。第二次黎，十一點零五分落單，等等等等到十一點二十四分先到，同場有另一個客，佢都等足四個字先黎杯野飲。十一點二十分有個呀姐沖入黎同個後生仔侍應講唔好意思，佢原來係煮野個個人，佢到左後我個面幾分鐘就整好，原本等到好燥，遲黎既人又出野先，個侍應細聲同呀姐講係我個沾面先，咁就算。但問題係如果明知煮野個個人遲到，佢可同客講明可能要等幾耐，個客自選肯等就等。算啦，左等右等個面黎啦，我預期都好似上次咁既味道，但呢次難食到呢。面都正常，但個湯淡到淡過上次既湯面，淡到想問佢地拎鹽.....好慘既經驗，等咁耐食垃圾。

今晚同老公去嘉禾睇戲，睇戲前醫左肚先，今次我地黎到位於屯門市廣場嘅大門拉麵，大概7點去到幸好唔洗等位，入座後侍應就奉上餐牌，餐牌都比較多選擇，有拉麵，沾麵，油麵，炒飯，小食等等，我地就揀左大門油麵及黑蒜油沾麵，等緊上菜嘅時候周圍望下餐廳環境，呢間拉麵店幾特別，有教客人點食沾麵，建議加咩調味落油麵一齊食，大門油麵（$58）日式叉燒肥瘦均勻，拉麵麵質彈牙，麵底有秘制汁醬，撈勻食再配合埋流心蛋，蔥花，份外惹味，之後跟建議方法加少少蛋黃醬，醋同辣油，又係另一番風味，一碗兩食，幾特別又抵食，黑蒜油沾麵（$65）一上枱就已經聞到好濃香嘅黑蒜油，麵質一樣係彈牙，湯底亦做得唔錯，但呢一碗嘅日式叉燒就麻麻地，全舊都係肥肉無瘦肉，所以食唔落。

是日去行街, 行到唔知時間，下午3點幾先食飯其實想試呢間沾麵好耐，但佢時常有人龍在外排隊，就打消了念頭，今日因為晏左，竟然冇人排，就決定一試。因為本人是貓舌頭，不愛熱食沾麵特色乃冷麵熱湯，啱哂口味叫左兩款第一款當然是招牌大門沾麵粗身、扁扁的微彎麵條相當彈牙，我喜歡，也利於他沾汁汁裏面有五花肉，汁底有魚香，我不太認得出是甚麼魚，但相當鮮味。朋友吃的是叉燒油麵，也是我點的，因為我想試 (^^~)原來也是撈麵有蛋黃，芽菜，叉燒，大量蔥和童星點心麵碎，幾得意。汁帶微酸，有點像中華冷麵加日式麻醬，其實都是開胃。唯一缺點是份量太多，吃到很飽。

見呢間拉麵幾多人排，又見價錢幾實惠所以就去食下，叫咗個以舖頭名命名嘅「大門拉麵」賣相OK，同餐牌有9成似，湯底都夠深色，睇落唔錯但係，飲完頭啖湯就知出事，湯底唔稀，但飲落俗而無味，甚至令我懷疑係咪「日本直送」令到個湯底揮發晒啲味麵係用粗麵，有少少鹼水味，做沾麵ok，但湯麵真係不了。粗麵嘅濃味搶哂成碗麵嘅形象，湯拉麵應該係湯佔6成整體風味，但呢個拉麵真係同食淨麵無分别，叉燒無其他舖嗰種烤香味，似白烚，肉味唔夠嘅程度係我只知道自己放咗舊外表係叉燒嘅白肉入口唯一正常有味嘅係塊紫菜，食嗰陣簡直覺得好似喺地獄得到救贖一樣我自問對拉麵要求唔高，屯門另外其他拉麵舖我都覺得好食，加麵都食得晒，最多飲剩啲湯，唯獨依間嘅湯麵我係第一次食剩。對我而言真係可一不可再。

星期三例牌去行吉之島超市，掃完貨後見有啲餓，但又拎住一袋二袋唔想周圍搵食，見到呢間裝修有啲似日本feel嘅拉麵舖，於是就入去坐低，舖內雖然有啲細，但坐位唔算多所以都坐得幾舒服餐牌以我呢啲精明嘅C9嚟講當然喺揀下午茶時段搵食啦，叫咗個叉燒炒飯配汽水都唔使加錢-正，炒飯有啲濕料唔多，但味道唔差，還跟埋一碗味噌湯添，湯不太濃味是我喜愛的 叉燒炒飯跟味噌湯兼送汽水枱面擺放了各式調味料還叫了招牌的大門拉麵，豬骨湯底做得非常濃味，屬於幼身拉麵，麵身淥得剛剛好夠彈牙，筍絲醃得夠入味又嫩身，但叉燒都是一般日式叉燒水準，沒有太大驚喜，配上蔥花增添香味值得一讚

剛剛逛完Aeon超市經過，想話食個沾麵做晚餐都好，當時係9:23，行到門口都望下餐牌時店員已響門口大嗌炒飯賣哂同唔知咩拉麵賣哂，我話我食沾麵啫，佢先比我入去，坐低叫左客沾麵，等候期間聽到頭先響門口果位女店員同煮麵嘅同事好大聲講「仲有6分鐘」，我望望手錶，原來係9:30截單，心中已同自己講快D食完唔好阻人收工忽然有店員過黎擺低碗有叉燒嘅湯，然後乜都無講就走左，喂咁個麵呢？過左兩分鐘先有人再攞碗麵埋黎重點1. 沾麵嘅湯唔熱，只能勉力叫微暖，亦可能因為咁而成個湯都好咸，咸到食完都唔想叫店員加湯飲埋佢2. 叉燒Ok，幾香，唔係好肥所以有少少嚡3. 我咁大個女響日本同香港去過咁多拉麵店，第一次叫沾麵而店員係無問我要凍麵定熱麵，今次大門自己幫我揸左主意比左熱麵我，感覺好奇怪，湯唔熱但麵係熱到出煙嘅4. 店舖感覺好嘈，有一、兩個店員講野好大聲，又好大力放杯、碗筷、水壺，感覺好似去左大排擋

由於有過的不快經歷,所以之後就沒有再試了。 今日見不多人亞媽想試。就入去了。(豚肉拉麵) 湯是熱的。味道都濃。拉麵ok。豚肉是薄薄的一片。整體來說味道ok.但貴唔抵食。 (餃子) 皮薄ok。 (辣拉麵) 湯是熱的。不算太辣。整體來說ok。 總括來說可以試下的,專誠再食就可免了。

好耐冇食拉麵行過屯市見到大門拉麵好抵下午茶仲附送汽水或者烏龍茶決定試試大門拉麵湯底味道濃郁加埋蒜蓉蔥花夠哂惹味但係偏咸；拉麵似係傳統食嘅嗰種偏粗雖然口感彈牙但係相對較難吸收湯汁；叉燒好少兩片都冇而且薄片但係肉質軟腍肥瘦均勻食落甘香唔膩；紫菜可能因為浸左湯唔夠脆叉燒炒飯叉燒炒飯份量唔多以為會唔太夠但係可能因為用左珍珠米煮所以好飽；可惜水份太多太濕飯粒唔夠乾爽食落黏稠；叉燒味道濃郁配上炒飯都算惹味；味噌湯淡而無味好失望

難得星期日出去屯市搵食，見大門沒咩人，終於可以試下，味道不錯，但偏咸，飲左三四杯水都未能解渴。店舖已經不大，全店侍應及廚師打成一片地交談，令整個店非常嘈吵，這會影響到食客

第一次試呢間大門拉麵，睇入去舖頭人客都算多，禁啱去到即時有位，好快就可以入座，坐底望下見到👇👇，教你點食沾麵嘅方法，幾得意，平時屯門d日式拉麵店比較少，感覺幾新鮮。我鍾意食辣，今次叫左「鬼門拉麵」$58，追加左個小食「忌廉薯餅」$15，同埋「烏龍茶」$12首先講講「鬼門拉麵」，湯底味道濃郁，小小味噌嘅味道，辣得容易讓人接受，而麵條不像一般拉麵，呢隻比較粗身，彈牙。追加嘅呢個「忌廉薯餅」，脆卜卜，熱辣辣，好香口，旁邊仲有醬汁比你點來食，但由於我對醬汁麻麻地，所以冇用總括黎講都滿意，埋算價錢亦合理。

好失望，本身打算同朋友一齊食豪小小食拉面唔洗成日m記。點知出黎2碗拉麵的叉燒都冰的（果汁雪條果種口感）。叫佢換就望住佢求期拎走塊肉，放另一塊洛去就算。煮都唔煮下。

成日行過都會見到一間拉麵店有一條長長的人龍但都未有機會品嚐今次經過見門口人龍少左 就決定排隊試試 可能平日的關係都係等左15分鐘左右叫左大門叉燒沾麵 $70湯底相當濃郁👍食食下可能會覺得湯底濃郁到有鹹味😂好彩沾麵同湯底分開嘅關係問題都不大叉燒有兩片 叉燒肉厚 但肉質未算超級嫩滑紫菜上亦淋上大量鰹魚粉非常惹味😋😋💕最值得一讚的是麵條相當彈牙 口感十足 亦較為粗身最後 當然倒入店員提供的木魚湯底一嚐濃郁的湯底鮮味