大門橫丁串燒手打烏龍麵店 (厚福街)

營業中

休息中

已經好一陣子沒有幫襯所以今日就去食番餐, 見到裝潢同埋店內都好大改變, 地方好似寬敞左食物選擇都多左好多.我地叫左呢個極上牛肉辛辣沙嗲烏冬,湯底既味道仍然都保持到過往的水準好香好濃! 配菜的豆粟米粒同埋溏心蛋都做得唔錯唯一係烏冬份量真係小得可憐. 都唔知有冇以前的一半咁多.另外呢個就係吉列蠔辛辣蕃茄烏冬, 同樣湯底既味道仍然都保持到過往的水準好香好濃! 配菜的豆粟米粒同埋溏心蛋都做得唔錯唯一係烏冬份量真係小得可憐. 不過呢個就比較好係有５粒既吉列蠔, 炸得好香脆而中間既蠔仲係嫩既.由於食完個烏冬太細的關係我地再左4串串燒黎share. 串燒味道就真係一Ｄ問題都冇仲好好味, 醬汁用得好好又唔會好咸. 燒到剛剛好又唔會乾仲好juicy. 最差的店員的操手同埋態度, 我成日都覺得如果餐廳食物好好但店員態度差而令到客人唔回頭係一件好可惜的事

都有一段時間無黎大門橫丁食野連MENU 轉埋  仲加左好多新食物但餐廳依舊好迫  特別咁凍既天氣  大家都著住厚衫 令到個環境更迫照舊叫左個雞柳番茄湯烏冬同燒鳥沙嗲湯烏冬雞柳番茄湯烏冬好快就上左枱但係D 雞柳''鞋''到我地以為佢上錯左豬肉 燒鳥沙嗲湯烏冬如menu 所說  呢個燒鳥係要等既 但係上左燒鳥 卻遲遲未上沙嗲烏冬 搞到都唔知食唔食好 仲有入面隻糖心蛋  咸到好似食緊咸蛋咁 可能係我唔好彩啦  因為雞柳烏冬入面隻蛋都係好正常既但真係好失望根住我地仲叫左個海鮮菇牛肉卷呢個算係最正常既一樣! 佢上面淋既汁也都唔錯  可以一試另外餐廳內侍應好似唔太夠  黎黎去去都只見到一,兩個人在工作整體黎講  不論食物水準定服務質素都下降左

相信<烏冬>係香港人心目中都佔好高既位置，要係香港搵到烏冬專門店一D都唔難，但要搵到高質的就不易了。今日去到尖沙咀厚福街的<大門橫丁>，標榜手打烏龍麵（烏冬為香港叫法）專門店，果然無令我失望！<小肥兔>和老公無獨有偶都點了辛辣沙嗲湯底，分別有於我點了吉列蠔，老公點了叉燒沙嗲辛辣湯底味道濃郁，質感都幾濃厚，而且隱約感覺到花椒的香味，但略嫌咸了小許。每碗都有半隻溏心蛋，夠入味而且蛋黃真係半溏心狀態，好吃主角烏冬麵，個芯好彈牙，外層未算極爽但保持到滑，可以掛到濃濃的湯汁，整體都算好高分！老公的叉燒稍為遜色，因為略肥同不夠香。但我的吉列蠔就超正！！火喉控制得好唔好煮到硬晒，而且蠔味好濃郁，正喔70幾蚊一碗，合符市價，值得回頭

係，真係好後悔。。。行過見都多人食所以就以為真係幾好，點知伏左。同女朋友總共叫左兩個烏冬三個小食，佢叫左個黑蒜油牛肉烏冬，幾好食既而我就叫自家制蕃茄湯大蜆烏冬，啲湯夠濃但唔係幾夠熱。重點尼喇，啲小食真係超失望，個芝士明太子玉子燒，醬汁好咸，成舊嘢完全食唔到玉子個味，又係唔熱 ; 燒三文魚鰭一般 ; 不過個軟殻蟹沙津諗起都嬲啲軟殻蟹好明顯係炸完唔知放左幾耐，面嗰層炸粉硬到我以為自己食緊硬殻蟹，仲有沙津啲菜唔新鮮，啲粟米係淋既，連啲汁都係有陣雪味，似整定放係雪櫃好耐，其實本來坐低個陣見到隔離對情侶食淨左一半沙津唔係幾對路，但最後諗住個沙津成60蚊應該唔會差到去邊食到落口先明，最後唔想浪費食物都係清左碟嘢傳說中既 硬殻蟹沙津

一是記錄，上個月跟男朋友吃晚餐的經驗。通常不是太好吃的，我都會忘記。所以差點忘記寫食評。晚上的尖沙咀，有點難搵位。行咗一陣，入咗一間有好多人食，但依然有空位的餐廳。裝修不是太差，而且都有客源，可能因為繁忙時段吧。叫咗軟殼蟹沙律、芝士大菌燒、以及吉列流心豬。燒蘑菇、以及吉列豬，其實整體沒有什麼特別，所以本來沒有打算寫食評的。其實芝士燒蘑菇，是不錯的。可是軟殼蟹沙律，實在太過參差，所以記錄下來了。蟹沒有什麼味道，可是這個我沒有太大埋怨。賣相一般，這個也沒有什麼所謂。可是，我感受到番茄、青瓜絲、以及醬汁並不是太新鮮。有可能保存的時候，沒有好好蓋上，或者暴露空氣太久了？我本人，吃了一點之後，已經沒有繼續吃。可是男朋友慳家缺點出現了…不想浪費食物，竟然把大部份都吃光了。這碟菜，味道確實不是太好。因為日後能有改良吧

同朋友睇完戲10點幾,之前又無食飯,但呢個時候食又好似太heavy,最後決定去食串燒~~因為得2個人 所以可以食的數量都唔多,但點都好,沙律,一定要叫~~佢個蟹籽沙律都幾過癮,人地青瓜會切絲或者切半,佢直接切片~不過D青瓜又幾爽,成舊食仲正,加上份量唔少.打底剛剛好之後就係炸物登場Gei時候.紫芋甘栗餅其實無o羊芋頭味,不過裡面D栗子粒粒還不錯~都幾足料我鐘意炸豆腐係一口size,裡面依然好嫩滑好香豆腐味,外面真係非常脆,不過就算佢一口size,都係太熱要等一陣先食到咁多菇邊款最好食?我推薦串燒杏鮑菇,一來你可以自己選擇醬汁,而來杏鮑菇有足夠厚度,咬落去D汁標曬出來,混合埋選擇gei照燒汁,味道真係無敵~~朋友鐘意食芝士我鐘意食玉子,所以我地一致決定叫芝士明太子玉子燒,視覺上佢有成塊芝士真係幾吸睛,不過味道上我覺得還可以,唔係好feel到芝士味(雖然有成塊),同埋佢話有D辣,我覺得唔算~不過玉子本身,係ok的,底部還有燒焦少少的煙燻味我地仲叫了雞軟骨,不過我覺得佢太油,但調味做得幾好,有椒鹽味又唔會太濃.至於串燒煙肉蘆筍普普通通.蘆筍係爽脆,但都係o個句,油分太多,令我食菜都感受唔到清

十點半，剛剛充當完兼職裝修工人為大少姐於尖沙咀的小店做了些小裝修…其實就是換換電燈泡這種小事……離開鋪頭後，大少姐還沒有晚餐，而我肚子的晚餐早就消化得空空如也！大少姐說附近有一間烏冬店很不錯，想起我也好像好久沒有吃烏冬，這也是個不錯的提議。就走到厚福街附近的這間大門橫丁！門外人也不少，排了十多分鐘左右就有位置，還可以吧...這裡烏冬的款式本來就不算少，而且湯底都可以隨意轉換的，選擇之多令人難以下手。既然如此難選擇的話，我就點了這個放於 Menu 第一頁就可以看到的清酒湯大蜆手打烏冬，大少姐是衝著蕃茄湯而來的，就要一個蕃茄湯叉燒手打烏冬，另外還有些串燒小吃！清酒湯大蜆手打烏冬清酒湯的酒香不算太濃，賣相感覺很清，但絕對喝得出酒味！市面上好像有這種湯底的烏冬店沒有很多，要試的話這裡是一個不錯的選擇。寶物沉歸底，用湯匙羹翻開一看，蜆大大隻，而且份量一點都不少！味道來說不錯，蜆有蜆味，沒有沙、沒有異味、"痴" 殼的(應該是新鮮的…) ，烏冬也彈牙！最重要的是…看看這個溏心的蛋，是真的很溏心！水汪汪的會不會太可愛？一口剛剛好 <3蕃茄湯叉燒手打烏冬大小姐的蕃茄叉燒手打烏冬，蕃茄湯算是很濃，

食烏冬緊係要食手打烏冬先夠過癮😻襯埋個特濃湯底真係一流呀！！我今次叫咗 * 特上橫丁沙爹湯手打烏冬配牛肉豬軟骨($76)一上台果下心諗係咪黎錯 因為同menu真係差好遠 （見圖三及圖一）不過食落有好濃郁嘅沙嗲味同好重花生味 有少少似喇沙湯底 仲意食喇沙湯底嘅朋友不妨試下 不過個人就比較仲意朋友嗌嘅蕃茄湯😻同樣重口味但感覺無沙嗲湯咁油膩😋不過食完好口渴 好想飲水 應該係太重味精 耐唔耐食一次都還好啦～.

叉燒地獄湯烏冬夠辣，好好味👍🏻👍🏻👍🏻叉燒比一蘭既厚，味道都唔錯野菜烏冬呢個烏冬唔辣既 湯頭都唔錯溏心蛋好好味食食下 發現條菜超大 仲大過個匙羹 一拎佢上黎 啲湯即刻降低左三分一😂😂總括黎講，對於收工都成12點既我，呢度都係一個宵夜既好地方。

我同朋友，一行兩人喺繁忙時間來食飯，被安排坐一張四人枱的卡位，侍應指明一定要打橫平排坐，但我哋話想面對面咁坐，佢哋就話唔得！我就話我又唔係霸哂你成張枱坐！佢講左一大論廢話，總之就係話唔得咁既意思！我覺得真係夠晒奇怪！（最後調左去第二張枱坐）食食吓飯，啲職員又話要喺個卡位底度攞野，我地已經要拎起晒我哋啲嘢，讓比佢地拎野，佢地都仲要黑面！坦白講，真係唔知邊度得罪d待應，雖然d烏冬都幾好食，但簡直係貼錢買難受的體驗⋯

晚上同朋友黎宵夜，見幾多人就入去試下。先唔好講個環境又擠逼又嘈雜。出野食非常慢，佢同我講有個爐壞左，等勁耐。等成半個鐘，終於有野食不過唔好食而且好貴。兩個人食左$290，完全唔值。雞皮露筍串完全冇味，燒菇又異非地鹹個韓式年糕一串得個兩舊細都乜咁仲好難食無一樣野好食跟住啲待應又唔酙水，我諗佢間鋪都做唔耐。你話我黑心我都係咁講。扮乜Q深夜食堂，咁嘅質素都學人開鋪，我好耐都未食過啲咁劣質嘅野。強烈建議各位未食過嘅朋友，唔駛黎試。

今日去厚福道分店食晏嗌咗個lunch set先嚟咗杯野飲 想叫個女侍應畀杯水點知佢一聽完拎轉身就大大聲「妖～」咗句之後我見佢好耐都未嚟 我哋再問多句佢再大大聲粗聲粗氣咁話 「等等啦好冇呀！！」我知繁忙時間好一腳踢 但態度都唔會係咁差呀 再等咗陣 我坐喺度望住佢竟然用個比客用過嘅杯將飲淨嘅水倒咗佢然後直接加水比嗰杯水我哋佢態度差到咁都廢事直接同佢理論野食又唔係特別好食 烏冬冇咬口 個汁又勁酸！！之後食完仲肚痛唔知係咪加咗料呢間野係我去過最差嘅餐廳！！👎🏻👎🏻👎🏻👎🏻

今日去咗尖沙咀shopping，行到中午又係食lunch嘅時候，於是走左去附近厚福街搵嘢食。妹妹提議去一間食烏冬和串燒嘅日本餐廳食，於是我哋就去咗嗰度醫肚。呢間餐廳唔單止鋪名「大門橫丁」好有日本feel，而且門口掛滿紅燈籠亦好覺得有東瀛味道！好彩我哋行快一步，剛好有最後一張卡位給我們坐下，之後啲客人就要在門口等位了。鋪頭裏邊佔有九成都係後生仔女，可想而知，烏冬串燒這類東灜食品係好受年青人歡迎。午市套餐包一個湯烏冬和一杯飲品，只需$52至＄60不等，另加$15至＄18就有一個小食，而且午市免加一，價錢尚算實惠。秘製豬軟骨手打烏冬 + 蜜糖綠茶 （$56-）湯烏冬係用一個小鐵鍋盛裝，別緻得嚟又確保熱量不易流失。湯底有得揀，可選番茄濃湯、沙嗲濃湯、豬骨濃湯、和鰹魚濃湯，亦有辣和不辣嘅選擇。我則選擇了鰹魚濃湯。湯底非常之濃郁，又夠惹味，給人好Rich嘅感覺，食落都幾正。手打烏冬比想像中冇咁煙靱，但都OK，烏冬份量睇落好似好少，但食落都夠。豬軟骨有三大嚿，醃得好入味，而且啲軟骨部份一啲都唔硬，好淋，好容易咬，連骨都吞埋！四季豆好爽脆，粟米粒粒份量唔算少，但沉晒底睇唔到！蜜糖綠茶一般，沒有什麼特別

黑椒湯底烏冬➕燒鳥燒鳥其實都係煎雞排雞排唔會煎得太乾，唔錯唔錯配料有🌽，青豆（？）除左udon之外都有好多串燒選擇 不過感覺性價比就😓😓叫左串雞軟骨 食落感覺好油膩應該唔會再encore呢度d燒烤🤔ps.八點幾黎到都仲係好多人 好有壓迫感

是日晚餐~原本諗住同朋友去食101肉燥飯，點知冇開到門，經過一輪掙扎都係選擇食日式烏冬，因多年前食過印象中ok極上牛肉手打烏冬-蕃茄湯底烏冬彈牙，牛肉份量多，配料有溏心蛋湯底ok唔會食完要飲勁多水整體不錯！