大阪王将 (已結業)

Ａ問我，　喂，　你乜鬼食物都影，無唔無聊D呀，　我話用來寫openrice 的，Ａ沉默了，　Ｃ就話，如果唔係靠我ＬＥＥ　Ｄ人去寫，你就唔會，諗唔到食咩時search openrice la 。Ａ當堂再沉了一沉。。。。　hahahahahahhahahahahahhah　就是這樣, 再難一路打, 一路諗, 一路回顧回味.......我都要寫下去 !!! (要鬥一篇真係好辛苦丫, 我野字又唔叻,又成日打打下delete 左)好, 入番正題, 其實有好多食肆, 平平冇其, 行過你都唔會醒起入去食,在OR見到都不會特登按去看看worth 唔worth 去食, 好在唔知邊個發現LEE D GB渠道,另人可以嘗試下不同的食店.... 是次是大阪王將的餃子set lunch !! 有沙律、汽水或味噌湯、拉麵或飯、同主棻餃子6隻餃子貼在一起的餃子,半煎餃子, 皮薄而脆, 餡唔錯, 幾好, 其實單單吃這個都飽了一半, 平日的lunch time 好旺場wor, 幾乎沒有一個吉位, 但好快唔到5mins ,就有位了, heheheh 我們2口子叫了一拉面一王將炒飯,份量好似炒飯>拉面 DD兩樣

一想起日式餃子，我必定第一時間想起大阪王將。這個狐狸烏冬套餐(HK$62)實在太美味了，每次都點這個，完全不想別的﹗留意烏冬上面那大大塊的腐皮，咬下去非常有嚼勁，而且甜甜的，非常美味﹗餃子皮薄餡靚，完全吃不到我最恐懼的肥豬肉，底部又煎得夠香脆，實在讚讚讚﹗大家有空也來試試啊﹗　注意﹕這小店位於銅鑼灣city'super food court之中，不是獨立的店子啊﹗

今日同同事出去做完野。再去銅鑼灣３買午餐外賣，行過ＣＩＴＹ　ＳＵＰＥＲ。見到有間大阪王將。第一個ＯＲＤＥＲ就係天津飯。我鍾意佢個醬汁。其實係蛋包飯加左個汁。變左天津飯。味道都幾好，其次當然係主打既餃子。因為我同友人都好鍾意餃子。我地叫左個王將餃子餐。餃子係我至愛，所以真係唔使講野係咁食食食。。。餃子肉汁好ＪＵＩＣＥ。。真係好喜歡佢隻味。至於個飯。因為係食完之後先記得唔記得影相。。。哈哈哈哈－＿－其實係ＣＷＢ來講，６０幾蚊真係唔算貴。。整體來講，喜歡餃子既朋友真係唔好錯過！！！

After having tried some very nice gyoza prepared by my wife at home, she told me that it was from "Osaka Osho". I've starting paying more attention to different types of gyoza afterwards. After OTing in the office during the Easter holidays , we were walking around Time Square and the brightly-lit shop front caught our attention: Osaka Osho, like Yoshinoya, is a famous fast food chain in Japan. It apparently started in Kyoto since 1967 They serve a number of "Japanese/Chinese" fusion food, i.e.

為了明日參加朋友的婚禮，我和母親去了ＳＯＧＯ和時代廣場買裇衫，接著便來這裏吃飯。本來想找台灣菜的，但不見有便選擇這間大阪王將，買５５元的烏冬餐。食完之後，覺得烏冬有烏冬的感覺，至少每條烏東麵的口感不錯，令我回憶起以前於炮台山光顧的某店。但就是覺得整餐感覺平凡，麵不覺得特別好，湯就仍然是味精，餃子也中規中矩。整體來說不算抵食的一餐。

放左工都成9時, 估唔到time square既food court仍然人山人海, 一心一意想食餃子所以來此店點左個又燒拉麵, 6隻餃子同一細碗炒飯set食...聽落都好多野食...最喜歡此店d餃子呀, 皮好薄配上佢地特別既醬汁真係好好味, 至於個又燒拉麵真係麻麻地, 2塊肉就唔洗講好鞋口唔好味, 拉麵既麵質都麻麻地湯底又唔好, 此終這間是食餃子,所以其他食物都麻麻.好彩個炒飯都炒得好香唔錯, 可惜偏油.

叫左2碗烏冬一個係狐狸烏冬, 一個係叉燒烏冬~2set 都有6隻餃子~~ 仲有可樂~狐狸烏冬係一塊大腐皮, 雖然睇落冇咩特別,食落甜甜地, 都幾好食~ 得2塊叉燒, 而且都幾薄~ 味道一般~講到餃子, 真係唔錯, 因為即叫即煎, 所以夠晒新鮮熱辣辣~感覺唔多味精, 味道岩岩好~ 記得點d餃子汁~

講咗咁耐, 終於要分享呢間嘢嘅評論了! 餃子很鬆脆, 即叫即做, 好入口。炒飯冷冰冰, 沒有其他材料, 差咗D喎!睇過其他食品, 都似D咁嘅野。而且價錢一般, 自己食無所謂, 推介俾人就唔係咁好啦。

小肥髀想食炒飯, 記得呢間有個餐有炒飯+餃子個場好爆, 要坐得好遠叫小肥髀霸住位再去叫嘢食叫咗1號餐--餃子定食($65)派餐嗰位小姐話要等15分鐘, 我見20分鐘都未叫我問派餐小姐先知漏單佢都即刻say sorry, 再趕份餐比我個飯睇住廚房炒, 雖然唔算好乾身但味道幾好12隻餃子相連, 但好容易分開, 無撕爛啲皮記得响apm食呢間, 啲餃子皮响分開啲餃子時爛晒餃子皮薄, 煎得香脆, 有小小肉汁, 鉸子汁酸酸地, 幾開胃有可樂一杯同一碗中華沙律, 味道正常個餐我同小肥髀分享都食得好飽响等餐時見店肉有兩個姨姨包餃子, 唔會六十幾蚊食雪藏貨

大阪王將一早在我的waiting list，你可能會問，為甚麼近似快餐的大阪王將會是waiting list？因為我頗喜歡吃餃子，朋友說過質素不錯，但我每次總有些原因沒機會吃到。今天，跟同事來到city's super food court搵食，中午總是人頭湧湧，搵到位後，我終於有機會吃大阪王將了。city's super food court叫野方法一向奇怪，先在王將點了一客狐狸烏冬定食，再去俾錢。當所有同事都食緊，我再拎張order紙返去都仲再等好耐，王將可能係成個food court最慢的一間。狐狸烏冬定食有一客狐狸烏冬，一客日式煎餃子，一碗麵豉湯。狐狸烏冬即油豆腐皮烏冬，烏冬尚算滑溜，連鎖來說算不錯。但那塊油腐皮則過甜，比平時吃腐皮壽司還甜很多，這塊腐皮真是有點格格不入。日式煎餃子，餃子隻隻大小相若，板燒起來隻隻相連，但頂部口粘不實，差不多隻隻也是散開的，還好夠大隻，咬開肉味菜味都有，再配有點辣的餃子汁，味道我覺得是絕對合格的。麵豉湯是沖水貨色，跟吉野家那些很像，豆腐和海帶都很多，跟餐絕對抵食。餃子不錯，果然無失望，烏冬雖好不及餃子好，狐狸失色，下次再試其他烏冬吧。

大板王將位於food court, 其實大家期望什麼呢?餃子本來就是即點即煎，員工做到一頭煙，亦不是他們的錯，是管理的問題。當然，若果收銀員醒目D，把口叻D，顧客會順氣一點。說回餃子，的確是皮薄餡靚。只要是熱騰騰的，怎會不好吃?炒飯明顯不是他們的'店自慢'，有點油膩，但總的來說，是OK的。看完某些食評，我本來有點卻步，但其實在現時food court(尤其是Times Square)的文化，你可以expect什麼呢?

忍唔住開個ac 黎講下今日係呢度食左d咩野.一埋到去, 想落單, 我唔該左佢地3次, 3次分別有3個唔同既人都係望左我一眼, 咩聲都唔出做自己野, 有d洗手有d煎餃. 等左 一陣啦, 有人彩我啦, d態度真係好唔掂, 不過算啦我當你煩忙時間所以唔好老脾. 之後買完野, 待 左15min先有得拎. 我買左一個65蚊餐, 主要有一碗拉面, 半碗炒飯, 6隻餃子同汽水.餃灸係OK的, 夠熱又幾好味. 飯比較油. 不過最最最差就係個拉面. 大佬呀我65蚊就係食你個拉面, 你比碗咩我? 拉面最重要係D湯, 佢比我果碗拉面, D湯係微溫既, 真係同熱拉唔上關係.有人食面係食微暖架咩? 佢間野, 我估佢主要都係做面做烏冬既, 佢而家整一個咁既暖面出黎, 真係不如執笠算啦, 好差, 唔會再幫襯!!!

係銅鑼灣食飯最衰就係平時食開果d去到銅鑼灣就貴咁截仲要質素差，再唔係就高質素但貴到唔係個個肯去。諗住去citysuper個foodcourt羅個平衡啦，點知都係出事。叫左個大阪王將烏冬套餐(好似係)，等等等等好耐無announcement又唔見有野出，原來收埋係後面我問先上水，吹漲。講番食物，烏冬滑係幾滑，無味就唔奇，但我未見過烏冬係可以打晒結，我接受唔到囉。湯無味都無所謂，反正都係味精居多，碗面無咩油算有做過野。餃子六隻痴埋變連體嬰無問題，但又痴唔晒六隻有三隻爆口呢下衰呢，係味道叫做合格但唔係特別出色，去買急凍餃子都唔係太大分別，唔明白點解咁多人話好正。

一向都認為餃子, 小籠包等食物最講究的是手工, 其他例如用料等反而不太重要, 事實的確如此. 例如你食一客小籠包, 假若你不考究皮的厚度或肉汁的多少, 食急凍微波爐貨和小籠包專門店的出品也不會有太大分別! 而這間店的餃子'做工'是不錯的. 7號餐有餃子6粒, 大阪烏冬一碗, 沙律一客和飲品一杯.先評最期待的餃子. 由於煎得不錯, 做到外脆內軟的口感; 加上不太厚的皮和豐富的肉汁, 感覺誠意可加! 比較可惜的是六粒餃子癡埋一舊, 食起來容易把皮弄破, 丟掉肉汁 雖然不同食店的餃子味道都差不多, 但這裡的做工更好, 食起來感受到其誠意!可惜其他食物實在一般!大阪烏冬口感特別, 介乎拉麵跟烏冬之間, 不過可以說是沒有配料可言! 湯底亦非常普通, 應該只有醬油, 少許味精和面豉, 沒有特別之處. 整碗麵都平平無奇, 比他優勝的拉麵館到處皆是!其他食物亦是一般.$55 換來這些食物, 除了是愛餃子之人, 相信大多數人都不會認為價格相宜. 希望除了餃子之外, 其他食物可以講究一點, 之少面裡面加多一點配料, 令顧客更為滿意!

次次去東京都唔知點解會好想周圍去食餃子, 去台場更係指定...今期冇得去, 食住呢度頂住先~25蚊一碟, 都ok 價錢.等一陣便有得食.剛煎起, 勁熱;個樣真係幾正宗look. 個汁都係呢.夾一舊食, 皮脆, 但唔燶;肉唔太多, 但好夠肉味.汁係微辣的, 很不錯呢.行返出銅鑼灣, 心中的東京feel 頓時又消失了...