大麥牛肉麵 (已結業)

話說早幾個星期試了他們的滷水雞肶飯，話左要返黎試佢地既主打牛肉麵。今日又過開黎呢頭，當然要兌現承諾啦。黎到時大約3點左右，店內都坐滿人咁濟，還好今日自己一個人，都有單邊位可以攝下。小店午市有提供牛肉麵套餐，60幾蚊有麵有雞翼仲有包檸檬花茶，都夠哂實惠啦。本來有d担心唔夠飽，就問小店個麵有冇得加底。小店話暫時沒有這個選項，仲介紹返佢地既自家制麵，用既係中筋麵粉，比一般既麵飽肚d，叫我先叫個套餐食左先，唔夠先再點。果然，佢地既麵比一般食到既麵條有咬口，食完堅覺飽肚。而且佢地湯底都好值得推介，有油香得黎唔油膩，濃味很黎唔覺得咸。牛展好香口，彷彿食落有一種花生醬既味道，又再一次比到驚喜我。

經常吃日式蕎麥麵，見到poster寫著紅燒牛肉蕎麥麵，麵是店內自製，便覺得值得試一試。午市有套餐，一碗牛肉麵，一份滷水雞翼，有點小失望的是飲品是紙包檸檬茶，如果能有其他飲品供選擇會更好自家製麵確實夠勁，夠Q彈，湯底選了原味，還有小辣和辣湯底可選。湯底味較濃，不油膩，店家說湯底用骨湯熬製，搭配醬料和十幾種中藥，蘿蔔好入味，牛展軟硬適中，份量夠。滷水雞翼都很入味，應該都有用中藥調味，不過藥味不濃，我本人不喜歡中藥味很濃的湯底，都覺得滷水雞翼OK。看菜單覺得品種不多，不過店家有推薦滷肉飯，下次來試下

事緣今日大鄉里出城，去左港大個邊既朋友屋企有野傾，傾完都成8點幾，心諗返到屋企個邊分分鐘冇野好食，唯有係人生路不熟既地方搵野食。一路行去港大港鐵站途中就見到呢間牛肉麵，望入去鋪頭細細，街坊設計，岩哂我今晚要食快餐既需求，所以諗都冇諗就踩左入去。睇佢餐牌亦好符合街坊感覺，食物種類不多。熱愛滷水雞肶既我，見到佢地有滷水雞肶飯當然要了解下啦。一問之下，店員話滷水雞肶飯要等耐少少，就係佢呢個答案，我就知呢個滷水雞肶飯必定要一試。原因好簡單，其他大部分賣滷水雞肶既餐廳，唔知係為方便定係咩原因，d滷水雞肶通常係長浸係滷水汁入面，所以d肉堅本上已經煮到柴哂。唯有呢種要等既滷水雞肶先有食既價值。果然，佢地冇令我失望，滷水入哂雞肶肉既同時，肉質仍然好軟身。除左雞肶，佢地個糖心蛋都值得一讚，堅係糖心。同場加映：食到一半，見隔離枱個人本身食既麵已經有蘿蔔，竟然再追加一份紅燒蘿蔔。見到咁既情況，當然明白呢份紅燒蘿蔔都係必須要試啦。佢地再一次冇令我失望，蘿蔔炆得好入味，好林身，裡面亦上哂色。唔係個d得個表面有色，入面仲係白雪雪咁。埋單時店員推薦佢地既牛肉麵，原來佢地既麵係自己開機整，湯底係用牛骨熬出來。反正黎緊

每日忙碌地在工作中打拼，有時也要停一停透一透，取幾天假期放鬆一下。 今日下午就是悠閒慢步西環，就在皇后大道西聖類斯小學對面，看見一間大麥牛肉麵小店。 看見內裏客人不多，正合我們今天想寧靜放鬆心情。 叫了一個招牌紅燒牛肉蕎麥麵及至尊紅燒牛肉麵套餐，套餐裏也包括了兩隻雞翼及飲品。 蕎麥麵及牛肉麵，兩碗麵的麵條的口感也不錯，牛肉都炆煮得幾腍，白蘿蔔也入味，不過湯底只是一般不夠香濃。 至於鹵水雞翼，味道也只是一般。雖然食物一般，但就帶有家庭手作麵感覺。

在去港大的路上見到一家新開的牛肉麵店，細細間舖頭，咁岩肚餓見到門口嘅poster寫著自家製麵唔加鹼水就想入去試下。估唔到真係自家製麵，入去嘅時候聽到後廚嘅隆隆聲有點嘈，先了解到係店員在拉麵🍜同平時在香港食到嘅麵真係好唔同，唔係日本拉麵也都唔係上海麵，好有嚼口同埋食落去有啲Q彈。見到仲有蕎麥麵，下次再來就試下湯底有啲咸，不過如果淡小小可能麵就冇咩味道，唔飲湯淨係食麵味道就岩岩好牛肉係牛展切片，有筋有肉但係如果牙齒唔好可能會覺得硬

經過見到新開左呢間野，就膽粗粗入去試下。叫左一碗牛肉麵，同埋一碗滷肉飯，諗住咁常見既餐應該唔會中伏，點知就中中地伏。其實又唔算好難食，都食得落肚，但就唔特別好食。牛肉麵既牛肉好硬，完全咬唔開，麵既質感好硬，佢自稱湯底係用小麥整，但事實上完全無麥味，相反有d似屋企煲既湯水，無乜味，唯獨是塊蘿蔔炆得幾淋，好入味。至於滷肉飯既肉又係太硬，無左半肥瘦既口感，而且飯太多同太乾，然後肉太少，所以好齋。總括而言，如果你想食正宗既台灣野，呢間野真係麻麻；但如果你淨係想食個平平地既lunch塞飽個肚，呢到係一個幾好既選擇。

晏就時間中環太多人，同事search到呢間新開既牛肉麵，話想試下。咁我地就搭左幾個站又行多左陣黎到呢間牛肉麵哪！一入到去，地方唔大，但都幾多人食緊。見到個餐牌幾得意，可以揀辣同唔辣，仲有蕎麥麵揀添。晏就有套餐，送紙包檸檬茶。蕎麥麵口感麻麻，下次有機會人試返普通面，湯底都唔錯，小食蘿白幾入味。

咁岩行經西環，正當懊惱食乜既時候，搜尋見到有間小店新開喎，價錢公道，環境又幾舒服咁，好啦✨👐🏻✨👐🏻✨👐🏻✨👐🏻✨👐🏻✨👐🏻✨✨👐🏻✨👐🏻✨👐🏻✨👐🏻✨👐🏻✨👐🏻✨✨👐🏻✨👐🏻✨👐🏻✨👐🏻✨👐🏻✨👐🏻✨✨👐🏻✨👐🏻✨👐🏻✨👐🏻✨👐🏻✨👐🏻✨✨👐🏻✨👐🏻✨👐🏻✨👐🏻✨👐🏻✨👐🏻✨姨姨會主動比碟我地些牙食物，一張枱會抹幾次確保乾淨，而且親切有善貼心服務令我要上黎打食評以示支持

自從華明百佳同樂怡759都冇埋基本上都唔會特登行果個上山位，咁啱偶然經過發現原來果頭新開咗間牛肉麵，仲做緊頭幾日開張八五折，兼有得抽獎添（然後零抽獎運嘅我抽中咗另一張八五折劵🙄😂）小店菜色選擇唔多，都係麵飯同少少鹵水小食，叫咗碗紅燒牛肉麵，可以揀唔辣幾貼心，比較特別係佢有蕎麥麵揀，不過第一次試就揀基本款先。幾鐘意呢度個湯底唔係大刺刺嘅濃湯，而係香得嚟又幾柔潤果隻，都我差唔多成碗飲哂，飲完唔覺話好頸渴，聽店家話係用牛骨煲出嚟😌牛肉就用牛𦟌位，切得幾薄，有啲位都幾韌下，牛味唔算話特別濃，可以再好啲，而蘿蔔就超鐘意，煮得腍哂入哂味又甜，一啲草腥味同白位都冇，我會想另外叫一碟食囉。本身個麵仲跟隻蛋，不過賣哂就轉咗雞腿，滷水味稍淡不過不失，但無啦啦多件肉食已經好開心😂至於小食叫咗個皮蛋豆腐就有啲失望，成磚百福豆腐咁，個汁好稀好淡同冇汁冇分別，要靠豬肉鬆先提到味，皮蛋就有微量軟心，如果再溏心啲就好好多😗 不過始終都只係開業咗幾日仲有好多微調嘅空間，希望下次去會更上一層樓✨