天下茶屋 (奇妙坊)

營業中

休息中

三文魚牛油果丼飯，真係好正！一入到餐廳，就已經被嗰股日式清新嘅氣氛吸引住。餐廳裡面裝潢簡約，又有啲典雅，令人覺得好舒服。三文魚，鮮紅色嘅魚肉啱啱好薄薄地一片，咬落去好嫩滑，唔油膩，仲有一種海洋嘅鮮味，簡直係一流。牛油果就係另一個驚喜，口感滑溜，仲有啲奶香味，配合三文魚真係絕配！再加上啲芝麻同蔥花，為整碗飯增添咗多啲層次感，味道更加豐富。最後，佢嘅醬汁都幾特別，微微帶酸，幫助中和咗魚肉同牛油果嘅油膩感，食完之後唔會覺得沉重。整體嚟講，呢碗三文魚牛油果日本飯真係好滿足，無論係味道或者擺盤都好精緻，絕對值得一試！下次再去，我一定會再點一碗！

星期六晚上七點左右同女朋友入座，目測當時店內六、七成滿左右，有兩、三張卡位無人。本身諗住坐卡位，但比店員有計劃地安排兩人位，同其他人搭枱，都理解既，但只能說體驗唔良好。去到食飯尾聲最後一張卡位先有人坐。我叫左吉列豬扒咖喱飯(甘口）+煎餃子+士多啤梨乳酸(+$5)女友叫左鹽燒鯖魚海蜆湯烏冬(黑松露薯蓉忌廉湯）+牛肉薯餅+熱無糖綠茶兩個餐隨野飲另外仲有一個包住雪糕既小泡芙(無影到），呢個可能係全餐飯最好食既唯一一樣野。所有野出餐都好快。我個咖哩飯，豬扒係好大塊，大到食唔哂，聞落去有陣油益味；個咖哩汁勁淡，好稀，一啲甜同辣既味都無。煎餃子，不過不失。士多啤梨乳酸，勁甜，單純係一杯用糖漿沖出黎既飲品，無士多啤梨味同乳酸味。女友個烏冬，佢話個湯好似用粉沖出黎，唔識形容，我試過都覺得似。鯖魚，普通，未至於難食既。牛肉薯餅，好鬆散，一夾就爛爛地咁，完全唔覺有牛肉，只有薯仔。綠茶，正常。食完店員都好快收野（呢個唔係批評黎，只係事實描述），亦無急住趕我地走既意思。最後成餐飯食完感覺食左一堆無味既野落肚。埋單總數$187，都唔會有下次了，佢只係一間用「裝修」同「日式食物」包裝既普通餐廳。

好耐冇寫過食評了，今日過開紅磡原本想去食小籠包，但係冇開。周圍行咗陣便揀了這間食下午茶，叫咗個咖喱溫泉蛋芝士吉列豬扒飯，咖喱有得揀辛口，少少辣幾好，個日式咖喱汁有芝士及溫泉蛋，份量好足，最驚喜嘅係塊吉列豬扒估唔到又大又厚，雖然睇落好似冇乜肥膏，但係食落估唔到好腍，外脆內軟，絕對可以同一啲頂級嘅吉列豬扒專門店媲美，以這個價錢嚟講絕對是頂級，食完超飽。店舖環境寬敞，地方整潔，原來除咗黃埔外喺深水埗都有分店。

.天下茶屋（黃埔）@tengachaya_hk .尖東之鬼又買外賣！雖然唔小心跑到黃埔.. 但好彩都唔係太遠menu就好吸引 食物如何呢？.自選丼 $78（雞肉 蟹籽 蟹柳絲 粟米 雜菜沙律 山葵乳酪醬）.價錢可以 配搭ok.. 但加埋一齊唔ok..配菜真係唔多..面頭你雖然見到滿滿地.. 但真係得個層..沙律菜都係得面頭個忽..飯就真係好多..🤣但最大嘅問題係..因為個飯好熱.. 加埋面頭感覺適合「poke」嘅配菜一齊口感頗怪..🤫再加埋個醬.. 熱嘅飯再加山葵乳酪醬真係比較怪...我覺得分開每樣嘢係ok.. 但夾埋唔ok..可能係我呢個combo有問題..但建議大家揀.. 儘量試試其他佢set好嘅combo..應該會好d..🙏🤣.2.牛油雜菌帆立貝 $38呢個小菜值得叫..份量足.. 味道好.. 帆立貝口感新鮮 入味.. 雜菌都多..夠味又唔算油 舒服！👍.3.燒咖喱芝士牛肉飯 $68.邪惡之最.. 應該好難唔好味.. 實際又ok！芝士夠.. 肥牛幾多！咖哩味出 但佢唔算太香 & 唔辣.. 但成個口感夾埋我覺得ok！！反而佢無想像中口感咁邪惡..油少過我expect.. 味道可以的

我們有光顧天下茶屋，炸豬的確好味，我打算早上再光顧，在11:00am左右，全店無人，想坐比較寛濶的位置，店員堅持，不能，態度不好，往費我再來光顧，比起上一次光顧，食物好，豬排厚切，老板態度好，完全兩樣，極之失望，終於要走😰😓😓

之前經過見裏面都坐滿人下午茶時間便當～有：前菜、小食、主菜、飯/烏冬、飲品～款式都有好多選擇叫咗一個下午茶便當同一碗拉麵～生薑燒豚肉鰹魚昆布湯拉麵～生薑燒豚肉都有好幾塊～兩條荷蘭豆～兩片日式魚片～日式紫菜～蔥花粒～抹茶牛乳抹茶味香濃新特盛拼盤有雜菜薯蓉沙律～有少許紅蘿蔔粒～味道麻麻～吉列炸蠔即叫即炸香口～照燒雞扒鰹魚湯烏冬～照燒雞扒大大塊唔會乾～不過照燒汁比較少～烏冬細細碗～士多啤梨乳酸(+2)～酸酸地好香士多啤梨味份量唔算多～不過賣相都吸引

今次去了天下茶屋紅磡店試下佢啲咖哩，我就嗌咗燒咖哩芝士牛油烤雞扒咖哩飯，咖哩有兩款可以揀辣或者唔辣，我就揀咗唔辣咖哩較甜，雞扒都大塊入面都好多汁， 咖哩汁會有薯仔嘅， 佢哋用一個瓦煲載住好傳熱，值得讚另外嗌咗溫泉蛋烤汁牛肉丼，溫泉蛋好靚，牛肉份量 都算多， 啲牛肉唔算太肥，但入口都好軟，但係就唔係好多飯，但整體都好好味 😁

剛在黃埔行完街，買完嘢。行到肚餓，便入咗呢間餐廳xx茶屋食午飯。叫咗個 燒咖哩芝士吉列豬排飯。唔係午餐，係散叫，唔包嘢飲。飲品要另外散叫，價錢都幾貴，所以冇叫到，淨食個飯算。午飯時間都幾多人，等咗差唔多十幾分鐘，個飯先嚟到。見個賣相唔錯，以為好好食。點知...塊吉列豬排雖然係厚切，但超“鞋”，係成塊都好“鞋”。難食，🥵一d都唔鬆化，冇一part係“淋”，好難“照” ，吞唔到，吐返成塊出嚟。咖哩汁又少，又淡，唔好味。唯獨係d飯正常少少，所以淨食咗幾啖飯就算，仲要係白飯，冇汁，乾“芹”。成個飯完全唔掂，唔值咁貴嘅價錢。食咗幾啖飯，速埋單走人。由於食唔飽，之後仲要出去搵其他嘢食。從未食過咁難食嘅咖哩，吉列豬排。🤮認真冇下次。

第一次試用某外賣平台，做緊星期四、五、六，免運費，首單減$50，都好多優惠。多家務要做，一於唔煮了。落完單，未沖完涼，就送到，超快。沖完涼先食，餘溫都仲足夠，仲係好keep到個溫度。色香味俱全老公話平時都有唔少人排隊佢都試過食過一次，話質素唔錯咁梗係趁外賣嗰陣揀嚟食下先～～我食日式便當🍱好豐富，有菜、肉、飯仲有飲品，+$2有凍飲我揀咗抹茶牛乳，大大杯，甜度剛剛好老公食佢最鍾意嘅咖喱蛋包飯🍛吉列豬扒都好多件我食咗件，外脆內嫩～有機會都會再試，無論堂食定係外賣。

去左第一城就揀左呢間食飯，叫左沙律，同埋兩個咖哩飯。煎帆立貝沙律，沙律菜份量適中，有啲沙律醋，帆立貝有三粒，不過係相睇到都頗細粒🙈，而且煎得唔算好香口。男朋友叫左個豬軟骨辛口咖哩飯，額外加左黑松露蛋包飯。辛口咖哩既味道都少少辣，至於黑松露既蛋包飯，黑松露味唔算好出，男朋友話豬軟骨肉質勁鞋🙈我就叫左個燒雞扒甘口咖哩飯，覺得食日式咖哩都係要食甜食會比較好食😂雞扒燒得唔錯，皮係脆，而且都算juicy唔乾身👍🏻餐廳有樣野都幾好，落單時都可以選擇多飯/少飯👍🏻不過野食就so far so good🥲

吉列豬扒咖喱飯個咖喱汁是日式甜咖喱，炸豬排唔算乾，唔多肥位，所以無乜肉汁。 烤雞扒雜菜沙律配薯條烤雞唔鞋，味道ok,沙律菜都幾多款菜類，薯條正常，唔係特別脆和無好琳。烤汁牛肉便當啲配菜幾好食，肥牛和飯正當味道。普普通通，試過就算。

一齊發掘香港嘅美食 😋.今日想介紹嘅係我嘅私心推介。呢間走日式風格嘅港式食堂，係我平時去食日式comfort food必去餐廳之一。.溫泉蛋烤汁牛肉丼 $65-平時去日本最鍾意食嘅松屋牛肉丼，估唔到呢度都食到。餐廳好巧妙咁將半流心嘅溫泉蛋放入牛肉丼入面，好有日本風味。-牛肉嘅份量好震撼，啲牛肉舖滿晒飯面。牛肉嘅肉質軟腍、肥瘦均勻，亦都封存咗好濃郁嘅肉汁。🤓-燒烤汁用咗濃郁同醇香嘅特製醬汁同洋蔥烹調，令成個飯嘅內外都滲滿牛肉香味。特製醬汁濃稠，配飯一流。🙀.燒咖哩芝士吉列豬扒飯　$69-呢個飯即叫即焗，上檯嘅時候隻碟仲係熱辣辣。-豬扒正如相一樣，超大塊之餘，亦都非常厚切。豬扒嘅外皮炸得酥脆，但裡面嘅肉質仍然非常幼嫩，食入口仲有少少肉汁，係一大加分位 👏🏻-相比起其他日式，今次食到嘅咖哩偏辣，但佢勝在香濃惹味，好適合中和炸豬扒嘅膩-燒芝士做到拉絲效果，而且同咖哩混合咗，鹹香味十足 👍🏻 .寒天蜂蜜分子綠茶 $24-綠茶微甜中帶點清新，甘醇的茶味結合了淡淡的蜜香，飲得出係自家、用心製嘅飲品 😊 .總結餐廳嘅定位係走本地平民化，但呢個價錢嚟講，有咁嘅食物水準，真係唔話得。.天下茶屋 (奇妙坊)

用QR code點單好像變成必然的步驟了. 總不是人人都有智力電話. 不過, 又是沒有收加一服務費. 廳內滿滿的客人, 還有一, 兩組人在等... 可能是早一點時段.  視屏太細, 要用程序找出要吃的東西, 真的有點不便. 如果用QR code, 紙餐單又有何用呢?叫了個生薑豚肉烏冬, 價錢適中, 但也只有半飽. 比其他的都算大碗, 只是不夠吃. 烏冬很Q很彈牙. 沒牙力的我反而覺得過份的彈, 有點咬不開. 不知為何, 吃不到薑味!? 豚肉有點肥, 有點難咬開, 感覺像極是牛肉?? 圖片上的東菇找不到, 但找到2片荷蘭豆.要問先至有杯水, 點餐沒叫飲品就其實... 也沒有紙巾和牙簽...知道很忙很受氣, 但如果態度有中微升為中上就very good啦~~

黃埔不嬲都係美食之都🫶🏻…除咗年初一🤣嗰晚係睇MC嘅大日子🥰諗住去黃埔食飯會多啲選擇，點知同expect嘅一樣，就係間間都唔開😗🤣唯一營業又好似唔錯嘅餐廳就係呢間🤣😂就即刻入咗去，仲要好好彩唔使點等就有位～呢間店主要係食日式咖哩/丼飯/烏冬😌食到每枱都食炸豬扒同炸雞球好似好正咁🤤即刻跟風叫！🌟吉列豬扒湯拉麵 配 黑松露薯蓉忌廉湯 $64 (吉列豬扒 4/5 💛 湯拉麵 3/5)吉列豬扒超大塊🤤😍仲要炸到金黃色的😋咬落超辣辣，外皮炸得好鬆脆🤏豬扒好厚身，食落雖然唔算好juicy，但肉質好嫩唔會鞋口👍🏻高質呀另外佢有得轉拉麵同自選湯底～我哋就揀咗黑松露薯蓉忌廉湯😬覺得好特別唔係周圍都有！上枱好香黑松露味🤤飲落都好濃郁好creamy，而且真係有薯蓉嗰種沙沙地嘅口感😗拉麵軟硬適中，仲好香蛋味🤔有啲似蛋麵🤣不過擺埋一齊我就覺得唔太夾，配烏冬反而好食啲！🌟唐揚炸雞湯烏冬 配 櫻花蝦明太子薯蓉忌廉湯 (炸雞 3.5/5 💛 湯烏冬 1.5/5）炸雞有五大舊😋一樣炸得金黃色，外皮脆口，不過就略嫌炸得有少少乾～不過都好厚肉💛點上沙律醬好惹味！呢個配上櫻花蝦明太子薯蓉忌廉湯，不過就失望咗🥹第一啖飲落去完全

火炙帆立貝湯烏冬 $66(黑松露薯蓉忌廉湯)——可選4款湯底烏冬湯，咖喱湯，黑松露薯蓉忌廉湯和櫻花蝦明太子薯蓉忌廉湯個湯同佢個名一樣，黑松露同薯蓉味都有突出，配合起身好和諧😆帆立貝嘅口感恰到好處，鮮！烏冬都係一個亮點，煙煙韌韌同平時超市買嘅完全兩種層次🥹--整體來講成個烏冬個搭配都相當融洽同埋係比較少見嘅湯底，好味抵試！燒咖喱芝士牛油烤雞咖喱飯(辛口) $65——可選(甘/辛口咖喱)芝士同一直流心蛋鋪面，烤雞雞扒已經被切好晒，入口肉質嫩滑又有汁水，正！戳爆粒流心蛋同辛咖喱，芝士(拉到絲！)以及口感不錯的米飯混合，一啖落口又係另外一種嘅滿足感，好味~~--同港式咖喱不同，佢嘅菜飯比大概係6:4，女仔都不需要擔心食唔晒，🍚粒粒分明且稍稍彈牙，咖喱fans不妨試試~平日特定時段有套餐食會更抵✌