天園餃子 (華發大廈) (已結業)

一次過買曬天園同甜記返去試,天園冇豬肉既餃子有蕃茄雞蛋素餃,同西洋菜木耳餃,蕃茄蛋...細個食太多...唔想食啦XDD揀左西洋菜木耳餃,生餃一打拎走,要埋辣菜脯,店員感覺好似灃美老闆娘XDDD搞到我係咁望,好快就拎到餃子啦.餃子比較容痴埋一齊,之後我用左甜記果個精美既盒黎放埋XD白烚幾隻試下,比較焾身,白雪雪,咬開見到西洋菜紅蘿蔔,同木耳,西洋菜已經好焾好焾,焾到好啱我哩D 乜都咬唔到既人食,有返DD咬口仲好呢,西洋菜味唔算太濃,仲有DD 甜?可能我真係太鹹XDD菜脯睇落比得咁少,原來有原因,因為係好辣既,有蝦米係入面,引到我想買一樽XDD最後拎出絕版灃美辣醬黎頂癮XDDD兩間餃字,就對面鋪,完全唔同風格,好有趣.

有一天，路過旺角，到一間餃子店食午餐。舖頭裡有很多Gao的相，想了廿秒，才明白個中原因，餃子店和阿Gao玩食字，好Gao笑。跟店員確認了想法，店員很友善。用QR code自助落單，Gao掂。餃子套餐雙拼，韮菜豬肉餃，西洋菜豬肉餃，餃子幾好食喎，份量也大粒。坐對對面的食客認得我，還送給我自製名信片小禮物，咁Gao野？總評味道：好食；環境：舒適；服務：店員有禮貌；衛生：可以。

本人並非首次光顧天園餃子，每次都沒有大問題，今次外賣了白胡椒雜菌豬肉餃，吃到最後一粒，口內的餃子咬了很久都咬不爛，吐出來欲發現為膠紙，在疫情嚴重其間，此餐廳居然不注意衞生，將膠紙混入餃子內，不會再光顧。

就算我不是鏡錯粉，也要推介此店。首先看到佈局就知是香港人的鋪頭。裡面十分清潔，也不擠迫感覺。話明叫餃子店，我入去當然會點餃子，另外再加一個撈麵和手工樽裝奶茶，合共112元。其實是我叫得多，而非這裡價錢貴。講回食物，麻辣雞卷不是處處有得吃，我本嘗試心態去試，不錯的。至於黑椒芝士牛肉煎餃，上菜時間耐，應該是即點點煎，上檯十分香，好食！這裡用qr code 點菜的，我今次第一次來大鄉里添。唯一不足它即使堂食使用即棄餐具，我扣少少印象分。

天園餃子💛蕃茄蛋素餃麵 多蔥+忌廉 (學) $38肉操老雞翼煎蛋飯 多汁 太陽蛋+忌廉 (學) $38肉操豬扒煎蛋飯 少飯+可樂 (學) $38白胡椒雜菌豬肉餃麵 $40(學=學生餐學生餐可以免費要汽水嘢飲不過就可能冇得揀湯底原本蕃茄蛋素餃面可以轉做番茄湯)-蕃茄蛋素餃麵 多蔥見到咁神奇蕃茄蛋做餃子餡料所以就嗌咗佢食落去感覺上唔似蕃茄蛋🤣好似有第二種味道出咗尼但我唔記得咗🤭．其實唔係好記得有乜嘢想講🤭基於太耐先寫有特別 或者我記得有咩想講 我先寫👆🏽-電話掃code落單佢有提供唔同調味料可以點有醋同埋辣椒油佢嘅辣椒油係辣嘅🤣(自從知道阿木嗰個麻辣醬唔係辣我就夠膽試唔同嘅辣椒油🤣)其實依家我好似都想寫多啲嘢但我真係唔記得🥺佢另外仲有一款素餃同埋佢可以選擇蔥 麵嘅份量-13/9 eat唔寫得好詳細㗎啦💁🏻‍♀️潛咗水咁耐 咩都唔係好記得啦🙈Ig 頹到呢… …-好味程度：🌕🌕🌕🌑🌑抵嘅程度：🌕🌕🌕🌑🌑環境靚靚：🌕🌕🌕🌑🌑服務態度：🌕🌕🌕🌑🌑會回頭率：🌕🌕🌕🌕🌑👆🏽肉操老雞翼煎蛋飯 多汁 太陽蛋+忌廉 (學) 👆🏽肉操豬扒煎蛋飯 少飯+可樂 (學) 👆🏽白胡椒雜菌豬肉餃麵

同同事又係旺角繼續試不同的餃子店，今次去到通菜街的天園餃子。呢間餃子店係香港已經第三間，網上的評語都不錯。餐廳用QR Code落單，餃子即叫即整，除了湯餃，仲有煎餃及炸食餃。今次我們3個人share 3款餃子及兩款小食。椒鹽脆豆腐的皮不會過厚，熱辣辣的豆腐非常嫩滑，加埋大量的炸蒜及蔥花，非常惹味。煎餃只有兩款：韭菜豬肉煎餃及黑椒洋蔥芝士牛肉煎餃。今次我們叫了韭菜豬肉煎餃，餃子皮唔會太厚，韭菜都幾香。由於我唔係特別鍾意食西洋菜，所以呢款西洋菜木耳素炸餃試過就可以，如果鍾意西洋菜的大家可能一試。白胡椒雜菌豬肉炸餃係朋友推介必試！一口咬開餃子皮，白胡椒的香就滲出來，胡椒味將豬肉及雜菌的味道更升華。餐廳仲有好多不同的小食及麵食，不過我下次會encore胡椒餃！真心推介！==============================我係一個愛寫字愛分享的吃貨！如果鍾意我分享的，我邀請您訂閲我的食評，我會繼續與大家繼續發掘有咩CP高的冰糧！(敬禮)

12月尾是我家小朋友生日🎂加聖誕節🎄, 所以節目特別豐富, 美食當然也不會少。跟親朋好友幾次的聚會過後, 呢個星期要比腸胃休息一下, 食返少D肉。所以最近都係簡單食, 幫襯過既有 - 唯一雲貴川風味 , 米亭, 蘇山雞飯同圍威喂, 感覺都係麻麻地, 食過一次就夠。而今晚呢間係近期食過最滿意的一餐。其實原本係唸住幫襯佢隔離嗰間十三姨, 但大約5:45pm到達既我地發現原來佢地有中場休息, 6點先再開, 所以轉移陣地食呢間食評也可以的天園餃子。我地點左西洋菜豬肉餃, 白胡椒雜菌🍄豬肉餃麵, 椒鹽脆豆腐, 手工檸茶同可樂。西洋菜豬肉餃 - 餃子大隻足料, 皮大塊不過很滑溜。西洋菜鮮嫩清香, 豬肉肥瘦適中, 新鮮彈牙。白胡椒雜菌豬肉餃麵 - 加$15轉酸辣湯。奇怪, 酸辣湯無酸味, 似一碗加左辣既碗仔翅。如果唔當佢係一碗酸辣湯咁去睇係好味既, 料多濃郁。餃子同樣鮮味高質, 白胡椒味非常突出, 只食得少辣既我食左一啖就再挑戰唔到落去。椒鹽脆豆腐 - 呢個必點, 電話📱落單揀左多椒鹽, 太開心喇, 唔使爭食, 鬥快夾多D椒鹽嗰件。即叫即炸熱辣辣, 每一件都做到外香脆內嫩滑。手工檸茶 - 好飲, 甜

餃子🥟係能列入最喜愛食物💓之一，對黎種食物既評價係唔貴🤑又好味🤤，間中都會食。今次幫襯既係旺角天園餃子，停晚市堂食既關係，叫既係外賣。本身諗住叫5隻淺嘗，但見5隻💲30，10隻💲45。懷住抵少少☑️既感覺決定加重肚皮既負擔🙇🏻🙇🏻‍♀️，叫10隻韭菜豬肉🐖煎餃。等食物ready🥟用左10分鐘左右，未開盒🥡未食已經感覺到有一大陣韭菜味。🍽開左盒韭菜味更撲鼻而來。食落韭菜味十足，但餃子扁扁地，唔算多餡。不過可能係煎餃源故，佢放左張紙係盒底吸油，都仲係偏油🥲。最值得一提係佢個辣菜甫，食落偏辣🥵，但好好味，如果鍾意食辣既人一定要試一試。佢中間有d蝦米🦐，少少似xo醬既材料，懷疑佢其實唔係辣菜甫係xo醬😶‍🌫️，加埋餃子一齊食會令餃子餡料味更出，有種為餃子加分既效果。買外賣時都聽到其他客話一定一定‼️要拎埋個菜甫，話係重點黎架❗️！所以買外賣一定要拎辣菜甫。大推💥

成日聽到天園個名，原來旺角店只係喺正一日三餐對面！今次黎到排隊嘅人唔算多，只係等一陣就已經可以入座喇！叫左白胡椒餃子麵，餃子真係好好食！手工奶茶第一次試，都好好飲呀！手工檸檬茶好飲到要買多樽外帶！店舖內勁多ERROR海報~其實仲叫左兩款餃子同醉雞翼食，都十分出色同好食！好想試哂咁多款唔同的餃子，餃子建議叫返有特色或特別味道d嘅餃子黎試，如果唔係食唔出佢嘅特別之處！最近仲新出左幾款唔同味道的餃子，下次試下買d返屋企整黎食先得

始料不及一套片長本來只有一百分鐘左右的電影「毒魔2」，竟然令我在星期二晚上的晚餐計劃出現臨時變數。我原本在星期二下午六時左右購票入場觀看「毒魔2」，結果我看完電影，離場時竟然已經接近晚上八時。我為了避免在「旺角」享用晚餐而浪費時間，令自己無法如願在晚上九時之前享用到「牛腩飯」晚餐，所以一觀看完「毒魔2」之後，就立刻乘坐港鐵前往「鑽石山」，回到「新蒲崗」食完「牛腩飯」後才乘坐港鐵返回「旺角」。幸好我趕回「通菜街」接近「登打士街」的位置，發現我原本計劃光顧的港式「餃子」食品專門店「天園餃子」還未打烊休息，仍然正在開門營業運作的時候，我當堂立刻鬆了一口氣。不過「天園餃子」接近晚上九時，店內仍然是幾乎全場滿座，我好不容易才等候到食店提供一人座位餐廳檯給我，讓我能夠在「天國餃子」裡面，享用「炸雞扒飯」跟「餃子」食品。「天園餃子」晚餐餐牌裡面的大部分「餃子」，「餃子」裡面的餡料大部分都是「豬肉」餡料，只有一款「煎餃」餡料屬於「牛肉」，本來是令我可以選擇享用的「餃子」變得不多。但是我又發現原來「天園餃子」廚房裡面還有製作提供「素餃」食品，這樣才能夠正式解決，當時我在「天園餃子」選擇自己喜歡「餃子」過

旺角通菜街有一間甜記餃子經常大排長龍，今次去左試另一間天園餃子，發現可以選擇既野都好多，佢有撈麵、湯麵、飯同餃子任你選擇，總有樣嘢岩你食。最緊要佢哋係宇宙天團Error嘅fans。—————————————————————𝐎𝐫𝐝𝐞𝐫:⧐韮菜豬肉餃10隻|$38⧐豬軟骨撈麵| $55韮菜豬肉餃可以簡豬肉湯或者蕃茄湯，我就揀咗蕃茄湯底個味道會濃味啲 ，餃子都足料大粒，味道幾好味。另外個豬軟骨撈麵轉骨就唔係好淋，我會比較喜歡食較淋嘅豬軟骨，我就麻麻地依種硬身，同路人一定支持。—————————————————————📝評分味道 ³/ ⁵環境 ³ / ⁵服務 ³ / ⁵衛生 ³/ ⁵抵食 ³/ ⁵—————————————————————餐廳: 天園餃子 (華發大廈) (旺角)地址:旺角通菜街1號華發大廈地舖

當見到對面甜記餃子有成班粉絲圍住嘅時候…正好俾我分散吓投資，支持各路黃店💛<<天園餃子套餐>>有七款餃子同十款小食揀!價位由$40去到$60! 價錢親民👍🏻細食嘅可以揀五隻!十隻對我嚟講有啲多! 不過五隻又唔夠! 有得揀八隻嘅話就啱啱好😊.<<西洋菜豬肉餃>>普普通通!豬肉唔覺有肥膏~ seems 幾健康!<<蕃茄雞蛋素肉餃>>幾特別!不過因為入面冇挺身嘅豬肉…口感會爛蓉蓉咁🧐食唔慣嘅話會覺得口感好奇怪😅唔難食嘅~ 鍾意試新嘢嘅朋友可以一試☺️最欣賞佢嘅<<藥膳醉雞翼>>因為好大隻!! 啖啖肉😋但唔算好有藥膳味/ 醉雞味🙈可能因為餃子偏細隻，所以食落就相對地呢個有啲驚喜🐒.可能最值得一讚嘅係: 有得scan QR code 自助落單!要咩湯底、走唔走蘿蔔、走蔥多蔥少蔥…自己慢慢㩒!唔怕煩到人又方便🧸

這間餃子店主打食物當然是各種款式餃子，但也有很多特色小食，例如椒鹽豆腐、雞翼，有部分食物適合素食朋友吃。食物豐富：藥膳醉雞翼（四隻）：我覺得份量剛好，多吃我怕醉，哈哈！因為酒味偏重，藥膳有養生保健和治療疾病功效，花雕酒味濃，沒有腥味，也解除雞皮油膩感。酒和藥味滲入雞翼，味道甘香又不會太苦，藥膳雞能雞養陰退熱。白胡椒雜菌豬肉餃：白胡椒味突出，除了香嫩入味的豬肉外也有雜菌作為餡料，雜菌配搭豬肉跟白胡椒三種味道都發揮獨特鮮味。白胡椒跟紅辣椒的辣味不同，白胡椒有益健康，通常用作煲豬肚湯。假如大家怕白胡椒味，也可選擇其他味道的餃子，有素餃、韭菜餃及其他肉餃，選擇多元化。有機支裝豆漿：低糖配方，適合大部分人或關注血糖人士飲用，鮮豆漿嚴選有機大豆製造，非基因改造大豆，因此不含化學農藥，也沒防腐劑同色素，天然健康。如果一邊吃濃味食物，一邊喝有機豆漿就最正了！特濃豆味，肉食或素食者也可喝，豆漿含大豆蛋白質，是心臟健康之選。內在環境門面招牌：更特別的是店舖門外有明星Error 男子組合成員的打卡紙板牌，可供大家拍照留念。

與好友第一次幫襯，由於每次在街見需要等位，但今次等了大概15分鐘有位啦！用手機落單好方便，叫了套餐，好多唔同餃子款式，梗有一款啱你。餃子配小食，三個人叫了西洋菜素餃、韭菜 豬肉餃、芹菜豬肉餃，小食有椒鹽茄子、椒鹽雞翼以及雞絲粉皮每隻餃子脹卜卜，好足料，very nice! 椒鹽茄子、椒鹽雞，炸得好香口，脆章夠薄，雞翼肉好嫩滑，兩樣都好好，非常讚，食到👍雞絲粉皮稍嫌擺盤失色，芝麻味唔夠香.. 飲品，友人稱檸檬茶都唔錯！樽裝豆漿味道都好濃郁，有豆味😄😄食餃絕對不能錯過秘製香辣菜脯及蝦米醬，即時讓食物味道提升，食落口感更有層次。好香好好味，下次再試下佢的酸辣湯，仲好其它….當日警察到訪查安心出行，店員仍然專業謹守崗位，服務唔錯！

大約七點黎到唔駛等位呀食到中段都開始FULL呀點左~椒鹽茄子黎到嘩左一聲呀茄子超大塊揀左多掓鹽佢有聽訴求呀一黎到已經聞到個掓鹽香味炸得唔會太干好軟熟~肉躁時菜又係好大份好似肉躁飯咁望落時菜係菜心唔知其他日子會唔會有其他菜呀肉躁個汁都OK有味得黎唔會過咸~芹菜豬肉餃子麵餃子好飽滿入邊真係好多料咬落好有芹菜香麵就平時上海幼麵咁可以轉其他麵既湯底少少清淡唔會好油下次試下轉辣湯先~白胡椒木耳豬肉炸餃可能餃完望落好細粒咁(對比湯餃)但一樣好真材實料好有胡椒香但唔會辣讚PS 個手工檸茶唔會太甜可以一試呀