天園餃子 (華發大廈) (已結業)

喺隔離食完意粉女朋友唔夠飽行過隔離見到有間餃子店用q r code落單好先進嗌咗一碗餃子一碗酸辣湯全部水準之上酸辣湯唔夠酸 自己加啲醋就啱啱好味道大概係十小辣嘅程度如果天氣再凍啲食就一流 食完一定暖笠笠餃子有肉有素嘅選擇

黎旺角幾次，一直都想食十三姨同甜記餃子，點知幾次都等唔到位，結果造就左我哋去試吓呢間天園餃子🥟結果我哋叫咗芹菜木耳豬肉餃同白胡椒雜菌豬肉餃，免費轉左蕃茄湯底，不過蕃茄湯底味道非常清淡，猶如可有可無，所以蕃茄愛好者千祈唔好有任何期望。餃子味道一般，未算話太特別，老實講有少少失望。而我諗住叫一個肉操飯，諗住都冇死，點知個飯濕立立，完全一食就知道屋企都煮得好過佢，可能今晚廚師心情唔靚，落多咗水，肉操同香酥排骨尚算合格。另外小食我哋叫咗雞絲粉皮同醉雞翼，雞絲粉皮係咁多樣之中最好食，絕對值得推介，醉雞翼就一般般，可能自己對醉雞翼要求甚高，所以結論係，下次應該會食返甜記。最後，值得一讚係服務態度，每一個員工都好落心落力，絕對係老闆嘅福氣。

經過旺角 發現一間睇落幾好既餃子 ，同朋友兩個入去試下，湯好清 無乜味，餃子都好細粒炸餃好過湯餃小小，但都係偏清淡，最好食係呢個小食，海蜇爽口彈牙，亦都夠味，可以一試🤣🤣環境幾闊落坐得幾舒服，手機落單都好方便

💛晚市6點幾去食，開頭都未坐爆，但7點3食完埋單已經要等位，食完就明點解🤤嗌左一個西洋菜豬肉蕃茄湯底餃麵（無影相），雙拼套餐韮菜豬肉餃+蕃茄蛋餃（各5隻）再加左椒鹽雞翼，再加枝樽裝奶茶，埋單都$114，夜晚黎講都幾抵！三款餃子都食得出真材實料，真係好濃菜味，西洋菜餃甚至覺得陣味太勁😂不過皮薄函靚，呢個價錢完全無得輸😇雞翼係新鮮炸起，脆嫩滑，同埋好好好熱😂（少可餐廳咁有誠意）奶茶都夠茶味，所以成餐都正！

約左朋友去旺角，見到天園既餃子款式都幾特別，唔係啲普通白菜豬肉餃😝，同埋見佢都係黃店又啱啱好有位就去試下。入到去裝修好夠光猛，坐到好多人👍🏻，唔算話好逼既。用qr code自己落單好方便🖖🏻。🔅天園餃子套餐(西洋菜豬肉餃10隻) ($58)平時無試過西洋菜既餃子，食落又唔錯😋。有啲餃子店既菜會切得大粒啲有口感啲，呢到就偏向切得碎啲。值得一讚係佢既傲子皮薄得黎又唔會點爛😌，不過湯就有少少味精味，下次會想試蕃茄湯。🔅麻醬雞絲粉皮 (套餐加配)少少麻辣，麻醬都幾香，份量唔算多不過小食黎講夠食。但雞就一般般，唔係雞絲😂。🔅白胡椒雜菌豬肉炸餃 (10隻) ($46)一咬已經食到好香白胡椒味，菇就無咩味啱晒我呢個唔食菇既人🤣，但有菇就會彈牙爽口啲。餃子就炸到好似炸雲吞咁好香好脆！不過我同朋友食完第二日都即刻生飛滋🤣，食完呢個炸餃太熱氣😝。💬Set只有湯餃有啲可惜，如果炸餃都有埋set就可以加多啲小食🙈。Overall都幾抵食，叫左2碗餃子各10隻加埋小食都係$104，飽到傻🤣！不過6隻我地又怕唔夠食😂…如果有8隻揀就好😌 💛。

難得星期六行過天園餃子唔使排隊，於是入去一試，叫左煎韮菜餃子同酸辣湯西洋菜餃子。 留意酸辣湯湯底要加錢的。煎餃子比較油而且皮比較厚，食落普通，無翻食既念頭。相反，酸辣湯湯底味道不錯，西洋菜餃都比較多餡，真材實料，值得一試。

呢間餃子想試好耐，不過入到舖頭又突然間想食飯，佢係scan Qr code落單，非常先進，午飯時間，店內卻好多吉位。於是我叫左個秘製蔥油雞扒蛋飯，味道非常一般，無平時煎豬扒個種香味，俾佢個字眼"秘製"呃左而且無汁，無配菜，感覺好Dry ,然後說好的蔥油亦都消失不見，要再問姐姐攞先補返俾我，不過份量非常之大碗。

小編好鍾意食餃子🥟時不時都會餃子癮發作～之前見其他foodie介紹過呢間餃子店💛位置好方便 喺通菜街～雖然呢間餃子質素一般 但價錢親民 種類多如果大家對食冇乜要求 都可以試🤌🏻📍 餃子套餐 ($60）呢個套餐係10隻餃子加小食～如果要5隻餃子嘅話價錢會平啲😌今次餃子叫咗：蕃茄雞蛋素玉餃🍅🥚🥟蕃茄蛋餃子都係第一次聽 所以好想食以為唔會好伏 點知隻餃完全冇蕃茄味…個湯底都冇乜味唯一可取嘅就係皮薄🙂同埋餡料加咗蛋 口感幾特別💪🏻小食：香煎大大塊雞扒小編覺得佢嘅雞扒好食過餃子🤣🤣🤣雞扒大塊得黎仲好Juicy！！肉質好嫩滑 超驚喜😆皮煎到脆卜卜 但又唔重油膩感👍🏻‼️📍 黑椒洋蔥芝士牛肉煎餃 ($58）呢個都係10隻嘅價錢 叫5隻會平啲😇見到芝士小編就即刻叫咗呢個煎餃～煎餃被湯餃大隻😚而且更加飽滿但小編覺得佢煎得唔夠香🥲味道方面黑椒味非常出 基本上cover左芝士味 而且冇拉絲出現😭所以唔係幾建議大家叫呢款味道嘅煎餃👉🏻👈🏻—————————————————————味道😋：5/10抵食🥳：7/10環境🥂：7/10

Bookmark左天園餃子好耐，自從知道佢地係旺角開左分店之後一直都冇去到，有日真係好想食餃子所以去左！！又食到一間高質餃子表示好感動😭┄┅┄┅┄┅┄┅┄𖣒 天園餃子套餐 (雙拼) $52¸.·´¯❧ 蕃茄蛋素餃估唔到素餃都可以整得咁好食！餃子皮薄但又可以有煙韌呃口感，內餡嘅蕃茄同蛋都好香！超好食😍評分：🌕🌕🌕🌕🌕-¸.·´¯❧ 芹菜木耳豬肉餃芹菜同木耳都好爽脆，豬肉好juicy，不過略嫌芹菜唔夠香。評分：🌕🌕🌕🌕🌘-湯底叫左蕃茄湯，但感覺一般，冇咩特別。-𖣒 天園餃子套餐 (雙拼) $52¸.·´¯❧ 西洋菜豬肉餃同樣係皮薄餡靚冇咩好挑剔😂評分：🌕🌕🌕🌕🌘-¸.·´¯❧ 白胡椒雜菌豬肉餃胡椒味好濃，朋友表示超正，鍾意白胡椒嘅必叫！評分：🌕🌕🌕🌕🌗-跟餐仲有小食，好抵食～～

天園水餃好抵食，平時帶10隻水餃配呢個雞扒，一個人食可以食到好飽好飽，而且可以叫多蔥，對於鍾意食蔥嘅人來講係個福利同埋一個麻醬雞絲粉皮 都好好食😋另外就係嗰個撈麵，我就比較鍾意食多啲，因為佢個撈麵個味道啱啱好，唔會太鹹亦都唔會太淡。但今次我嗌左個白胡椒雜菌豬肉餃 ，諗住試吓帶新野但就有少少失望，因為上菜就咁睇已經等同於我張相睇到咁，好多粒都穿咗，開頭我仲以為佢送咗啲丸俾我😂點知先發現原來係個水餃穿咗，仲要底好多粒都係，有些少失望，下次我都係帶返啲韭菜餃算啦😂

上海菜有好多選擇，小籠包，粢飯，炒年糕，上海粗炒。香港都有好多連鎖嘅上海菜餐廳麵好好食。之前喺土瓜灣已經食過天園餃子一次，見佢係旺角新開咗就帶咗朋友嚟再試。而家好多餐廳麵係用電話落單，好鍾意呢個模式，方便又快捷仲可以慢慢睇下有咩食麻辣雞卷係第一樣上枱既食物，可能因為直接係雪櫃拎所以先咁快。好彩都無雪味，但肉質唔係嫩滑嘅雞肉，反而有好紮實既口感。醬汁麻麻辣辣食落都唔錯。配雞卷既撈麵簡直係全枱野食既number1，啲乾洋蔥，青瓜令到個麵有更多口感，味道都有更多層次。但略嫌麵太淋，如果再乾身啲就會更加好食。椒鹽脆豆腐夠熱夠脆，乾蒜份量好夠，豆腐都好滑有豆味，應該係某品牌盒裝豆腐（？）煎韭菜豬肉餃咬落煎香嘅皮會流出餡料嘅汁，咸咸中帶點韭菜獨有嘅香氣。餃子入面嘅豬肉有肥有瘦，所以先會咬落有肉汁流出反而酸辣湯有少少令我失望，酸又唔夠酸，又唔算辣，有少少似食緊碗仔翅嘅感覺但總括而言，天園都係一間可以再去食嘅良心上海菜餐廳💛

白胡椒雜菌豬肉餃麵 果然係白胡椒，好重口味🤤，仲好有胡椒既辣味，喜愛白胡椒既朋友仔一定要試，碗湯底清甜💓，麵條口感恰到好處🤤😍，正🤪，食飽左都仲覺得好味😚😆酸辣湯呢款酸辣湯反而唔中我既口味😅，但酸辣味係剛好的，不過不失😅手工咖啡唔介意咖啡有甜味，可以試吓，也是一個不錯的選擇哦😝肉燥雞扒蛋飯佢既雞扒真的真的真的好好味💓💓💓，外皮香脆，肉質嫩滑，完全唔會乾，雞蛋🥚仲係流心添💞，肉燥加一啖飯食，呢碗肉燥雞扒蛋飯可以比到幾款口味同口感你👍

第一次食天園餃子喺觀塘，感覺唔錯，上星期試埋旺角分店，九點幾去到，未睇清楚 menu 就要急急腳落單，落單冇耐，食物就上枱，非常有效率👍。上次食過椒鹽茄子，印象好深刻，今次再 encore，一樣咁惹味好食，不過同樣地一樣咁多油，果然最好食嘅嘢通常最唔健康😂；跟餐嘅煎雞扒大大塊幾 juicy，有驚喜；餃子係白胡椒雜菌豬肉餃併芹菜木耳豬肉餃，雖然前者係小店名物，不過由於我唔太鍾意食白胡椒，所以我覺得後者較好食。呢度嘅餃子唔算大隻，但係皮好薄，食下一粒食下一粒，眨下眼就食哂，剛好趕得及十點離開🤗。

心血來潮想食餃子，於是山長水遠由屯元天揸車出旺角，就係為左食甜記餃子。點知夜晚8:45pm仲係咁受歡迎😢有7pair客人等位。加上我地又肚餓，唯有轉場去對面既天園餃子。天園冇人等位可以直接入座，落單scan QR code。隔離枱個叔叔scan極都落唔到單，同侍應講左3次先有人理佢，幫佢人手落單🤔冇服務可言。唔明點解有個好評會話佢服務好☹️叫左酸辣湯，一上枱已經係室温。唔熱不特至，仲要唔暖，正常應該有個煲煮好keep住保温架咩？💩 雙拼餃子，叫左番茄蛋同韮菜豬肉，2款都可以錯，俾左西洋菜素餃同胡椒豬肉😐費事浪費食物所以冇叫佢收走💔雞肉卷真係大伏💩侍應話冇曬花生同青瓜，問我地介唔介意。唔介意唔等於d雞卷可以未融雪就拎出黎架嘛🌝咬落第一啖竟然係脆脆地既雪霜⛄❄️煎餃算最正常，雖然餃子偏細粒餡料又少。起碼煎完出黎真係熱。平時都好撐黃，好少會俾負評。今次真係好唔開心💔甜記萬歲，我以後會乖乖地排隊😩

今日去咗旺角約咗媽媽食lunch ，通菜街又好多食店。不過因為lunch time ，所以間間都幾多人。但係見到新開咗一個店食餃子，可能因為新開所以唔太多人，又係良心店，佢外面賣同路人嘅產品，所以一於幫襯佢。我哋嗌左一個韭菜豬肉餃麵同埋一個西洋菜豬肉餃麵再加一個椒鹽脆豆腐。佢啲餃子都幾好味😋都好大粒，佢嘅皮係用雲吞皮做嘅，所以都好簿唔會食到成舊粉。而佢嘅麵係上海麵嚟嘅，不過我覺得唔夠湯同埋略嫌硬身咗啲丶唔太熟。佢嘅椒鹽脆豆腐好好味丶脆卜卜，啲椒鹽好好味👍🏻。另外，佢有一盒辣醬放檯，d辣醬好好味，一定要落！