天園餃子 (華發大廈) (已結業)

依間舖頭真心冇得輸 旺角來講40幾蚊食到餐好食又夠飽既 真心冇乜幾多間餐廳環境闊落 仲要極級乾淨 員工仲要勁好態度 一定會再嚟點嘢食係自己數QR Code 方便👍🏻👍🏻👍🏻落完之後啲staff就會拎張單去你台面今次太肚餓就冇叫到餃子 叫咗依個肉燥豬扒蛋飯最癲嘅係汁你又可以揀多汁少汁蛋又有新熟蛋太陽蛋煎蛋 麻煩嘢我問佢要炒蛋佢仲特登炒埋俾我仲可以蛋飯少飯.. cls啲汁真係多到癲😂😂😂另外叫左枝咖啡🤣個樽好正好似大既藥水樽😂味道就不過不失啦

📔 黃店 天園餃子📍是次幫襯土瓜灣店 但食物都係大同小異———————————————————西洋菜豬肉餃配小食($38)皮薄餡靚🥰 西洋菜味濃 豬肉唔肥湯較清淡 但餃子🥟好足味所以無乜影響💛味道：🌖 (評分：正🌕🌖🌗🌘🌑不了).蕃茄雞蛋素肉餃配小食($39)裏面嘅雞蛋仍然嫩滑 蕃茄仍然有汁🍅🍳港式風味嘅配搭吸引 黎到值得一試👏🏾.味道：🌖 (評分：正🌕🌖🌗🌘🌑不了).椒鹽茄子 ($跟餐)🍆厚切茄子炸得香脆 唔會油淋淋 椒鹽10分惹味 炸粉亦都好薄 作為小食一流😋.鍋貼($跟餐)🥟🥬韮菜餡嘅煎餃 味道都好濃 但相對之下 湯餃較有特色.味道：🌖 (評分：正🌕🌖🌗🌘🌑不了).整體分數: 📒✍🏾8/10🤓⛅️.

呢次嚟到天園餃子試下, 叫咗一個單拼套餐, 有10隻韭黃冬菇豬肉餃, 半份麻辣雞卷 (共$58)湯底十分清甜, 唔重味精味, 加埋餃子一齊食個效果更佳餃子皮薄餡靚, 韭黃味較重, 但又唔會搶哂冬菇嘅味, 味道十分平衡麻辣雞卷嘅味道偏淡, 適合唔係好食得辣但又想過下癮嘅朋友, 雞肉嫩滑唔鞋口, 配料都十分充足總結黎講, 呢次食天園感覺好滿足, 下次會再黎試下其他餃子!

用左 open rice 咁多年，第一次寫食評，因為呢間的確抵讚，想分享俾大家尋晚係我第一次入呢間店食野，用左佢地個自助落單 system, 原本想落個水餃轉酸辣湯底，點知自己手殘無㩒轉湯底，張單黎左又唔睇單，送到碗水餃上枱先發現唔係酸辣湯底，點知個店員好友善咁同主動同我唔啱可以自己改單再出過，點知我又唔識用個 system 改單，佢仲即刻幫我改埋添做左咁多年人，出街食過咁多間舖，除左去 d 高級d 既地方食，真係未試過食幾十蚊野都會有咁好態度既服務員，攪到我都鬼咁唔好意思，真係值得抵俾個 like 佢另外除左態度好之外，食物質素都一樣咁好，酸辣湯底勁足料，味道啱啱好，唔會太酸太辣，個手工奶茶茶味同奶味夠平衡，最正係佢個椒鹽雞翼，本人鍾意重口味，落左多椒鹽，意想不到咁好食，脆皮鬆脆，肉質嫰滑，仲要熱辣辣即叫即炸，直頭係重點推介，呢間野絕對係翻兜之選

第一次實時出食評！！絕對唔係打手（得小貓三四隻follow點會有得做打手🤣）大推旺角新開嘅天園餃子🥳🥳💛💛今日放lunch碌ig見到天園餃子喺旺角開分店，即刻同腦細衝去食🥟原來旺角分店尋日先開張，入門口已經有個店員好friendly咁歡迎你入去。店內枱同枱之間好多空間，而且舖頭都幾大間，容納到好多張枱，坐得幾舒服，係風口位大風咗少少🥶我就order咗雙拼湯餃轉酸辣湯，其實我麻麻地鍾意scan qr code落單，好麻煩搞好耐，仲要唔知點解網站冇轉酸辣湯呢個option。好彩員工真係好友善好helpful，不停幫我周旋改單同轉湯，每個店員態度都極好😱希望遲啲會改善下個系統咁就唔使麻煩店員啦。🥟 番茄蛋素餃拼西洋菜豬肉餃 $44（轉酸辣湯 +$15）天園嘅餃子細細粒幾精緻，平時食唔落十粒餃子嘅我都啱啱好食得晒😋西洋菜豬肉餃裡面有包少少蒜頭落去炒香，所以咬第一啖真係好surprise😱蕃茄蛋素餃味道比較清甜，其實就係屋企番茄炒蛋個隻味，唯一可以挑剔就係餃子皮會黏住，食到最後幾粒餃子全部黏埋晒一齊🤣酸辣湯唔會太辣，食唔到辣我都輕鬆handle，而且真係超級多料🤯有香菇、木耳、蛋花同肉絲😋🥟韭菜

黎個快Recap, 真心推介🥰必食炸餃，個皮超級脆，皮又薄，完全唔會食到成口麵粉, 呢次食香茜豬肉，餡好多，好香🥟第2樣就係胡椒豬肉湯餃❤️個皮超薄，胡椒味好濃，每一啖都有食緊胡椒豬肚湯味道！如果鐘意呢隻味既人，真係必食！仲叫左麻辣雞卷（好似係呢個名🤣）呢個就一般啦，唔夠麻辣味！不過就啖啖肉，勁多青瓜！之前去觀塘食呢間餃子店覺得超有驚喜❤️可惜地方好遠🤣今次路過旺角見到係天園餃子，立即仆去食🥰🥰🥰🥰仲要係黃店！一定要支持

最近旺角新開咗天園餃子嘅分店，見冇人排隊就入咗去試下🤪平時嘅餃子鋪好少見到有素嘅餃子，但哩間竟然有兩款（蕃茄蛋素餃/西洋菜木耳素餃)，好貼心😳本身諗住雙拼試哂兩款素餃子，但因為太肚餓想食麵，所以最後只係叫咗得單款餃子嘅麵餐🙈• • • • •🧚🏻‍♀️蕃茄蛋素餃麵🧚 [$38]哩間係自助落單，嘟一嘟枱面嘅QR code就可以開始揀嘢食😎今次揀咗蕃茄蛋素餃麵，仲有得揀多蘿蔔😝落完單之後等咗唔係好耐就已經有嘢食😆餃子麵餐有5隻餃子，餃子就咁一眼望落去已經覺得好飽滿，可以透到蕃茄蛋嘅顏色出嚟👀食落皮好薄，餡好多，但唔係好大隻🥟有蕃茄蛋嘅酸酸甜甜味，係好特別嘅餃子配搭🍅🥚而佢嘅麵係扁身嘅上海麵，份量好多，足夠令女仔食到好飽👧🏻不得不得嘅係佢真係好抵食！餃子麵$38已經可以食到咁飽，係糧尾救星！💫• • • • •哩間旺角分店係通菜街哩個美食聚集地🤓附近有開餐/一日三餐/甜記餃子/後生仔海南雞等等出名嘅食店，如果唔想排隊又想食好嘢就好啱嚟試哩間天園餃子啦🤩• • • • •📝餐牌：

油麻地近一日三餐附近都有好多黃店啱啱呢就揀咗呢間餃子舖，叫咗椰菜蘆筍豬肉餃子米線，仲加咗$15可以轉酸辣湯。啲豬肉勁新鮮，不過個酸辣湯有啲太辣我頂唔順。但大大碗都係食咗$53好抵下次會再幫襯。

我今日去旺角呢間食，叫左個雞扒撈麵餐，等左近20分鐘先上左個雞扒，員工叫我食住先之後再上個撈麵，之後又等左近10分鐘先問個店員個撈麵得未，最後再等左幾分鐘個麵終於上到，發現唔係撈麵係湯麵，好彩有催下個佢地姐，唔係真係想我等到食下午茶咩？！我等緊餐嗰陣都留意到，有個啊叔遲黎但係先上岸，我係睇到佢食左大半我先至崔你地快d。唔知係咪得我先係咁嘅待遇，係咪我有用過粗口閙你地定係我件藍色衫累事？總之以後都唔會幫襯呢間！！！

雙拼餃子加酸辣湯🍲($59)雙拼餃子我地揀左西洋菜豬肉餃同埋白胡椒雜菌豬肉餃🐖, 餃子隻隻都脹卜卜,皮薄餡靚, 西洋菜果款咬開會發出淡淡既西洋菜香🌿 白胡椒果款幾有驚喜, 因為胡椒味十分濃, 味道上有少少胡椒既辣, 餡料夠juicy, 好正🤤 湯底方面我地加左$15 轉酸辣湯🍲 湯料好豐富, 雖然冇平日飲開果啲咁酸, 但係都開胃, 同餃子幾夾😎韮菜豬肉煎餃🐷($30)食餃子又點少得煎餃呀, 呢度除左煎餃仲有炸餃, 我地怕炸太熱氣, 所以揀左煎餃😍 每隻餃子都幾大隻, 而且煎得好香口, 咬開有少少既肉汁, 外脆內軟冇得輸😌除左餃子之外我地仲試左呢度既手工檸茶🍋($18) 夏天飲返枝凍冰冰既檸茶真係爽到爆🥶 呢度既檸茶飲落有淡淡蜂蜜既香甜, 再配埋本身茶既苦澀, balance 得好好👍🏽呢間餃子店既店員相當有禮貌, 而且細心🙆🏾‍♀️ 除左餃子之外當然仲有自家製既辣菜脯啦, 呢度既菜脯既辣係十分惹味, 而且仲有啲蝦乾加埋一齊食好香, 而家諗起都想食🤤 鐘意食餃子既你地一定要黎試下

環境 ： 正常 舒適 但冇紙巾直入食評啦！叫左雙拼餃子（芹菜豬肉同西洋菜豬肉）湯清 唔錯之前經常食既餃子都係帶韌性呢間既餃子皮好皮薄偏neng芹菜豬肉 豬肉偏多 芹菜因為好細粒所以感覺偏少 整體口感軟肉感 肉味濃西洋菜豬肉 因為西洋菜佔6成 所以整體係爽口 2個字 好味 ！ 總體呢2款餃子 我喜歡西洋菜另外+$5 拼藥膳豬手 （2件）雖然係2件 但比我想像中大好多整體 爽口 彈牙 藥膳味濃 唔苦但唯一太大 食既過程需要技巧如果對豬手冇興趣既 都有好酥脆既雞翼 豬扒可以揀！ 推薦既！另外喜歡食辣既可以試下佢地辣菜脯 係自己整既但真係幾辣最後埋單$57 無加野飲滿意