天機棧扒房 (已結業)

同朋友一齊捐窿捐罅去覓食都可以算得上係一種人生樂趣今次係一個小街市見到樓上有間扒房而且價錢唔算太貴，咁就緊係要試下啦！午市餐牌午市選擇有好多，最平$44就有交易12:00-17:00 依個時間仲唔洗加一添而且午食套餐 包一個蒜蓉法包、餐湯、主食、一杯野飲同甜品蒜蓉法包及餐湯蒜蓉法包非常脆口，不過就唔係好食到蒜蓉味而餐湯就有紅湯同白湯兩種選擇由於我同朋友都唔鐘意飲紅湯，所以今次只係揀左白湯黎飲餐湯味道不過不失，湯入面仲有少少雜菜同紅蘿蔔添扒龍脷柳配車打芝士汁  $44意粉分量好少，而車打芝士汁更加係少到睇唔到令意粉好乾好難入口西蘭花又好硬，咬都咬唔到扒龍脷柳更加有少少腥味整體而言令我覺得幾失望芝士意式焗牛脷飯 $48依個焗飯分量都係好少，不過整體味道都尚算唔錯茄汁唔會太酸，幾容易入口牛脷雖然都幾大塊，但就有少少乾身可樂可口可樂味道熱茉莉花蜜有清幽嘅茉莉花味，解膩一流法式焦糖燉蛋加$12就可以由啫喱升級做法式焦糖燉蛋啫喱味道就普普通通啦，當係免費甜品都過得去但係升級做焦糖燉蛋就有少少唔抵啦因為落得太多焦糖啦，搞到只有甜味原全食唔到蛋味正宗妹仔大過主人婆隱蔽飯堂環境係幾好，尤其今次坐窗口卡位

今晚想食返個平民價嘅 steak，之前食過呢間唔錯，而家仲多咗個二人餐添！計返同其他套餐價錢差不多，但係多咗好多前菜同甜品。第一道前菜：Seafood platter & 鵝肝多士Seafood platter 望到都即刻加分，最吸引到我哋嘅當然係果隻成個手掌咁大嘅生蠔啦！相反，鵝肝多士煎得香噴噴，但食落唔係好夠熱。第二道前菜：響螺薯蓉 & 豆腐沙律點都估唔到響螺得一粒，旁邊嘅沙律都變成主菜了。豆腐沙律更是誇張，我本以為係日式豆腐沙律，點知嚟到係佳寶嘅豆腐。。。無話可說。。。主菜：牛扒薯菜 & 黑毛豬鞍扒 risotto 牛扒叫咗5成熟，好明顯係煮煮過籠了。豬扒反而比較正常，但我嫌個 risotto 太乾身。甜品：朱古力心太軟 & creme brulee（仲每人多送一球雪糕）我諗甜品係第一道前菜以外最好味架喇，味道 OK 而且心太軟就得唔錯。另外附送嘅雪糕球係我至愛嘅 Oreo 味道呢！

當天，因為約了朋友一起逛街，行到攰就想找個地方傾計食飯，由於我是在旺角上班，平時LUNCH也有到過天機棧扒房食飯，所以便向友人提議到這裡食飯，我們每人也叫了一個SET DINNER , 食物質素和賣相是OK的, 晚飯亦有甜品有飲品，不過份量略為覺得少了一點，而且坐得很舒服，當日並沒有太多人，而且我們傾了很久，也沒有人吹我們走，職員態度也OK!。

好耐之前去天機棧覺得好好味，牛就係無醃製過的，食物好，諗住再幫襯 .本來想點1人1個餐兩個女仔，咁好，waiter介紹兩個女仔不如點個188蚊餐 多了生蠔和ice cream,都好返正驚食唔晒。。。加咗40蚊比原本個牛餐158蚊。.點知10分鐘後，waiter返來講，一個餐必須叫多個飲品或小食，公司要求，比個牌我，飲品48 小食48。。。如果係咁我點解唔叫多個88蚊 意粉餐？ 話改唔改得，叫一個158元的餐加1個88元餐。點知話蠔已開不能改.跟住前菜田螺係“一粒田螺”.牛~快餐早餐的質感味道的牛，好大塊但係被醃到無晒牛味牛質的快餐牛.甜品係1杯雪糕如圖，剛拿出來時我影，溶左雪完硬咗再比你食。。。我問點解話人手“筆”完再放入雪櫃， 一杯溶了而又 雪硬返的雪榚。。給客人吃，感覺不衛生.無言

牛扒set dinner $98🍽-這個set dinner包括餐湯 沙津 牛扒 甜點 餐飲🍹食物的質素也不差 但不是每塊牛扒的質素都一樣 我們都要了7成熟 但只有一塊是7成熟 另一塊是全熟 而且筋很多 但7成熟的肉質真的不錯 蠻嫩的 也沒那麼多筋 所以牛扒的質素就要看你到時候幸不幸運了😂

約了朋友到旺角天機棧扒房食晚飯，非常開心舒暢的一晚。這裏食物算好味，之前幾次都係食午餐，每人消费都是HK$70-HK$80,不算貴。至於晚餐價錢約一百元鬆少少，有餐湯、包和飲品，價錢合理。這裏環境舒適，座位鬆動，幾啱三五知己聚首一堂，食過痛快，倾得愉快。是晚叫了羊架、黑毛豬和鵝干雞扒三款主菜，羊架生過頭，不熟透，較為失色。黑毛豬则肉質嫩滑，肉汁juicy,至於鵝干雞扒好好食， 鵝干煎得香脆、雞扒肉滑不鞋，好入味。當晚甜品是三款不同，最好食是朱古力心太軟，流心朱古力非常香濃，甜而不腻，味道出眾，好食。

食物質量完全不值其標價，服務態度差到極點，員工不斷傾計，叫極都唔黎落單，重點都係d野食好一般，甚至可以用難食黎形容🙄餐廳衛生都一般般，餐牌污糟。不推介去食！如果唔係無野食 都唔好去食

今日經過登打士街附近，本身諗住掃街，點知見到天機棧個招牌勁大，好奇之下就去試吓。見到個餐牌啲嘢食都好平，而且唔收加一。出乎意料之外，一個餐包蒜蓉、包餐湯、飲品、主菜，仲有甜品。呢個價錢可以食晒全部野，都幾滿意。蒜蓉包唔係熱，都唔係好脆。南瓜忌廉湯同意大利菜湯，味道都好啖。主菜一係豬扒，啲肉太實，但份量足夠，薯菜唔熱。主菜二係茄子焗龍利柳，夠芝士。加$8要左田螺蘿蓉，有4粒，味道一般。最後甜品係青檸啫喱。飲品係桂花蜜同茉莉蜜，都好甜，味道有啲價，建議嗌返茶同可樂。埋單兩人唔洗$100，又食得飽，值得一提係上菜速度好快！總結黎講，食到嘅野都值回票價，滿意！

同男朋友行旺角，記得同學推介過這間扒房，所以便帶男朋友去食。這間店係旺角黎講係比較僻的，入口都唔顯眼，千祈唔好入左人地住宅個對門（我同學就唔小心入左去）其實係隔離無閘個架𨋢上就得。入到去其實比較冷清，但即係有清靜既環境所以ok。職員向你入座時會熱情推介一些菜式，不過我就無跟隨啦。我地前菜係芝士波菜焗薯皮。凡有薯既野食都好難唔好食既，呢個都係。另一個前菜雪場蟹棒胡麻醬沙律都無乜特別。主菜西冷牛扒配薯蓉。我地叫左medium，熟成度是ok的。seasoning 亦入味，賣相都唔錯。最後茉莉花釀果凍有豐富茉莉花香

今晚我們行過旺角豉油街有位派傳單嘅阿姨同我們介紹話他們公司「天機棧扒房」而家做緊優惠套餐好抵食，當時我們仲未諗到想食咩晚餐，所以我們就決定去食晚餐！我們叫咗今期推介嘅2月晚市$98優惠套餐：蜜桃醬燒西班牙豬肋骨嘅表面燒得都幾香，肉質都幾鬆化，但味道就比較淡！另外我們再叫咗兩個套餐：黑椒燒德國豬手嘅外皮燒得都幾香脆，但食落嘅質感就比較「韌」同「硬實」，但肉質都幾鬆軟嫩滑，而且相當大隻，真係幾抵食！炭燒紐西蘭一級西冷扒燒嘅火候控制得恰到好處，肉質非常鮮嫩多汁，食落除咗有濃郁嘅肉味之外，仲有炭燒嘅芳香味！頭盤：薯蓉焗田螺嘅薯蓉都幾軟滑，田螺都算鮮味！鷄胸凱撒沙律嘅沙律菜相當新鮮清甜，鷄胸嘅肉質好乾身，但唔算好「嚡」！鱈場蟹棒胡麻醬沙律嘅味道都幾鮮味！餐湯：意大利雜菜湯嘅湯底味道好鮮味濃郁，湯料亦好足料！蒜蓉包相當酥脆惹味！甜品：茉莉花釀果凍嘅味道非常清淡！朱古力心太軟一切開一半就有極之香濃軟滑，而且係暖笠笠嘅朱古力漿流出嚟，外層亦好鬆軟，真係超正呀！法式焦糖燉蛋嘅面層有一層香脆嘅焦糖，底層嘅燉蛋相當滑溜！

今日午餐同老公去左天機棧，12 點左右上到去人不多大把坐，店員安排了我們坐窗邊的卡位有街景。這裡午餐都會不定時更新餐牌，今天見到有新的set lunch menu , order 了焗全隻春雞配意粉，老公就叫了 藍帶豬扒配藍莓醬意粉。先來餐湯，我們要了意大利雜菜湯，湯材料很豐富，不過可能比較多蕃茄味道略酸了一點點。店員事前已溫馨提示焗春雞要等20-30 分鐘，我們都ok , 吃吃前菜沙拉，喝完湯後等多10 分鐘左右主菜就來了。春雞的皮烤到好香脆，肉質仍然很嫩好好味，份量真的很多，我一個人吃不完。最後上甜品，我選了朱古力心太軟，果然係皇牌，心太軟做得好好味，又不會太甜。

其實哩間西餐廳我間唔時都會上去，因為附近工作，地方又就腳。今日早左收工，見到fb賣廣告9點前有個$98豬手set就上左去試，平時通常hea到9點先捨得上去，因為有75折。上到去發現好多人，可能係星期五掛，幸好都仲有位，坐低左先發現裝修唔同左，格局就無乜分別，然後就自自然然叫左個豬手set，例牌頭盤，例牌餐湯多士，終於豬手到左，哩個絕對係令我想出post同大家分享嘅原因，首先隻豬手大到遮住個薯蓉，又嫩滑又多汁，塊皮仲要脆架tim，最後飽到薯蓉都無食，今次真係又要比個讚，最後食埋個必食嘅焦糖燉蛋，真係歇一歇先走到。

黎到先知佢地，裝修左，環境唔同哂，全新一樣今次黎又有新推廣$98黑椒燒珍寶豬手大大隻，仲要係full set一個價錢，5個願望😍😍心太軟一向都係佢地招牌菜👍🏻👍🏻

人總會犯同樣的錯誤。見佢寫9點後有75折，就走上去試下。個格局真係ok。一個set包前菜，主菜，甜品，飲料。$120算平。食物如下👇兩前菜:算全晚最正常之食物。呑拿魚他他。沙律基本湯。主菜:意大利飯。似墨魚汁飯多啲。頭幾口都ok.愈吃愈咸，而且太飽肚。堅伏。塊排。咸到苦仲要碳味太重。同干牛河鑊氣太重一樣。薯菜唔似薯菜，根本係一個白煮薯仔。太咸之後係太甜。個焦糖太厚，又燒太耐，攪到個色水唔ok....以上。

又貴又唔飽成$500幾，倆口子食完仲要去買雞蛋仔食...最重要唔好食，塊所謂和牛好重雪味（好似無咩人叫，伏！），叫3成比7成. 豬肉眼細件到睇唔到，死實實.服務最離譜，坦白講一坐低就狂sell 睇多一陣就催三催四，企你隔離.唔係以前係瓊華既感覺了，送都唔會再黎，我地係消費者唔係黎睇你面色！搭𨋢落去時仲見d 古古怪怪既男人企樓下打量你，想點呀？