天機棧 (已搬遷) 新店位置

去左好多次旺角，你話有乜好食呢？女人街去左太多次又唔想再試，我又比唔到意見，同行 行行下砵蘭街突然有新發現。間野叫天機棧,我地一望到個時個心打左個突...雖然好多好評,但係個名就...等等，返正題先,今次因為同行肚餓,所以一入場就叫左個酥盒意大利飯，而我因為熱氣,所以叫個玫瑰煙三文魚白汁天使麵當然啦，所謂玫瑰煙三文魚白汁天使麵其實係（玫瑰煙）三文魚＋白汁＋天使麵即係一般樓上cafe款式。個價係因應地鋪而加左小小，呢d都可以理解既...所以去到上菜個時就o左嘴。原來一塊酥盒，可以令一碟意大利飯少左３分之2既份量！天呀，我以為一個酥盒係細,都唔會細到一個咁既地步，打個比喻,即係打開一個女人既手掌，然後手掌心咁既大細。佢放落黎做沙律既伴碟，又唔係好新鮮...我自己碟天使麵又點呢？味道cafe,份量cafe，但係煙三文魚得一督.係,係一督... 於是成個菜個麵就大到七彩...點比分呀

上次FULL BOOKING吃不到，心心不奮!這天放工後決定再來碰碰...可能是LUNCH的關係，不用排隊就有位啦~~~店內不大，環境一般，不過服務就俾個GOOD佢....因為個個都好招呼周到坐下來，看看MENU 想不到價錢都還算很合理!最後弟弟點了一個牛扒飯，普通吧~~~~~~我自己就叫了一個大蝦飯.....兩人都加$10甜品士多啤利心太軟- 最近怕了吃朱古力所以才選擇士多啤利味，個子雖然細細的，咬了一口擁出來的感覺，味道暖暖的又帶點香，真的超醬爆FEEL。焦糖燉蛋- 片糖超硬，這個真的麻麻~而且蛋不夠滑~好抵食一個LUNCH SET 有飯、有湯、有餐飲&有甜品都是五十大元左右，大家可以一試!

久聞呢一間好多笑面既西餐,亦都久聞呢一間好港式既西餐,尋晚終於決定一試!入到去環境比女人街既餐廳仔好,個menu睇落仲有d似老富昌添,但係一落order就出賣左佢喇叫牛扒無得叫六成熟,淨係得五成同七成; 叫羊無得決定幾成添,唔通真係要佢教我食西餐?鴨胸配蘋果(?!)沙律???救命..係都用薯仔丫...個牛扒ok,識得上埋mustard,全個餐個薯菜最似樣最唔港式(減左d好嚇人既椰菜既話..)但係個羊架上到黎已經凍冰冰,仲要稔到好似用粉喇過咁,所以幾時都話係用羊黎試一間西餐係最好既...到甜品..友人叫左個心太軟,但係我咁大個女都未試過,所以唔comment..自己叫左個法式燉旦,上黎又係涷既,個面係燒過但係唔黑,個旦似布丁多d,真係唔知佢溝左d咩搞到咁硬..整體黎講味道無咩問題,不過三百幾蚊咁港式我應該唔會有下次.

同4個朋友聚舊，係openrice搵到呢間cafe比較多笑面，所以黎試試。有地下及樓上，兩層都係昏昏暗暗咁，睇唔清楚d裝修同清潔程度。不過旺角黎講，都算ok。睇menu要d時間study，果d咩2人餐其實又可以獨立計算，視乎你叫咩main course，要睇一陣先明。有朋友叫pasta set，睇落唔錯，而且只係$68 plus 10%，已經有餐湯、有甜品有飲品，抵食。我同另外3位朋友分別叫牛柳（$128）、A級西冷（$128）、威靈頓牛柳（$108）及豬扒（唔記得幾錢），都係set dinner，有前菜、餐湯、主菜、甜品及飲品。我地有加$15將d餐湯轉龍蝦湯，我朋友話佢夠濃，我就覺得佢同其他餐廳做得有d唔同，好似腥咗d，但我接受到。湯入面仲有半隻連殻size若手指公咁大既龍蝦仔。牛柳都夠稔，西冷亦都又稔又夠味（無話用soda粉醃到淡晒），威靈頓牛柳係酥皮包牛柳，做得唔錯。豬扒都ok，唔「鞋」，不過我覺得佢地整牛好食d。只係個著菜差d，一劈劈稔滋滋濕漉漉既唔知係咪用汁煮過既過氣薯條，失真… 如果唔想俾薯條，用薯蓉或者白烚薯仔塊都好過呢個過氣薯條。佢地d前菜同甜品選擇算多，特別係甜品，法

昨晚同女朋友去試，入到去個環境都唔錯，完全係燭光晚餐feel，不過稍為要注意係佢張地氈，由於佢無用膠紙將地氈固定係地面，所以比較跌。講返食物方面：我地兩個叫左兩份set dinner，一份係威靈頓牛柳，另一份係白汁扁意粉，先講個湯：我地要左個什菌湯，個湯本身唔太杰身，勁多菌類，非常足料跟住係牛柳：賣相都ok，牛柳外面用酥皮包住，夠特別，牛柳肉質只可以講係一般，唔夠腍，伴碟汁唔太濃，OK好味！之後係扁意粉，個汁唔杰，味道唔濃，味道算唔錯！最後我地仲加左個朱古力心太軟：佢個心太軟做得麻麻地，外面太厚，裡面d朱古力漿唔夠熱，唔夠流質！埋單都係$200左右，兩個人都算好抵！

星期六下午, 不太多人, 叫了兩份甜品下午茶餐, 各$28.我叫了心太軟, 等了約10分鐘, 滿有期望的, 可惜好失望. 上枱時size已經偏細, 切下很少朱古力漿流出, 皮比較厚, 食落不夠熱, 好似番叮咁, 不好吃.老公叫了法式蘋果卷, 這個好些, 熱辣辣, 但比較燶, 明顯又是過了火.兩杯凍檸茶, 又是很普通的出品. 今次的感覺很差, 是因為下午茶價錢的關係, 還是真的退步了?

原先平安夜諗住去天機棧食但係果晚無book枱而佢又full哂所以就食唔到31號果日lunch hour打去make定reservation因此夜晚去到就即刻有位睇o左陣menu掙扎o左好耐先至成功落order我點o左松露野菌湯, 鵝肝釀鴨胸沙律, 羊鞍, 焦糖燉蛋男友點o左龍蝦湯, 田螺酥盒沙律, 豬眼扒, 心太軟另外仲有兩杯特色飲品 - 椰子朱古力裡面有幾枱情侶同幾枱三五知己平身都唔太靜仲要之後黎多枱八個人成間天機棧頓時變成個市集咁嘈大概15至20分鐘上一樣野食31號晚黎講唔算太耐首先兩碗湯黎到果陣真係呆一呆一碗就碗邊都係哂湯另一碗個碗就崩味道就尚可男友就唔太歡喜佢個龍蝦湯ge味反之我就幾鍾意隨湯附上o既蒜蓉包又香又熱又脆跟住就上個salad好明顯每個base都一樣純粹一碟有2件鵝肝釀鴨胸一碟有2件田螺酥盒同男友交換o左一件真係無咩咁特別到main course啦我份羊鞍真係好大件肉質夠嫩唔會老咬落去肉汁夾雜住d香草味係有d羊騷味不過我鍾意*點埋個mint jelly食亦都唔錯之於男友個豬眼扒真係好軟身無乜根好易入口不得不讚佢個蘋果蓉醬除o左鮮甜同香之餘亦都可以減輕豬眼扒好"漏"果種

昨天晚上同朋友兩個人去旺角睇戲,睇完戲9點幾本來一早計劃好去食肥腩河的,但朋友話突然唔想食,想食其它野,我們行下行下想食日本野,跟住行下行下朋友突然諗起這間西餐廳,佢話食過好味及價錢OK又份量不算好大,好啱我地食,所以就嚟左呢度.9點幾都好多人等位,留低左電話叫我地10:15PM再返去或他們會打嚟通知我地有位,跟住我地去左朗豪坊行左一陣,差唔多夠鐘再返去,已經可以入去啦.呢間餐廳有兩層的,坐低先知原來樓上果層俾人包左場,所以要等咁耐.我們兩個人叫左一個扒餐及一個天使麵一齊食,原來9:30PM後有七五折架,怪唔得吸引左咁多人嚟啦.餐廳計設都幾特別呀,兩邊牆有一張張食物的圖案及用好似燈籠的燈罩住D燈.食物方面:西冷扒餐,跟洋蔥湯,好味呀,好多洋蔥絲,都幾甜呀及不算細碗跟蒜蓉包,好香好脆.西冷扒八成熟,都好大塊呀,跟一些心形的薯仔及一些配菜,塊西冷扒好好味呀,好入味呀,好淋好多汁,跟一些肉汁及黃芥辣,真的很好味.帶子蝦天使麵-都好大碟呀,好多天使麵,蝦都有數隻,帶子兩隻,味道不會好濃,都好味,有一些豆粒.朋友話好想食鵝肝,所以叫左一客,98元兩件的,都好大塊呀,味道好好味,面層係煎到金黃色好

唔係間間都可以做個心太軟做得好...有時會無咩古力味, 有時inside係cold既...我去過magic cafe幾次, 次次都要食佢既心太軟...因為太好食喇!!好rich既古力味...又好warm...呀...諗起都開心!佢其他既野食就無咩特別...都ok既...

約左朋友係旺角食飯,經過呢間餐廳,朋友話想試好耐,咁就入去試下啦!頭盤:意大利風乾火腿配芥菜籽薯仔沙律~佢個火腿唔係靚野,唔好味,而且只得一塊,仲要細到一張十蚊紙既一半都無牛肉粒伴凱撒沙津~牛肉粒佢煮到好似中牛柳甘, 凱沙律得個幾塊食沙律最緊要d菜新鮮同埋個sauce夠rich, 佢兩樣都做唔到!特別係個sauce,得個兩滴, 個咩味都食唔到囉湯:龍蝦濃湯配龍蝦仔~湯唔香唔好味,隻龍蝦仔d肉好難整出黎,我寧願佢將d肉切粒放落湯度蒜蓉包~算正常主菜:炭燒西冷牛扒~request左五成熟,但係黎到變左十成熟!好韌!!! 太難食,食左一半都無, 食唔到落去!海鮮天使麵~天使麵煮到完全脫離應有既質感, 好似食緊米線咁! 唔熱!甜品:朱古力心太軟~叫做入到口, 但可能佢入面做得層朱古力蛋糕太厚,流出黎既朱古力少之餘唔係靚朱古力黎, 而且又係唔熱=.= 法式焦糖燉蛋~塊焦糖好厚又唔夠脆服務:入黎坐低叫左幾次先有人行埋黎落單,落單個哥哥仔好似發緊夢咁,我同我個朋友落單時佢對住出面條街呆望, 我地再repeat一次之後住佢,佢又問我地食d咩. 佢魂遊左唔知去邊囉.我個湯飲左四分三,個待應就羅住其他收左

在旺角燈紅酒綠的鬧市之中，人來人往的砵蘭街裡，隱藏著這間西餐廳。在平安夜和聖誕日過後的這一天，和靚靚老婆仔一起在這裡享用了一個浪漫的二人套餐，慶祝兩個人結婚n週年的紀念日子。其實之前都來過一次，試過一次這裡的二人套餐，覺得水準不錯，整個套餐中有非常多不同的配搭組合，無論是頭盤、餐湯、主菜以至甜品，都有不少的選擇，應該總有一款合人心意，而且價錢合理，食物質素亦頗不錯，所以在這大日子裡，特地預訂了兩位來此慶祝。1）頭盤----意大利風乾火腿配芥菜籽薯仔沙律（B）2）頭盤----焗海鮮酥皮卷（B）3）餐湯----龍蝦濃湯配龍蝦仔（B+）4）主菜----香煎法國鵝肝拼炭燒牛柳（B+）5）主菜----意式芝士焗釀美國穀飼豬扒心太軟（B+）6）甜品----朱古力心太軟（B）7）甜品----法式蘋果卷（B+）就是這樣，那晚在這一個環境不錯、食物賣相和質素都在水準之上，價錢亦算合理的地方享用了一頓愜意的燭光晚餐！

環境:位置較偏,,如果不是專誠去找,,平時行街不會去到那邊店內環境比較嘈雜,但店內有報置食物:SET LUNCH白湯:磨茹忌廉湯,,很香磨茹味,,,,可惜份量太小 正常的西餐沙碗只有一半的湯,,感覺有點寒酸-x-主菜:雞柳白汁天使面,,,份量算多,,,都好好味=) 白汁龍蝦飯,,賣相吸引,,在飯上有半隻龍蝦,,不錯 飲品:凍檸荼,,朋友話冇味 "貴"花蜜糖荼,,,熱飲,,好清甜,,潤喉甜品:心太軟跟餐都只係+10蚊,,比出面真係平3倍 但質素可能比出面好TIM,, 好多朱古力漿流出,,,讚!總結:聖誕節係到食LUNCH真係幾開心 滿足到食西餐同時,,價錢仲好抵,, 真係好小地方既西餐SET只係30幾蚊,,仲要幾好食 質素算係中上,,,加上聖誕節唔洗等位 我會再去=)THAT'S ALL!

我一個星期之前打去book...你book既之前一日佢都會打比你提你..幾好=)我7點幾到..上左樓上2樓..個環境都ok..有支candle..幾浪漫..pair pair情侶都係到談情..我同baby當然都有啦xd好講番食物先..佢個menu都算幾多野揀...因為我上年食果間..得果2樣..但係依間有成十幾樣main dish你揀..頭盤,soup,甜品都有4樣..唔錯唔錯..我頭盤就揀左bake 田螺酥餅..都ok..老公揀左鵝肝salad..正!!不過個soup(龍蝦仔)就ok啦..我唔係幾中2果個味..好腥..then main dish..我揀左鵝肝steak..正!!!個鵝肝一一..二個steak我要5成..真係好soft好juicy..老公就要左個羊安..依個先正..我平時係唔食羊架..不過我都中2食依個..因為佢冇咩羊果個好臭既味..個面又脆脆地..正..不過係肥左d..都幾多肥肉..then個心太軟啦!!!我+左$8多個ice cream..我地要左chocolate同埋strawberry心太軟正!!!仲有個drink都幾好...成個dinner黎講..我都好滿意

琴晚行完朗豪妨，2個人有目標咁去天機棧！食物方面：叫左2個set dinner！一個牛柳+扇貝：唔錯啦，叫七成熟真係有七成熟！見到舊牛柳裡面真係唔同色的，有肉汁！一個係羊膝：－超正：都幾大件，出面層皮燒到好脆，裡面好軟熟！而家皮下面有一層薄薄的脂肪．．．好正！之後叫左個甜品朱古力心太軟：唔錯呀，雖然細件，但真係軟心的，同埋味道都很好！環境：我坐二樓，果個地方可能冇窗，設計真係有ｄ問題！8點左右去到，佢帶我上二樓，上到去見冇乜人，而且枱面又有枝蠟燭仔，幾浪漫！諗住正啦，但發覺有２－３枱情侶，但細細聲講野的聲音都好似已經走唔到出去咁，局住係室內！但都可以接受！之後有１－２枱的６人枱，隔離班女仔，個個都好斯文的樣，但講野大聲到爆！應該叫做大叫rather than講野！d聲仍然走唔到，就嘈到傾唔到計啦．．．總結：食物唔錯，雖然第一眼望落去都幾細份，可能我少食西餐．．．但食物的質素補返數！埋單都係200蚊！有唔錯的情調！係間房的設計令到ｄ聲局住，一多人就好嘈！所以想傾計的話．建議9點前離開！(因為我覺得如果一大班嘈的人去gathering，約得齊都應該８點幾９點先到啦！)

為了慶祝朋友生日，特意選擇了比較有氣氛的餐廳。上ＯＰＥＮＲＩＣＥ看到食評，好像覺得這裡不錯，於是便訂位了對於我這個旺角路痴，這個也算好容易找到的餐廳。先論氣氛這裡是暗，看似很有格調，但無奈地十分嘈！不看還以為去了茶餐廳…也許是我期望過高吧，以為後面會播著ＪＡＳＳ，我又能與朋友慢慢地吃吃喝喝，聊聊天這樣子怎知他們都以「快上，快收，快完」的模式，把我們完場去　論食物，說真的，如前者的食評一樣「一分錢一分貨」不在乎高品質的話，這裡也可以選擇的。我到這裡的時候，２３８元二人套餐已經消失了。所謂的二人餐，如果在錢的角度，根本就是一人餐，＂二人餐＂純屬名義上。因為價錢都是以你選擇的餐來付的（９８元，１０８元，１１８元，１２８元，１６８元）我們四人行，叫了有意粉，有飯，有扒先來湯，我們叫了紅湯，ＯＫ啦　前菜，不過不失，份量小小的，味道清清的，因為是沙律嘛　主菜，我叫了比目魚意大利飯（９８元）我個人很喜歡吃這個，因為每粒飯都沾滿著蒜味，喜歡濃味又粗粒的飯的人，不妨叫這個　　甜品，我叫了草莓味心太軟我是一個不喜歡吃甜品的人，但這個的確好味！裡面暖暖的，好香。有人說，草莓味心太軟是比朱古力味甜，但我和朋友