天祥飯店

營業中

休息中

親友約食飯，天氣凍凍地去食羊腩煲，共三個人再食天祥大排檔，室內無位唯有坐外邊無須等位，都唔算太凍。今次點了：1. 羊腩煲(細) - 瓦煲上，細細煲正符合心意可以叫多幾味菜，一試水準不俗，羊肉夠稔不羶，配上支竹/馬蹄/蔥/花菇等，非常惹味，好食。2. 雞油豆苗 - 豆苗當灶，夠嫩無渣，炒得火候剛好又入味，好食。3. 煎讓三寶 - 有豆腐/茄瓜/尖椒，與普通街邊檔分別好大，豆腐外皮脆卜卜，茄瓜尖椒亦不會太熟，不錯。4. 黑椒薯仔牛柳粒 - 相當有份量，薯仔面脆卜卜裡面軟滑，牛柳粒仍有口感，黑椒味滲入薯仔同牛柳粒，好好食。5. 豉椒炒蜆 - 今次蜆比較大隻，豉椒味夠香，蜆肉今次無沙，不錯。三個人叫5味菜其實相當飽，另外叫啤酒要即時付款。整體天祥小菜不但款式多而且水準不俗，大排檔環境有風味。 

大排檔愛文生就食得多，今次同朋友一試對面的天祥飯店。格局原全傳統大排檔，路邊大排檔炒菜，師傅執碼起鑊一目了然，有地舖放約10張檯，門口亦擺放多張檯。大排檔當然無訂位服務，6點到達天氣涼共6人今次坐路邊，睇菜牌開始點菜：1. 砵酒焗桶蠔 - 用鍋上，離遠已聞到香味，焗蠔伴著很多洋蔥，一口咬下外皮及裙邊卜卜脆，蠔肉砵酒入味又剛熟，很好吃，但一鍋只有4隻要追加多一鍋。2. 豉油皇吊桶 - 吊桶份低量相當多，底部放了大量銀芽及韭王，但吊桶可能過熟所以較硬，銀芽及王很香很好吃。3. 芥茉排骨 - 方整的排骨經過走油，入口強裂日本芥茉味，外層帶脆內裡仍有肉汁，火候控制得好，好吃。4. 小炒皇 - 有蝦乾、吊片、韭菜及王等，尚算惹味。5. 豉椒炒蜆 - 豆豉味濃郁，不會太辣搶走蜆肉鮮味，剛熟蜆肉軟味，好吃。6. 豉椒鯪魚油麥菜 - 油麥菜嫩爽口無渣味道亦好，但豉椒鯪魚像放少了點不夠豉椒鯪魚味。7. 韭菜炒豬頸肉 - 豬頸肉炒得軟滑但仍保持爽脆口感，韭菜亦嫩無渣，不錯。8. 生炒骨 - 傳統小菜但很難做得好，今次生炒骨做得不錯，甜酸汁不太濃，外皮仍脆而肉質嫩滑，好吃。不論男男女女伙記服務很好，一舉

三五知己食大排檔永遠都係最開心既!今次黎到鑊氣小炒天祥飯店試試佢琵琵豆腐:入面豆腐夠密度夠層次, 出面炸得好香口!, (入面好似有落到小小蛋)黑椒排骨: 牛肉夠入味椒鹽九肚魚:九肚魚骨少抵讚, 送啤酒!椒鹽鮮魷: 同平時食開有D不同, 比較多落胡椒, 重口味之選炸子雞: 呢味好野黎, 一來佢擺得幾靚, 二來, 雞子雞吾知係咪因為細雞既關係, 肉嫰, 皮脆, 呢個推介!啫啫通菜煲: 通菜放入去瓦煲入面令到菜剛剛熟, 十分有火喉而且聞到陣陣蝦醬香!總括而言係十分好味可以ENCORE

大家一定記得今年三月的那個晚上，冰雹再加狂風暴雨，多區出現嚴重水浸，又一城更上演了一場水舞間，那夜的香港混亂得像災難電影的拍攝現場。然而，風暴來臨前我和惡人竟然還有心思出外覓食﹒﹒﹒就是這間位於深水埗「天祥飯店」，網上食評十居八九也以「港式大排檔」來形容此店，但其實大部份桌椅早已入鋪，只剩下鐵皮屋般的廚房在外面店內沒任何裝修，卻坐無虛席一張菜牌，前後各列出多款小菜大部份菜式約HK$60~HK$80先點了一隻【BB軟骨鴿】，看著碟上的BB鴿有點不忍，因實在瘦得可憐，簡直可以說是『皮包骨』，但勝在皮香骨脆，鹹度適中 (HK$48) 惡人就是為了這個【家鄉焗魚腸】來這裡的，可惜表層不夠酥脆，內層不夠乾身，失敗！(HK$58) 【蒜茸開邊蒸蝦】味道普通，部份蝦肉略霉 (HK$280)反而這個【芥菜煲】甚有驚喜，鑊氣十足，鹹香惹味，讚！埋單後原想乘巴士回家，但雨越下越大，看到有的士駛近，惡人二話不說把我拉上車。我倆在車內往外看，只看到光，完全看不到路面情況，中途差點出意外，幸好最後都能平安返家。環境氣氛： ★☆☆☆☆環境逼硤，衛生情況亦不理想。食物質素： ★★☆☆☆食物質素比我預期中差，沒吃到網

尋晚同一大班同事去深水埗食飯，去到先知原來目的地係大排檔，真係唔去唔知深水埗仲有呢啲咁有特色的大排檔 現場所見都幾熱鬧，座位有八九成滿，但上菜都算幾快，絕對無怠慢!成晚的主題係海鮮，同事一早同店主預訂左啲海鮮，樣樣新鮮，其中最抵讚的有炸桶蠔、魚標煲、特大蟶子﹑花竹蝦同椒鹽瀨尿蝦，夠鮮味，隻隻都夠大隻!食完大家唔夠喉仲即場加餸，有豉油皇吊桶(嫩)、蝦仁炒蛋(滑)、魚腸蒸蛋、黑椒薯仔牛柳粒(香)、雞煲(惹味)等，店主特意介紹黑椒薯仔牛柳粒的薯仔要先經蒸煮、再炸、最後才爆炒，我地個個都好愛不釋手食完飯店主仲百忙中抽左啲時間幫我地影多好多張團體相，好有耐性，可能老店真係零舍有人情味，製作食物又夠用心，大家都好滿意呢餐，多謝飯店比左個咁愉快的晚上我地!!

今晚HAPPY FRIDAY 接女友收工, 本來開車去佐敦軍記食晚飯, 但女友又提返上次軍記的興爆經歷死都唔去. 唯有開車沿路搵大排檔. 結果去左深水埗天祥.第一次幫親, 所以沒有叫任何海鮮, 只係叫左三個送試下先:勝瓜炒牛肉- 顏色好吸引, 應該做左一個玻璃薄欠- 勝瓜不是必片, 一件件保留勝瓜外層的爽口感覺, 口感幾好- 牛肉我就沒有食, 因為女友自己一個人食晒日本芥苿排骨粒- 味道好特別- 少少芥苿香味, 但沒有攻鼻的感覺, 廚師把芥苿分量控制得好好- 炸得好干身, 而且用排骨沒有太油的感覺蝦醬炒通才- 沒有特別, 一般般啦- 略為多油, 失望左 D (所以沒有拍照)下次再去, 我諗可以試下蒜茸蒸開邊蝦及炒蜆, 見好多客人點這個兩個送

工作完同朋友去成日宵夜地方" 天祥飯店" , 呢度係本港緊餘大排檔之一, 上菜快d伙計夠親切, 宵夜時刻係嘉士伯長期造推廣, 嗰啤妹成日都係嗰個, 佢好勤力同好有禮貌和親切, 所以我哋都好樂意order 嘉士伯啤酒今晚order 咗以下小炒 :1. 啫啫雞煲- 夠干身, 雞件切得唔太大件, 咁就更加可以入味d - 材料十足, 有豬潤, 蘑菇, 冬菇等..... 味道十分正 ;2. 椒鹽鮮魷- 伙計比少咗華鹽, 所以就少d 盞味;- d鮮魷同幾大隻, 炸得都幾脆口 3. 蜜尖牛仔骨- 色香味一上檯就feel到, 洋蔥多咗少少;- 牛仔骨切得剛剛好, 所以都好入味;最後都係食到0100am

上週到訪對面的愛文生, 發現碩果僅存的美拉德反應堆, 大喜, 再深入研究之後, 發覺對面的天祥亦都評價正面相隔一星期有幸能再一次宵夜時份十一點來到石硤美街, 正好美拉德輻射還留在體內, 有助作一次公平的比較首先, 兩次也不是正餐, 飢餓程度及食慾應該相距不遠餐牌上的食物兩者十分相似, 都是典型港式大排檔的中下價平民食物先來侑酒熱氣三小碟: 椒鹽鮮鱿, 椒鹽雞軟骨, 炸大腸椒鹽鮮鱿及椒鹽雞軟骨十分惹味, 但炸得有點過了火喉而太乾身相反豬大腸炸得不夠切底, 達不到外脆內軟的口感三者作為啤酒伴侶合格面不出色豉椒炒蟶子蟶子亦算新鮮肥美, 但最怕貨比貨, 豉椒汁比愛文生那香濃惹味的醬汁遜色不少蜜餞手指骨沒空品嚐, 但看見銷情應該還可以吧豉椒生腸也是一樣不突出的豉椒汁, 而且本沒什麼味道的生腸亦不夠爽脆紅燒BB鴿又是另一行貨, 不知道是否因為已經夜深, 所有BB鴿只剩低倉底貨, 只是暖身的BB鴿做不做皮脆肉嫩油鹽水蜆的調味香濃, 墊底的粉絲吸收了所有精華, 每條都十分入味, 如果份量能夠加倍更覺滿足, 但可能又是時間關係, 只能點細小味淡的細蜆, 朋友說大這油鹽水配上大蜆的話會美味很多上湯蝦乾浸白

是晚嫂嫂相約外出到深水埗晚膳,哥哥提議到此店。已是第三次來這店。來這店當然要點我最愛的吊燒雞=P嫂嫂點了她最愛的薑蔥桶蠔和勝瓜炒牛肉。哥哥就點了他的最愛~藍妹嗥酒兩大支V_V蠔不是第一次吃,但這種食法還是第一次@@味道不錯,蠔沒有半點腥味,外表薄脆的但內裡軟滑~但個人口味比較喜歡生蠔...一煲有六隻,大大隻的,每人兩隻剛剛好=)吊燒雞是啖啖肉的,皮薄薄脆脆的,肉質鮮嫩甜美=P勝瓜炒牛肉:瓜不是一片片的,而是頗大條的!!入口爽脆,外腍內爽,口感不錯~反而嫂嫂喜歡略腍的-3-三人行點三道菜真的足夠了!!白飯也是用粥碗盛裝的-0-食量不大的人應該可以一碗二人分=)哥哥後加了數支啤酒,結帳三百餘錢,也算是物有所值的一餐=P豐富的晚餐~下次找朋友再來光顧=)

真的很久沒來到排檔開局了.....心情有點激動.....對上一次來光顧是偕同好友兼球友。坐在大厨旁邊邊喝酒邊吃小菜，兩個人叫了三大碟小炒再另加一個多人也吃不完的鹹魚雞粒炒飯，吃完後何止捧着肚子離開，簡直是想作嘔呢.....今趟對象換了平時比較少去排檔的太太，當然不能像上次那般瘋狂的叫菜，盡了人事也只能叫三樣東西而已 ----....椒鹽鮮魷 ---- 小弟只在排檔才會落單叫的送酒小菜。吃過不少地方的，還是覺得這裡做得最出色 ---- 脆漿夠薄亦不油膩；鹽味適中，不會搶走魷魚的鮮味；魷魚本身夠軟熟。要吃到一塊像擦膠般質地的 ? 難矣....沙嗲粉絲金菇肥牛煲 ---- 是太太每次到小菜館或排檔必吃之物。想不到眼前的這窩沙嗲煲是既有椰香之餘也有濃厚辣香的，惹味之極，掏一匙羹進飯內，馬上大口吞下，一流之享受；粉絲、金菇及紅青椒絲皆份量十足，其中前兩者皆是天生極"嗦味"之物。在吸盡香濃之沙嗲汁底下，更是魅力十足，好吃到極點；肥牛片在這時刻，頓變成不折不扣的茄喱啡....清炒荳苗 ---- 看起來份量至少有斤半之多，實在嚇人。油膩是少不了的，但勝在豆苗本身沒太多渣，顏色翠綠，還可以....兩口子

因為有好幾次夜晚經過這街口被那炒食物的氣味吸引,心想下次經過有時間的話要來試試, 是夜終於帶太座來品嘗一下這條街是否真的有臥虎藏龍?一來到見到的是兩家大排檔(一大一小), 我們幫襯了小的那家, 她們招呼我們到冷氣房內座,年青的女店員很想我們叫海鮮, 什麼斑腩,油浸筍売魚之類的可惜我們只有兩個人叫了也想必食剩無謂浪費食物了, 我們還是點了小菜,油塩水浸蜆-蜆肉不是最大隻那種但也有差不多一斤分量,味鮮而且沒有不開殼的,湯水裏滲進蜆水的精華,蔥菜絲的咸及唐芹我香配合得宜,順德焗排骨-其實是炸排骨, 香酥入味絕對的大排檔風味,油溫控制得宜一點也不覺得油淋淋, 十分乾身,麵鼓醬炒唐生菜-菜剛熟也不是太油或者太咸,炒青菜也有一手,整體上不錯, 下次還可以試其他店方的推薦菜式

幾年前，經常和同事們來到天祥吃晚飯。前幾天10點幾收工，和兩位新同事想找個地方吃飯，便想起這個老地方。一下車，看見天祥已經有自家的冷氣舖位，不禁叫好，因為以往要坐街外，夏天時真的好鬼熱!! 未看餐牌，我便向同事們推介說︰"以前呢度啲黃金蝦、沙拉骨和炒蜆都好好食架!" 但是日炒蜆已售罄，唯有轉叫炒蟶子。沙拉骨一到，我已發現唔對路，因為以前d沙律醬係融和在排骨中，薄薄的白色醬汁包住的，但現已變成唧一條條沙律醬在排骨上，賣相完全唔係以前哥回事!!再來的黃金蝦，d蝦肉竟然係"梅梅"地!!! 以前好好食，從來無失色的!!! 至於蟶子，亦今非昔比，唔夠香辣，仲有d古古怪怪的橙色，d蟶子好似出過水，淡茂茂無鮮味我可以肯定︰廚房已經唔係我幾年前食的廚房!!! 可以唔洗再嚟!!!PS: 好懷念幾年前的天祥食物，還有一起吃飯的舊朋友

一個寒風陣陣晚上，一對飢寒交迫但又唔富貴的情侶，闖進了深水埗石硤尾街一帶的大排檔區。區內主要由兩大大排檔佔據，其中一家就是天祥；場面非常墟陷 - 因為除了坐到出街或入巷，此兩家大排檔的桌椅，更伸延到一些吉舖裏，範圍之大，枱數之多，應該可以夠擺酒有餘。如果樓上兩位師兄都自稱窮鬼，咁我同我男友真係窮中之窮，因為，我地只係叫左個細羊腩煲($90)驅寒，加生菜($25)，加碗白飯($7), 同埋對住個做promotion的藍妹小姐，要左支燕京純生($12, 睇下呢兩條友cheap到呢....)呢個就係平民大排檔的好處：雖然我地兩個只係好寒酸咁對住一個羊腩煲 (初期仲未叫生菜)，而鄰座人士都大魚大肉，但d阿叔阿姐們仲好熱情招待，有個四眼阿叔仲好細心，得閒黎睇下我地個火，見大風幫我地加檔風版，又送紙巾，真係粗獷之中見柔情，柔情之中見親切，親切之中又見...好，廢話少講，講野食。呢度的羊腩煲用一個比較小的瓦煲仔，裝上很多的材料，而又不如我們幫襯開的牛頭角和牛池灣的大排檔般送生菜，本來是不預我們以羊腩湯再滾生菜的，湯較少，有一點失分 - 因為以羊腩汁滾生菜，讓生菜輕輕索了點羊腩汁的味道，煮得剛熟即吃，

窮鬼飯局第二擊,今次十多名窮鬼成員,勇闖石硤尾街盡頭的"天祥".來一嘗"古法"排檔小炒,都話到明窮,還何來有多餘錢,去吃那些名人富豪飯堂的古法名菜?聯同搞手一同早到,先看看牌檔廚房,新鮮蔬菜,海鮮紛陳,一灠無遺,絕非閉門做車,這是大牌檔可愛之處.記得時裝達人Wyman曾經說過:{吃過好東西,不要入廚房看.}但在大牌檔,你一定睇到.之前兩次來也是坐街邊,今次人多之關係,被安排坐入舖.一張大檯最多十二人,多一點也隨時要立食.還記得此店有一味鳳城雞絲卷,說得簡單一點,是將雞肝釀入雞絲蘿蔔絲的卷內,再用油炸便成,這一味是古法羊城菜,是以前個大廚得意之作.但今次問牌檔女主理人,說已經不做了,非常可惜,但日子始終要過,飯始終都要吃.事前友人已預留一些菜式,沒有雞絲卷,仍然有很多選擇.以椒鹽鮮魷作開場白,來大牌檔一定會吃香口菜式,椒鹽味送啤酒,一貫牌檔豪邁之風.而這個鮮魷,香脆可口,鮮魷彈牙,另一道椒鹽雞軟骨,同樣是送酒佳品.煲仔菜同樣是去大牌檔的指定動作,薑荵爆魚卜惹味非常,魚卜爽口沒有腥味,連同煲的蒜子,荵段,同樣地惹味,最好用來送飯.檔外的一籃籃的新鮮蔬菜,來到又怎少得蔬菜

19-11-2008又一行勁多人掃場, 今次 16 隻窮鬼0黎呢度窮食一餐:- 椒鹽鮮魷: 熱辣辣, 粉漿薄薄一層, 雖然唔脆, 但魷魚肉好嫩滑, 好食.- 薑蔥魚卜煲: 只食了一 「抽」魚卜, 爽口惹味, 幾好食.- 椒鹽雞軟骨: 熱辣辣脆卜卜又鹹鹹的; 可惜無飲啤酒啦.- BB 鴿: 身邊的朋友 K 好欣賞, 我就麻麻 -- 皮極薄脆, 但無乜肉食, 有肉食0個幾忽就幾乾0鞋, 唔0岩食.- 豉汁盤龍鱔: 幾肥美, 不過豉汁味勁搶, 味道亦太鹹, 比上不足比下有餘.- 泡椒魚頭: 唔好睇佢紅 bok bok 好似好多辣椒, 其實辣味主要來自薑粒, 食到舌頭痹晒 @_@"- 油鹽水浸花甲: 幾韌, 不過幾鮮甜無沙, 還不錯.- 炆斑尾: 幾鹹0下的汁蓋過魚鮮, 不過食落嫩滑, 幾好食.- 炸子雞: 朋友 K 食了一件話「勁正」及「好滑」, 我夾了件雞翼, 食落就覺得皮好脆, 肉好0鞋, 而且食店話佢用鮮雞, 我就食唔出雞味, 不過而家 10 碟雞有 9 碟都唔係鮮雞0黎0架啦, 算吧; 配角蝦片就脆口得0黎好乾及無味.- 油泡田雞: 肉滑, 不過無味道, 唔0岩食