天與地龍門酒莊 (已結業)

間野係以前MadDogs果度. 食物都ok, 幾好味, 不過好細碟, 要食飽既都唔平. 我地兩個人, 一碟前蹄冷盤($45), 一客鐵板羊肉連薄餅($70), 一碗擔擔麵($30), 一碟三鮮抄拉麵($50), 一杯特飲($30), 一杯荼($8), 連加一$270, 但係都未係好飽.......

Lunch在此開餐，一個涼伴雙拼(滷水尤魚及海蜇)面餐，另一個係七彩牛柳絲客飯餐及一客小籠包。兩個餐的份量都好夠，味道幾好，小籠包夠熱辣辣。埋單約$130。算合理。但因多人關係，環境較嘈，不過在午飯時間的中環，這情況是無可避免的。PS 本人頗喜歡他們的辣椒醬，很好味，不會一味辣

之前來過食午飯，覺得不太特別又多人，其實呢度其中一個賣點就係各式國產酒，見在蘭桂坊上面飲野就試得多，呢度就未試過，加上今日有兩個女同事一齊出來，見這裡人少少無咁雜，就來試一試。七點幾人都不是太多，好容易就在吧果邊坐低。這裡以中國酒為招徠，桂花酒、茅台、五加皮、香雪、酒鬼、二鍋頭等常見中國酒當然有得飲，但其實日本清酒、紅白酒威士忌等都有，或者簡簡單單飲支啤酒都得。200ML的玉乃光已賣95蚊，雖然話晒都係純米大吟釀級數，但都幾貴，所以都係飲啤酒好過。叫左三杯溝左中國酒的雞尾酒給女同事，長城是竹葉青加桃蜜及橙汁，飲了一小口，幾好飲又易入口，不過酒精度應幾高，因飲到一半個同事塊面都紅晒；醉花香係桂花陳加伏特加同蘋果蜜，呢隻無長城咁易入口，酒精度亦係唔低的；踏雪尋玫就係玫瑰露加荔枝蜜同士多啤梨，好易入口，亦無其他雞尾酒咁啃。雞尾酒統統60蚊一杯，唔平但算有特色；另叫了幾支生力清啤，呢度同東寶一樣都係用碗飲，不過就呢度的氣氛來說有點兒整餅，happy hour三點至到八點，清啤廿蚊一支，幾抵。送酒小吃聽講以前係蠶豆，不過而家就係花生，好似以前有特色少少。呢度勝在人少少，傾計唔錯，又有電視睇，幾好

set lunch 經濟好食，最好預早兩日book位，晚飯小菜都好食，甜品就冇乜特別，唔太好食而略貴

試過午市，昨晚再o黎試下Dinner，都係覺得好過尖咀個間。可能係同一集團原因，Dinner個menu同天與地、阿拉廚房及阿拉麵館差唔多。我o地三個女仔同一個小朋友，竟然叫了六樣野加一個甜品，再每人一杯drink，除了黑醋排骨、擔擔麵外，其他都是未試過的。醬炒娃娃菜-味道有d似馬拉盞，好野味；鐵板蔥爆雞肉-我覺得如果係羊肉的話會match D。新竹炒米粉-炒得夠乾身，唔太油。小籠包同雙冬時菜下次可以唔駛再叫。甜品係綠菜雙色榚，上層係綠菜味好清甜幾特別，下層係棷汁味就以一般的棷汁榚。

同兩個同事來試試，呢度擺左好多酒酲，同事話幾有格調，我就覺得陰陰暗暗的，有點焗促的感覺。我們十二點九到來都唔係好多人，但一點過後就立即坐滿，仲有唔少人在門口等位。呢度位處地牢全層，地方唔細，有普通檯及又有較舒適的卡位，可惜我們坐的只是普通檯，set得幾迫亦不太好坐。亦有飲野的高檯及吧檯，不過午市就全都用作開餐。亦有大銀幕，我們幫襯時是在播有線新聞，夜晚應該會有波睇。叫了三個套餐，選了醋排骨、蔥爆牛肉及麻婆豆腐。前菜是涼泮藕片，味道一般，所以只吃了兩片；湯是OK，忘了是什麼名堂亦渴不出是什麼；三個菜之中以醋排骨較好味，肉質不算酥化但都唔太韌，酸甜味用來送飯都唔錯；麻婆豆腐唔太辣亦吃不出什麼味，不過我一向對呢味菜有偏見，可能在於還未吃過好的麻婆豆腐的關係；蔥爆牛肉中規中矩，味道OK。埋單一百七十幾蚊，都唔算好貴。

係中環行到支力,見幾就腳就係到開餐啦坐落已經九點幾,唔算好多人,要彈少少個位,張檯太細同矮啦,唔係咁岩食飯用而家citibank card做緊promotion,$245二人餐,有口水雞,冷翡翠,辣椒皮旦做前菜,主菜有黑醋排骨,水煮鮮魚片,小籠包同菜等,不過驚太飽無order,飲品叫左蜜桃果爽同荔枝肉露,然後叫口水雞,三鮮炒拉麵同青炒豆苗. 口水雞醬汁雖辣但不夠入味,三鮮炒拉麵幾足料,青炒豆苗亦唔錯,比其他食肆做得少油呢度夜晚有古箏同二胡表演,幾新鮮,service黎講overall好過本店,希望可以keep住

之前去過諾士佛台果間，今日同事帶左去哩間中環食佢o的午市飯餐，價錢都係$52，有四款供應，另有醉雞麵餐。我地四款都叫雲：黑醋排骨：覺得真係好‘醋’味，同事就覺得好惹味，我就受不了！水煮雞：比係諾士佛台果o的水煮牛肉，無咁麻辣喎（可能係午市飯餐關係o卦！易入口o的。），佢o的粉皮真係幾好食，唔會話太淋，又夠味，掂！醬爆雞＆麻婆豆腐：我幾鍾意哩兩味喎，後者辣味適中，哩度o的雞肉都好嫩，好味。雪菜肉絲粉皮：粉皮真係幾好，一式唔淋。其實我係幾鍾意佢附上o既前菜- 青瓜。總體黎講，哩度味道較濃，尤其辣同粉皮至出色，不妨一試。員工都好主動及殷勤，地方略嫌逼，可能坐無虛席關係o卦．．．．

中環分店開唔係好耐，內裡環境裝修同諾士佛台個間差唔多，由於可能新鮮感關係，感覺比尖沙咀舒服D。Lunch time除有menu冷盤、點心外，仲有兩款set選擇，一款係麵餐30幾蚊另一款係小菜套餐由40幾蚊起。而每款都有五六種口味揀，仲有前菜同四寶茶送。我o地揀醉雞湯麵餐、黑醋排骨飯餐，另加一個紅油抄手。其實味道與尖沙咀差唔多，勝在份量唔小，三個女仔食到好飽。埋單只係135蚊，係中環o黎講唔算貴啦，中環一般茶餐廳的價錢都差唔多，仲冇坐得咁舒服。