天香牛什大王 (已結業)

琴日溫度高達30度超晒﹐行經呢度見出面都坐滿人﹐所以就入去食諗住裡面會涼d. 點知裡面既溫度同出面差無幾, 又焗﹐又熱。(剩係見到佢地開把風扇﹐一d冷氣都冇) 。地下就油淋淋﹐係裡面行就好似流冰咁。坐底後﹐就拿起插係臺上果d 疊埋一齊既menu來睇﹐但係d menu 就濕濕“立立” ﹐仲有小許啡色既液體滴下。衛生情況惡劣。最後叫左牛肚+牛肺河﹐老婆就叫牛肚麵。湯底因為有蒜頭﹐蔥同冬菜﹐所以味道較濃但香。牛肚炆得幾淋﹐牛肺亦脆嫩﹐幾好。雖然呢度價錢大眾化﹐但衛生方面應該起碼要擁有基本既standards。

雙拼河粉$24湯底好油, 仲有層黃色油係面! 好恐怖! 雙拼要魚旦同魚餃, 似係有少少煮唔熟.咖哩雞飯$30碟咖哩好細碟, 雞件就得d頭頭尾尾, 唔抵食又唔好食.雖然呢度招牌係賣牛什, 但唔通唔食牛類食品, 質素就會咁差!? 同朋友食無幾耐之後, 齊齊肚仲覺得有d唔舒服tim 呀! 大排檔預係污糟d, 但都無諗過會搞到胃痛肚痛...就算呢度d牛有幾好食, 都唔敢再啦

一支公响銅記周圍蕩，記起呢間牛什大王，甚感興趣，既稱之為王，一定唔少嘢...坐低，牛什河加碟芥蘭，差唔多la...過年食得咁多嘢，係時候食清D...湯底不太濃，牛什並不算係"濃油赤醬"之類。牛肺佔咗大部份，自己嘅摯愛牛膀只得一件，認真唔夠喉...牛肚炆得幾淰，叫做不過不失la...但要稱之為王? 還差遠矣....

周日的老銅實在嚇人,如非現身恭賀友人榮陞老闆,也絕少涉足這地.事後,一個人來到此吃牛什,也一位難求.店內除本地食客之外,亦多一批印/菲傭光顧.雖然食客眾多,一碗牛什粗,兩分鐘送到.牛肚牛腸牛肺等等,應有盡有.先嗒一口湯底,味道都幾清甜.其材料如牛肚極為爽口,牛腸亦肥美等等,不贅.鹵水味不算重手,如果同專兄一樣,帶支同樣味淡的Beaujolais來開,應該會幾夾.快上,自然快落,此時此刻不宜久留.唯有留待下次平日再來,細味品嘗其牛腩.PS:祝生意興隆.

午餐行過，正好試一下何謂牛雜大王。叫咗雜撈加油菜，油菜平平無奇；牛雜就比較失望：滷水味還好，但牛雜處理得比較差，牛腸有少少"澀"味，牛膀有dd異味，其他部份肉地比較靭，水準唔萛突出。諗住專誠食牛雜嘅會有失望。

試酒會後, 空肚而帶點醉的感覺不太好, 便走到附近找吃的..其時背袋中還有一支Gamay新酒, 實在意猶未盡. 見到天香牛什大王, 正好.天氣清涼又見沒有太多人抽煙, 便選了露天位坐下. 少許酒意下胃口大開, 除了例牌的一碗牛腩米, 還追加了一碟淨牛什.這裡的服務意外地不錯, 伙計見我揭開辣油盅左看右看, 便主動奉上用作盛載辣油的碗一隻, 另外我再要求一隻玻璃杯, 也二話不說立刻就奉上, 值得一讚. 牛腩米很快就送到, 效率相當高, 牛腩份量不算多, 但以銅鑼灣區賣十八元來說, 也不能挑剔. 肉質有點極端, 瘦的幾件很瘦, 幸好不是"柴皮", 也吃得過; 肥的兩件則很肥美, 咬下去滿口甘香豐潤, 上品! 下次再來, 一定會吩咐要肥一點的牛腩.淨牛什無論賣相份量都對辦, 整體上味道比較輕清, 喜歡"華南"一類濃重口味牛什的朋友可能會有點失望, 但就能吃出牛什原本的味道, 而各部位本身的質素也相當不錯, 牛肚彈牙而不韌, 牛榜味甘香口感粉嫩細滑, 牛肺有咬勁味亦足, 絕非軟叭叭而無味的一類加工過度之貨色. 大小腸皆帶有脂肪, 吃下去甘香十足, 若是無膏無脂的腸, 不如不賣. 這晚吃到的,

一間不修篇幅的潮式麵檔，地下放著膠袋套著的鹼水麵與一箱箱的蠔油，老江湖式的陳年相片及大張細張自家製手打魚蛋的poster，未吃麵眼睛已嚐盡地道「風味」。內舖爆得差點兒要坐到外街，天氣涼一點的話倒是無所謂，起碼可以看到滷水膽上「卜、卜」著的腩、雜。鑽進店內一角坐下，招牌的牛雜河拼牛腩，沒有特別吩咐要爽腩什麼的，反正雙拼也預了不會分到什麼好料子。即叫即上，前後不到三分鐘，效率無出其右，牛膀、大腸、細腸、牛肚、牛肺都有了，再加上以中間夾著肥脂的牛腩，真的唔食得都睇得下。先喝一口帶著微鮮的清湯，也不錯，兩件夾著肥脂的牛腩炆得軟化，也吃到少少油甘，敗在肉質較為鬆散，絲絲腩肉掛在口，做不到鬆軟齊整的口感，非主打之作，水準可以接受。幾味牛雜，滷得夠味而不嗆，各部分應有的質感都吃得到，牛膀不羶而亦失粉糜的口感，牛肚也富彈性，牛肺仍保有方形瓣塊的脆嫩質感，很不錯，惟一不滿的是大、細腸已「走油」，也真淡出個鳥來。配埋幼切的河粉，粗粗的魚蛋河貨式，吃得極為滿足。由開波計到離席，已換了一輪客，難怪老闆那條金鍊咁閃。

22/9(六) 7:30pm午膳後,到西環一帶集體回憶,路過余均益及齒來香放下多少銀兩後,徒步從西半山走回德輔道坐巴士到太古城替男友親友辦點事宜.完事後,再回銅鑼灣閒混.雖則肚皮還沒響警號,畢竟也得稍為照料一下.吃過貴氣午餐,晚飯做回平民百姓,到草根的天香牛什.我倆要了水餃牛筋麵$24,坑腩墨丸米$22,魚皮加$4,灼芥蘭$8.水餃牛筋麵--水餃皮厚蝦隻失鮮沒口感;牛筋倒軟腍彈口兼備,且味道剛好不過鹹;幼麵則沒太多梘水味,入口尚爽口!坑腩墨丸米--坑腩肥美軟腍,層次分明!至於墨丸加入馬碲粒增口感,彈度口感一般,米粉質地也挺粗嚡的.魚皮--魚皮不香脆且淡口非常!灼芥蘭--帶雪味的芥蘭味道極不討好!牛製品確是到家,其餘的卻不敢恭維!

枉佢自稱牛什大王,普通到不得,周圍都可以食到,同好食仲有一段距離,而且D位一D都唔好坐,因為迫得好緊要!

一個人食快,好似可好耐無,咪食返碗牛肚河.不過好失望,牛肚"癡"牙,河粉唔夠滑,有d硬...坐得又唔舒服,無下次!連飲品(18+6)24蚊,收錢時收26蚊???加減數都計錯事又唔用計數機,好彩我精靈!

party後提早食個自閉晚餐,本來打算去糖街食印尼菜,但見高朋滿座,行行下走左黎呢頭,四圍搵野食之際見到呢個招牌,印象中好似評語幾好,所以走入黎試下。門外露天位不作考慮,走入店內坐低,好熱!!初期以為自己行到慶唔夠冷氣,等食物時至發覺根本無冷氣,只靠幾把風扇搖搖下,哎呀呀~~~超級大煲啦!反正都係熱到上頭殼頂,都唔爭在熱埋佢!!幸好有杯凍檸賓飲下,雖則唔太夠利賓納,幸好檸檬又幾酸,醒神!只係細杯左少少,要加$8就比大杯d人客飲啦老闆!!牛雜米望落ok,湯頭加上青蔥芫茜都幾香,米粉質感ok,唔會太淋,尚算爽口;應該係熱到自己無胃口之故,所以覺得d牛雜唔太好食,牛肺幾硬,金錢肚軟硬度幾好,只係有少少焦味,可惜!牛腸一片帶有肥膏,另外我至喜歡既彎彎牛腸入面好似豬粉腸般有粉狀東西(牛粉腸?!),只可惜竟然又係硬硬地,唔得!!牛膀反而粉粉軟軟又ok喎。就算幾好味,在無冷氣情況之下,我都唔會再幫襯lu,今次的確係自己選擇錯誤,食完行出店外反而更涼快,死未??服務方面,阿叔同阿姐都係水準之下,總之無落錯單又無送錯食物就算喇。

12-9-2006 1257星期六返工前，無聊出街逛逛，行下行下到左銅鑼灣，要搵野醫肚，好耐冇係街食牛什，所以就黎左呢度。呢度標榜牛什，就要了一碗牛什小肥牛腩麵。上到檯後始乎冇乜香味，麵偏淋，牛腩俾到少少肥，這裡的牛什包括牛膀、牛肚、牛肺、牛腸，炆得算是入味及足料，也食到少少五香味道，美中不足是做不到街邊檔的風味。埋單連茶走25蚊，在這區來說的粉麵店，大約就是這個價錢。

18 May 2006 (Thur) - 晚飯專登同好好友黎試下，我叫咗個黑椒九丸米加炸魚皮同一杯凍檸水少甜，好好友叫咗牛腩麵同凍檸茶，我哋再share 個油菜！黑椒牛丸好正，又彈牙，又夠辣；炸魚皮好脆，唔似放咗好耐咁，湯底好清；凍檸水話少甜就真係少甜，無花無假！至於好好友叫既牛腩，好淋好味，但係湯底非常之咸！油菜我又唔記得叫走油，但好好彩，跟本唔係太多油，正！So far so good！唔錯，可以成日黎啦！=D

同男朋友去過呢間野食幾次~但自己一次都未食過..但bf話好味!!所以就叫左個牛腩河食~真係幾唔錯~湯底夠味連埋ｄ河食真係幾好味~牛腩唔會太"un"~幾香唔錯~而且$17碗食到你飽真係幾抵!!所以下次一定會再去!!~

下雨天入在去天香食碗牛筋米線+熱奶茶.奶茶就一般啦.. 無咩特別...牛筋就好杰啦...不過好似有d濃濃地既味..唔知係咪蚊到濃左少少...不過都唔會影響我下次再去既.