天龍燒鵝 (新禧大樓)

營業中

休息中

睇米紙介紹過呢間位於灣仔嘅人氣燒鵝店，由米芝蓮二星燒味主廚創立，餐廳提供即燒燒鵝同燒豬，佢地更會全日不停燒製乳豬同燒鵝！黎到必食即燒燒鵝，叫左下庄，148蚊但好大碟，睇個顏色就已經覺得燒得好靚仔，色澤均勻，鵝皮香脆，肉質飽滿，肥瘦適中，中間層小肥膏就係燒鵝脂香味嘅來源🥰🥰另外，仲點左乳豬五寶飯，有乳豬、咸蛋、叉燒、油雞、紅腸，乳豬個皮好脆，好好食，油雞都好嫰滑，叉燒就唔會太肥，仲有蜜汁甜味 🤩呢個係套餐，會送老火湯，凍飲都係加$6！

◐灣仔天龍燒鵝｜前米芝蓮師傅｜肥燶腩叉天龍軒米芝蓮餐廳已經出晒名架啦，個個都讚佢既黑毛豬叉燒出色，依家平民價已經有得食😋 乳豬即叫即燒，今次可惜賣晒未食到。相信燒味好食程度媲美附近竺扶😍⎊ 燒肉飯 $53燒肉皮脆口，雞湯好濃郁湯頭，住家味道。set lunch燒味飯包齊湯、茶、飯，份量十足⎊ 燒味雙拼（肥燶腩叉+貴菲雞）$113 🎖️雙拼可以自由搭配，肥燶腩叉係最值得叫，燶邊之餘仲有肥瘦相間，好香口🤩 燒法應該同坊間唔同，果然名不虛傳！ ⎊ 燒鵝皇下莊 $148 🎖️有隻好大鵝脾，皮真係脆到，而且唔會太油膩，色澤好亮麗，好值得叫返半隻屋企加餸🥳

餐廳是米芝蓮2星中餐廳燒味部主廚創業，質素一定有保證，平時好少食燒味店的我都入去試下！見到店舖掛滿乳豬，燒鵝，原來餐廳會全日不停燒製，保證新鮮！一人套餐跟油菜、小菜、白飯和老火湯，好豐富。燒鵝髀原隻燒鵝油脂豐腴，燒出來的鵝皮又香又脆🤭每枱都會叫咁濟～識食嘅一定要嗌燒鵝髀，肉質特別嫩滑。乳豬乳豬皮上起砂，脆不膩口，而且金黃的脆皮、香口的油脂同鮮嫩的乳豬肉三者比例適中，層次分明。燒腩仔燒腩仔比嘅部位都幾好，肉嫩，肥瘦均勻，口感、風味佳，唔會斬啲頭尾位。叉燒肉質鬆軟多汁又有咬口，塗上叉燒醬汁，香甜而美味，更帶點焦香。小食燻蹄配海蜇都不錯👌海蜇做到冰凍爽口，燻蹄做得香醇有嚼勁。

灣仔惹味燒味首選｜天龍燒鵝有冇人同我一樣間唔中都會想食燒味飯？成日都係灣仔打躉嘅我，經過左天龍燒鵝無數次，今次終於入去食下佢嘅燒味啦🤤嚟到天龍燒鵝又點會唔試吓佢嘅招牌燒鵝呢？果然冇失望，皮脆肉嫩‼️下午茶&全日套餐🍽️人均：$50-$100🕰️時間：週末下午茶時間下午茶：輕盈燒味雙拼瀨粉（燒腩仔、紅腸、瀨粉）$40大家唔好以為輕盈就細碗，基本上佢同一人套餐嘅瀨粉量差不多‼️勁抵食🥹燒腩仔好好食😋一人套餐：燒鵝拼乳豬 $100乳豬同燒鵝個皮真係夠晒脆。食唔到任何腥味，十分推薦。一人套餐超級豐富，仲配埋以下配菜同湯‼️配油菜（菜心蠔油）配涼拌青瓜木耳配老火湯配瀨粉肥燶腩叉（例牌）$98完美😍肥瘦比例一流。加上燶邊冇得彈‼️麻辣尖椒皮蛋 $18比一般平時食嘅辣🤣滷水豬腳仔 $38豬腳仔係連埋啲肉都好滑，充斥着滿滿嘅骨膠原❤️Bible rating: 9/10📍地址：天龍燒鵝 (灣仔)灣仔軒尼詩道68-76號新禧大樓地下D號舖

大佬睇完youtube介紹心思思想食燒味，揀咗天龍去試吓～ 一人套餐：原隻燒鵝髀拼乳豬 乳豬皮薄，咬落卜卜脆。脂肪都係薄薄一層，食落感覺都唔會太油膩，加乳豬醬送飯一流，唔加都夠晒味。燒鵝髀啖啖肉，燒鵝嘅皮香脆，鵝油香濃但又唔會太肥。加少少甜酸醬，就更加好食。餐廳嘅乳豬同埋燒鵝，都係不斷出爐，所以一定新鮮套餐包咗：涼拌青瓜、油菜、例湯、白飯涼拌青瓜都幾開胃，有油菜解膩。例湯飲完都唔會覺得口渴另外仲叫咗一份例牌叉燒，佢哋嘅叉燒肥瘦均勻，少少燶邊，面頭係甜甜地蜜汁，咬落去係香濃嘅叉燒醬味，肉質爽口唔會太乾身，就咁食或者送飯都正有米芝蓮二星中餐主廚出品果然係有保證

YouTube channel 「米紙」評論過的燒鵝店「天龍燒鵝」早早已入我的Book mark⭐️老闆曾任米芝蓮2星中餐廳燒味部主廚👨‍🍳此餐廳為自家創業👏🏻👏🏻店裡還會全天不停燒制乳豬和燒鵝️🔥各款燒味價格都很親民⋆__ᴛᴏᴛᴀʟ ᴏʀᴅᴇʀ___ ⋆🦢天龍燒鵝皇（下庄）$148新鮮出爐 即燒燒鵝 親眼目睹 出爐去油再切 香噴噴🥳入口皮脆超薄 油脂豐腴肥瘦適中 鵝肉鮮嫩不愧是鎮店之寶🐷乳豬拼肥燶腩叉飯 $89乳豬外皮薄而酥脆 卜卜脆底下脂肪不會過厚 口感不會太油膩而肥燶腩叉 瘦肉肥瘦相間 焦香肉嫩又多汁麥芽甘甜味配合燶邊的脆口焦香不錯👍🏻👍🏻👍🏻👍🏻🐷海蜇燻啼$38燻蹄切得好薄 入口嫩滑配上香醋 更加入味海蜇彈牙 微辣開胃

一人套餐鵝脾併肥燶叉鵝脾肉味濃👍🏻皮脆😉肥爆叉出街好少有得揀燶邊😯話肥又吳係好肥wo可能切得吳太厚👌🏻入面好夠蕉香被醬汁包圍住咁👍🏻結: 2樣都好有水準👍🏻值得食🫡#鵝脾併肥燶叉#天龍燒鵝

外賣燒鵝例牌下庄（138元）看了米紙的影片而來。我是買外賣回家的，買了燒鵝例牌下庄（138元）。然而，並不是想像中的好食。肉質沒有什麼特別。可能我是較晚才買，所以可能因此燒鵝皮是不脆的，只可以講味道還算不錯。蘸了些酸梅醬（一包包現成的）會更好味。燒鵝髀也不是很好食或特別嫩滑。外賣會有一盒醬汁，應該是豉油加冰糖之類的東西（看影片分享網站知的），但也沒有什麼特別，沒有什麼燒鵝味。總體而言，並沒有很驚艷，應該不會再試。

近排睇完天龍八部 經過見到天龍個店名就吸引左入去食嘢灣仔嘅天龍燒鵝 米紙都之前有介紹 ，小店卻是細心去經營 淨係例湯都一週七日唔同款今日飲南瓜粟米煲排骨 香甜濃郁 餐廳老闆曾經任職米芝蓮二星級天龍軒燒味部主㕑 每日自家在店製作各款燒味 叫左我想食好耐嘅五寶飯叉燒油雞咸蛋紅腸燒鵝 嘅五寶燒鵝皮香 脆脆地一咬亦有鵝油香油雞非常嫩滑叉燒，瘦得唔靭 又甜甜地地紅腸一定唔錯連咸蛋都有黃油燒鵝伴乳豬一人套餐乳豬不斷燒出爐 外皮香脆帶皮內有一層薄薄地嘅油肉也很薄容易入口重有木耳青瓜小食醋酸得來好清新拼配嘅瀨粉十分match皮蛋小食少少辣好惹味仲有兩杯，冰凍菜蜜滋潤返一下仲買埋外賣燒腩仔叉燒今晚做餸等外賣時候 不斷有人買外賣同等位 可見十分有人氣天龍燒鵝 (灣仔)灣仔軒尼詩道68-76號新禧大樓地下D號舖#天龍燒鵝#灣仔美食#天龍#燒味#廣東燒味#人氣燒味#hkfoodblog #hkfood #hkfoodie #hkfoodblogger

原舖就已經是賣燒味的，想不到轉手後也是，而且好似是很有來頭的感覺，說是曾在米芝蓮二星餐廳任燒味師傅，那就真的試一試了！而且可以看到店裡也準備了不少的燒鵝和乳豬，應該是即場新鮮燒製的！另外人氣比原舖更多，燒味都用得很快，那就真的可以一直吃到新鮮的燒味了！燒味四拼（１６８元）燒鵝（＋１０元）乳豬（＋１０元）賣相挺不錯，斬得非常齊整！肉的份量都不錯！這個就選了燒腩仔，燒排骨，燒鵝和乳豬，後兩個都要加錢。燒腩仔皮酥脆肉多汁，燒排骨蜜汁味香濃肉質彈牙，燒鵝油脂豐富鵝味香濃和乳豬皮香肉嫩油脂特別香！燒味雙拼飯（５８元）肥燶腩叉（＋５元）這個份量真的非常足，一碟就吃起來超滿足了！雖然肥燶腩叉要加錢，但如果愛吃肥的人就一定要選！肥燶腩叉因為燒得帶點焦，所以會有點脆脆的口感，但油脂部份接近入口即化的口感非常誘人，肉質非常鬆化，且蜜汁味香濃甜香！油雞吃起來肉質非常有彈性，而且豉油味非常濃，雞皮真的必吃！滷水豬仔腿（３８元）這個性價比不錯，豬仔腿比想像中的要多肉，而且吃起來很方便，肉質嫩滑又帶點彈性，滷得非常入味！

全日不停燒製乳豬燒鵝❣️米芝蓮2星中餐廳燒味部主廚創業即刻帶屋企人去試下先！！燒鵝+燒腩仔雙併套餐🤍燒鵝份量都算多仲有個酸酸甜甜嘅醬燒腩仔個皮超脆口！脂肪分布平均白飯仲可以轉瀨粉/米粉等！原隻燒鵝髀+叉燒雙拼呢個真係超正！！！係燒鵝髀😝勁肥美！超juicy多汁🩷套餐超抵食，仲會配埋菜心蠔油涼拌青瓜、老火湯同嘢飲添！📍 天龍燒鵝 (灣仔)灣仔軒尼詩道68-76號新禧大樓地下D號舖#灣仔美食 #灣仔好去處 #香港美食 #燒鵝脾 #燒鵝飯 #燒鵝 #燒味

🍚乳豬雙拼叉燒飯 $98🍚燒鵝雙拼貴妃雞 $128白飯 +$12🍋檸七 $22🥤可樂 $16🔸之前都介紹過呢間係香港比較出色嘅平民燒味店之一，今次二訪都係滿意🔸首先必試係乳豬（餐廳係全日不停會自家燒乳豬同燒鵝），皮脆肉嫩，燒得恰到好處，每一啖都能感受到豬嘅鮮嫩同皮嘅香脆😁每塊肉嘅厚度都控制得剛剛好，唔會太厚或者太薄🔸再嚟燒鵝個皮酥脆，肉質鮮嫩多汁，鹹中帶甜，食落口感好滿足～每一塊鵝肉都燒得恰到好處🔸貴妃雞嘅雞肉滑溜溜，口感幾好～雞肉保持到原本嘅鮮味，食落去感覺特別清甜🔸最後，燒味之王一定要講叉燒，佢色澤鮮亮，肉質鮮嫩多汁，烤得恰到好處，外皮微焦，咬落去肉質鬆軟👍🏻

早前睇youtuber 米紙介紹過灣仔幾間燒鵝評價；［天龍燒鵝］係其中一間推薦餐廳🤩哩間係米芝蓮2星⭐️⭐️中餐廳燒味部主廚👨‍🍳創業開嘅燒味舖👫哩日同老公專程來試吓有幾好味😆我地已經過了午餐時段來，但都係好爆場，不過等了一陣好快有位🤭我地點了2份一人套餐🥢原隻燒鵝髀拼雞髀 $188🥢燒鵝拼乳豬 $100套餐可配白飯或瀨粉另外有中湯，油菜，小食中湯原來每日都唔同🥣仲係老火湯來，當日係南北杏木瓜豬骨湯，好足料完全冇味精👍原隻燒鵝髀非常大隻，一咬已經爆哂汁🤤皮薄又唔油腻，肉質好嫩另外估唔到乳豬好有驚喜🤩外皮又薄又酥脆🐖好鬼香口🔥肉質都係嫩滑，真係好好味😋咁多人幫襯💰師傅忙到冇停手🔥唔怪得全日要不停燒製乳豬🦢燒鵝👍👍推薦值得再來

位於灣仔呢間♥︎天龍燒鵝♥︎我個同事成日買來食話好正，見之前米紙都有推薦過，店員全日不停燒製乳豬燒鵝，餐廳老闆曾喺米芝蓮二星天龍軒任燒味主廚😮👍🏻今日去幫襯，門口已經有幾個人等緊外賣😬我見好多人都係買燒鵝同乳豬。🌟乳豬肥燶腩义燒例牌$183乳豬皮超級酥脆👍🏻肉質細嫩，燶腩义燒推介大家必試😋👍🏻望上去看似好肥，但入口一啲都唔油膩🤤肉質非常鬆化，燶邊位有焦香，密汁甜度適中，食唔停口。🌟例湯每碗$12每日都會有唔同款式例湯供應，今日係粉葛赤小豆豬骨湯，味道清甜，下火一流😋

我已前後光顧了四次，分別不同時段來experience ，反映客觀事實： 餐廳嘅食物質素是好的，各種燒味真是十分之好味，價錢也合理。我唯一最失望，關注，每次來都發現愈來愈差的就是環境衞生不行，好污糟，地下濕濕立立，座位了好逼夾，不舒服。大廚是五星酒店岀身，我希望佢把五星酒店的清潔水平也帶來。我感覺似係一個廁所入面吃飯，太污濁了。入門口掛的膠簾也好污糟，油luplup 唉好核突啊，希望細節清潔做好啲！衞生扣了一半分！