天龍燒鵝 (新禧大樓)

營業中

休息中

我每星期都會幫襯一兩次 好好食燒味 燒肉皮夠脆 叉燒唔乾有小小肥肉👍🏻切雞都幾滑 有例湯送 飲得出係新鮮煲 唔似一般茶記例湯 買外賣隻拼$51 幾合理價錢👍🏻價錢方面堂食會偏貴 外賣化算d

因為店家售賣即燒鵝跟乳豬，所以早前這家大排長龍，今日路經見到沒有人排隊，馬上入內試試！店內座位其實不算太擁擠，燈火光猛出品我們二人點了2份一人套餐原隻燒鵝髀雙拼切雞 $148貴？燒鵝髀真心大隻！皮夠爽脆也肉嫩，口感帶滿滿鵝油香，肉量也多！配飯吃超邪惡！乳豬雙拼叉燒$98放了很久的乳豬皮仍然很脆！肥瘦適中的乳豬肉作點綴，肯定是即燒的高質，比酒樓更好吃！配飯吃甜甜的更上一層樓！叉燒點了一般版，沒有點肥燶腩叉，但入口仍舊是鬆軟不柴，口味出色亦不過於肥膩，進食途中看見有一批新叉燒掛爐，滿滿的蜜汁超吸引！套餐配涼拌青瓜 相當開胃的青瓜木耳菜心配蠔油 補充膳食纖維佳品老火湯（合掌瓜紅蘿蔔老火湯）相當甜而且沒有味精，正！天龍燒鵝 (灣仔)灣仔軒尼詩道68-76號新禧大樓地下D號舖

上次品嚐過的「天龍燒鵝」質素真的令我很滿意，今次再跟爸爸一起到訪「天龍」老闆曾經為米芝蓮2⃣星餐廳燒味部主廚；小店燒鵝及乳豬全日不停燒製，確保新鮮不過夜==========🔹一人套餐：沙薑雞 $80跟油菜一碟、小食一碟、白飯一碗及老火湯一碗、熱飲+$5沙薑雞份量豐富，不止一人份量；雞肉雪白，雞胸緊實，雞髀嫩滑，沙薑味道調得恰到好處，鹹香突出老火湯蓮藕紅蘿蔔豬骨湯，湯料充足，飲落清甜沒味精也毫不油膩小食手拍青瓜配雲耳清新爽脆又開胃，陳醋份量剛好白飯免費轉為瀨粉，質感軟滑彈牙熱飲點選檸檬茶，檸檬厚切4片，新鮮不苦澀推介指數：8/10==========🔹天龍燒鵝皇 (上庄) $128雖為例牌但份量可不少，而且肉多骨少燒鵝外皮燒得香脆而極富鵝油香，油脂有在口腔內爆發出來的感覺鵝肉肉質緊緻結實，脂肪比例不高，蘸上酸梅醬更添美味同時可解膩推介指數：9/10==========🔹蜜汁燒排骨 $685大件燒排骨上色均勻，賣相吸引排骨肉厚富彈性，甜滋滋的麥芽糖蜜汁稀稠度適中，非常滋味推介指數：8.5/10==========🔹油菜 $20

《高質即燒燒味☀️》———————————————-#天龍燒鵝 🦆-呢間喺灣仔嘅燒味店平民得嚟又好高質，由米芝蓮2星中餐廳燒味部主廚開嘅，日日限量自家燒🔥 一人套餐包咗油菜、小食、白飯同埋木瓜老火湯，例湯清甜又足料☺️ -🦆 原隻燒鵝髀拼燒腩仔燒鵝髀燒得好靚仔，色澤均勻，鵝皮香脆，中間層小肥膏，充滿脂香味，點埋酸梅醬仲正💕 燒腩皮脆肉滑，同樣唔錯👍🏻-🐽 乳豬拼肥燶腩叉乳豬皮極之脆，肥瘦相隔，皮脆肉嫩🥰而肥燶腩叉略帶燶邊，入口即化，簡直係白飯殺手🍚-除咗燒味之外，小店仲有賣唔同類型嘅小食，我哋嗌咗個麻辣尖椒皮蛋，都幾惹味～-⭐ 參考價錢︰原隻燒鵝髀拼燒腩仔： $148乳豬拼肥燶腩叉： $103麻辣尖椒皮蛋： $18🍌 抵deal 指數：7/10💰 人均消費：$150

今日第一次幫襯，堂食份量味道還合格，凍咖啡可以講好難飲，苦味重，冇下次！一個一人餐$100,再加碟双拼飯，油雞叉燒飯，油雞味適中，叉燒口感好林，原因？鬆肉粉吧！算了，總體可算合格，消費164元,離開時再多買一個燒鵝飯外賣回家，在玻璃窗外睇住個師傅斬料，（問題黎了‼️睇住個師傅左搭右搭，唔同任置執咗啲頭頭尾尾拼埋一份，以燒鵝皮遮掩，好似好大份量，其實得4粒肉其他全部係鵝尾位冇肉嘅皮，賣$61蚊盒燒鵝飯就係咁，擺明呃錢，冇下次永不再來，有相片常在大家判斷是否合理）😡😡

朋友介紹嘅一間隱世燒味飯店，曾經上過「米紙灣仔燒鵝大戰」一集設有各式各樣嘅燒味飯配搭仲有一人套餐，包小食、油菜、白飯、老火湯、燒味▶️ 老火湯每人一客湯，可以加錢轉飲品老火湯有家的味道😙用料好足入面有花生、眉豆、雞腳，超級滋補▶️ 海蜇鹽焗手撕雞飯 ($68)可揀麻辣或唔辣，姐姐話麻辣好食啲，可惜個人唔食得辣估唔到佢咁多海蜇🤩同手撕雞一樣咁粗，咬落好爽彈！入面拌入青瓜絲，帶點清新🥒手撕雞又淋又唔柴乾👍🏻仲要一啲筋、骨、皮都冇，全部肉🐔好餸飯調味亦做得好好，鹽焗得來唔過鹹，落咗好少好少辣椒，帶微微辛辣🌶️令味道更滋味白飯質感綿密，米粒較幼同短身，落埋豉油更有港式風味🍚-有水準、高質嘅一間燒味飯店，賣相唔頹試咗朋友嘅蜜汁叉燒，半肥瘦，肉質同樣好淋，蜜汁醬油甜甜地🐷屬靚叉燒服務唔錯，啲姐姐好友善，面帶笑容，仲同我哋講笑 (我哋大部份人唔食雞腳，全部俾晒一個朋友，跟住啲姐姐問: 嘩！你好鍾意食雞腳㗎😂)上菜好快，落單後冇幾耐就上晒全部飯入面座位唔算多，地方狹窄，我哋七個人去食，好唔容易先坐到一齊，比較迫入面掛咗啲死咗準備攞去斬嘅燒鵝同雞，會有陣味🙈係貴價啲嘅燒味飯，平均$65/飯，但以佢嘅份量同質素

今次👦🏻👧🏻行完灣仔，行下行下見到燒味店- 天龍燒鵝，上網一Search發現係由米芝蓮2星中餐廳燒味部主廚創業，門口仲要有咁多人排隊就知係間好餐廳，緊係要入去試下！🌟一人套餐（燒鵝拼乳豬）呢個一人套餐包括左油菜，涼拌青瓜，老火湯，白飯同燒味，呢個燒鵝🦆真係唔話得！餐廳嘅燒味基本上係不斷出爐，新鮮熱辣辣送上！燒鵝鵝皮極脆，富有炭火味，鵝油可以話咇出黎咁，極度推介。而乳豬🐷外皮卜卜脆，富有油脂，唔會話好乾，肉質細嫩。🌟燒鵝四拼例牌（燒鵝/肥腩叉燒/油雞/燒腩仔）燒鵝都係如上啦；燒腩仔脆口，唔會話太肥，5層分明，食落口唔會成口油；油雞肉質嫩滑，唔會話太咸，仲要咁岩食到雞脾位，令人滿足😍；肥燶腩叉真係要極力推介，叉燒係用上五花腩，層次分明夠肥美，每塊叉燒周邊都有焦，燶燶地既焦邊配上肥腩，可以送幾碗飯😼！

🪿灣仔低調米芝蓮大廚高質燒鵝🪿-講起去灣仔食燒鵝🪿 可能個個都會諗起啲排隊名店 不過其實同區都有好多低調得嚟質素幾唔錯嘅店家😉 呢間朋友大推由米芝蓮二星中餐廳燒味部主廚創業嘅小店就係其一👨🏻‍🍳 下午茶餐2點起都係$40-$50蚊咗右 可惜我地太早去 食唔到🤣-🐷乳豬拼燒鵝飯 $80 (轉原隻燒鵝脾 $158)餐廳最推介嘅係佢嘅全日新鮮燒起嘅燒鵝同乳豬 所以就㨂咗呢個套餐 有足料餐湯仲有嘢飲 幾抵食😗 首先講佢個乳豬 肉質好鮮嫩 加上皮脂肪同肉層次好分明 咬落係脆卜卜嘅皮 食落入口即溶😛 跟住食佢嘅燒鵝 脆皮香脆 肉質多汁 而且仲有淡淡的肉香 唔怪得係餐廳推介啦😎-🪿燒鵝五寶飯 $78五寶飯內容豐富 有餐廳主打嘅燒鵝 仲有好多人都鍾意嘅豉油雞同叉燒 配上紅腸同鹹蛋🥚 啱晒選擇困難症嘅朋友🥸 燒鵝脆皮肉質多汁就唔使多講 佢嘅豉油雞都好出色 雞皮同雞肉都好嫩滑 而且好入味☺️ 叉燒同樣都好令人驚艷 外層燒到有少少焦糖嘅感覺 入口肥瘦適中🥰-📍天龍燒鵝 (灣仔)灣仔軒尼詩道68-76號新禧大樓地下D號舖-

🆕‼️大滿足一人餐😋😋😋由米芝蓮2星中餐廳燒味部主廚創業🤩餐廳全日不停燒製乳豬，燒鵝，啖啖肉，大大舊🤤燒鵝拼乳豬 $100原隻燒鵝髀拼雞髀 $188以上跟油菜一碟、小食一碟，白飯一碗，老火湯一碗😋😋😋

天龍燒鵝以燒味師傅來自Ritz Carlton天龍軒為賣點, 再加上店舖位於灣仔主要街道之上, 人潮在晚飯時段真的夠誇張, 所以還是外賣算了. 以餐廳之名作主打之燒鵝, 半隻不用三百元, 名氣夠大，但價錢還可以, 件頭夠大, 胸肉夠厚, 是傳統不淋汁的類型. 吃起來皮厚少脆, 肉質偏實而未到柴囗之地步. 肉汁夠但略嫌有點過油, 沒有很濃烈的炭香或木香, 充其量就是表現正常的一般燒味店而已.燒味飯連例湯也是五十多元, 作為港島其中一個核心區域的灣仔, 也算是附近白領午餐的好地方. 燒肉比叉燒更吸引我, 切得夠薄, 三層皮脂肉層次分明, 鹹度柔和而底層肉質夠腍, 將燒腩仔一般的錯誤口感和味道糾正過來. 叉燒不是肥叉, 但肉質還算不錯, 中間的筋位令其口感層次更為分明, 如果燶邊再香脆一點就更完美. 撇除有如網紅店的虛浮, 作為一間功能性的燒味飯店, 價錢和表現並不差.

鵝鵝鵝曲項看天歌天龍燒鵝 你未算一哥叉燒不錯 肥叉更妥加五蚊都係合理操作。一人套餐份量多 呢餐飯 唔計較 我肚餓大食狂魔 日日到賀燒鵝自己必修科蠔油菜心我難過不用咀嚼黃瓜切粒創新啊！木耳麼？酸到痺落醋邊個廚房請你交功課小菜不算甚麼貨無茶無水 例湯好喝白飯一般 不須問廉頗室內裝修勁難坐不是安樂窩灣仔這一波 大家切磋最怕排隊的折磨笑呵呵！無他，呢餐阿婆。

朋友推介，天龍軒的前師傅自家開設的燒味舖。說要食燒鵝必去。地點方便，地鐵站一出2分鐘就到了。沒有太多裝修，茶餐廳的間隔。被安排坐卡位，就點了燒鵝一人餐啦。先上例湯，雞腳湯。足料，有原隻雞腳，味道亦濃郁。還有青瓜木耳和菜芯作配菜，小食可以，不過小菜味道偏咸，沒有讓我增加食慾。不過最期待的燒鵝，擺盤唔錯，有半隻髀位。皮有厚度，香脆，一咬鵝油在口內爆發，驚喜。不過肉質偏奀，鵝肉香氣亦不足。不過份量很大，一人份我完成不了。

之前睇網上某平台介紹過呢間天龍燒鵝講到佢好巴閉，所以今次我專登嚟灣仔試吓佢。我哋一行二人一個嗌咗燒鵝叉燒雙拼飯二另外一個就嗌咗油雞乳豬相平飯，即係總共試咗佢四款燒味。我覺得最普通嘅係個叉燒，因為佢俾咗啲好瘦嘅叉燒我，不過個叉燒都好好味嘅，只不過係啲肉唔夠肥食落去比較柴咗少少。而個燒鵝嗰塊皮真係非常之香佢驚我油味好突出好好食之後呢就到乳豬，估唔到我夜晚去食都仲有乳豬，因為好多燒味舖啲乳豬都好快就賣晒，之後講埋個油雞都好好食，雞肉好滑。😋今次天龍燒鵝冇令我失望，喺我呢個燒味怪魔舌頭之下都覺得好好食，下次一定會再幫襯。

見到網上評語呢間燒鵝都有正平，買半隻燒鵝之後加買一份例牌叉燒試吓，點知食落去個肉質”林”到有啲奇怪唔使用牙齒咬都已經喺口到散晒，唔知係乜嘢原因，之前從來未食過呢種質地嘅叉燒。感覺奇怪。

看到食評提及天龍燒鵝是米芝蓮2星中餐廳燒味部主廚創業的，由於燒味是廣東人最喜歡的一樣食品，今晚便來到這裏。本來餐廳全日不停燒製乳豬，燒鵝，可惜來到嘅時候已經差不多是餐廳關門的時候，所以燒鵝髀和乳豬都已經沽清。😂😂😂😂下次必定早一點來到，一嘗燒鵝髀和乳豬的滋味。叉燒拼燒鵝套餐$88，另加凍鴛鴦$8。燒鵝皮脆肉嫩，叉燒甘香可口，這裏的燒味果然是出自名廚之手。凍鴛鴦，奶茶和咖啡店味道適中，有特色香港特色。燒鵝拼油雞$88 ，另加凍檸樂$10。油雞的將由味道香濃，雞皮爽口，雞肉鮮嫩，非常配合燒鵝的香脆味道。海蜇鹽焗手撕雞$88 ，海蜇爽口彈牙，鹽焗手撕雞肉質鮮嫩，如果調味淡一點更好。老火湯，沒有添加任何味精，喝完之後都不會口渴。小食：涼拌青瓜、雲耳。青瓜香脆爽口，雲耳爽脆帶點香醋味。油菜：菜心。菜心新鮮，清洗得很乾淨。