太子飯莊 (已結業)

有朋友從加拿大回港，對味精極敏感，最怕出外吃飯，聽朋友講喺美孚附近的盈暉台有一間食肆叫「太子飯莊」，雖然喺大眾化價錢，但可以要求不落味精，亦可以吃到私房菜。於是前一日打電話去問，講明想吃蒜茸蝦、炒蟶子、蒸鮑魚、炒斑球，八個人每位約120元，老闆話得。120元要吃海鮮，諗住最多配個例湯就算，點知去到，老闆話先來一個淮杞螺頭燉鱷魚尾，吓？無諗過咁正喎！老闆話當晚除咗我哋，VIP房仲有一張大枱都喺食私房菜，咁先至可以做得到，哈！仲唔喺食神駕到。老闆問我哋蟶子想豉椒炒還是清蒸，我哋八個人八個意見，最後決定用西芹炒。跟住果皮蒸鮑魚上桌，嘩！原本諗住喺鮑魚仔啫，點知竟然有我三分之二隻手掌心咁大，簡直喜出望外。不過食到大斑兩味和蒜茸蒸蝦就有點後悔 budget 太少，加多四、五十蚊一位，用Ｄ爽口Ｄ嘅斑肉和大隻Ｄ蝦就 perfect 嘞，不過配埋碟清炒芥蘭，加埋每人一碗白飯，飽哂。以為咁就算，點知老闆問我哋甜品要法式焦糖燉蛋定喺椰汁紅豆糕，仲駛問，緊喺要少食嗰樣啦！後來老闆走埋嚟傾幾句，原來佢剛接手兩個幾月，講講下，送埋椰汁紅豆糕俾我哋試。埋單嘅時候真喺唔好意思，budget 咁少，食到咁多靚嘢，但老