太安樓牛雜

營業中

休息中

經過太安樓幾次，今次終於的起心肝入去搵野食。本身一心想食海南雞，點知撞岩星期三唔開🥲所以去左附近呢間太安樓牛雜。我朋友嗌左細牛雜，我單嗌左牛肚，牛筋同蘿蔔各一份，樣樣都係$9, 單嗌最少要order 3份, total $27.由於鍾意食辣所以加左辣油，又熱又辣食到我出曬汗標曬眼水呀，仲辣親個咀仔😅我朋友話牛雜都好味，樣樣都好嫩。下次黎會再試!!

去太安樓掃街每次都會幫襯呢間, 唔係貪佢排長龍過癮, 而係佢真係整得好食. 今次叫咗個細雜, 牛肚牛根同軟骨$33排咗十五分鐘有得嗌, 三十秒就搞掂攞得. 牛肚都係一如以往有一種抗拒唔到嘅香味, 又整得唔會好冧但又唔會好難咬開. 牛根同軟骨都幾冧同入味, 食完有想再排嘅衝動, 不過我仲要留返個肚食其他嘢, 唯有下次

我第一次光顧潮州牛雜小食檔攤，是在幾年前我還拿着上手手提電話，在「油麻地」「廟街」夜市的小食食店檔攤裡面購買，那間「廟街」潮州牛雜店沒有堂食區，食客需要在戶外即席享用「牛雜」食品。那間「廟街」潮州牛雜食店，因為主要食客對象，是「廟街」夜市裡面的途人街坊遊客，所以我食店實際上的營業時間，相對而言會比較晚才會開門運作。相反位於「西灣河」著名食街「太安樓」裡面的潮州牛雜小食食店「太安樓牛雜」，「太安樓牛雜」的實際營業時間，就比「廟街」早很多了，我下午兩三點左右，已經一早來到「太安樓」。結果「太安樓」食街裡面有很多食店都還未趕得及開門營業，偏偏「太安樓牛雜」裡面的店員跟食材都一早已經準備就緒，恭候我上門購買「牛雜」食品。「太安樓牛雜」雖然是「太安樓」食街裡面的檔攤舖位，但是偏偏舖位裡面，又有「太安樓」室內的商場空調冷氣系統所籠罩保護，所以食客可以在有瓦遮頭的情況下，安心享用「牛雜」。雖然「太安樓牛雜」展示出來的價目表裡面，詳細列出不同部位「牛雜」食品的實際售價價錢，但是我個人還是比較喜歡購買和品嚐集合不同部位，分大、中、小三個不同份量的綜合「牛雜」食品。但是由於原來「太安樓牛雜」的價目表裡面一

今日去太安樓掃街食平野～食完手抓餅就去下一站好多人都讚好嘅呢間牛雜。之前我係完全唔食牛雜，直至上年去澳門旅行時食過一次就接受左，不過我地都唔係個個部位都食，因為嗰陣騷味我地實在頂唔順。要一讚係個份量同個汁。牛雜爽嘅爽，淋嘅淋。寶寶話白蘿蔔好好味，勁有驚喜。姐姐見到我地有啲唔食問係咪煮得難食。唔係，其實我地唔食牛肺啫。佢地話下次食可以叫走牛肺，第二樣俾多啲我地。我覺得偶然食下冇乜所謂，因為我唔太好。呢間好嘅係唔會好油膩或者超級味精嗰種咸，佢係偏清淡，我自己就覺得啱啱好。都值得一試嘅，如果想食牛雜都會再幫襯佢。

One of the best 牛雜 in town. It is cheap and delicious! Since I had dinner, I just ordered the turnip (a must!), beef stomach and tendon to fix my craving. They were $8 each. Portion was normal but they were mouthwatering since they all soaked up the beef broth which was cooked for hours. The broth was clear and sweet. I drank every single drop of it. I would definitely come back again (with my own Tupperware) and try everything! (The uncles behind me were both praising about the noodles with all

去得太安樓就緊係有的野係指定要食嘅，不過真係太熱啦，又多人，拎住把風扇仔都濕晒滴晒汗。牛雜有分大中細碗買，價錢相宜，平民價👍🏻，一碗樣樣有，叫做可以試吓，不過我就逐樣餸買。買左蘿蔔，好入味之餘又無渣，即係個蘿蔔一啲都唔老仲好嫩添👍🏻。牛筋，超入味，好淋，淋到用枝竹籤篤佢會爛個種。牛肚，入味就梗架喇，同樣地都係好淋，係淋到唔洗咬啊😅，不過對於我來講就缺乏咗少少口感。‼️總括嚟講，啲嘢食好入味，即使唔加甜醬同辣醬都好夠味。因為煮得好淋嘅關係，所以食落去冇咩口感可言🤣

約咗去soho East 食飯，為免去到食到爆廠，所以都係黎太安樓打個底先~ 太安樓搵食都有少少難度， 因為要小心選擇舖頭， 好彩太安樓牛雜係可以安心食用~我多數都會自己揀料， 但今日有啲嘢已經沽清~唔緊要啦有咩食咩； 好多人唔鍾意食牛蒡自己又幾鍾意~ 咁當然我都唔會食得多，牛雜都唔係成日有得食~因為好食嘅檔口唔多， 如果以五香嚟計~ 咁呢間真係保持水準之作； 至於牛肚同腸係一個百搭嘅選擇； 另外必需嘅就係一個豆卜~ 索曬啲牛雜汁， 真係分分鐘好食過牛雜~係熱少少仲要立食， 不過嚟得呢邊通常都會幫襯~因為真係好食

臨近中午經過西灣河太安樓，見到了一直想試的牛雜店，店鋪可叫淨食（3款起）、也有面食類供應。第一次吃想試多一點不同款式，便叫了一碗細牛雜（$35）堂食。店鋪設立食檯，放有不用醬料和即棄餐具供人取用。站在立食區看姐姐剪牛雜，很有港式風味。姐姐會問是否要柚皮，細牛雜滿滿的一碗，女仔吃一碗也可以充當一餐。裏面有牛肺、牛肚、牛心瓣、豬大腸、豬皮、蘿白、柚皮等。38元來說頗為抵食，而且吃完也不覺得口渴，不錯！

食完海南雞同手抓餅一路直行見到唔少人排緊隊買牛雜，叫埋中碗$45試一試，份量算俾得唔少。姐姐會問要唔要柚皮，算係比較少有ge小食。牛雜裡面較出色係蘿蔔，相對入味，但係因為個人比較重口味，應覺湯底唔算濃郁，未加甜醬同芥末醬就咁食咗一舊，覺得冇咩味，呢點較介為遜色。但係牛雜每件件頭算幾大，姐姐唔會剪得太碎，一舊可以分兩啖食，呢點算唔錯。除咗可以叫細中大牛雜外，亦可以選擇自己鍾意食ge部位散叫，每份$8。

繼續掃唔好比佢停食完海南雞飯同熱狗之後，見隔離有做牛雜。平時為左減肥都唔食，連點心牛肚都唔叫，今次忍唔住啦叫左細牛雜，其實都唔細，1個人食可能多左啲，兩個人啱哂。裏面有牛肚，牛肺，牛心瓣，豬大腸，豬皮，白蘿蔔等等。腩汁正，黃芥辣又啱。下次會再食！

牛雜很多地方都有，但是柚皮就不常見，每一次來都一定會點柚皮，這次點了2份柚皮，好吃的不嫌多，柚皮充分了吸收滷水汁，非常好吃。按個人喜好，還可以加甜醬，辣醬。店裡面只有企位，住得近的話可以打包回家慢慢吃。

🐮太安樓牛雜🐮堂食可以入店舖內食，有幾個立食企位😆兩口子👦🏻🐮真的對太安樓有種情感😋😌今次叫左牛肚/牛腸/蘿蔔🐮🐮$❽一份餸，最小叫三份起🔸牛肚-煙煙韌韌，入口不用咬太耐🔸牛腸-肥美美味🔸蘿蔔-果然無失望好入味加埋甜醬芥辣就最好味柚皮都好出名😬不過由於👧🏻不喜歡食柚皮所以沒有叫😌喜歡食柚皮的你們可以一試

今日eatmug9 #38想去夜市 唔洗搭飛機嘅西灣河嘅太安樓係有“香港桂林夜市”之稱(好似係)今日就同大家嚟呢度掃一掃街睇下有乜好食太安樓入面大大話話都有成廿幾間食店而我第一間幫襯就係牛雜一嚟九丈咁遠都聞到浸牛雜除二嚟間舖都有返咁上下人排隊 心諗應該唔會差得去邊掛份牛雜有分大中小我就嗌咗份小牛雜 留肚食其他牛雜呀姐就問洗唔洗加柚子皮我都黑人問號咗 (有啲咁嘅嘢咩)不過幾歹都試下先濃濃啲牛汁 滲晒入啲蘿蔔度特別一提啲牛肚好有質感 質素唔差大腸亦都夠乾淨嗱嗱聲已經啪晒準備食其他(待續)

來到西灣河太安樓牛雜，客人可以揀不同份量的雜牛雜，份量分大$55中$45小$35。而淨食就必須三份起點，我們就點了淨豆卜$8、蘿蔔$8、牛肚$8、豬皮$8。入內有企台供客人在店內享用食物，枱面上有辣椒醬可以自己加。不知道是不是滷的時間不是太長的關係，感覺牛雜不是太入味不夠淋身。牛肚不算入味，而相對而言豬皮較入味同淋。食到蘿蔔有少少渣，要扣少少分。豆卜舖底，可以吸收腩汁精華，算是不錯，感覺都是廣州的牛雜最好味。 見到當地人多數叫麵來吃，假如叫一餸麵的話只是$20，價錢便宜。

平時男朋友已經好中意食牛雜，今次見到呢間就即刻拉我去試！我地叫左個中size，份量已經好多夠哂我地兩個人食一碗入面已經有齊哂牛肚、牛膀、牛筋、豬腸、豬肺等等，款式夠齊，過口癮一流最特別係有柚皮！處理得好好無苦味吸哂牛雜既精華，咬落去有驚喜必試！