太湖海鮮城 (已結業)

今年春節計劃了北上團拜, 到年初三晚才趕回香港跟姊妹們吃個開年飯.由於人數眾多, 最後選擇在西灣河太湖, 方便大家坐車.出了地鐵不太難找, 由於有訂枱不用等位, 進去時人也不算太多,地方企理.先來個南乳齋煲 (HKD$68)南乳味不太能吃到, 看似普通什菜煲. 但還好什菜很豐富, 也煮得很淋軟.士多啤梨香檳骨 (HKD$78)如果要12位分便有點小, 士多啤梨味巳有心理準備預了吃不到, 一口咬下去亦然. 不過排骨炸得很脆, 但骨很多, 肉比較少. 反而墊底的炸曼頭塊好好吃. 包皮炸得脆, 沾上汁吃味道一流.芥蘭苗炒臘味 (HKD$78)芥蘭苗炒得有獲氣, 不算很油, 爽脆好吃. 不過臘腸略嫌過肥, 炒得亦不夠火喉. 臘肉還好一點, 肥瘦度平均, 帶點甘香.例湯有2款: 花膠響螺煲雞腳跟蓮藕湯. (HKD$68一煲)湯很夠味. 看湯渣應是真材實料, 吃了雞腳, 很淋又入味. 不錯.脆皮吊燒雞 (HKD$118半隻)半隻來說都屬幾大隻. 皮燒得很脆, 色澤相當吸引, 肉也十分滑. 奈何吃到中間....肉有點不熟, 帶血水.薑米活魚炒飯 (HKD$88)魚肉彈牙汁很夠, 可惜薑下得太重手,

咁我同個朋友睇完戲, 係佢上機之前想飲一餐茶佢12點開.. 我地就去等.等呀等, 等呀等等到 有台啦~ 點知佢地想比個冇拎飛既熟客WO我媽咪第一時間話. 唔得WO 佢地冇飛應該到我地WO佢地就冇計比番張台我地~之後D野食都係中下... 唔.. 唔好去 唔好食既~又一肚氣

書讀得少，更加是完全無興趣讀，不過我勉強都知，楚霸王同西施，好似是兩個時空的人。這裡將他們拉在一起，純粹只為改個菜名，而聽聞，這個還是得獎菜來的。來這裡吃晚飯，一行八人，也都是這裡常客。平日的夜晚，這裡的人客不少，原因簡單，菜色多，水準不差，價錢不算貴，就是這樣。點了例湯、上湯焗龍蝦、西施伴霸王、翡翠炒龍躉球、香橙骨、蟹粉豆腐、蟹粉小籠包、芝麻雞、紅燒鴿等等等等。先來個例湯，不過呢度名為「靚湯小館」，所賣的例湯，也一點不行貨，是花膠響螺煲雞腳。湯燉得幾夠火路，清晰見底，醇厚鮮美，是非一般的例湯。撈渣上碟，見有一份例湯都有成廿幾隻雞腳煲在內的，真材實料，不能錯過；每次來也叫上湯焗龍蝦，怕芡汁的我，當然不太欣賞。龍蝦件頭少，殼多過肉，伊麵底索滿杰杰的芡汁，得人驚；單看「西施伴霸王」的名字，實在是摸不著頭腦，不知是什麼內容的，看英文翻譯，就知是蛋白炒蟹肉，併鹹蛋黃炒蝦仁了。鹹蛋黃蝦仁果邊炒得鹹香有致，配上清清地的蛋白蟹肉，味道方面，真的是合拍，加上松子仁及蕃茄，幾好吃。建議是一口吃晒兩樣，才最出色。68蚊一碟，值得試試的；炒龍躉球就差了一點，所謂的龍躉肉沒有口感，亦欠鮮美，明顯是雪藏貨；香橙

重陽節一家大細去食晚飯見呢間野冇人加唔駛排隊於是入左去因為有老人家　所以想快ｄ上菜叫左蟹粉小籠包、清蒸黃立倉、炒黃油蟹、蒜蓉豆苗等左半個鐘都未黎！婆婆都已經話肚餓！好過份囉．．．成間野明明一個客都冇都要等咁耐上菜！最終等左４５分鐘第一碟菜先黎！食到後段，個經理企ｏ係你隔離望望下咁，好似想趕你走！之後碟魚都未食哂就問都唔問收左碟送！不知所謂！跟住仲拿拿林俾埋糖水你．．．明明仲有２碟送未食完！返到屋企開始口渴．．．「師傅」功力好勁！食得好唔開心！以後我諗都唔會去！

西灣河有龍蝦的選擇在「權發」和「太湖」之間. 由於太湖價錢稍平, 每斤12.8, 權發較貴, 加上見有$10乳鴿, 又加上上次食過, 覺得還可以, 遂決定再到此店. 擇了龍蝦伊面$308, 據「灰衫好像是高級的待應」說, 單秤叫同呢個差特價唔多, 因為龍蝦都係為呢個價「入貨」, 我地相信佢, 所以就試呢個, 重點係佢站在身邊好耐, 已經有Ｄ煩. 呢個菜, 有個特色係上湯米線底, 咁老闆又未食過, 就更加要試啦. 其他菜, 當然係加左個$10乳鴿, 同埋魚湯草菇白菜仔$38. 上菜了, 首先來左個乳鴿, 對$10的東西, 要求不多, ok. 食完就上上湯龍蝦米線, 呢個菜一上, 我地的討論點係「龍蝦頭」呢? 搵唔到, 我地又睇下睇下, 其實都係差唔多食得晒, 都好似好多肉夠食, 加上侍應都忙著「睇同事三分親」, 我地的結果係「食啦!」. 一碟的龍蝦, 有新鮮和有「粉粉散散的龍蝦肉」, 竟然有2隻龍蝦的肉味? 更奇妙的是, 我地食到一半, 碟菜都未到, 連問2次待應, 佢地先識去問廚房. 後來, 老闆聽到佢地好似係同廚房講錯, 話要等人客叫起菜. 最後, 碟菜到啦~ 魚湯沒什麼魚味, 菜還

話說同老闆兩個人, 口痕心癮起想食大龍蝦, 西灣河有龍蝦的選擇在「權發」和「太湖」之間. 由於太湖價錢稍平, 每斤12.8, 權發較貴, 加上見有$10乳鴿, 又加上上次食過, 覺得還可以, 遂決定再到此店. 擇了龍蝦伊面$308, 據「灰衫好像是高級的待應」說, 單秤叫同呢個差特價唔多, 因為龍蝦都係為呢個價「入貨」, 我地相信佢, 所以就試呢個, 重點係佢站在身邊好耐, 已經有Ｄ煩. 呢個菜, 有個特色係上湯米線底, 咁老闆又未食過, 就更加要試啦. 其他菜, 當然係加左個$10乳鴿, 同埋魚湯草菇白菜仔$38. 上菜了, 首先來左個乳鴿, 對$10的東西, 要求不多, ok. 食完就上上湯龍蝦米線, 呢個菜一上, 我地的討論點係「龍蝦頭」呢? 搵唔到, 我地又睇下睇下, 其實都係差唔多食得晒, 都好似「夠食」, 加上侍應都忙著「睇同事三分親」, 我地的結果係「食啦!」. 帶著懷疑的心理, 開始食, 點知食到一半, 口「鵰」的老闆就無啦啦, 夾舊俾我試下, 我試完就話... 「可能唔係同一隻喎!」佢就笑笑口咁話, 「呵~你竟然食得出, 就知呢夠有幾難食唔新鮮啦!」即係話, 一碟的龍

3個人dinner, 叫左:蟹皇翅x2 ($48) - 翅唔多，都食得出有少少蟹鮮味，咁o既價錢ok 啦三弄回味牛肉($78) - so call得獎菜，口感好得意，牛腩整得好彈牙，味道冇乜特別，甜版老水，唔錯荷葉八寶鴨($68) - not 傳統做法，係將8寶餡包在荷葉內，鴨肉鋪面。8寶餡竟然冇糯米，只得大量綠豆、薏米、蓮子... 完全一PAT野，勁濟!椒鹽軟殼蟹($48) - 正常，不太脆，可以不吃魚湯浸莧菜($38) - 莧菜很老，可能不是時候見到有其他幾特別的食送菜，下次試其他野可能好D

阿J生日正日當然要同媽媽,細佬渡過,媽媽提議食太湖,我當然無反對啦,3個人點左3樣野食:炸乳鴿-好脆,香口,好味錦江豆腐-一般,海鮮太少,個汁都ok三蔥炒貴妃蚌-過得去啦,點辣椒醬食會好味d多謝細佬,媽媽請客,今年生日有你地同我過,真係好開心,多晒(^0^)

閒日十點幾來飲茶,正,得幾張枱有人坐,又靜又可以對住個大電視.1.皮蛋魚片翠瓜粥$18 ~~ 好大碗呀,粥底又OK.2.义燒腸~~ 豉油浸腸粉,使唔使落咁多豉油呀?3.香煎蘿蔔糕~~ 一碟三件,無乜料.4.豆苗餃~~ OK啦,唔多肥肉.5.雙菇肉丸浸時菜~~ 丸係墨丸及貢丸,菜都算多.

六人到此晚飯，叫了蒸瓜子班、芝麻鹽焗雞、活魚炒飯、炒菜、螺頭燉湯、海參東菇煲同埋一個鮑魚菇豆腐。雞好正：皮脆帶芝麻香而肉嫩滑，有雞味；活魚炒飯好得，個飯十分之甜又有魚味，我估可能用ｄ魚湯嚟炒飯，總之十分正啦。條蒸魚嘅肉質同火候都唔錯；其他菜都有番咁上下水準，燉湯方面火候夠又足料。整體嚟講唔錯，係區內算係一間地方同食品都ｏｋ嘅選擇。

今晚我唔係太想煮飯, 就同老公去屋企附近嗰間太湖食晚飯, 因為聽講間酒樓都ok我地一入到去就叫左兩盎翅, 紅燒班腩煲, 西蘭花帶子及十蚊一隻乳鴿乳鴿就ok, 十蚊係咁上下,不過紅燒班腩煲就唔好食, 魚骨多過肉,豆腐义燒成多成$69蚊, 認真唔抵西蘭花帶子淡而無味,服務開始都不錯, 不過臨尾個煲未食完就扲走先問要唔要就差左的環境都幾好, 有電視機睇

做完運動成個人都散左唔想亂走...去左附近食野..見門口大個牌寫住d特價菜式2個人就走入去試下..叫左個上湯焗大蝦了伊麵($68) - 味道ok..真係有好多隻大蝦仲要係蝦多過麵...可惜佢地d大蝦無清潔內臟有陣味..蝦亦唔算太新鮮..不過不失.魚露炸雞(半隻)+瑤柱瓜($98) - 個雞炸得幾香外皮又夠脆..不過佢地所講既魚露雞只不過係俾碟魚露自己點..個瑤柱瓜就唔錯...整體都ok啦不過不失...2個人食左$200左右算係咁

我本人就無幫襯過呢度，但今日細佬係度買左盒'食送'返屋企食，椒鹽豬扒、檸檬雞，份量多，都只係$20-，好抵。味道都可以，但就淋左d ，唔夠脆。

今日去打邊爐,佢地要成9點幾先有得食,咁都OK啦,見到個餐牌有一個帶子蝦蟹鍋,諗住叫,咪問下D侍應每樣大約有幾多啦,佢地連聽都未聽完就走啦,D態度勁差,我唔會再去啦

五人叫了半隻芝麻鹽焗雞，兩隻乳鴿，咖喱海鮮雜菜煲，魚湯浸莧菜，一份龍蝦加伊麵底(上湯)，幾個白飯咁啦。龍蝦伊麵幾好，魚湯有魚味，鹽焗雞係新鮮雞，不過上菜時就同相片的差好遠，好采有味道搭夠。上菜速度似乎快咗啲，侍應招呼手腳頗慢，又唔専業。次次收碗碟或上菜都搞到抬上啲嘢傾倒或翻轉。又唔alert，要叫先識得加茶水。其實唔係太多客，唔明咁都有咁嘅服務質素，酒家要多多培訓員工。