太湖海鮮城 (已結業)

知道此酒樓在西灣河已久, 但未曾光顧。 今次朋友聚會, 剛巧有人建議到這間酒樓, 約了在星期六上午十一時半。 我第一個到達, 入到酒樓門內見有兩層, 沒職員招呼, 便步入地面那層, 見ㄧ部長, 問他是否有枱。 他便指向角落一張枱。 我便入座, 只見那張枱布千瘡百孔, 相信已見證了這酒樓的歲月。我們一行五人, 前後共下了兩次訂單, 共點了十五個點心。事實上, 點心的賣相和味道只是不過不失而已。 這裏的職員大多是中年人士, 服務態度也可。 地面那層面積不大, 洗手間在樓上, 上一層的面積跟地面那層差不多, 但環境較為好一點。

曾幾何時住在西灣河，搬家後很少回來，今晚家人慶生，所以訂了位吃飯。家人要了一個八人套餐$938，包茶芥、加一、小食。其中以脆皮炸子雞最好味，外皮夠脆，雞肉嫩滑，我很久沒有吃過這麼好的炸子雞了。另外冬瓜盅，材料豐富，味道適中，亦非常好味。其餘都只是一般。可能下次要分開點餐。

今晚叫咗胡椒蘿蔔煲豬軟骨，見到啲蘿蔔係面，見唔到豬軟骨，用筷子抄落底先見到一舊舊好細舊沉係底，攞舊試下，冇味道，啲肉黑黑地又好實咬唔開，個湯又冇味，唔咸唔淡冇鮮味，仲見到好似有層炸過嘅油浮係面！估計係用啲煲咗湯嘅豬軟骨湯渣炸過再切碎攞出來賣！問個伙計，伙計都話唔知點解會係咁，係廚房煮嘅，佢地唔知道。呢間嘢入咗黑名單，永不錄用！未見過咁碎嘅豬軟骨煲！

一家口痕友2030過後，食個夜飯，飲夜茶皆因宵夜時間，經濟實惠，味道又穩定$10隻蒸鮑魚，陳皮味夠，若不是家母埋單，想獨食一打$10 燒乳鴿，皮脆，仲要有汁唔乾，正原本想叫58元4隻扇貝，但其他人話蒸咗鮑魚就唔叫扇貝，sad改叫 蠔煲，好入味，好似啫啫煲，啲蠔煮完都有5蚊錢咁大，大約幾十蚊，忘了幾錢月阿媽最鍾意個魚滑莧菜，當麵食其他仲有雞粥，牛柏頁，椒鹽蝦，沙薑雞腳叫到成枱都係，先幾400幾元，食到好爽，又唔肉痛至於服務呢～ 職員都是老人家，老過我阿爸手腳無後生咁快，有啲論盡就食風味，唔好咁高期望，但都會加水，換碟睇住樓面傳茶佢哋熟到爛，互相寸寸下，好似聽緊電台節目18樓c座咁，都幾搞笑0

一間傳統的海鮮酒樓, 價錢唔貴, 食物質素高, 好少咁好食既酒樓可以在食飯時間都唔駛等位, 可能無咩人知佢各方面都改善左啦!  我地兩個人叫左3個餸: 什菌牛柳粒($78), 蒜茸蒸扇貝($48), 陳皮蒸鮑魚仔($40); 仲有綠豆糖水送添, 樣樣都好好味, 真材實料,食完完全唔會覺得口渴,  侍應服務態度又好, 仲有好多超值孖寶, 三寶, 套餐等等等等, 下次一定要叫埋屋企人一齊黎試下! 而家百物騰貴, 好難搵到一間好食又抵食既食店, 希望呢間食店可以保持水準繼續經營落去啦!

星期五都要做到9點攰到一個點，邊頭收工就邊頭開餐係我嘅中指。南乳香酥豬扒有肉汁食到有五香粉同南乳味，但就係唔係厚切豬，仲配有酸薑夾埋一齊食，無咗肥膩感覺仲唔覺意成碟食灑。因為天氣太熱悶熱，就叫個魚湯勝瓜泡福袋，個魚湯加勝瓜咬湯係甜，個福袋係豆腐皮裏面有沙葛加豆腐清清地又幾好味。再加多個薑絲三文魚浸莧菜，初初都怕會腥但食落魚夠滑又唔腥，仲有D菇做配菜，莧菜份量都好足，2個人都唔駛食飯都飽啦。成餐飯當然唔少得啤酒幫我驅走一日嘅疲勞

一家四口第一次光顧西灣河太湖海鮮酒樓，我們7點40分點好菜，8點1上菜。清蒸鮑魚（80元），鮑魚大小不一，大的鮑魚身寬有3釐米，小的2釐米。蒜蓉粉絲蒸貴妃蚌（72元），有沙。生滾黃油蟹粥（88元），粥是熱，但不是滾燙，懷疑是不是早已經煲好的。西蘭花炒帶子（138元），帶子寡淡無味。栗子香芋雞煲（88元），芋頭不粉。送的海帶綠豆糖水，酸的，難吃。五個餸共466元，加36元茶位（免收加一），共502元，但收了我們512元。差！

雲妃蒸頭腩+西蘭花炒魚片球是一個孖寶菜式, ,合共港元$218兩者小菜都不油膩, 魚都是新鮮的, 有一點鮮味的, 食完都不口渴 (該是味精不多)個人就喜歡西蘭花炒魚片球,可能本人喜歡香口, 及西蘭花吧,  (以及魚片少骨)相反,識食魚的朋友, 就較喜歡雲妃蒸頭腩, 因為帶骨的魚肉未較鮮及清淡魚汁又不太鹹, 伴蒸魚的雲耳亦很爽, 加上本身魚汁不太鹹,雲耳所吸的魚汁及鮮味合道剛好如要求不高, 此經濟的小菜兩味,值得一試

很少踏足港島區，今次台灣教授到訪，我和幾位同學也一盡地主之誼，款待老師！今次飯局就由熟悉西灣河區的姊妹拍板，友人說：這間酒樓屹立西灣河3O丶40年，除街坊光顧外，更有很多識途老馬，專程捧場！所以一定要訂座，否則，或許會吃閉門羹！酒樓外觀不太討好，給人一種老土的感覺，推門而入，原來裏面分有上下兩層，佔地面積不大，目測能招待十數張枱而已，我們於晚上6時半入座，沿著長長的樓梯，拾級而上，已見到有4丶5枱食客，環顧四週，好像時光倒流，回到80丶90年代！幸好，本身也喜歡懷舊，提起手機，胡亂拍照一番侍應很快便前來問我們飲什麼茶，點了香片丶普洱，其他友人開始分工合作，洗茶具丶硏究餐牌準備點菜，今次點餸的任務，終於不是落在我身上，我們點了一個4至6人超值海鮮套餐，散叫了椒鹽白飯魚豆腐丶陳皮蒸生鮑魚仔丶海蔘玉掌一品窩丶薑米活魚炒飯上菜的速度很快，夠熱和份量也夠大，除此之外，每一款食物的質素也很有水準，尤其欣賞海蔘玉掌一品窩，非常足料，有花膠仔丶海蔘丶瑤柱丶冬菇丶玉掌丶生菜開心的飯局，歷時3小時，我們一行6人，清曬枱上所有食物，連紅豆沙糖水也渴光，嚇親來自台灣的教授，他驚訝香港女士，為何這麼具食力！忘記

六位晚餐，由於一早已訂枱，所以不用等，西灣河呢間太湖，鋪仔細細招呼亦不錯，很有街坊feel, 又唔會催你走做下轉，當晚消費少於一千，係家庭聚會的好地方。食物都一如以往的好，除了士多啤梨骨外，未有什麼驚喜，反正一家人食飯簡單開心就好了。由於唔係我埋單，所以細數都唔係好知。可能年尾時間，餐牌都係冬至套餐之類，但又唔多合心水，所以最後都係散叫，平日就應該會再經濟d, 因為會有特價推介的。桂花魚炒飯是太湖的得獎之作，每次來都食，絕對值得一試。

昨日早上同太座去西湾河太湖飲茶、座落好耐先有人執台、期後落单叫点心、同炒一碟芝麻生炒牛河、一个咸水角、一个炸多春魚、一个彊汁糕，因我座的是加台131A台，咁第一个送来的点心是咸水角由一个呀婆送左去131的台，131台的人出声說不是他們、我正想告訢呀婆是不是131A台，她已去問一个高大着黑西裝的部長、我正想出声、我看整過程、他連也沒有望呀婆張单，就手指呀婆退回廚房、他自己與客人閒談、没有理呀婆問的事、我太座說可能不是我地的台、咁我話希望係啦、点囀头呀婆再格了幾分鐘再送來、我更希望是熱熱的点心、可惜真的不是、也算了吧、之後我之前落單个部長就行來問我是不是叫左芝麻干炒牛河、我話是、他才先去落單、之後來了个多春魚，我座的是加開台所以正望正上送傳菜的、我見同我落单的部長入了去之後張一碟有餸的碟推返回上菜、又下了去，等了好久才再送一碟無芝麻的干炒牛河来、我太座就說、凍了、通常炒牛河一定是熱的、我太座說算了见、見个部長同啲伙記見我們不是屬客仔、又叫咁少野所以不高興招呼我們囉、之後食完晒碟牛河、个彊汁糕仲未有、又叫另一伙記，他查单後才先過來說就到、相信之前又漏单的部長做的事。下一段補述。

差唔多每個星期六都會同屋企人飲茶西灣河筲箕灣一帶既酒樓經常執笠唯獨太湖即使比同區酒樓貴少少 仍然屹立不倒太湖既食物質素穩定即使好普通既點心 都做得唔錯全部新鮮熱辣叉燒包(小點) 入面真係有好多叉燒 唔係剩係得叉燒醬豉油王煎腸粉(大點) 有鑊氣 同埋宜家好少酒樓會做煎腸粉咖哩魷魚(大點) 正常野 夠大碟櫻花蝦餃(大點) 其實同蝦餃一樣 多左d櫻花蝦係上面 咸咸地幾得意而且比同區其他酒樓好既地方 就係佢既服務伙記充足 一叫即刻應 唔會好似其他酒樓咁 d部長同阿姐10問9唔應

真心好食，外脆內軟，老人家都咬得開，入味，會為佢再黎食 唔識形容，但好食！ 正常味道 正常味道，蚌偏無味但夠爽 佢整咩雞都好食 配肉配得好夾，夾完會想再夾黎食，不過較咸 有芝士嘅魚餅，好食，但何謂海鮮，何謂豆腐？蟹肉完全冇味，但蛋白煮得好，豆苗都靚，除蟹肉外都好食

抗戰勝利假期和家人到西灣河太湖吃晚飯，酒家分兩層，裝潢有點陳舊。 一行六大兩小點了以下美食：金銀菜煲豬展湯：湯料算上不少，菜乾腍身清甜，湯水亦入味見火喉，不俗。芝士海鮮豆腐：不覺有海鮮於其中，作為芝士豆腐品評，成品有點似帶芝士香味的玉子豆腐，而質感相對上會實一點。芝麻紅豆牛奶酥：炸漿外皮雖脆，但略厚，芝麻紅豆味道不算給力，奶香滑度普通喇！陳皮蒸生鮑魚仔：陳皮醬料不算特別出味，鮑魚仔腍身不韌，但本身無乜味道。蒜蓉粉絲蒸大元貝：元貝體積談不上大，金蒜醬油調味竟然做得很鹹味道不理想，縱使元貝自身食感結實帶甜，仍然被評為不及格之菜式。上湯焗花竹蝦：用料新鮮，蝦香足，肉感彈，調味滿意。三葱煎蠔餅：蠔肉都算大隻，但用上的份量不多及炒得不平均，可以一大塊「蠔餅」中也無一隻蠔，感覺只是在吃厚身的炸脆葱餅。古法炆龍躉翅：龍躉翅大件足料，魚肉食味中規中矩，醬汁調味明顯過鹹，比以往在另一太湖品評的炆斑翅差多了！夏果小炒皇：主要食材有夏威夷果仁、蝦仁、叉燒及西芹，整體味道既見香口，又富質感，OK喇！筆者根據過往印象及建基於太湖這個老品牌，對酒家的出品確是有點期望，奈何最終成績有點跌眼鏡。希望只是隅然失手，筆者

17.5.2013大家族食飯, 去什麼餐廳食飯, 還是其次, 最難搞的, 其實是夾個日子. 因此, 今年的母親節飯聚, 要押後了數天才能成事. 然後, 有長輩提議到太湖吃飯, 怎料其他長輩一呼百應. 無他的, 因為至底價取勝! 已習慣了他們對價錢必勝的態度. 那麼, 我也不能對食物心存期望, 只有相信一分錢一分貨的道理. 看到這酒樓的門面有2010年米芝連飲食指南推介食府作宣傳, 不過細心地看, 這已經是2010年的事, 令我不期然笑了. 長輩揀了樂聚天倫餐, 只取價$888 (八位用), 已包茶芥加一, 這麼便宜, 又會怎麼樣呢? 會否像金龍酒家一樣呢? 這次我們預訂了兩圍, 被安排坐在樓下位置. 酒樓很嘈吵, 傾計時有難度. 在等待上菜前, 吃了餐前小吃, 有花生及提子乾. 花生脆口, 提子乾又甜甜地, 的確不錯. 可能我本身喜歡對著食物的真身來吃, 所以當我見到用原個冬瓜上的迷你八寶冬瓜盅, 心中也不期然有一點點開心. 負責serve我們的侍應好識趣, 見我拿起相機影相, 就立即停手分發冬瓜湯, 讓我先影. Well, 這個冬瓜湯算得上清澈又清甜, 縱使裡面的是冬瓜粒而不是冬瓜蓉