太興 (大本型)

營業中

休息中

今日人病病地，鴨同海鮮之後都唔食得的情況下叫左個肉餅。$54已經一d都唔平，份肉餅又薄又細，仲要超咸，d飯又硬。。。下次應該唔會再叫，反而之前叫果d星洲炒米，鴨腳都唔錯，只係依個肉餅有待改善。

又貴又慢，漏單又唔道歉，全部人都恰下恰下等左7個字都無野食等到個仔訓著野食又油地方又唔乾淨以後都唔會食都唔知點解咁貴究竟貴係邊？？好惱好惱好惱好惱！2百幾蚊買垃圾食物，買垃圾服務

呢日需要去油塘做嘢，已經過咗午飯時候，但又唔知食咩好，結果走咗去太興食個下午茶。睇勻成個Menu都唔知食乜嘢，就叫咗個瑞士汁牛肉炒河。下午茶來講$50算係貴架啦，但係諗住佢會是正啲，點知唔係碟牛河本身已經細碟，仲要碟底架住咗兩條菜心。雖然就係下午茶姐，但係都唔係咁細碟啊？另外加$3叫咗杯冰鎮奶茶，奶茶質素就一如以往，冇讚冇彈。但係比$50就真係唔抵，所以如果食下午茶就唔會再黎。呢間鋪唯一可取嘅係佢有新鮮出爐麵包，驟眼見到幾多人食，下次會試下。

今日做完野在油溏的太興食左一個星州炒米，味道咸左d，d蝦🦐應該是活🦐的，食材還可以，熱奶茶☕️好好味，茶不會苦，好順滑。整體來說是OK的。不過味道淡翻少少就完美了🙏🏻🤨🤨

今日一個人在附近搵野食, 走到太興就決定要食這間了~叫左一個三拼燒味飯~ 加一個冰鎮奶茶, 好耐無飲過冰鎮奶茶 味道依然無變過~ 好好飲!今日係平日下午2點鐘到黎到, 岩岩過左食飯既人潮時間, 唔洗等位就有得直接坐入去啦,下次會再黎食個下午荼~~

其實係油塘做嘢一兩個禮拜之內都會食一兩次太興因為真係冇乜太多選擇而我就最鍾意食佢嗰個豬扒煎雙蛋飯重點係要叫佢煎太陽蛋佢個太陽蛋煎得好靚而且個豬扒都好入味同埋佢嘅冰鎮咖啡都10分唔錯

今天外出在油塘工作。原本以為可以放工。怎知道要加班？到晚上八時，決定先吃飯後再努力工作。早前在大本型商場試吃過不同款菜色的餐廳。今次就想試下「太興」，它採用半開放式的設計。對客人來說是好的。吃完飯後，衣服也不會沾上餐廳油煙味。侍應的待客態度有禮貎和友善。整個餐上枱時間約十分鐘左右。我點了濃香星洲炒米及熱柑桔蜜。濃香星洲炒米有蝦仁，叉燒粒，雞蛋，韮菜，芽菜，青椒，紅椒，洋葱及米粉。蝦仁，鮮甜脆嫩，爽口彈牙。叉燒粒，味濃鬆軟，肉質細膩，口感可以。雞蛋是全熟透的蛋黃塊，蛋味不太濃烈。其他配料包括韮菜，芽菜，青椒，紅椒及洋葱的彈牙爽脆。這些配料用來混合有香濃的咖哩味米粉。令米粉口感更加豐富，而且有中和咖哩的濃烈的味道。熱柑桔蜜，熱呼呼的。柑桔味道濃烈，偏甜。消暑解渴，好好飲。總括而言，濃香星洲炒米，咖哩味香濃之餘，又有鑊氣。熱柑桔蜜，柑桔味濃。還有價錢合理。

星期五lunch，揀左食太興，食左個燒鵝叉燒飯。今次食燒鵝既主要原因，係要試下滿燻燒鵝。果然，同平時既燒鵝係唔同既，唔同在個燒鵝皮既味道。一入口，你會感覺到燻燒既香味，紅脆既外皮，嫩滑既鵝肉。所以我覺得我冇揀錯，本人建議必要一試。

入餐廳完全無人帶位因入場時無位，所以揀左坐出面露天既但侍應落完單後竟然無入機我一家大細等左成半個鐘頭都未送上食物再問翻，原來由頭到尾都無落到單太過份！浪費時間！

有時候，真的不知道晚飯吃什麼。與其說有選擇困難，倒不如說是日間工作太忙了，放工後身體累了，腦袋需要休息了，隨便吃個「霞姨」飯盒，草草慰勞個胃便算了。不過，就算係「霞姨」飯盒，都要找家出品好些，優質一點，才不會辜負辛勞的自己才是。一向喜歡這裡的义燒，喜歡它的味道，喜歡它的口感，不會過肥，這麽便可減少吃义燒的邪惡感。這裡的燒臘飯，還會附有油菜和飲品（凍飲加$3，特色飲品加$8)。作為1個人晚餐，都算豐富，相當不錯。义燒很香口，肉質不會乾，甜甜蜜蜜的，油菜都很嫩，很新鮮，不會過冧，加上一杯熱檸茶幫助消化，成了一頓不錯的「一個人晚餐」。

晚飯唔知食飯食咩好 又一係個人咁 所以都冇乜話揀邊間食會好 咁就入左黎太興到食個晚餐 叫左個瑞士汁炒牛河 牛肉夠晒口感 同埋份量都多架 瑞士汁就甜甜地又喊喊地 又好既又 河粉正常 都唔錯

返工等食晏就成日都係,今日就特別餓同兩個同事一起食個LUCH唔駛急最緊要快,大家就選左太興埋位就睇餐牌,之後就準備100米起步咁,大家睇下就即叫3個人3個餐第一個餐係义燒油雞飯加凍奶茶第二個餐係燒肉油雞飯加凍檸茶少冰第三個餐係油雞燒鵝凍奶茶义燒--肉質林,夠入味..燒得都唔算燶,半肥瘦肉質油雞--不過不失,唔算鞋,不過都唔太有雞味燒肉--同樣地半肥瘦,皮脆的燒鵝--鵝有鵝味凍奶茶--用個冰鎮令到杯野夠濃唔會俾冰整淡

就是知食早餐多人 早諗住早點去攞位 幸好 去到無人等位 。門口有個啊姐都無理到我。唯有自己入去找位坐啦。內面唔係好full,只是無卡位。於是我暫時坐下 等卡位有人走就轉過去。好啦 終於有卡位 我轉了過去。有個啊姐過黎話我唔可以坐呢度 要出去 再攞位，再排隊。我r到頭都大埋 。都無人，排咩隊呀大老。我入黎咁耐想叫野食無人理。而加就幾個火記圍著要我出去再排隊等位。我同左佢地講我一早入左黎 頭先出面無人等位 我入黎咁耐都無人理。但佢地都唔聽你講野 😭😭😭。好無耐，食個早餐姐😭😭😭

下午茶時間去到，見到卡位食客已走，正想坐下之時，有一名員工講話執緊嘢，你哋坐另外嗰邊，我哋話想坐卡位，佢就好不耐煩咁大聲講我執緊嘢，你哋坐嗰邊，其實我哋都知呢位阿姐執剩隻杯，仲差張枱未抹，但我哋想知係咪可以喺佢執完之後，就可以坐低 je，算啦，我哋行開去嗰邊坐，坐低望返轉頭已經有另一位剛進來嘅食客，坐低喺呢個卡位，幫襯咁多次，第一次遇到燥底阿姐，員工質素有待提升。講返啲食物先，可以選擇炒粉麵、燒味飯或多士湯粉麵等不同茶餐。既然太興出名食燒味，就緊係叫返個义油雞飯配馳名嘅冰鎮奶茶。义燒少少肥，有少少焦邊，軟硬適中，好香口; 今日唔知行咩運，竟然係跟油雞脾，lucky! 味道方面，唔會過咸或過甜，恰到好處，配埋薑蔥就更加係畫龍點睛。名物冰鎮奶茶因為無加冰喺飲品內，奶香十足，茶味濃厚，質地滑滑，每次去太興必叫，好完美嘅一餐。其實大部分員工都好有禮貌，而且食物質素不俗，但一個員工嘅表現足以影響整體用餐印象，希望加強相關培訓。

油塘太興下午茶食燒味飯，紅腸义燒飯，一見啲义燒就知道出事，义燒似鴨胸色，柴皮乾水，一睇完全知道係昨日買剩放雪櫃後翻熱既，大失所望，我即刻去燒味部視察，燒味部展示係另一種新鮮义燒，我即時同經理指責以上問題，但回應係無用，但我明顯見到品質有太大分別，我食咗一塊就食唔落，同食樹皮差唔多。以往見上址燒味部對顧客都十分刻都薄，份量有咁少得咁少，食切雞、油雞飯，永遠無肶位，因另外有一種叫雞肶飯(貴啲)，今次會係我最後一次太興食燒味。