太興 (大本型)

營業中

休息中

油塘一向冇好野食，太興雖然出名質素唔錯但都逃不過油塘出品就會冇咁好食的命運…因為係油塘已經食到冇咩好食，咁今日就諗住試返應該係最穩陣的太興集團，加上6點半左右落到去，已經排晒長龍，咁多人食，應該有質素保証啦。等左25分鐘，終於有得入坐，好快就係咁比待應追落單，雖然餐牌選擇唔多，但都比D時間諗諗好wor。咸魚雞粉炒飯 - 一個字：咸；兩個字：好油；三個字：唔好食。香蒜黑椒琶鴨(半隻) - 見到香蒜黑椒琶鴨新推出，一於試下啦，點知出事啦，個黑椒係得鴨皮先有，隻鴨又老，真係麻麻地。最後仲有杯奶茶，雖然太興出名奶茶，但味道都太甜下，反而冇左茶香味，而且冇之前咁滑。整體而言，今次的太興晚餐真係麻麻地，不過都相信唔係間間太興都咁差，睇來下次食太興都係要出返其他區先得。

其實發現太興燒味已經將午餐價格，但是它的水準又相應調低，只有一個字來形容所有食物都非常"咸",因公司在油塘大本營附近，我都會經常性去光顧,牛丸米-咸、腸仔通粉-咸、涼瓜火腩飯-又咸又肥，因本人當天太肚餓唯有吃多一點白飯，但火腩完全食唔落，希望貴餐廳能夠聽到食客心聲

我發覺自己同爸爸如果出街食晚飯 好多時都去左太興，因為我想食蒸魚而爸爸就好想食個邪惡既梅菜扣肉個個蒸魚我真係成日叫，呢條魚對比起我上2星期食既好味返好多，之前食過有一次好老啊，鞋恰恰！但係今次就好好味，D肉嫩好多夾埋D豆豉一齊食好正！爸爸叫親梅菜扣肉都比我「偷食」好多梅菜，太興呢個甜梅菜好岩我既胃口，至於個個扣肉爸爸話太鞋，我就鍾意呢個質感啦，好似無咁肥膩，我覺得係關烹調方法事，呢個係tune down版梅菜扣肉，應該更加岩女士口味啊

兩個人想食中式小菜不其然就諗記太興， 喜歡它比一般茶餐廰乾淨同地方較好坐。當然我至愛嘅冰鎮奶茶必定是最大原因啦🤗平時多數去開樂富但由於那間舖比較細經常要等位所以今日去咗遠一點的油塘大本型。果然只等了一分鐘就可入座， 店內座位很多，番枱速度也快👍🏼見到推介香辣雞煲，嗜辣的我當然會即刻點嚟試吓, 再加個最基本嘅菜心炒牛肉就夠嘞😋雞煲嚟到仲係咋咋聲，未食都有嗆喉嘅感覺，乜事？ 一試之下原來唔止香辣，係麻辣先啱，唔食得太辣千祈唔好點！味道係算惹味嘅，但雞件份量較少，而作為配料嘅洋蔥同豆角更好味🤗。加上好多好多九層塔香味四溢👍🏼菜心炒牛肉亦有水準，菜不老，牛肉很嫩，很下飯。重中之重嘅冰鎮同熱奶茶當然為我倆這頓家常便飯劃上一句完美的句號，滿足🤣

陪媽咪參加中心活動後,齊齊去食晚飯,媽咪想去大本型行街順便食埋飯,我地揀左大本型的太興, 大本型的太興佔地都大, 可能我地早,所以唔駛等位了。 太與晚餐主要食小菜,但都有炒粉麵飯食。同媽咪叫左3個餸, 分別有 : 京都洋蔥豬扒, 粟米魚柳, 蒜蓉炒菜心(講明少蒜蓉),再加兩個白飯。京都洋蔥豬扒最好味係呢個, 豬扒好淋身, 個汁酸酸甜甜, 好好味 !粟米魚柳魚柳炸得好脆,但好厚炸粉, 普普通通。蒜蓉炒菜心講明少蒜蓉果然做到, 菜心當日好靚好甜, 加少少蒜蓉就足夠。太興不用加一,食物都做到不錯, 所以有不少人光顧。

太興話哂都幾高級快餐，期望都幾高，點知非常失望。食個tea,豬仔包配奶茶足足等左30分鐘！係30分鐘先送到尼！個豬仔包凍ge..仲要得小小奶醬...自己去麵包舖買個包返屋企無咁嬲 要成26蚊一個餐，貴夾唔抵！

說出來應該會讓大家感到訝異其實我沒有吃過太興 這天經過大本型這間太興時被外圍的麵包架吸引許多人早前談論著的榴槤菠蘿包啊吞了吞口水 還是決定買走最後兩個當明天的早餐拿到手是熱騰騰的 因為包子一直放在保暖爐裡面香味從袋子飄出 幾乎把持不住貓山王脆皮榴槤包 16@2到了早上拿去烤箱翻熱 就跟剛出爐的沒兩樣包子只有女性手心一般大實在餵不飽人口感跟一般菠蘿包一樣 都是香脆個人覺得榴槤味聞到的比吃到的重有點小失望 整體沒太大驚喜不過也算了了一個心願以上

自從在吉隆坡食過貓山王榴槤，念念不忘。知道太興有榴槤菠蘿飽，還用上貓山王，今日剛好來到大本型，順便試試。一個$9, 細細個，價錢合理。表面金黃色，拿來時熱騰騰，趁熱食，皮脆，濃郁榴槤香味，略帶濕潤的口感，停不了口，一個唔夠，再encore。

間唔中先去大本營, 原來食肆都唔少, 上海野, 潮州, 日式, 韓式, 茶餐廳也有,放工和朋友去探住油塘的朋友, 之後大本營就順便搵食,因為都已經八點幾, 放左工都會好攰, 所以揀左太興啦 !每人叫了一個晚餐, 包飲品一杯 !朋友叫了咖喱牛腩飯, 我就叫了欖菜肉鬆炒飯我地都係SHARE食呀 !!牛腩都好淋身, 唔會鞋. 最重要係咖喱汁真係好好送口, 真係夠你送一碗飯 !欖菜肉鬆炒飯 ~今次炒得有點油, 所以唔算太好, 記得去過另一間係炒得乾身 !而且落鹽都重手左 !! 加上已經八點幾, 太油真係唔敢食得太多 !飲品就要了熱柑桔蜜 ~係天氣咁乾的時候, 飲返杯滋潤既飲品真係好舒服呀 !!

麵包不太厚身，都ok 脆口，腸仔入口個皮都脆k 餐水準越黎越底.只係普通一份早餐,大集團真係要改進下糯米雞佢夠大隻，呢個都真係比較好食夠曬飽肚,可以頂到LUNCH ,真材實料見到有粒帶仔,個SIZE 都算可以入面既料真係比較特別不同好味好多冰震奶茶出左名呢個奶茶就好味，我見差不多每張枱都叫佢地呢杯皇牌味道適中唔算太甜HOT COFFEE夠滑唔太夠熱兩個餐已經 $71係油塘個大商場大本型佢係比較早開門所以選擇佢食個早餐.,食完充坐MTR

又到左榴槤當造的季節果日回家路上見到太興門外poster寫住貓山王3個大字以為自己睇錯點知原來佢地出左貓山王包.....想買個來一試時, 呀姐跟我說現已售罄心唸"咁應該好很好食!"於是在事發次日再來一碰運氣好彩, 在7點幾0既時間仲有3,4個賣剩包貓山王包個樣其實同菠蘿包無異只係入面包的是榴槤肉一手接過包包, 還是暖暖的~而且未食已經聞到少少榴槤味其實一直對榴槤的副食品冇乜好感因為通常都係吾好食特別係熱果d...上次食蛋撻王個榴槤撻我其實已經"賴"左一次野但係太興喎...應該吾會差得去邊...個包其實同菠蘿包真係差吾多而餡料方面,榴槤肉真係帶到比我貓山王0既感覺吾怪得咁好賣!順帶一提, 太興個脆皮叉燒包都十分好食~*之後有同中意食榴槤的朋友分享....原來吾係個個都知太興有包賣*

今日返中班，所以先吃個靚早才上班💪🏼，諗咗陣，又去咗我家樓下嘅大集團連鎖食店太興，因今次只我自己一人，所以無需等位，一按飛後就可即入，但不知是否油塘太少食店做早市，兩位以上的話，這店每每都需要等十分鐘左右。坐下來等了三分鐘才有侍應有空落單，看看這麼大的一間店，卻只有三個侍應，三個都忙到出煙，又要接客坐位、又要落單、又要出餐、又要執枱，又要出單，侍應跟本應接不暇（想做死人哋個女乜？！）。之後我點選了自家製糯米雞 (早餐C) 及餐茶即磨咖啡 ，$34。落咗單十分鐘左右，先嚟咗個即磨咖啡，加咗咖啡糖後，一飲⋯⋯不期望係靚咖啡，但至少都應好過麥當當那些啩？！原本我預備咗半小時食呢個早餐，一睇已經無咗一半時間了，所以我便問那些一直忙到走來走去嘅侍應，我隻雞走咗去邊？！侍應叫我等等，之後再過咗差不多五分鐘，隻雞才出現，最後我只能沖沖忙忙的吃完！我明白侍應太忙，所以忘記出單比我埋，結果前後又吹咗兩次！唉！預計食半小時嘅早餐，到頭嚟食咗九個字，攪到返工都趕趕哋這個早餐曾是我的最愛之一，由我三年前$29，食到依家加到$34，加咗五蚊，但隻雞就越來越細（會唔會遲啲變咗珍珠雞？！），料又越來越少（有一隻冬菇

嚟連鎖店食嘢，就係想要一份預期嘅質素；好耐冇嚟太興食，嚟個tea過下口癮~大都牛肉麵 - 牛展林得嚟都仲保持咬口，湯底清甜幾好味，可惜麵太林軟綿綿花生醬多士 - 其實做法簡單，但焗到少少溶嘅綿花糖以花生醬黏落去塊麵包度，幾甜口得意咸檸水 - 其實係為咗佢出哩個食平，起碼唔駛唔係奶茶咖啡就檸茶檸水，兩大舊咸檸又咸又酸，可以沖多幾次滾水慢慢歎~茶壺 - 咁都有得講！？其實自己倒水，free番員工人手，何樂而不為？越嚟越多食肆咁做，非常好，配以沖極都咁夠味嘅咸檸水，過一個relax嘅下午~

78蚊一隻雞！ 聽講逢星期一頭條日報重有十蚊優惠券！4點幾已經參唔多賣哂！下次咪走雞！正！ 平日下午茶28-30都有交易、品質有保障、义燒飯、四寶飯包飲品都係30蚊！就算20蚊食個飽都有嘢飲！坐足成日、環境唔錯、滾水任飲！坐得舒服！排骨麵、牛肉麵好野味、又夠林！西多、炸雞夠脆口、羅宋湯濃郁香甜、用料新鮮、經理侍客友善熱情、坐位又舒適、值得推介！ 唔有誤會、我唔係打手！我係食客！

星期六，我和屋企人去大本型行逛順便去太興食飯，本以為跟一般茶餐廳無異，想不到其食物品質竟是意料之外的好。我們點了一碟瑤柱帶子炒飯和星州炒米，餐飲則點了冰鎮奶茶。這兒的瑤柱帶子炒飯，帶子的size適中，而xo醬和瑤柱的味道配合得天衣無縫，惹味之餘，又突顯了帶子的鮮味，令人大快朵頤。接著是星州炒米，這次嘗到的星州炒米水準屬極佳，令我十分欣賞，平凡的星州炒米要炒得好食其實並不容易，咖哩味既要香濃，亦不可太辛辣，而且火喉鑊氣要足夠，這是很考驗廚師的功力。星州炒米的蝦很大隻，叉燒的份量適中，有齊辣椒，洋蔥，青椒配料，很足料，口感豐富，色香味俱佳，這平凡的星州炒米絕不遜於其他美味佳肴，珍饈美食，平凡中見到不平凡。這裏的冰鎮奶茶也別具特色，每次我都必點之選，冰鎮是用冰座著奶茶，而不是放在奶茶內，故奶茶的味道唔會受到熔冰而轉淡，奶茶濃郁幼滑，又很夠涷。這兩款美食飲品都令平凡的一餐變得別具特色，與眾不同。