太陽軒飯店

營業中

休息中

朋友今次帶路去佐敦打冷。以為係新野冇咩人，點知一到就有人係出面等位中。一入內感覺似外國d中菜館，小弟外國住過5 年，份外有親切感。個人唔喜好潮洲粥，所以冇叫到。同朋友叫左個比較啱既套餐。冇令人失望，而且算抵食。家陣飲餐荼都唔止呢個價，以環境乾淨又有傳統打冷食講，價錢都幾公道。最愛佢蠔餅，唔同出面千篇一律，口感係香港蠔餅與台灣蚵仔煎中間，冇蚵仔煎既濕，但冇香港出門食到咁乾。而且蠔仔足，一d 都唔慳皮。呢外叫多個返沙芋，哩d 傳統野真係買少見少。多糖又點，食左先講啦。湯水濃郁足料，有屋企味道。滷水拼盤拎冷必食菜煲一上仲係水滾中，相機影唔到蠔餅口感特別，好食四季豆配料足炒飯當然係哩間店必試，蝦仁大大粒返沙芋傳統野

今晚同友人食飯，突然想食潮州菜，朋友就推介這間太陽軒。這間潮州菜館，環境唔錯，而且清潔。我地揀左4人餐，4餸1湯1飯，都係$580，抵食首先出場，准杞燉螺頭湯，會有專人分湯，服務不錯，湯清甜，鳳爪肉嫩，唔錯。滷水拼盤，鴨片入味，肉質軟滑，紅腸好食。家鄉蠔仔烙，有少許似蚵仔煎，但比較乾身，岩晒我。蠔大大隻，有蠔味，蛋煎得恰到好處，夠脆口。豆醬春菜煲，菜心爽甜，湯都幾清甜，素食之選。欖菜肉鬆四季豆，肉鬆鹹鹹甜甜配上四季豆很醒胃最後就係黃金炒飯，賣相很好，飯炒得入味，蝦大隻，配上蟹籽，口感唔錯最後就係甜品，叫左返山芋，芋頭味十足，外面甜而鬆脆，口感特別最後埋單，4個人食左咁多野先$695，超值，點解咁抵，係因為新張期間唔收加一茶介，優惠期有限，岩就黎試下！

難得母親大人賞面和我們行街SHOPPING, 晚餐自然帶她吃喜愛的家鄉菜 -- 潮州菜。太陽軒這間潮州飯店裝修光潔乾淨, 沒有那些舊式打冷小店的陰暗濕笠笠, 又不用坐得很親密,  坐得舒服自然吃得更開心。吃潮州菜當然要吃鹵水鵝, 這碟鹵水鵝肉看上十分對辦, 色水十足。咬下去果然是傳統味道, 鵝肉香軟入味, 帶有花椒八角的香味, 不會只是鹵水的"死咸"。鵝肉亦肥瘦適中, 近骨位的肉就更為入味, 正。鵝件中還有鹵水豆腐墊底, 也是相當美味的。(如果單點好像有點笨, 但墊底的這幾片剛好可以解解我的嘴饞)涼拌海蜇伴着蔥香麻油, 爽彈惹味。冷盤小食來說它的份量也不算少, 每條海蜇是粗粗的, 口感十足。大陽輕鬆餅原來是煎墨魚餅, 金黃色的香口食物最得我歡心。每件墨魚餅除了煎得脆口, 亦十分足料, 咬到粒粒墨魚的鮮甜和彈牙, 不會一口粉。配上潮洲桔油, 那酸酸甜甜的醬汁不但減去炸物的油膩, 亦更添"潮味"。媽媽更在這時大說當年婆婆是怎樣用桔油煮菜....豆醬炒春菜也是很地道的潮州菜, 春菜很像芥菜的味道, 略帶甘苦。配上豆醬炒就多了咸香, 比平時的清炒菜多了份新鮮感。最後是潮洲醋糖煎麵, 每次到潮州

今日全家人各自都有節目，只剩下我和爸爸二人一起吃晚餐。爸爸偏好吃潮州飯店，所以今日就選了公司附近位於佐敦吳松街的<太陽軒飯店>從遠處已經可以看到大大個招牌，氣派十足！最吸引我的是放在門口的滷水餐牌，好想吃滷水豬耳喔內裏的裝修風格也是比較豪華，相信在此請朋友食飯也絕不失禮呢餐牌的第一頁便介紹了潮州菜的典故。怕麻煩的我們不想散點食物，所以便從套餐着手。爸爸笑著說了一句 : <細路女，食過潮州翅未啊？>說真的，又真係未食過喎！所以便點了＄780的二人精選套餐。先來滷水拼盤，我們選了滷水鵝和滷水豬耳。滿滿的一碟，份量也不少呢。鵝件啖啖肉不多骨而且充滿着滷水鹹鹹香香的味道，超正！豬耳爽脆不硬身，和軟滑的鵝肉口感相映成趣接着便是重頭戲<紅燒潮州翅>隆重登場用大大個金色碗裝着的潮州翅氣派十足，未食都已經感受到那種霸氣忍不住嚐試用筷子夾起看。天吖！真係夾到一排的翅啊！用匙羹一口一口吃着，每啖都是上湯的滋味和滿滿的魚翅，真的令我大開眼界，原來潮州翅是這樣好味的吃過潮州翅後便是鹹菜白膳片。厚切的鱔片非常飽美，再配上鹹菜的鹹香，味道不錯喔潮州炒麵線，炒得夠乾身

星期三的晚上，喜歡吃潮州菜的我和友人一起去試試這間餐廳，因為地點非常方便，鄰近地鐵站。胡椒豬肚湯好夠味，值得一試，另外我們亦點了家鄉炒麵缐，唔太油，而且幾香口。黑木耳用鎭江醋醃得好入味，而且幾開胃，作為前菜是很好的選擇。最令人回味係鹵水豬大腸，超入味，而且例牌來說份量不算少，下面鋪左滷水豆腐都好食。朋友唔食鵝片，所以今次無點。煎蠔餅的蠔仔幾新鮮，而且足料😋。食完已沒有空間吃甜品，下次會再去食，試埋甜品。

我和朋友食潮洲菜，大多鋪頭地方都感覺上髒髒，但這間太陽軒地方極為乾淨！店員更非常有禮有位較為後生的員工更主動向我介紹招牌菜式！服務質數非常好，有別於傳統既感覺這碟餐前酸菜係我食過最好味的酸得黎帶點甜甜地！質感爽口！不得了既小食鹵水鵝翼，骨與骨之間既肉非常嫩滑鹵水味夠哂濃郁入味！一碟有好多隻底下既鹵水豆腐都入哂味了金沙明蝦球~用左咸香既蛋黃醬炒蝦球！蛋黃醬包住每粒蝦球~咬落肉質爽彈而且有濃濃既咸香~very good金黃炒飯份量非常足料好大碟呀炒得好夠鑊氣！即叫即炒~最勁既係唔油膩炒到好乾身有大量既櫻花蝦，栗米粒更增口感！成還飯好飽真係大碟有份量又抵食

平時好少食潮州菜，但滷水拼盤實在太讓人想念～所以今日黎左佐敦呢間真·潮洲菜大快朵頤！ 一睇菜單就知呢間餐廳唔簡單，好多第度食唔到既潮州菜式呢度都有～好似呢個反沙芋咁，芋頭酥軟的內心配上外表甜脆的糖皮，溶化喺口中暖暖的感覺真係無法言語所形容～ 特別的當然唔止呢樣，就好似店員大力推介的蒸聖子～就非常肥美，無沙好鮮，蒜蓉味細緻融合，大大隻真係好正 呢個糯米炸大腸又係好得意，可能因為入面係糯米，所以味道好似糭，口感又好煙靭，大腸衣咬落口咔嚓一聲脆～仲加左花生所以更香～ 蠔餅食得多，隊長B都係第一次見到呢款蕃茄九肚魚餅～香煎的方式，煎得很金黃，配埋九肚魚滑溜溜同菜蒲的辣脆，仲有蕃茄酸甜開胃，一啲都唔會滯，仲愈食愈滋味～～ 蠔仔粥當然唔會差啦，蠔仔好大粒，粥底夠清，仲有冬菇冬菜同肉碎好足料～ 至於不得不說的好戲滷水拼盤實在無得輸，有鵝片尤魚豆腐五花肉紅腸蛋同豬耳，全部都滷得好入味，而且上台之前有再被滷水「洗禮」，熱熱地更入味，正！ -----------------好味指數😋：8/10翻啅指數🙆🏻：8/10人均消費💰：201-400服務態度👨🏼‍🍳：7.5/10乾淨指數🌝

中菜食得多 但潮州菜真係少食因為好食嘅潮州菜真係唔多今晚有驚喜 同友人隨便食 竟然食到好野滷水拼盤係必叫的吧 滷水鵝十分入味 但唔會太咸 肉質依然嫩滑 有咬口豬耳 滷水蛋 紅腸等 都一絲不苟 味道好好煎蠔烙 比炸蠔餅少油 而且改用雞蛋無咁熱氣 蠔仔肉好鮮甜 數量平均蛋皮唔會太厚 食落啖啖蠔仔肉 停唔到口叫個青瓜煮魚鰾清清腸胃魚鰾浸滿魚湯 濕濕的入口唔會太硬 加埋啲肉碎 增加不少口感 青瓜薄切 帶點爽甜最尾叫左個馬蹄片綠豆爽作結尾好少食到嘅一款糖水 唔太甜 綠豆同馬蹄帶著滿滿嘅口感 大滿足

在佐敦附近睇完中醫後，就同未婚夫到附近看看有什麼好吃~ 見到呢間咁金黃色嘅潮州舖，實在有別於一般嘅打冷舖，舖面金黃色，再加上好似坐得幾舒服，諗住病下食下蠔仔粥都好，所以就入去坐底咗。話說舖面都真係幾多人，我地上咗樓上雅座，由於第一次嚟真係唔知有乜好食，所以就信咗呢個MENU 啲推介，呢碟有別於一般打冷舖嘅鹵水墨魚，佢個樣真係唔多似有鹵過，不過入口相當爽口，同埋份量都幾多。另一推介嘅係鹵水鵝腸，我能夠睇到嘅應該係有大腸又有小腸~ 哇卡卡，呢個鹵過嘅感覺比較濃，而且有少少鵝酥味，非平時用冰鮮或雪藏貨鹵水味道唔算出。入口爽口而且每條大小均一，女仕一啖放入口都唔算粗獷。呢度比較特別嘅係蠔餅，同平時嘅酥炸蠔餅不同，呢客叫家鄉煎蠔烙，一見到有個烙字，我就知道應該係好薄，來到的確係，不過蛋味比一般蠔餅出，而且無咁熱氣，蠔亦無被炸得失去鮮味，不過魚露又係淡色咗啲，同啲鹵水差不多。另外我叫咗呢度嘅推介菜式「珠菜川椒雞」，本身我無食嗰啲珠菜，感覺好似炸得到乾哂咁，加上川椒雞完全係無乜辣味，原本以為可以刺激一下味蕾，結果係無呢回事，肉質入口都唔算太老，而且入味，只係無預期嘅辣。嚟到今日我最想食嘅蠔仔肉碎粥，

呢排返工實在太攰，好耐都冇同屋企人食飯，今晚難得可以準時收工，一於同佢哋食餐好嘅！家姐知道佐敦新開咗一間中菜餐廳，所以已經訂咗枱！呢間餐廳位於佐敦吳松街，叫太陽軒，有上下兩層㗎。我哋被安排坐上層廂房，房間入面有獨立電視，環境舒適。媽咪發板叫野食，首先，清清哋，先嚟個普寧炸豆腐，呢個豆腐唔係普通啊炸豆腐咁簡單，佢豆腐嘅質地比佢實，食落有口感，入面仲好滑添！第二個就係酥炸蝦蟹棗，佢係用咗新鮮蝦肉同蟹肉所整成，蝦丸又彈牙，蟹丸又足料，最緊要係自己唔洗剝殼，非常方便！出街食飯一定唔可以唔叫菜食，呢個金華四寶蔬就實而不華，草菇、冬菇同娃娃菜用上湯煮成，上面仲鋪上幾塊金華火腿，為呢個菜畫龍點睛。平時小弟都鍾意食滷水嘅菜，今次就一於試下個小滷水拼盤，拼盤有鵝片、滷蛋同豬耳等，令我揾番細個同婆婆出去飲茶嘅美好回憶！食晚飯一定要有飯落肚，呢個黃金炒飯令我好滿意，除咗足料之外，佢炒到啲飯粒粒粒乾爽，蝦仔飯咁，真係食哂一碟都得！最後，聽過店員推介，我哋就試咗個沙窩老爺雞 ，雞肉勝在夠入味，又唔算韌，大家可以不妨一試！小弟推薦大家食中菜嘅話可以嚟呢度試下！

所有食評都未有食過古法涼瓜，超好味。今日又再食過，保持水準！沙嗲牛河亦非常好味！鮮茄九肚魚烙新奇又鮮味。鹵水十分潮州正宗口味。杏汁豬肺湯香濃杏仁味，豬肺亦非常新鮮及冇異味。特別一提，叫左客豉椒炒鵝腸，非常好味，下次嚟一定再點。加加埋埋5位8至9個菜，千二蚊有找！

話說上月返鄉下採親後，一直對潮州菜念念不忘俾我上網搵到呢間太陽軒，即刻約埋男友一齊去解思鄉苦！汕頭椒醬肉 (HKD 28)點呢個因為見佢menu上有個，不過可能凍左所以味道一般。杏汁白肺湯 (HKD 108/例)因為肺好難洗，所以屋企極少煲呢個湯。一見到馬上點左！！！！果然冇失望，好香杏汁味，而且絕無欺場地一個例牌size嘅湯有成7-8舊豬肺～超級足料例牌size嘅湯可以分到大概8碗正常飯碗，份量好足，我同男友兩個每人都飲到4碗。個湯好清好甜，杏汁好香，而且好滋潤～勁正呀依家好少餐廳有得叫呢個湯喇，黎到必點呀！！！糯米大腸 (HKD 98/例)超級正，呢個都係必點煎到外層微脆，但一啖咬落去後就係糯米煙韌嘅口感～～～而且好香口，正黃金炒飯 (HKD 108/例)聽個名似普通，點知一上碟嚇親我黃金炒飯堆到一個小山丘咁，而山頂至山腰都佈滿櫻花蝦，超壯觀！超吸睛！另外個飯係連埋蝦仁、蝦籽等一齊炒，除左有蝦嘅香味，仲有蛋同蔥香，同時喺口腔內融合～呢個飯令本來飲湯飲到飽飽地嘅我地，都忍唔住食哂成碟飯整體黎講都好好食，係得汕頭椒醬肉令我少少失望外，其他菜式都俾到好大嘅驚喜我

不是第一次去太陽軒。味道非常不錯，非常潮州地道。但可惜的是服務素質有待改善。點菜時經常叫客人食價錢較高嘅菜式。作為人家新開的酒家，應該令多些客人重復幫襯才是明智之舉。

同事推介位於佐敦一間叫太陽軒的打冷店話食過唔錯，所以今個月好友聚會決定選這兒了，一星期前已訂位，一行四人到達後立即安排入座，店員亦很有貌，現場環境裝潢有高級食府的感覺，講返食物先我地叫左鹵水拼盆(小)、凍烏頭魚、蠔仔粥、太陽軒鬆餅、家鄉煎蠔烙同潮州糖醋麵等等，整體食物好有水準，特別推介蠔仔粥同煎蠔烙，啲蠔仔細細但真係好鮮甜，而我自己唔係太好魚所以冇試烏頭，而我老公同朋友都讚條烏頭好食有油香，而最後食埋甜品福果綠豆爽作完結，真係非常滿足。整體食物，環境，店員服務都好好，絕對有下次同值得向大家推介👍🏻👍🏻😋😋

今次同飯腳聚會少有地唔係放題或打邊爐了.大熱天時食潮州嘢係一個唔錯既選擇.潮州嘢凍蟹凍魚一定要食, 但有人唔食蟹唯有食魚, 叫咗條島頭, 又大又甜之後就梗叫鹵水拼盤啦, 4個人叫咗個細既啱啱好.店員推介咗呢個餅, 超好味, 外層好脆, 甜甜酸酸, 好清新. 入面係墨魚餅.一定要試蠔烙又係食潮州嘢必叫的.主食我地叫咗蠔仔粥同糖醋麵. 必食最後我地叫埋甜品, 唔係間間潮州菜都有甜品, 有甜品都未必一定好食.我地叫咗馬碲綠豆沙同杏仁露, 兩樣都好正. 大家記住一定要食埋糖水.