太香麵家 (已結業)

呢度食上海菜 係小館黎既,家庭式風味小店先黎一個招牌小籠包 上海秘製大豬扒加菜飯 可以單人點2隻小籠包 煎好既大豬扒會幫你剪碎埋先上 菜飯清新無油小籠包係自家出品 用鮮肉餡,咬開皮薄肉甜汁唔多豬扒用醃料加打鬆再煎 入口脆嫩有肉汁 味道咸香惹味 配上清淡既菜飯味道剛剛好~CP值高,抵食葵涌大隴街153號怡勝花園地下3號舖平均消費$70評分7/10

成日叫外賣叫到唔知食邊間好見到呢間麵店食評唔錯 於是就試下佢叫左最多人話好食嘅豬扒撈麵同醉雞撈麵蔥油拌麵的確好香 未打開都聞到一碗叫左多蔥油 一碗正常份量多蔥油的確惹味啲 不過食多幾啖就覺得太鹹 可能外賣關係啲麵黎到已經索曬啲汁 如果多蔥油可以分開上更好 醉雞甜甜地都可以入口 不過酒味太淡 唔夠酒香 雞唔滑豬扒好一般 好食豬扒店舖大有人在整體黎講麵ok 餸真係好一般如果係招牌菜 真係要繼續努力

是日休息 在疫情下又不想煮就揀左網上外賣取走之前都有試過幾次 菜飯 今次第一次留番個食評第一次試蔥油撈麵配花雕醉雞一如以往花雕醉雞好好食，有酒香配但唔會有苦味， 肉嫩唔會鞋口，唔食雞皮既我 都會食埋雞皮 因為唔油又好爽滑 其實好貼心 雞脾會切開一塊塊方便食客 但係缺點係會食到好多碎骨 要好小心食會唔會切少幾刀 可以避免呢個情況呢而蔥油撈麵係幾好食 但略略覺得唔夠醬油撈唔曬成個麵 變左有d麵唔夠味 但要一讚係個麵夠哂熱 份量亦都好足夠

今日返完聚會，而老婆嘅周日興趣斑剛啱放假無堂上，所以，就同佢行轉短山，由石籬沿金山路行到去九龍水塘，再轉入金山樹木研習徑落九龍接收水塘，駁小徑經長坑村返美孚，做到運動之餘，連車錢都慳番。午餐，就簡簡單單食粉麵，晌葵涌有間小店「太香麵家」，睇落好似幾OK，就入去試吓。 地方一眼睇晒，始終哋小店嚟，可做嘅防疫有限，不過，我哋一支箭咁標入最埋嘅位，因為成個場得呢個位有塊巨型大膠板隔住，而店員都走番過嚟幫我哋量體溫，反映某程度佢哋對防疫嘅事都上心，總好過有啲店鋪真喺唔理，門口部量體溫機喺做樣而已。 一張餐牌睇勻晒有咩食，招牌菜式、菜飯、粉麵、小食、飲品，喺咁多，定價好相宜，飲品加配又喺優惠價。 滷水雞腎米粉 $25初時仲諗住老婆會揀花雕醉雞或白魚蛋，點知最後揀咗雞腎，可能平時少食到啦。賣25蚊，份量就好足喇，但佢話啲雞腎滷得唔夠入味，而且，好似有啲臊臊哋，小弟要求低，就唔喺好覺啫，不過，唔夠入味都喺事實。 秘製大豬扒菜飯 $40有幾款菜式都喺店家「大母指」推薦，小弟少少偏好炸豬扒，並揀配菜飯。唔止菜飯大大碗，豬扒亦非常之多，最好嘅喺啲豬扒「碎上」，方便夾嚟食，而且，炸得甘香不膩，肉質鬆化，菜飯

葵涌小店😋同事成日話呢間口水雞好正 日日都食 最後比佢拉左黎食😂 仲食過好幾次😂—————🥢勁醒胃口水雞 ($32)🥢招牌花雕醉雞 配菜飯 ($40)呢間每次都係比雞髀🍗🥰 啲肉都幾嫩口水雞唔算辣 但好惹味😋啱晒啲唔食得辣既人醉雞酒味幾香 不過我自己中意再重啲酒味😛菜飯入面有菜粒同薑粒 可惜比較油同埋啲菜都幾腍下 有啲變黃😕—————之前亦試過佢既秘制豬扒 半煎炸的 好香口 而且肉質香嫩😋 另外仲有蝦子麵 都比好多蝦子 但係麵既份量比較少😣 大食既朋友要注意喔—————𝒐𝒗𝒆𝒓𝒂𝒍𝒍以呢個價錢食到呢個質素都算幾抵👍🏻不過就唔建議叫菜飯啦 可以揀番粉麵比較推薦口水雞同秘制豬扒😋

係附近返工見到呢間野開左一排，就想睇下究竟佢可以有幾香一行三人，同事叫左口水雞跟米線，南乳豬手跟米線，我就單點招牌花雕醉雞，再加一碟菜心，因為我諗住飲珍奶，留肚🙈口水雞既雞肉勁嫩滑，但係唔夠味，口水味不足呀無乜麻味。南乳豬手味道都唔夠，但係勝在性價比係高既。招牌花雕醉雞真不愧係招牌菜，覺得最出色係佢，凍凍地好正，雞肉好嫩滑，花雕味唔算勁重，但覺得呢個程度係幾好，恰好。因為太重花雕味可能會好難食。$28單食呢個醉雞完全高CP啦😎

抱着懷疑嘅態度來試蔥油麵，我本身一啲都唔鍾意食蔥油麵，但係見到大家嘅好評都推介蔥油麵咁我唯有試吓啦，睇落去個面好普通冇乜特別，但食落去嗰種嘅味道真係難以形容只可以講一個字好食。點知一食就愛上了。支持小店！

太香麵家-喺附近做嘢做到lunch time，見到呢間太香面家，記得之前經過都見到有唔少人排隊，所以決定試試佢！以小店黎計，舖頭環境都好光猛同乾淨，大部份嘅夥計都係年青人好有活力！-招牌嘅醉雞菜飯($40)-上菜嘅時候見到有好大隻雞髀，平均切開都有七至八舊雞肉！聞落去有淡淡的酒香，食落去嘅花雕酒味比想像中濃味，雞髀肉都好嫩滑。（講真，隻雞髀大到我都食唔晒）-至於菜飯就一般般。菜飯可以轉米線或者撈麵，食完先知聽到其他客人講佢嘅撈麵都係出名既，下次可以試下！-另外加$7可以轉飲鹹檸七，夏天飲爽呀！

今天要介紹一家位於葵涌石籬邨附近的小店，名曰「太香麵家」，這家店雖是新開不久，但聞説人氣十分旺盛，今天既然來到附近，當然要趁機嚐一下。坐下一看，餐牌上有一花雕醉雞飯，似乎比較特別，馬上叫來一客，菜上來，份量可以，而且還是雞脾，可是咬下去，毫無雞味，肉質也削且鞋，雖有酒味遮蓋，難掩雪雞味道，附送的菜飯，也有隔夜嫌疑，飯起團，菜變黃。加三元叫的一杯奶茶，也比不上普通的茶餐廳。還幸店內工作人員挺有禮貌，取回多少分數。但店內確是高朋滿坐，門外也有人排隊，或者是筆者錯點食物，其他東西仍有不錯水平。

今日去左石籬探朋友~約左係佢屋企附近lunch，見到呢間太香麵家幾吸引。店面雖然唔大但勝在乾淨企理又夠冷氣。花雕醉雞配蝦子撈麵雞件滑嫩Q彈唔會柴口，花雕酒香濃，醃得入味，啖啖肉，酒香濃濃，正!蝦子撈麵爽口彈牙無鹼水味~南乳豬手配蔥油撈上海麵南乳豬手炆得軟身，香濃入味，充滿骨膠原，口感軟腍。上海麵煙韌彈牙有咬口，蔥油撈勁香，提升味道層次!秘制炸雞翼外脆內嫩帶鹹香好惹味，大大隻即叫即炸熱辣辣!涼拌爽口雞腎雞腎有嚼勁唔會韌，辣度剛好，風味極佳。蠔油菜心新鮮脆嫩，爽口又好味!各叫熱奶茶同凍檸茶一杯，有水準!

自從上次有個中學同學生咗BB來這𥚃探過佢之後，都超過半年以上無搵過佢，今日相約，見利佢哋個Baby都七八個月大，幾可愛。肚餓仔又係佢屋企附近食D嘢，咁就走去「太香」食個麵，其實係想見下面😂，無厘頭的我，間中又搞下D唔好笑既爛gap之後，又講吓我今日食乜嘢😂😋估唔到呢間「太香麵家」會有D咁出色既小食，仲要係好平，好抵食👍👍👍👍👍1-花鵰醉雞🐔——-足味香濃花鵰，雞非常入味，好有花鵰酒香的雞，雞又滑溜，仲係大大碟28元，真係又平又好食，完全係唸唔係到一家麵店入面有咁出色既小食👍👍👍👍2-秘制大豬扒🐷——用料靚，梅頭豬扒，而且師傅好有心機，用料靚，都要師傅用心機整，整得咁好食，就係有個用心既師傅，將豬扒拍鬆，食既時候D肉又嫩，唔會好似有D鋪頭D豬扒成塊石頭咁硬，呢度既師傅好有心機整，唔會浪費咗咁靚既梅頭豬扒，味道又正，又軟熟👍👍😋😋3-秘制炸雞翼🐔——隋咗味道好食，佢既外皮又香又脆，外脆內軟熟的🐔肉👍👍4-涼拌手拍青瓜—-味道做得剛剛好，不會太甜又不會過酸，爽口好食5-🍋檸蜜茶沖調得唔錯，香濃茶味。😋真係完全食出一個驚喜，小小的一個屋村麵店，會有咁出色既食物，又可以用平靚正去形容👍👍😋😋😋

今日同男朋友去開石籬，經過見到呢間新開無耐嘅小店，就入左去試下。雖然舖頭唔大，但幾乾淨企理，而且每張枱都放有消毒洗手液，幾細心體貼。餐牌只有一頁，但食物嘅款式都幾多，每樣菜式都有得揀撈麵菜飯或者粉面，而且價錢好合理。花雕醉雞醉雞用上雞髀部份，食落酒味香濃，甜中帶有酒香，但又唔會過於濃烈，恰到好處，調味啱啱好，而且雞皮好彈牙，皮薄肉嫩，真係幾出色！另外我就揀咗配蝦子撈麵依家香港越來越少地方有蝦子麵，蝦子嘅份量幾多，配上爽口彈牙嘅幼麵，略嫌乾左少少，不過撈蝦子真係好香！秘製豬扒男朋友就揀咗秘製豬扒，豬扒厚薄適中，不得不讚佢嘅調味真係好好，濃郁入味，而且豬扒肉質鬆軟，食落唔會覺得好油膩。另外就配上蔥油撈面，呢個就係店員推介話最近新推出，本身兩個都想食撈蝦子麵，不過最後好彩有聽店員話，上海麵爽口彈牙，蔥油濃郁之餘唔會死咸，醬汁完美咁掛麵，呢個蔥油撈麵真係好出色！最後仲加咗個拍青瓜，食落偏酸帶點微辣，越食越開胃。真心幾欣賞呢間小店，價錢合理之餘食物質素都好出色，估唔到喺石籬隨便行入一間小店都有咁嘅質素，真係幾推介！

今日搵食搵到嚟位於葵涌嘅石籬附近嘅一間小店，呢樽樽裝可樂係咁酷熱嘅天氣下就真係夠晒解渴，好耐都冇飲過咁冰凍嘅可樂啦，唔係度度都有得飲樽裝可樂㗎呢度嘅蔥油撈麵真係要推介下比大家，幼麵夠爽身，一啲鹼水味都冇，佢嘅蔥油醬汁食落去有啲甜味，面頭仲有唔少蔥段添，就咁拎埋黎已經夠晒香噴噴今年我哋仲配左幾樣小食分別係一大塊嘅香茅豬扒，非常足料，而且香茅味夠晒入味囉呢個醉雞真係唔野少，成隻雞比就擺係你面前，由於係用咗雞髀嘅關係，所以肉質非常鮮嫩，仲有淡淡的酒香味鍾意食辣嘅朋友又想食下腳趾嘅話不妨嗌呢個雞腳刺激下味蕾

After buying some electronic accessories at Kwai Chung, we decided to have dinner there first before heading back home. Tai Heung Noodle was located at Tai Loong Street, Kwai Chung. Despite being a small store, they sold several side dishes, noodles and drinks etc. Salted plum and lemon coke was gassy and refreshing, suitable during this hot weather. Iced lemon tea was sweet, with slight lemon taste.  Cucumber cubes were crunchy and juicy, sour and slightly spicy. Sliced chicken kidney were chew

想食麵，霎時間想起它了一個間中會去吃的抵食麵店👉🏻炸魚蛋麵忽然間好想食傳統、最簡單嘅麵，整番碗魚蛋幼麵（生麵）嚟試試，麵質彈呀唔易斷，冇即咬即碎👏🏻魚蛋魚味重、落粉適中彈牙，good👉🏻秒製大豬扒米線🍜大米線清湯配另上嘅炸豬扒豬扒脆口、中等厚度最緊要有一點脂肪的豬扒大多都更香口美味，做得出色在揀到靚豬，想一啖一啖咁食👉🏻涼拌手拍青瓜食熱食，來一味清涼口味的前菜爽口又夠辣沒有麻的感覺，只是一下子的辣感吃得非常之舒服😌開胃👉🏻秘製炸雞翼㊙️他們指的秘製雞沒有太大滷水味/亦無甜溜的蜜糖味，應該是類似美極口味香煎的雞翼，再加上煎得十分均衡，雞翼內肉真得很嫩滑，而外皮香口另外加了杯凍檸茶、檸水和姊妹快快樂樂地傾咗好耐計系間搵經典口味嘅好食店