奇華餅家 (已結業)

無意間見今日有新野, 仲要係餘下最後二件, 於是就買黎試試 蛋糕有陣陣朱古力香味, 而且夠軟熟,但驚喜返而係中間既朱古力漿, 甜度適中, 增加了蛋糕既層次感, 但此終食完好似一陣風咁...又無理由食2 件架 !?總結: 本人認為暫時係奇華至好味既蛋糕

一手拿起時就覺很軟綿綿糯米糍一直自下垂一口咬下去: 軟QQ的, 芝麻餡甜度適中, 不錯吃兩個作下午茶剛剛好﹝一盒四大個﹞

去友人取帖時,除"炸彈"之外,還有餅仔派,她說:{請你吃的.}小弟孤漏寡聞,推斷這件餅,應該是大家口中的"嫁女餅".做了多年人,從未吃過這些東西.難得友人請我食件餅,自然無任歡迎.同西餅一樣,這些餅永遠不會自己買,從來是別人奉送才會吃."嫁女餅"外貌如酥餅,食落層外皮又有點似老婆餅,再吃下去,餡料的玉桂味很重,再吃到合桃的脆口感.整體感覺上頗為heavy.這件餅,便成為我某日下午的食糧.

幫襯奇華除咗一年一度中秋必食嘅雙黃蓮蓉月餅之外，其餘嘅日子一定係嚟買呢個包！食咗咁多年佢始終係咁好味道，完全無變過！細細個阿媽買比我食，因為佢嘅顏色夠靚令我愛上咗佢，但係佢嘅味道同質感先至係我仍然鍾情於佢嘅主要原因！打開獨立包裝袋，就會聞到一股佢獨有嘅香甜味道；搣開佢，見到入面冇乜窿窿，好細密；咬一啖，味道清而甜蜜，就係呢種味道令我覺得佢始終係最好食嘅冇餡包！ 正因為咁，每次行過奇華，總係忍唔住入去買一隻龜包番去！

呢排最愛既小吃就係呢度出產既「糯米糍」~試左花生味﹕好好味呀~ 又唔係太甜，又有花生既香味 面上的椰 絲雖不是我的至愛，但加上煙煙韌韌既糯米糍，真係...好快就被 我清左一盒一盒4粒啫...每粒又唔係好大...都唔係好過份 卦?! 芝麻味﹕好香既芝麻味呀 差D以為食緊芝麻糊忝丫 又係話咁快被 我食哂.....好彩每次都係買一盒，唔係既話...好快變“好肥好肥既肥豬”啦~ 哇卡卡卡卡

買左一袋椰絲花生糖,好貴呀!成幾十蚊先得果少少...不過,食落真係覺得好好喎!唔係十分脆果種,少少煙韌,花生同糖漿比例剛剛好,同埋好香椰絲味,不過我本人唔係好喜歡椰絲,寧願佢無架,不過好在只係面頭有啫,而且唔會令人覺得膩,食完一粒會想再食多幾粒!我覺得值得一試呀!

好多杏仁片, 好有口感, 又唔太甜.買2個=9元

上星期試左凱施三款唔同口味既蒸蛋糕,今次輪到試華同類型蛋糕,都係一連三個,分別係芝麻味、綠茶味同埋紅豆味。芝麻味係黑芝麻,一睇已經見到好多黑點,看似芝麻味濃,食落口,質感較硬,無凱施果d咁軟,有實實地既感覺,黑芝加哥味比想像中輕一點,但係竟然食到粒粒口感,唔知係咪真係黑芝麻粒?如果係,咁又真係幾真材實料喎!綠茶味幾香,不過係三款之中最普通,勝在清新!紅豆味有好多粒粒紅豆呀!真係絕無欺場,雖然蛋糕都係硬實實,但係食郅粒粒紅豆,仲要每口都有好幾粒,我好鍾意,不過呢,佢係三款之中最油最膩,比較heavy!整體而言,味道同口感方面,奇華略勝凱施一籌,但論蛋糕鬆軟程度,奇華就真係遠遠及唔上凱施喇,因為後者真係超軟熟!

唔知點解，我對蛋白做既食物特別有興趣咁岩見到奇華有【黑糖蛋白蛋卷】咁買黎試下！黑糖蛋白蛋卷 - 一開，好香黑糖味，一食，黑糖味濃，唔錯陣黑糖味會留係口中唔散，會忍唔住食完一條又一條唔知係咪黑糖既關系，令個蛋卷好香！【愛食傳統蛋卷的可能會不喜歡了，因尼款無雞蛋味可言！】

買了幾盒月餅，有福袋送，當中包括一盒奶黃月餅。一切開即O咀，個皮可以咁厚，仲要同個分離。完全唔掂囉，點解會分離架？幸好個奶黃餡味道幾香，唔會太甜，都打得夠幼，唔會食到一粒粒蛋黃碎。

龜包 ~ 放工趕去上堂之前係奇華買左一個龜包黎食 , 食左咁耐都係咁好味道 , 又唔會因為物價上升而縮水wor , 保持水準真係值得一讚 , 而且可能係龜包本身質感比較特別 , 食個陣唔會覺得好dry , 心情都好d呀。

八月八日(星期五)今朝因為趕住出門口,所以就o甘咬塊包沖出去攪到我未放學就已經飢腸轆轆~,~臨尾搭車回家時係奇華揀返個包頂住檔。一入到去就找尋我的奶露包,再睇中埋個咖哩包,好,閃人但最後都捱到返屋企叮熱至食****炸咖哩豬肉包($6)做到內軟外微脆的效果,裡面既涵料同個包好夾,略嫌咖哩味不重而已****德國奶露包($7)呢個包其實好抵食.佢裡面既奶露確實夠曬creammy食到一半已經覺得甜膩,最好同人share(食之前記住要叮叮先*v*)

奇華最新產品薑汁蛋白蛋糕同香蕉燕麥蛋白蛋糕岩岩推出,第一個星期就做推廣,$8兩個,梗係買黎試下啦!因為之前食過原味蛋白蛋糕同燕麥蛋白蛋糕,都覺得幾好。本來,想買新產品既同時,買埋原味同燕麥,仲有未試既黑糖蛋白蛋糕,但係點解無既?問下店員,原來呢個星期只推薑汁同香蕉燕麥,其他口味要過左呢週先有,有會咁既…無法啦,只人要左薑汁同香蕉燕麥每款一個試下,結果係比想像中無咁好,都係之前兩隻口味岩我一點。食薑汁蛋白蛋糕,第一口無乜點,係感覺到少少薑汁,但係都ok,點知食下食下,愈來愈薑,食完就個口有少少辣辣地,味道又怪怪地,個蛋糕唔甜,但係又無乜味,不過又有少少薑味同辣既感覺,係好怪囉!除非你真係好鍾意薑味,否則應該唔會覺得好食!至於香蕉燕麥蛋白蛋糕,比薑汁好一點,但係同燕麥蛋白蛋糕,又遜一籌…以為有香蕉味,係比普通燕麥蛋白蛋糕增值左,但係原來,香蕉味極少,好唔濃呀!食香蕉味既野,最緊要係個味出,但係肯定呢個蛋糕唔係!真係好淡,好少香蕉味!而另一方面呢,燕麥比例又比普通燕麥果款少左喎,於是食到燕麥果種得意口感又差左少少喇,不能兩全其美,所以都係唔係好得!仲有,呢兩款新口味,係正方形,同之前口味既長

上星期奇華既蛋白蛋糕同小麥蛋白蛋糕做特價,$8兩個。買左每款一個試下…先試蛋白蛋糕,味道唔甜,雖然淡淡的,但感覺幾清新,不過完全唔覺有牛油味,食慣一般牛油蛋糕的人可能會唔慣。對於我黎講,反而幾喜歡,因為不油不膩,而且食完一點都唔覺飽滯,唔heavy,質感輕輕的,比一般蛋糕健康!食完蛋白蛋糕,仲有空間食小麥蛋白蛋糕,估唔到比蛋白蛋糕更好味,最唔同其實係個口感,好似食麥方包果種感覺,咬口多左,麥味唔算太重,而且唔甜,真係唔錯!試完呢次之後,我會再試!不過,食用日期方面,好似頗短,只可放一日,要留意!

同上次買個件蜜瓜cake一樣聞落去有蜂蜜味但食落去無不過都幾鬆化