好媽媽台灣館 (已結業)

今日去太子搵朋友食飯，唔知食咩好，就搵左呢間好多好評既好媽媽台灣館醫肚食完之後覺得果然係名不虛傳價錢親民得黎又好食，係性價比高既選擇。首先上枱既係珍珠奶茶，個人覺得呢杯珍珠奶茶並非傳統既台式奶茶，佢飲落奶味冇咁重，唔會太甜，反而似港式奶茶多D，我覺得好好味！珍珠比較細粒同甜，唔錯。呢碟士林香腸真係100分推薦呀！！！食落有D似台灣腸，甜甜地，外脆內軟，好好食！係呢度要讚一讚店員細心，佢留意到我地淨係食台灣腸冇食佢側邊D蒜片（我本來以為係裝飾），就同我地講原來係要一齊食既。蒜片加腸仔一齊食又係另一種感覺，因為蒜片有少少辣同比較重口味，同台灣腸都幾match，但係我個人都係比較鍾意就咁食腸仔XD佢個滷水拼盤亦都相當唔錯！有雞翼、牛肉、大腸同豆腐4樣野，我最鍾意雞翼同大腸。雞翼好入味，炆到淋淋地咁好好食；大腸亦到好有咬口，同埋感覺洗得幾乾淨冇怪味，好食！蚵仔煎係依間店嘅必食款，同平時食嘅感覺唔一樣，除咗蚵仔好大隻同幾新鮮之外，食落好似有D麻糬咁，好有咬口。 蚵仔煎下面有芽菜同韭菜， 上面加嘅醬更加將佢個味昇華，值得一試。叫左咁多野都唔洗$250，食物質素又唔差，性價比幾高下次都仲會再食

見呢間街坊小店平日都坐滿人，應該唔差蔭瓜鳳梨苦瓜雞湯 （麵 + $28）台灣鳳梨苦瓜湯係好出名，香港好少有得飲，呢度有鳳梨甜味中和做苦瓜o既苦味，易入口好多。 苦瓜清熱，去暗瘡一流鹽水雞 $69一d都唔肥，連皮食都唔會有罪惡感香酥大雞排 $39炸到好脆，點埋椒鹽會更好食台灣牛肉麵套餐 $68 （連嘢飲）抵食，牛肉都唔少，燜得夠淋。 湯好飲，夠濃郁。麵彈牙台南擔仔麵 $40魚香味濃，湯好飲～冬瓜茶 （跟餐）消暑冬瓜茶～ 

本來諗住返屋企煮個麵當午餐 但是巴士站隔離就見到這個抵食又啱的午餐精選，入去食埋晏至返屋企 囝囝點了份想食的 ... 台灣牛肉麵午餐配珍珠奶茶 可惜囝囝無著校服，用不到學生優惠，盛惠 HK$49 + HK$8 台灣牛肉麵 大大塊的牛肉軟腍又夠入味 麵條粗幼不一又不太工整，應該是店家自製的手拉麵，入口彈牙又有麵粉香 不太餓的儍媽就在店內的 8 大必食推介點了份 ... 香酥大雞排 HK$39 炸雞排大大塊，外面的炸漿又薄又酥脆，裡面的雞排嫩滑但不油膩 食了件咁熱氣的香酥雞排，當然要配番杯清甜解熱的 ... 蜂蜜白苦瓜汁 HK$28 亦多點了份我們至吃的 ... 士林香腸 甜甜的台式香腸切得太薄，都是鍾意有口感的厚切多點 ** 以上分享是以我的口味、喜好和情況作出分享及感受，一試 / 合用與否請自行決定

雖然啱啱去完台灣，但都無阻我對台灣食物嘅熱愛！見門口痴咗金鋼同小儀嘅相，睇嚟之前電視都報到過應該唔錯掛！所以就膽粗粗咁入去試吓啦！入到去，發覺成間餐廳設計好可愛好有Cooking Ma Ma 嘅感覺！雖然鋪頭唔算好大，但乾淨企理，感覺幾舒服。男朋友入到嚟就話要雞排同滷肉飯，見呢個餐咁啱兩樣都有，無理由唔叫嘅！哈哈木耳拍青瓜都幾爽口，食落感覺清新！食完前菜，就到其中一個招牌好媽媽滷肉飯啦！一半肥肉一半瘦肉，食落充滿油香，配埋隻溏心蛋，真係無得輸！呢個香酥大雞排炸粉唔算厚，薄薄一層，入口酥脆！雞肉食落都幾滑身，唔鞋口，配埋啱啱個滷肉飯一齊食，真係有少少番咗台灣嘅感覺對於菜脯蛋，我只係記得阿媽細個會整嚟比我帶飯！不過阿媽整嘅菜脯蛋，係用平底鍋，薄薄地咁煎，食落比較香口脆身！同呢到嘅整法唔同！呢到嘅菜脯蛋非常厚身，切開之後，會見到入面滿滿嘅菜脯，好足料！食落外層酥香，入面濕潤軟嫩，菜脯微微帶有鹹香味，唔錯台灣腸同香港嘅腸仔好唔同，食落有啲似蠟腸，但口感更豐富！每次去台灣都係必食的？識食嘅，當然要夾埋蒜頭一層食，味道異常夾！（都係台灣人教我，我先知原來腸仔同生蒜頭係咁夾！！）而且因為蒜頭內含有豐

前排見有飲食網推介，話呢間台灣菜好有特色，都好想快d搵個機會試試。搞到今日明明目標係自家味道，點知行經呢間，都俾佢引左入去了😆一開始點了炒新竹米粉，肉燥飯配鹽酥雞，跟餐要左杯香芋珍珠同埋貢丸湯，由於係搭枱既關係，見到對面叫左個麻油雞烏冬，看似幾吸引咁，好想試，直至第一輪叫既野食來到，見到份量都唔算多，所以一於去馬，加多左一碗麻油雞烏冬，試埋佢，店員見我地2個人叫3個主食仲以疑惑既語氣問我地係咪真係要加，我隔離果個毫不猶豫咁答佢係，真係一d都唔尷尬🤣，要知道，呢個係我地平時既正常食量😌講返食物：炒米粉👍🏼👍🏼唔錯，上面有例牌既豬肉絲，椰菜絲，同埋小小肉燥，都唔錯，不過份量就略嫌少左d；肉燥飯配鹽酥雞👍🏼👍🏼，肉燥味濃，配埋白飯，都算係出色既肉燥飯，由於呢期病緊，無試到鹽酥雞；貢丸湯👍🏼👍🏼👍🏼（跟餐$6），可能係跟餐，所以係用碗仔裝住2粒貢丸，不過d貢丸都好彈牙，湯底清甜，鹹淡適中；芋香珍珠奶茶👍🏼👍🏼👍🏼（跟餐$8），芋香味算濃，珍珠煙韌彈牙，軟硬適中，分分鐘好飲過市面上某d台式飲品專門店；麻油雞烏冬👍🏼👍🏼👍🏼，湯底濃郁，有濃厚既麻油味，d雞都索晒汁，好入味，烏冬就正常，如果改為讚歧

自從上兩個月去左台灣旅行，一直念念不忘各種各樣既地道美食今次同朋友決定食返餐台灣餐，雖然而家有唔少台灣小店，但好多都要排隊，今次黎呢間都有被報導過，好彩早黎唔洗排隊。餐廳比較細少，所以枱同枱之間都較貼近，但算坐得舒服，小店既裝飾唔多，係牆身貼左唔少台灣名信片，好似果陣住台灣民宿既温馨感覺涼拌青瓜木耳好中意食呢拌小食，青瓜切得好幼細，餣得較軟身，木耳大大朵亦爽口。味道唔太濃，屬於多汁類既涼拌小菜，份量較少，但開胃之選也涷豆腐呢個涷豆腐係比較上最令我同朋友滿意既菜式涷豆腐本身都幾滑口，雖然應該唔係自己整，但滑溜度比起市面上既盒裝豆腐都更甚，一夾入口即刻滑左去喉嚨而且出色既係個醬汁，望落好似豉油，食落係好甜但果種甜度又唔會令人覺得突兀，出奇地同豆腐相配，配埋為數不少既蕃茄粒粒，配搭新鮮，難得涼拌前菜可以令我想裝飯haha!咸水雞去夜市除左炸物就係中意叫鹽水雞！見餐牌寫鹽水雞暫停好傷心問返店員原來轉左菜式，變左另一款鹽水雞，價錢貴左但份量大左。本身個價錢係淨係得雞件，我覺得太單調所以加左$5加青瓜同木耳，建議大家都咁加，如果唔係就清一色得雞件架。雞件斬得比較大件，有大約一半係肉，肉算厚身，屬於

係竟然可以搵到一間咁高質素嘅台灣嘢食，平時食開都係街店好多人排隊，今次上咗呢一間好媽媽台灣館食，裏面都幾多人。我哋都好鍾意食嘅台灣菜，睇吓質素係咪都係咁好食。台式炒米粉，佢米粉炒得幾乾爽下，唔會好黏笠一大劈，另外會有少少肉操嘅正汁入邊有啲肉碎，口感夾埋幾好食而且用咗蔥，蘿蔔，芽菜所以都好香。培根炒高麗菜好有台灣嘅味道，高麗菜爽甜新鮮。滷水拼盤，入面有豬大腸豆腐雞翼，正正常常嘅滷水拼盤滷水汁都幾入味，豆腐比起出邊嘅清新，佢冇好多嘅醃制過，所以將滷水汁同埋豆腐配埋食嘅時候仲會有豆腐嘅口感同味道。蔭瓜鳳梨苦瓜雞湯，碗湯好特別係香港都比較少飲應該係台灣獨特嘅湯，味道青青甜甜，食得出冇落味精。另外出邊好少食到嘅麻油雞，咩都同我地喺台灣食嘅一樣有薑同埋會有麻油同埋酒味。做得非常出色好補身啊！另外叫咗百香果紅茶同埋焦糖咖啡味道都正常甜度適中。台灣嘢食近呢便嘅話都可以揀呢一間係太子嘅好媽媽台灣館。

朋友問我食咩，係太子只是在openrice隨便一搜，這間餐廳已列在第一頁，人均$70-100，晚餐非常便宜，3位女生就過去了！我們貿貿然進店，剛好有三個座位，老闆堅持收拾乾淨才讓我們坐下！店內雖小卻坐滿了，人逼人，空間不大，幸而我們是卡位，尚有空間自由活動。這個超級便宜配搭！還有8大星級選擇！以前係台北成日飲峰密苦瓜汁，但我覺得店內呢杯較苦，真係有苦味。。。有點差距肉躁飯：見列半流心魯蛋，雙眼已發亮，魯肉不會太咸，與綿綿白飯搭配剛好！每檯總有一碟炸雞扒，炸皮厚而脆，而肉質唔「鞋」，伴椒鹽就好惹味了苦瓜煲雞湯：+$28有湯，可能內有花蛤肉，湯味鮮甜好飲，連唔食苦瓜的我都食了，正！青瓜雲耳是很好的前菜，是爽脆的若like了facebook fanpage, 每人送2件豆腐/甜不辣，食落就個不是hea做的最後來一個炒米粉。有冇發現台灣米粉是較幼細，這裡炒起來不算乾身，但同樣加入魯肉就冇得輸了食飽飽後就去玩board games,好滿足！！對了！埋單每位$100，好抵！

今日同fd試左三杯雞同肉燥飯，size比圖片細😂，三杯雞極咸，肉燥飯一般，好得杯茶幾好，有茶香。整體唔算貴，但質素需改改，宜家好懷念台北吃既台灣菜，如果三杯雞可以唔使咁咸，加番幾粒栗子，應該會好好，雞都整得幾好，就係咸味破壞左成道菜。

媽媽喜歡吃中國菜，於是這晚帶她到太子的「好媽媽台灣館」吃台菜。餐廳位於金鳳旁邊，食物又美味又便宜，二百多元已吃到要打包，經濟實惠，所以我那精打細算的好媽媽，也很喜歡這間好媽媽！ 蜂蜜苦瓜汁 ($28) 天口熱，我又熱，二話不說點了一杯冰涼的苦瓜汁來喝。味道甘苦，但有著甜美的蜜糖點綴，不錯，最重要是可以幫我清熱，有益健康。 甜不辣 (免費) 餐廳正在做宣傳，只要like他們的facebook fan page，即可以免費享用甜不辣或炸豆腐，我熱氣怪只敢點前者，煙煙靭靭，加上甜甜的醬汁，不錯。 菜脯蛋披薩 ($48) 如你喜歡吃蛋，這個一定不可錯過！「披薩」又厚又圓，而且還「做戲做全套」，用pizza木盤上桌之餘，還有pizza刀！用刀一切，雞蛋鮮香立即撲臭而來，香噴噴！雞蛋外層煎得香口，裡面嫰滑，還有不少菜脯，真的很好吃，推介！ 蔭瓜鳳梨苦瓜雞湯 ($45)沒看見蔭瓜或鳳梨，只見到苦瓜、雞肉和原隻蜆等，湯的味道清淡，帶點甘甜，沒有味精，亦沒有多餘的油份，媽媽好喜歡。 台式炒米粉 ($48) 最喜歡就是台灣的新竹米粉，夠幼，更快入味，上面是台式滷肉，再加上蔥段、芽菜、蘿蔔絲等，爽口味美

台灣是香港人最愛的旅遊點之一，早年常常去台灣，近年跟朋友轉戰日本，對台灣很是掛念，想念台灣時，最好就係去食台灣菜啦！呢間好媽媽好受歡迎架，平日夜晚都要等位，它不像阿x來了，x班長果啲成日上媒體，多人食全靠實力！蜂蜜白苦瓜汁$28: 見到新出飲品，蜂蜜白苦瓜係我最愛嘅台灣飲品之一，白苦瓜甘香，加上蜂蜜嘅甜，容易入口，冰涼解喝，可清熱解毒，大大杯幾抵飲。好媽媽滷肉飯$23: 細細碗一人份，未食已聞到好香，好吸引，滷肉脂香十足，滷水汁調較得好好，味道同台灣食嘅好似呀，加埋半隻蛋，有媽媽味道，推介！蚵仔大腸麵線$38: 唔特別鍾意食麵線，吸引我的係蚵仔，湯底鹹中有鮮，有層次，麵唔會太糊，保留質感，大腸乾淨肥美，蠔仔漲卜卜好飽滿，無煮到好熟，仍滑溜creamy，蠔味好濃，係個麵線嘅靈魂。蔭瓜鳳梨苦瓜雞湯$45: 每次黎都會飲呢個湯，有苦瓜、菠蘿、雞、蜆，湯好清無油，燉出食材甘香味道，味道自然好舒服，雞肉仲好軟淋，我食晒所有湯料，正！

果日係附近整完頭髮，問髮型屋d人附近有咩好食，佢地就推薦呢間-好媽媽台灣館。佢地係呢頭打工，一定熟知呢頭咩好食既餐廳，所以我地就打算試一試佢地既推薦。招牌同店入面牆上既設計都有個好和藹可親既媽媽公仔，好得意兩個人每人叫左一個餸同一杯台式野飲。我揀左蚵仔辣豉豆腐，有汁既野好岩送飯。蚵仔份量都算多，而且煮得岩岩好，一d都唔老，咬落去爆汁同好滑。而豆腐切粒再炸，口感好好。朋友叫左三杯雞，仲有雞脾菇，兩樣好入味。雞有少少鞋口，而菇就好好味！總結，食個快飯岩岩好，味道又唔錯，黎開附近既朋友可以試下。

星期一都要排隊既餐廳，點都要朝聖下餐廳位於太子荔枝角道，地鐵站一出，一條直路就到了，巧方便是晚7點去到，唔駛等✌🏻餐廳內大大個好媽媽坐鎮，餐廳有二人/四人卡位，又有圓枱，座位舒適套餐好抵啊，即叫唔駛諗木耳拍青瓜，爽口調味一流，開胃小吃滷肉飯，好有台灣食既味道，飯軟香，配埋滷肉汁同半熟蛋，無得輸香酥雞排，香口野絕對無令人失望，即炸又唔會酒淋淋菜脯蛋從來係我至愛，但菜脯蛋pizza就第一次食，蛋煮得剛好，切開時仲有蛋汁流出，夾埋唔太咸既菜脯一齊食，相當夾麻油雞偏濃味，但滿滿既麻油雞湯令我飲唔停口，感覺好補身呢好薑

是日 跟母親花墟走了一趟之後就行往太子方向搵食經過好媽媽台灣料理呢個時候 就想起3月份帶家人到台灣既回憶就同母親入左來再回味一下好媽媽 沒有很特別的裝潢但牆上有一個CUTE 版好媽媽圖像而四周有一些字眼係告知客人他們會嚴格選料 提供最好嘅材料給食客一打開餐牌就看到這優惠套餐二話不說就點了上菜速度亦很快10多分鐘左右 就上齊晒所有菜這肉燥飯味道比台灣食到的鹹少少而半熟蛋。相當一流雞排非常入味炸得外皮卜卜脆外肉質非常滑腍又juicy 炒米粉新竹米粉 喺台灣來講好出名好媽媽炒到米粉好乾爽再配埋秘製嘅肉燥醬汁讚培根炒高麗菜這高麗菜完全好有台灣嘅味道我家三杯雞咁多味菜之中 味道較重的一味加左金不換 每件雞件都吸了金不換嘅香味非常惹味而家雞件每件都大大嚿又重雞味。又嫩滑鹵大腸正宗台灣嘅滷味我覺得佢哋嘅味道係偏淡而呢一度真係做到台灣嘅感覺撈埋炒米粉一齊食相當一流好媽媽係一家比較台味重嘅台灣餐廳味道同喺台灣食到嘅十分相似價錢比較平分量細細碟 好似台灣般這樣我哋又可以多試幾味相當不錯

今天，好高興來到這間據聞有名及好評如潮的好媽媽台灣館吃台灣菜，環境一般，店員態度更一般，不差亦不好，但重點不是員工的態度，我與友人兩人前來進餐並分配到角落的非常狹窄的二人檯，一袋二袋的我們表示是否要攬住一袋二袋進餐呢，最後我們要求一張大小小的檯，最後也是換了另一個角落的二人檯，只好感歎一句，吾曰：換了換不了，換不了換了！而食物方面，更驚為天人，實在太差太差，不像台灣口味，連香港口味亦不是，是什麼口味呢，可能是好媽媽口味，難怪一開始問店員店內有什麼介紹，她說不知道，所有都吃厭了，原來那個厭，是厭惡的那個厭。接下來，為大家介紹各款好媽媽的美食。-皮蛋凍豆腐 $38 - 賣相最為可觀，味道亦叫為最正常，豆腐質感唔嫩滑不在話下，皮蛋切到細條過薑絲，份量應該大約有 4 分 1 隻皮蛋，已經很感恩，因為呢道菜唔係食皮蛋亦唔係食豆腐，係食汁，是高級料理呀親。-好媽媽滷肉飯 - 最期待的招牌飯，亦為全晚焦點之一，滷肉飯來到的時候，不禁落淚了，不是找回台灣的味道，天呀，為何只有白飯加醬油汁，滷肉亦只得兩三塊，白飯卻有一大碗，難道又是好媽媽的味道嗎？將最好的白飯留給子女，把最難吃的滷肉據為己食。亦想到一個