好媽媽台灣館 (已結業)

原本今晚即興想去太子間小菜王飲燉湯，點知勁多人唔知要等幾耐位，完全唔記得咗今日係星期五。又因為呢幾日病病地，所以好多嘢唔食得又唔想食，求其入去食呢間台灣菜。其實一年前已經食過一次，食咗鹽水鷄，蚵仔麵線，菜脯蛋餅同三杯酒雞脾菇。不過唔係好啱口味，所以一直冇再嚟，今晚諗住比多次機會佢，叫其他嘢食試多次，結果一樣not my cup of tea! 可能叫d炸嘢會好d，以我記憶，好似上次嚟都係病，所以同樣冇叫炸嘢!首先，店舖好細，大多數要搭枱，我哋唔想搭枱，等咗5分鐘有人走就有位。唉!原來係門口個卡位，後面就係門口，不停有人出入叫外賣，所以超熱我要開住自己把風扇仔。櫻花蝦炒高麗菜呢個係全晚最正常味道嘅!麻油雞完全好似冇落鹽咁，d雞冇味又鞋，菜冇味，成兜嘢只得麻油味，雖然知係麻油雞但少少鹹味都冇。台式炒新竹米粉味道還可以，冇乜特别。熱鹹柑橘以為起碼有粒鹹柑橘，點知係鹹柑橘醬開水。facebook讚好送嘅唔知乜豆腐2件，不過不失。

不時經過此店見到晚飯時段有不少人等位，趁今天有空便來嚐嚐。店子不大，約有40個坐位，幸好獲安排卡位，坐得較舒適。1. 菜脯蛋pizza蛋煎得香，不會過燶，配上菜脯味道平衡。份量也十分足。2. 塔香鹽酥雞香脆不油，內裏仍十分多汁，推介。3. 木魚炸豆腐外脆內軟，配上甜酸醬，十分開胃。4. 皮蛋凍豆腐喜歡它的醬汁，加了蕃茄粒令味道更清新。5. 台南擔仔麵湯底濃郁，但有點油膩。肉碎份量也很多。總括而言，此店大部分菜式的質素都不錯，特別是小食如鹽酥雞和木魚炸豆腐也是值得推介的。

好耐之前見到金剛同小儀介紹都已經好想試今晚同朋友經過又得閑，就算好長龍都唔介意等下，果然冇令我失望👍🏻冰鎮苦瓜有驚喜，要知道苦瓜要做得好食真係好困難，甜甜地易入口，雖然未至於100%去除苦味，但係作為前菜好開胃😋套餐又好抵食！有一個滷肉飯再夾埋炸雞扒連飲品都係70幾蚊，第一次食滷肉飯配蛋黃，原來好夾！滷肉食落唔肥膩，蛋黃起砂溝埋邪惡滷肉汁天衣無縫，卡路里係會好高，但一餐半餐總要豪一次！必點！炸雞扒外脆內嫩，稍嫌外皮炸得唔夠乾身逼唔到炸漿既油出來，不過切得細細件咁方便我同朋友share蚵仔麵線（肚餓得濟唔記得影🙈）蠔仔好大粒😳（大腸我唔鍾意食唔評論）我同朋友你一羹我一羹都冇畢到稀哂，湯依然好挺身👍🏻呢度嘅鹽水雞同平時食開嘅唔同，佢地斬得比較大件，唔凍亦冇得加辣粉，我形容係健怡版，有少少似香港既鹽焗雞，勝在雞肉夠滑嫩。配料亦只有木耳同青瓜，一定要叫唔係剩食雞肉有啲寡。如果可以有多啲配料㨂，有金菇、芭樂等就更加好。葡萄愛玉冰就甜左少少（前題我係怕甜，又唔記得叫少甜🙈），但係愛玉呢款配料唔係度度都有得食，簡直有返去台灣嘅感覺食咗咁多野都係每人$100左右，飽到嘔，唔怪得咁長龍😆

叫左杯芋香珍珠，點知啲奶茶似水咁你地幫襯既建議就吾好叫野飲。牛肉麵尚可啦。。。但係啲配菜(蘿蔔)就好吾新鮮，可以係特色，我就吾識欣賞。個擔仔麵啲鹽好似吾洗錢咁。。。總括黎講，都吾會有下次

訂台，遲了一些些，幸好員工還留位給我們。我覺得以這個價格來說，性價比不低。招牌的盬水雞，份量不小，雞好味； 加了木耳，木耳淡淡的。凉拌苦瓜好吃，切得好薄，新鮮清甜。我不喜歡那麵線，說不出哪裡不喜歡，可能是個人口味問題。（因為同行的人覺得很讚）滷肉飯真心好味，飯好多。飲品有點濃。坐了好久，兩個人吃吃喝喝談談心，是不錯的選擇。（不知道是不是因為是星期一）

久久未食過台灣菜,同朋友去太子食間幾多好評既台式餐廳不過就好失望…啲位好鬼迫我同朋友本身拎住勁多野, 但個侍應仲要安排我地坐最迫既位有大枱都唔會換比我地 叫左個滷肉飯滷肉飯本身就係台灣菜中必點啦諗住唔會好伏一黎到眼都突埋, 得果2 3 粒肉燥賣相超唔掂食落都係好淡咁….而且D飯好濕, 無咩口感可言同台灣以前食果D相差得太遠 之後叫左鹽水雞D雞肉又係好嚡口, 明明見佢寫係牆既介紹係特別台灣入口但食落去雞肉太瘦, 一啲鹹味都冇差唔多收成八十蚊好唔扺呀! 最搞笑係啲侍應態度係幾nice既, 咁我同朋友就問佢有咩推介佢話冇咩好推介… 因為佢都覺得麻麻地 

久聞好媽媽的好評，是晚終於去試食！老公叫一個一人餐，有涼拌青瓜/苦瓜揀做頭盤+炸大雞扒+肉躁飯+台式飲品，$79蚊！ 老公揀了苦瓜，平衡下雞扒的熱氣，佢話好好食，苦瓜唔苦切得好薄，有d酸酸地炸物真係台灣人的絕技，雞扒非常脆加juicy台式飲品揀咗珍珠奶茶，茶底竟然好香，珍珠煮得剛剛好，唔錯唔錯而我就揀咗炒新竹米粉$48+肉躁燙菜$38新竹米粉食落好乾身，食完個碟係完全無油肉躁燙菜竟然係通菜！我本身以為會係頹野生菜加加埋埋兩個人$165落樓，價錢都很ok仲有好多野未試，下次再試

叫了個LUNCH SET 大碗滷肉飯+鹽穌雞+台式奶茶滷肉飯是全瘦肉的肉碎，個人感覺像肉燥，而不是魯肉，因為在我認知裡魯肉應該是切得很小一條的扣肉。講回味道，我在台北&高雄吃過超過廿間魯肉飯/肉燥飯，都沒有這間咸。不是說好媽媽太咸，就只是沒有台灣的那種味道。好媽媽滷肉飯的味道比較像一般茶餐廳的肉燥飯，不夠油香味，只有咸味，也沒有見到煮軟了的乾蔥，只有肉碎。滷肉飯還附有4塊酸青瓜，1塊酸蘿蔔，和半隻流心蛋。不知道是因為蛋放了在酸菜旁邊，所以整個蛋都有一陣奇怪的酸味，像變壞了似的，反正我不敢吃。鹽穌雞炸得好乾好硬，一點也不好吃。而且炸粉裡有些黑黑的東西，不知道是九層塔還是紫菜，感覺好核突，一開始還以為是烏蠅，嚇死我了。如果當是一家普通醫肚茶餐廳佢絕對無問題，但我是抱著吃台灣味道而去的，所以十分失望。

一間餐廳能令人想回頭是很難的~<好媽媽>就是我們久不久都會想再去吃的一間，最愛她的椒麻雞和菜脯蛋pizza,不知道正不正宗，但卻就是我喜歡的味道~餐廳就在爸爸的店附近，當然就趁機拉他們兩老一起去吃，順便找數對住最愛既家人，唔洗唔好意思，一於叫到一枱都係~(忠告:記得食得嗮先好嗌，咪做大嘥鬼)雖然叫左好多野食，但價錢好平，爸爸無半點心痛菜脯蛋pizza $48外表係一個金黃圓圓大餅，賣相好吸引，食落外脆內綿好鬆化，濃濃的蛋味，中間包裹著咸菜脯~台式椒麻雞 $49一件煎雞扒切件，上面淋上了台式椒麻醬汁，入口唔太辣，好惹味，咀嚼完格一陣麻既感覺至出黎，好過癮~下面墊有椰菜，可令味蕾清新一下~炸物拼盤 $62內含甜不辣，鹽酥雞，鹽酥菇，墨魚丸炸漿薄薄的，好香脆，最吸引我既竟然係鹽酥菇所以追加一份淨鹽酥菇鹽酥菇 $35食落脆卜卜好香口，裡面既菇仲好juicy 士林香腸 $50台灣腸油份足，肉味濃，配埋蒜片食真係勁口臭，但又勁好味老豆萬歲

喺花墟買完花，順道食埋飯，屋企人唔想去食西餐，於是上網搵一搵，見到有間好媽媽台灣菜，相片都幾吸引，於是一試餐廳好親民、地道，牆上掛住木板餐牌，唔睇餐牌已經可以點菜鹽水雞可以隨意加青瓜及木耳（每款只需加5.00）雞肉幼嫰，咬落有彈性，多汁，鮮甜美味，雞皮好薄，而且一尐都唔肥，好爽囗，平日唔食雞皮既我，都忍唔住照食好媽媽滷肉飯細細粒滷肉，味道啱啱好，唔太咸，加埋醬汁拌飯一起食，好惹味流心蛋蛋味香濃，蛋白滑溜，好想encore 鹽酥花枝丸花枝丸即叫即炸，上枱時重好熱花枝丸好香，食落彈牙，灑上少許鹽，味道更加豐富百香果紅茶

第二次光顧呢間台灣料理餐廳好媽媽，因為對他嘅菜餔煎蛋批有種懷念。除左有成個pizza嘅賣相，仲有好飽滿嘅感覺首先就點個前菜，皮蛋豆腐，雖然係普通嘅盒裝豆腐，但個醬汁同皮蛋好特別，加上少許蕃茄茸，令度菜多左種清新感覺傳統嘅蚵仔大腸麵線，單睇外表顏色淡淡，但味道都好濃，但都好濃味，仲略為帶咸，勝在蚵仔新鮮，大腸亦處理得乾淨。記得上次黎都係點胚芽珍珠奶茶，好好飲，珍珠Q口彈牙就係呢個菜餔煎蛋批煎得外皮香脆，入裹菜餔滿滿帶住8成熟嘅蛋汁，真係好邪惡。炸物拼盆，鹽酥雞，鹽酥菇，墨丸，甜不辣士林香腸---前面白色嘅係巨形蒜片另一邊就係薄切台灣腸，蒜頭好似馬碲咁大粒伴住香腸食帶有微辣好夾三杯雞做法味道都好正宗，九層塔嘅香味係我嘅最愛

滷肉大碗飯配鹽酥雞：炸得酥香的鹽酥雞配滷肉飯是絕配！店家稱他們使用了長條形狀的滷肉配秘制的醬汁炮製滷肉汁，所以吃起來讓人意猶未盡的感覺。但是...有點不滿意店家給的食物份量，通常大碗飯給人的感覺是大約兩碗飯左右，我那麼少的食量當然不想浪費食物，所以叫了少飯（扣底）誰知道師傅竟然真的只給了我半碗飯哈哈，接著因為「不夠喉」到了外面吃魚蛋！不過要為店家辯護的就是價錢真的很便宜，$35可以吃到台式料理是讓人開心的事情！所以也不可以太計較賣相啦。不過可能期望太高，本來看了網上的食評，盛讚這裡的食物質素不俗，可能今天我們試「頹飯」所以質素有點差別也不定。餐牌第一頁寫了店主想念媽媽的味道所以做出一系列台灣料理的故事；個人一直很喜歡到訪有故事的餐廳，總覺得除了除了飽腹以外還回饋了店主的心思，比在單純為了賺錢的連鎖店吃要高興的多啊～

聽人講我屋企附近新開左間台式小店叫好媽媽，個名有啲娘，但原來裏面裝修都幾用心，又有卡通化既裝飾，未食都已經開胃左。 本Menu既照片同枱上既介紹都好吸引，樣樣都想食， 幾勁同同行者爭拗，終於有左結果。 佢一定要食既係皮蛋豆腐。皮蛋係切碎左了，與蕃茄碎灑在落原盒豆腐上。就算只有淡淡豆味既豆腐都變得復雜。 朋友點了香芋珍珠少甜，雖然係少甜，都好夠濃郁，珠珍唔會太淋。 我唔鍾意食生果味飲品又唔想飲奶茶咖啡，所以叫的冬瓜茶都叫了少甜，係淡淡的，但都好幽香，唔洗成日點埋啲奶類製品肥死啦～ 想借問聲，如果唔食大腸麵線點叫食台灣野先！依度既麵線除左有大件而乾淨既麵線之外，仲有超新鮮既蠔仔，蠔仔乾淨同蠔身仲脹卜卜添！麵線夠一條條完整，唔會“畢畢”下，越來越“希”。 不如來個菜品，台灣人興食高麗菜，依度有得選培根或櫻花蝦炒，我們選了櫻花蝦版本，佢哋蝦仔細細，但令菜添了不少海鮮味！ 麻油雞，感覺係一樣好滋補既菜式，因為用上炖既方法製作，麻油味唔會太重，唔會有肥膩感，雞件都算新鮮，雞件就算係包住麻油，都不失雞既香味。 雖然大家對台式野未必有日本野韓國野咁大瘾，但耐唔耐都想

蚵仔煎幾有台灣夜市既水準💁🏻蚵仔份量唔少，而且都幾大粒，不錯不錯👍🏻滷肉飯甜甜地，碎肉比較多，仲有半熟滷水蛋🥚滷大腸軟度適中，口感煙韌有嚼勁，而且唔會過於肥膩，滷水味岩岩好😋 份量真係超多，好像永遠都吃不完😂台式椒麻雞係用上煎烤方法燒熟雞扒再淋上秘製椒麻醬，入囗唔辣，但食完會有麻麻既感覺係舌尖上。如果可以再辣d就好🙃香橙排骨個汁好開胃，啖啖肉送飯一流👍🏻而且套餐連油菜同飲品好抵食呀！

原來太子荔枝角道好多野食, 朋友好鍾意台灣, 一年去幾次, 無哂AL去台灣, 唯有食台灣野頂住先,呢度好多款台灣野食, 有鹽水雞,台灣直送,下次試下先,俾like有豆腐or甜不甩送今日熱,但無咩汗,蓑下生唔飲凍野飲熱野,我叫左咸檸水,解渴朋友想食多D小食,所以叫左個炒米粉一齊share食,係正宗台灣米粉,好幼, 無咩油,有D肉碎,好好味台灣腸仔,台灣香腸不嬲都出名好味,夾住蒜片更香更惹味滷水拼算,有牛腩,雞翼,豆腐,豬大腸,全部都好諗,好入味, 雞翼淋到好似唔洗咬高要求朋友都大讚呢間食物好有台灣風味