好煮意 (已搬遷) 新店位置

之前朋友介紹呢間近上水港鐵站 ge 小店 , 試過佢 ge 藥膳醉雞米線之後念念不忘 ,今日又特登過黎食 🤗餐牌 : 招牌藥膳醉雞米線 ($48)湯底係濃濃 ge 藥膳同酒味 !! 😍😍 每次我都飲好多湯 , 食完成個人暖粒粒 ~ 雞件份量都幾多 , 今日咁岩有雞脾位 ! 其他部位肉質一般   雞件冇咩味 , 主要靠辣鼓油吊味 (鼓油可選擇辣 / 唔辣)米線較煙韌 , 紅棗、雲耳同個湯好夾 , 好有養生 ge 感覺 , 好食 !! 成碗米線份量都幾多 , 男士都夠飽 !食過好幾間藥膳醉雞湯 , 呢間係暫時食過最好食 ! 真心推介比大家 !飲品方面 , 試過叫特飲 , 但次次都中伏 , 所以建議大家飲番檸茶 , 檸水 , 奶茶 , 咖啡好喇 ~除左藥膳醉雞湯 , 食店 ge 新加坡喇沙湯底都好正嫁 !!! 另外 , 呢間食店係不定時休息 , 如果想黎 , 最好打電話問下有冇開門先 ~

其實嚟咗幾次今次先記得寫食評，雞煲真係幾好食雖然係貴左少少。一如大部份既小店一樣，因為租金既關係會坐得迫夾少少。但係因為呢度嘅藥膳雞煲太出名，所以一直都有唔少人慕名而來。我每次黎都會叫上等藥材花雕雞窩湯底，店員就會問你想要個大雞或者細雞。但係同事嘅份量比較細所以三個人以上我都會推介佢食大雞，食完就可以帶其他配料打邊爐啦。除咗雞之外我仲會推介蠔同埋肥牛，呢度嘅蠔好大隻，煲完都唔會縮好多水。而且啲肥牛用料都好新鮮食落好有牛味。但係讚完就要彈啦，我覺得呢度嘅價錢比較貴之外而且份量都好細。所以黎食嘅話有啲心理準備。但係暫時食咗咁多間雞煲呢度嘅湯底係我最鍾意嘅！所以都會定期黎食下嘅。👍

一行九人，一坐低就叫我地最多落單一次，唔好要白色眼鏡呀姐我行幾轉，唔講以為間舖幾千呎，打邊爐只准落單一次？唔係呀？野食麻麻，份量小，$60/6粒墨丸，黎錯野仲大大聲聲話，唉，食呢間舖頭係受氣受到飽，點敢再黎呀，咁大口氣！

><雖然坐得唔係咁舒服 食完全身衫褲都有陣味但喺上水嚟講 味道真係數一數二招牌藥膳醉雞麵($48)豉油有分辣唔辣 畀你蘸雞件雞件有7—8嚿 雞胸唔嚡口 整體都嫩滑仲有雲耳 紅棗粒同事話上次食食下有醉醺醺嘅感覺今次冇咁濃味 冇咩醉意 啱啱好 食完暖哂如果同行夥伴都食同款食物 可以一張紙畫哂只要係麵底個到寫返x2碗 / x3碗咁樣><><><><><><><><><><><><><好煮意 Cook Idea上水新祥街2號地下E3號舖

住上水的居民，一直都喜歡光顧這間藥材雞煲，曾經是忠實粉絲，但經過今次，不會再光顧。我知道這店很受歡迎，特意事先電話訂枱，免得家人來到時要等。當時職員告訴我，枱只預留十分鐘。於是我滿心歡喜很準時便到達，但誰料，到達之後，他竟然說沒位，要等。當我以爲只需等很短時間，但呆等半小時也沒有位，那些客人根本無意離開。而我在意的並不是要等位，我在意的是你沒有位為什麼不直接告訴我，還說什麼「只預留十分鐘？」那不是騙人嗎？如我早知道，我可以早一點過來等位，也免得老人家來到也跟著一齊等。在沒辦法底下，我們決定轉戰其他店子。誰料，那間不但能馬上入座，而且味道不比這間差。重點是，份量比這多一倍！發現了其他新大陸後，我勸大家不要只來這家，其實很多地方的雞煲都很美味，而且更抵食！（只是街口轉過彎而已）

選擇藥材花雕雞窩(湯底)$45鲜雞件$138(大)雞算肥美(多肉)肉質鲜嫩(吸收左花雕酒的香味，更惹味)當湯滾起(店員主動放雞件入鍋)陣陣花雕味(好香)本地鲜肥牛$188(大)肉質鲜嫩新鲜美味肉口感(唔鞋口)黑豚肉片$6O脂肪分怖平均入口鮮嫩，唔肥膩田園什菇拼菜$42(新鲜，但细碟左少少)山根$22(吸收花雕藥材湯，更香口美味)水餃$34(猪肉好新鮮)湯底有雞腳(雞腳煲到軟身，吸收湯的精華味道，好惹味)這店(無得自行mix 醬汁)店員跟人數附上豉油，可選唔辣或辣豉油至於喜歡辣~可額外加$(指天椒要额外加$1O一條)啤酒$28整體食物新鲜，湯底好美味，座位比較小(人多的話，等候時間較長)

食物質素本著試個湯底心態去食，期望可能真係太高，佢真係得個湯底得，下次唔應該食晚餐，應該早啲食個麵就算雞，普通藥材底係ok嘅，但就好似眾多評語咁講係偏甜，另外唔夠湯佢真係加湯，唔係加水，係唯一抵讚位其他叫左牛，竹笙，丸等等，全部超細碟，質素又唔係高，唔掂環境非常熱，本鋪幾張枱，另外隔幾個鋪位租多間擺幾張枱做生意，其實得唔得？有冷氣都。。非常熱服務態度差，全程帶位個女仔態度都好唔願答你野，唔想做野，上菜個阿姐又係咁收你空碟，好想收你煲蓋，唔知係咪唔夠煲蓋用總結而言，冇原因令我再想黎幫襯第二次。

某日經過呢間小店聞到好香藥膳雞湯味，今日約埋朋友來試食！我梗係試佢推介的《招牌藥膳醉雞米線》啦！👍👍👍👍👍好正喎！香濃清甜，份量又夠！好過在聯和墟陳黃X記喎！喇沙湯底車仔麵，都值得一試，椰香少少辣！瑞士汁撈麵，原來是凍又太甜！鮮雞湯底，香濃雞湯還可以！

住上水的朋友推薦了幾次，終於趁平日可以一試，店雖小，但每桌都滿人了，看來是小區裏街坊生意。入內見客人桌上大多是醉雞面，或叻沙面。今次特意來試藥膳醉雞米粉。一上桌就送來了辣椒鼓油，像打邊爐的醬料，嗅起來很惹味。醉雞米粉的份量不少，足夠男生吃。一上桌熱騰騰的，藥材味甚明顯，雞肉不「鞋口」，湯偏甜，應較受女性食客歡迎。朋友點了油面醉雞撈面，油面有韌度，醉雞即使胸肉都很軟嫰，友人覺得酒味甚重，但個人覺得剛好。

本來都唔寫食評的, 這間小店過去每年也幫襯幾次, 今年再去, 感覺差了好多.   首先, 不停搶煲蓋令隻雞都未滾夠2分鐘, 就趁你不覺攞走個蓋, 5, 6次叫佢不要取走之後, 都是5,6不見了個蓋,  最後話佢地唔夠煲蓋.  好心做生意, 就買夠蓋啦.    之後, ORDER 桶蠔 - 時價,  來到只有一隻.  勁奇怪問佢, 為咩叫得桶蠔得一隻?  杯蠔都有3隻吧?  佢地話係只有一隻,  $45大, $40細.  我隻叫大.  咁不合理, 我地話咁唔要. 佢話不可以, 開左一定要.    大家真係小心中伏!   今年的花雕酒也比以前差了, 以前冇咁甜的.  今年甜, 但沒什麼酒香.  

係出面已經聞到好香！周圍行下先發現原來係藥膳雞米線！一定要推介！ 個湯底好甜好香口！ 個套餐只係$48！ 入面勁多料！有成7件雞！ 問個老闆點解咁鮮甜！ 原來佢話係栗米雞關係！ 佢地係食栗米大！吾掛得周出面咁吾同！但略賺甜左小小！

第3次食好煮意第1次外賣 鮮雞湯底 喇沙湯底， 鮮雞湯底 鹹咗啲 喇沙湯底好足料，好味,估唔到係上水都食到呢個味第2次 堂食 喇沙湯底，一樣好味第3次 堂食 見好多人叫醉雞酒底，所以叫咗醉雞湯底米線,另外叫咗喇沙湯底加腩肉 魚皮餃 油麵 mix 米粉(2種麵mix唔洗加錢)喇沙湯底:照舊 好濃味 有椰香 好rich,秘製腩肉好入味好淋,魚皮餃皮煙韌 配米粉最正， 索到好多汁醉雞湯底: 聞落去好香好有酒味，飲個湯第一啖 有啲 “拿喉” 同埋之後繼續食越食越甜 唔係好頂得順，雞件嫩滑，好彩有碟豉油沾下可以中和番， 由於個湯底太甜所以唔會再試凍菠蘿青檸蜜: 個底係菠蘿汁， 但唔夠甜， 一般之後應該都只會食喇沙湯底lu

同事好介紹。上水好多卧虎藏龍食店。好多人排隊，不過流轉算快，小店內有6至7張4人枱，地方稍為逼，但乾淨企理。食藥膳雞米線可以直接叫，亦有車仔面叫法，自己揀餸自己圈。約十分鐘雞米就到藥材味很足，味到卻十分清甜，雞件嫩滑，有雞味有藥材味，冇得輸。喇沙味較傳統的淡，馳名喇沙跟金菇肥牛豬腩肉，材料豐富搭夠，都好好味。兩個招牌餐連凍飲 $56+$47，價錢合理。值得再試，因為晏晝2點前嚟到，蒜味雞尖賣晒，希望下次食到啦～

在新界上水尋找到一間足料的醉雞米想同大家在此分享一下“好煮意“。食完爆汗滋補養生醉雞米線，古名思意以雞為提材，雞件分量十足，端上桌時，聞到酒氣香氣撲鼻，細意品嚐一下，個人認為略嫌稍甜，如果有得選擇少甜味道更佳。大家趁這個秋冬進補，不妨到此一遊。

［新鮮又有趣］系市區食火鍋食得多，但好多重鹽又重味，入到上水就想食得新鮮又直接既火鍋，朋友就介紹尼間貼地又親民的店好多中伏唔多唔少都系要求高或有比較，但就食物同質素而言，普通小店也有驚喜女生必選之鍋湯頭很好，不像平時的藥鍋似湯料包味濃而不會感覺太補岩岩好食物是散叫的系出面好多好大份又食唔完，感覺雖然好抵，但造成浪費的情形也很多，小店的好處就是份量岩岩好，可以按自己的份量叫洗得乾淨，而且爽口放在鍋內好快熟店面不大，但尼種人與人之間的距離系剛好，入到上水食火鍋，也可以食得滋味。