好燒式串燒專門店 (砵蘭街)

營業中

休息中

這間一看店名便知在玩食字的「好燒式串燒專門店」，都有好一段日子沒來過了，這晚，終於又再光顧。點了多款串燒：「鹽燒白鱔」（$42）、「牛柳串」（$18）、「鹽燒牛舌串」（$26）、「燒日本芝士年糕」（$12）、「燒菠蘿」（$17），全是我與太太喜吃之物。「鹽燒白鱔」皮脆肉香，「牛柳串」軟腍好味，「鹽燒牛舌串」煙韌可口，「燒日本芝士年糕」熱燙軟滑，「燒菠蘿」甜美多汁，都有水準。還吃了不知多久沒吃過的原條「鹽燒大眼雞」（$140/條）。肉質結實的大眼雞魚肉，滿足了我倆想吃烤海鮮的願望。也點了上次到來曾經吃過的「墨西哥薄餅芝士雞肉」（$43）。這以雞肉、青紅椒等為主要材料，帶點兒辣的墨西哥薄餅，味道不過不失，都幾開胃。在旺角吃日式燒烤，這兒是個好地方。

本身諗住食既餐廳要排隊，就馬上轉場試下好燒式。由左至右，豬頸肉串($18)我覺得最好食，肉味唔錯，爽口好有趙口，好味；日式雞柳串($16)友人覺得最好食，好有咬口，充滿燒烤風味，但我就覺得無乜特別；鴨胸串($18)我覺得幾好食，瘦肉同肥肉既比例係岩岩好，不過友人就覺得一般；雞肉腸($15)口感唔錯，食得出蜜糖味；煙肉金菇卷($18)尼個組合本身已經無得輸，口感好正。上述串燒點左小辣配蜜糖。可能唔係湯麵，而係直接將辣粉灑落串燒上，所以小辣我都覺得幾辣，如果有微辣選擇會更好(有下次的話，我會係餐紙上自己寫微辣?)。豬頸肉串(個人口味: 4+3.6/10)日式雞柳串(個人口味: 3+3.9/10)鴨胸串(個人口味: 3.4+3.2/10)雞肉腸(個人口味: 3.2+3.6/10)煙肉金菇卷(個人口味: 3.5+3.2/10)雞全翼($18)無寫孜然但聞到孜然味，辣度比第一碟串燒仲辣，對我而言就太辣，唔係好食得出好唔好食。不過友人就覺得雞翼燒得好脆，蜜糖燒雞翼好食。(個人口味: 3+4/10)蒜蓉燒茄子($32)燒得唔錯，好腍，蒜蓉再多d就更好食。(個人口味: 3+4/10)黑松露什菌包($4

佐敦有好多地方都有串燒食，旺角就唔多呢類鋪頭，比我喺openrice搵到有，當然要試吓啦，我地叫咗牛油金菇，錫紙包住都聞到牛油香味，一打開見到d牛油浸住d金菇，金菇吸晒牛油香味，好好味。之後就黎燒帶子，燒得好香，唔會燒到過熟，加埋d蒜蓉喺面一齊燒，食落好juice一d都唔韌。再叫燒茄子，我覺得唔係好夠味，可以再加多d蒜蓉更好。再加多串芝華力腸同墨魚丸，送酒一流！👍

之前經過太子同旺角都見到呢間「好燒式」，同女朋友都話好想試吓，畢竟開得分店都唔會差！跟住上OpenRice見到超級多好評，就決定是一試！環境幾乾淨👍🏻幾多元化😋😋牛油金菇肥牛超好食，牛油味勁濃郁極力推介黑松露雜菇墨西哥薄餅😋😋😋我同女朋友都覺得超好味黑松露炸蝦多士又係必點推介！我見每一台都基本上有點牛舌串燒軟林林😋Yummy串燒燒得好靚，另加左孜然粉😋😋泰式燒豚肉份量勁多😱😱😱燒蒜蓉原隻茄子😋😋😋雞翼燒得好好味！下次一定再試！😋😋😋😋

早前食完太子分店，在旺角行完街，來這間分店吃晚餐，確實兩間店水準一樣，一樣咁好吃！嘿嘿第一次吃這個墨西哥芝士雞肉餅，比想像中好吃好多外面薄餅又香又脆，芝士香濃有拉芝，又有青紅椒粒，好好味！嘿嘿雞胸軟骨串，一骨一肉，口感味道也不錯，豆腐外脆內軟滑，外層甜甜的！嘿嘿原條蒜蓉燒茄子，小小辣，每一條都很入味，而且很多汁，嘿嘿拳頭般大的蒜蓉扇貝。新鮮美味，燒得剛好，鮮甜！嘿嘿雞全翼，燒得好平均，由頭到尾熟度都一樣。肉嫩又香口，嘿嘿。牛油金菇包，金菇又香又軟熟。燒菠蘿很甜！大蝦肉質新鮮爽口，嘿嘿

這區好多好野食，行來這邊想看下食辣或食西餐，平時經過都見過這間串燒店，店舖細細，但好多款式食品，除了串燒，還又西式意粉，墨西哥薄餅，辣酒煮螺，泰式小吃和荷葉焗飯。入座後，還看到有食客開紅酒食晚餐，好西餐感。先來白汁芝士燒蠔，濃濃的芝士香，燒得剛剛好，好有肉汁。其實燒蠔可以選其他配料，可選煙肉，蒜蓉或什菌來燒。原條燒茄子都係愛在串燒店食，唔知點解自己燒唔到咁好味。茄子上滿是蒜蓉和辣粉，一絲絲又有汁。原隻燒魷魚筒，燒得剛熟，肉質軟身，點了泰式辣汁，辣辣地好惹味。雞軟骨好特別，是雞胸軟骨，好有咬口。安格斯都好有牛味，燒得好好。

朋友人之前介紹過呢間串燒好食所以今日就同朋友試下金菇牛油包，牛油份量好多， 金菇充滿牛油嘅香味， 味道都唔錯好有驚喜嘅黑松露蝦多士😻多士炸到好香脆，加上彈牙嘅蝦滑同埋好香嘅黑松露！食到我同友人都讚不絕口👍🏼雖然價錢略貴，不過好值得一試！另外叫咗串燒，個人覺得最好食嘅就係牛柳串，有牛味，而且燒得岩岩好😁好軟熟👍🏼點呢個醬都幾好食！其實除咗串燒之外呢間餐廳仲有得叫意粉，食物種類都算多！不過今次太飽冇叫到！下次一定要試吓食佢啲意粉🤩

今天於旺角逛街，晚餐想吃串燒，就上網找一找，看見這家串燒店，有正餐，而且亦有不少好評，就walk in 一試。除了串燒外，食物選擇亦算多。年糕燒得不會太乾，軟糯煙韌但不會黏牙，芝士流心，好味我們點了數款串燒，火喉剛好，牛舌爽口，豆腐外脆內軟，雞翼皮脆肉嫩，軟骨串坊間少有，吃下有驚喜，順道補充鈣質。蒜蓉味濃郁撲鼻，我們喜歡整條燒，不切片，原汁原味，以夾撕開一片片來吃，份外滋味最後，當然要吃一點麵食來飽肚，這個意粉亦算岀色，份量大，野菌爽嫩，忌廉汁又夠creamy，混上黑松露醬，掛上意粉一起吃，令人食指大動，串燒來說，價錢尚算親民，下次會再幫襯。

昨晚要加班。晚上11時才下班。因此要慰勞自己吃串燒。這家店開了很久了。我在菜單紙上選了6樣，再加一罐加多寶。雞軟骨稍嫌乾了點。牛肋骨則不錯。油脂肉份適中。再來便是海鮮和翠玉瓜。翠玉瓜比其他外店份量多。有汁，燒得剛好。燒魷魚鬚則味道香濃。蒜泥燒大扇貝味道清淡，個人覺得比其他店稍差。最後是雞腿。皮脆內軟。最後結賬198元。合理。總的來說門面一般。但食物是不錯的。下次加班後還會來。

天氣又轉冷了，自然會想起熱食，吃＂燒烤＂是其中一個選擇，想有專人代勞，自然令我想到了這間餐廳，手機查找一下，原來＂旺角＂區同樣有該燒烤店，馬上向＂旺角＂進發…晚飯黃金時段，七點半到達，餐廳佈滿了食客，入坐率達八成，幸好不消一會，能夠順利入座。罐裝檸檬茶＄12，飲品價格屬平民級。墨西哥薄餅芝士雞肉＄43，這個墨西哥薄餅估計是店家的招牌菜，放在廚師推介的第一行位置，送上桌上，大大的一塊被切成多件，芝士已從狹縫間擁出來了，急不及待吃一口，薄餅皮脆，芝士味香濃，夾著雞肉一起來吃，真的滋味十足，果然沒有令我失望。鹽燒白膳＄42，看到這款菜，已經想點選了，吃一口，白膳厚實又有鮮味，選用鹽燒的方法處理能夠帶出魚的原味，沒有花巧，自然的美味。串燒豆腐＄16，三大件的豆腐，炸過的豆腐外皮，再去燒烤，果然十分香脆，豆腐表面塗滿了濃味的燒汁，為淡味的豆腐添加味道，帶出惹味。牛柳串＄18，牛柳肉嫩，加上孜然粉去調味，肉帶香，更有風味。西班牙黑毛豬肋串＄28，黑毛豬肋串比一般的豬串有更濃的豬肉味，而且肥瘦均勻，燒走多餘的油脂，不肥膩，更夠味。豬仔脾（兩支）＄37，這款豬仔脾性價比很高，一碟竟然有兩串，先吃一口，

好耐無食過串燒, 咁岩見到有間係附近, 就入左去試下.店員都係D姐姐黎, 全部都好親切有禮. 見我無係放背包就好主動拎左張椅俾我奕, 十分貼心.另外店員會主動介紹當日有D咩時令食材, 特別菜式.店員推介左白酒青口, 燒豆付同燒茄子.青口做得非常出色, 首先青口夠新鮮, 白汁非常香濃, 仲有D洋蔥粒, 紅羅白粒, 露荀粒, 十分開胃.燒豆付黎講, 燒到外皮好脆, 內裡好嫩滑.燒茄子都好唔錯, 好香, 燒到好金黃.另外叫左個雞泡魚干, 送酒一流.成晚最驚喜就係個燒大眼雞, 未食之前會諗點解有2塊魚皮係上面, 原來佢先將魚皮起出黎, 再鹽燒.真係好好食, 好脆, 有小小咸香. 人生中暫時食過最好食既魚皮

最近勾起的串燒癮，繼續周圍搜索下好味串燒店❤︎早排太子行街有印象見過，原來旺角都有一間好燒式，咁有緣份便入去試一試，食物服務等等都超乎水準白酒青口；當日來貨的青口，煮法幾特別，酒味超級香而濃郁，加上蕃茄紅蘿蔔等配料，青口非常新鮮入味，色香味俱全❤︎真想加個意粉落去一齊食鹽燒大眼雞；十分有驚喜，最上面那兩塊魚皮！花心思分開擺碟上菜，魚皮燒得好香又脆之餘，魚肉仲keep得到嫩滑燒雞胸肉軟骨；有特色，第一次見呢類型的燒雞軟骨。雞肉、薄而長的軟骨梅花間竹串埋一齊，食法新鮮，軟骨嚼勁十足，值得一試墨西哥薄餅芝士雞肉；芝士多到流出來輕易做到拉絲效果，薄餅烤得香脆再配上雞肉，整體十分出色。燒日本雞泡魚乾；賣相靚又香口，正常水準，要來佐酒一流另外仲要了其他必食串燒，全部都超出水準，特別是日本甜薯，外皮無燒焦變柴皮，控制得好好整體都非常滿意❤︎特別是店員的服務，十分親切又周到，一眼關七。走的時候仲提醒我們不要漏東西、小心回家，好有媽媽的味道

人多又晤想等，記得提前book咗位，店舖細細地，但味道、服務是超正的，朋友無介紹錯。當晚食咗好多嘢，食完有D唔記得咗名🙈，品種多，味道好香、正。大可選擇自己喜歡的試試，一定不會失望🤨😬必試推薦：蝦多士、海鮮🦞。哥仔手腳好快，又全程留意客人的需要，有問有答又搞笑😆🥳。其實好唔好食，睇下相已經知道啦，大家不妨試試。

星期日晚睇完戲，想搵野食。誤打誤撞下，竟然撞中呢間好野👍🏻店內裝修無咩特別，但坐位都唔舒適，唔會太迫。同朋友兩個人，order 左10幾款串燒（無影晒相）。每款都燒得岩岩好，好入味，唔會只係食到調味粉味，食物原味都仲保持到。只係串牛舌燒得乾左D，其他都好好味。另外叫左個麻辣花螺$98，比其他串燒貴小小，但份量好多，兩個人完全食唔晒。味道好好，但有D鹹。真心推薦呢個牛油金菇！！牛油味好香，好好食！一定要試😍😍另外想講，呢間店既服務員態度好好，又細心，提左我幾次小心D頭髮掂到食物，又會同客人講笑，令氣氛好好👍🏻溫馨提示：呢間店既特別之處係每檯有一碟泰式醬，一定要沾！！！完全係另一個食法😋

今日收工前收到朋友嘅電話☎話係太耐冇見，約出黎食宵夜甘原本就揀左食糖水🍮食完都覺得唔係好過癮，於是就講左句，好耐冇食燒烤，朋友就話附近有間燒烤店唔錯，於是就黎左試下！我地幾個都幾大食下，點左都唔少，中意食海鮮嘅我，魷魚必叫🦑辣酒煮螺🐚燒烤又點少的燒雞翼🐔燒菠蘿🍍等等等候時間都唔算太長🕰估唔到味道都唔錯👍🏻又唔會燒到濃曬！推介辣酒煮螺⭐⭐⭐⭐⭐好好味，螺肉都算新鮮，又唔會霉，中意食辣嘅朋友必點，辣的好惹味🌶🌶🌶好好過癮，而且分量都唔少，食完唔夠喉，仲打包左份翻屋企比老媽子試下🤤🤤🤤其他食物質素都算可以，唔會太差。燒菠蘿🍍都幾甜下，不過茄子🍆就覺得一般般，唔係好夠味之餘，仲有啲唔熟😑😑😑總體感覺都唔錯，會有下次😋