好燒式串燒專門店 (砵蘭街)

營業中

休息中

之前經過砵蘭街，次次經過呢間串燒店都會見到有人係到等位，跟住次次都會同友人講下次一定要黎試下，今晚終於都黎食啦!餐廳唔算好大，但店員服務都很好!看看點餐紙，樣樣都好似想食咁，最後就揀選了幾樣試下!蒜蓉燒蠔($32/隻)，我同友人都係蒜蓉怪，呢度既燒蠔上面有爆多蒜蓉，啖啖生蒜味，真係好正!蠔肉多汁飽滿！雞中翼($18/2隻)，雞翼佢有全翼同埋雞中翼揀，為左唔好食到成塊面都係，所以揀左雞中翼食!雞翼肉質嫩滑，有少少孜然粉同辣味!牛丸($16)及墨魚丸($16)，食串燒真係唔知點解好中意食丸，特別好食D。個外皮燒到脆卜卜，又有調味料，特別惹味!燒茄子(原條)($32)，燒茄子又係每次必點的。茄子原條攤開上特別有霸氣，而且好似好健康咁!茄子又係有好多蒜蓉，而且原條的話可以用筷子一條條咁撕出黎，特別過癮!飲品揀選了王老吉($14)同埋津路烏龍茶($15)，兩者都係食串燒的好良伴。總括黎講，因為第一次黎食的原故，食物點了小辣，個人覺得就唔係好辣啦，下次可以點中辣!同埋要再試下其他野食!

難得早收工，可以約朋友岀旺角行下街。行到攰攰哋，想坐低抖下兼食啲嘢，lunch食得太飽又未食得落晚餐。朋友於是提議搵間串燒食，可以一路吹水一度食。行過lee間嘢，見價錢唔算好貴，一於就入去試吓。難得佢有鹽燒大眼雞，即刻嗌啦！！個伙計都好好咁提我話今日多人嗌大眼雞，要等耐啲。反正唔趕時間，可以食住其他嘢等。之後再嗌咗雞脾菇，牛舌，牛肋串，同羊扒。穩陣起見，全部嗌咗小辣。雞脾菇，唔會燒到好乾，又唔會太鹹冚曬啲菇嘅味牛肋串，唔單止有肉汁，仲要唔韌。羊扒(其實應該係羊架)配薄荷醬，羊唔會好羶，中間仲有少許粉紅色牛舌，通常都會燒到好乾，但係lee度係燒到岀面脆入面嫩，好似煎香嗰面。鹽燒大眼雞，起定兩塊魚皮，鹹鹹哋之餘，可以好似燒魷魚原塊食，夠味又香脆。魚肉唔會好乾同好“鞋”，仲要條魚唔細條，兩個人食啱曬

串燒都幾多款，肉類，蔬菜，海鮮都有。串燒叫左小辣，等左唔算奈就到，佢一碟上幾樣岩岩燒好既野食。必食既燒9菜🥬，okay，不過我自己就鐘意多小小汁同香料，唔算超入味。另外試左menu 推介既燒豆腐（左一）唔錯，外面脆脆地甜甜地既汁。試下都可以。中間3樣分別係（左二）黑毛豬肋肉🐖，牛舌🐂同安格斯牛肋肉🐂。豬比軟好味，好軟熟同小小肥👍🏻而最差係牛舌，有一兩件比較乾同鞋。燒茄子🍆🔥唔夠多款同蔥，一樣多d香料會更入味，小小失望😞燒蠔（蒜蓉燒）外面燒得比較微微金黃色，比起之前食既燒蠔比較乾身挺身，不過蒜蓉蔥辣椒似乎唔係一起燒，只係放上去，所以同味道係分開，無平時蒜蓉海鮮既香口，小小失望😞叫左一枝Asahi大啤，加埋一，埋單二百幾。唔太飽但都唔知叫咩野食好，所以就埋單走。

以前讀書時期經常來油麻地這邊這裏有好多小店 當天就來到好燒式這裏主要是吃串燒 但它的西餐也很有名店舖挺整潔的 餐單上的海鮮是時價 可以問問店員或看牆壁上所寫的價格串燒豆腐（$16）：豆腐size不小 有三塊 上頭已經有點燒汁 表面較脆 裏頭還是挺嫩的鹽燒牛舌串（$26）：每塊牛舌都好厚 啖啖肉 一咬下去很濃的牛味 鹽只用作吊味 不搶走牛原身的香味雞軟骨（$16）：量比一般的雞軟骨串多很多 口感好羊肉串（$18）：孜然的味道和羊很搭 羊肉還保留肉汁燒雞胸軟骨串（$25/2串）：軟骨的部分軟薄和爽脆 又有雞胸肉連着 肉和軟骨相隔 有兩種滿足 喜歡各類燒蠔（$32 可選白汁芝士、煙肉、蒜蓉或什菌）：和朋友一人叫了一隻 選了煙肉及蒜蓉配料的份量很多 佈滿蠔的上頭 味道濃郁鹽燒馬友（$100-140）：當日叫是$108 烹調的時間較長 可早點下單等熱騰騰地上菜 還冒着配檸檬汁較清爽 肉質滑嫩韮菜（$16）：韮菜十分入味 而且份量也多泰國露荀及泰式燒豚肉（$19及$38）：兩個都是點了一份的份量 但可見還是很多配有泰式辣醬 用來點豚肉 泰味十足 肉質嫩滑蒜蓉燒茄子（$32）：可選擇切片燒或原條燒

好多串燒舖頭啲蒜蓉包會好Hea但係佢呢個蒜蓉包好出色外面好脆 蒜蓉味好重 又好平每份串燒都好多肉 好抵食不過晚晚都好多人排隊肚餓嘅請留意 要預返時間排隊1個鐘黑松露芝士薄餅都好特別因為出面好少串燒舖頭會做趁熱食 可以拉芝士 黑松露味好夠

宵夜最中意食串燒，貪佢細細串唔會好飽。知道旺角新開左間串燒店，一於今晚收工就試下！除左常有既串燒食品，仲有海鮮，小食同意粉提供，聽聞老細之前係做西廚架所以意粉都好高質素，不過因為今晚唔太餓所有無試意粉。餐廳唔算太多、大概有十張檯，入座時無咩人，坐左陣就滿哂！啤酒係串燒既絕配，一於啤一啤佢燒茄子，可以揀原條或者切片，我就揀左原條，茄子上灑滿調味粉，不過份量剛好唔會太濃味。串燒豆腐，豆腐炸過再搽上醬汁燒，外脆內軟，醬汁酸酸甜甜好醒胃燒牛舌咬落好腍身又重牛味，而且份量慷慨岩哂我呢個牛肉麵舌愛好者另外叫左店鋪推介既黑毛豬同牛肋串，豬肉既串燒好易會燒得鞋口，呢度既火喉就控制得岩岩好！入口仲好嫩身！牛肋串肉質鬆軟，必叫！多春魚唔會燒到甩皮甩骨仲有一定要叫串燒菠蘿，店鋪好細心已經切好一舊舊，方便食用，好甜！叫左十樣野加啤酒都係三百蚊有找，一定有下次

難得喉嚨痛好番 即刻又要去食最喜愛嘅燒烤店😆好懷念之前黎嘅所有串燒 原本諗住試下太子分店但太full唯有番去旺角店每次見到咁多選擇都覺得好難揀🙈Book左六點🤣所以唔使等位燒豆腐 豬頸肉 厚厚牛舌仲有雞脾菇☺️☺️全部都燒到好juicy😋😋今次揀左原味 特別係豬頸肉 非常香甜可口 仲額外揀左粒燒芝士 當作飯后一點甜今次都有叫到每次黎都要食嘅例牌燒脆肉瓜😻成條切片 但我發現脆肉瓜加孜然粉更惹味😏燒鱔第一次試 朋友都讚口不絕🙀當然唔少得成條茄子！水準不減😆隔離台叫左一人一條😂呢個豬仔脾食埋就岩岩好fill in我地成個胃 肉質偏向挺身 相信同豬仔嘅運動量有關😂😂下次要去太子店試試😁😁

七點零鐘6個朋友黎旺角搵食，見到呢度幾多選擇🙈🙈 睇真係menu，除咗各種串燒之外，仲有其他唔同嘅主食😳😳😳 諗住就算食串燒未必飽，都可以用意粉頂下肚。 所以就入咗嚟食呢間好燒式。串燒都唔錯，燒得幾好😎😎 起碼唔會太熟或者燒燶曬😂 配埋啲醬汁酸酸味味又得，又可以加辣，都幾惹味燒物份量都okay。不過絕對唔建議食意粉，佢聲稱係酒店級。但係賣相同味道都強差人意，我地六個人食一碟都嫌多💀💀💀

好燒式係我同男朋友最鐘意既串燒舖🍢，事緣有次上網google串燒舖就搵到呢間🤣已經幫襯過幾次架啦，不過個時未開始寫食評，所以到而加先補寫。今次我地又黎食好燒式，好彩都仲有位，唔洗等就可以入座。今次都係嗌左好多之前試過好味既串燒，再加一啲新嘗試😂。雞翼、雞軟骨、雞腎、多春魚、魷魚鬚⋯⋯呢啲平時都嗌開，燒得好正，好香～！日本年糕係本人最愛🤣，煙煙韌韌！👉🏻 牛油金菇包呢個必食！牛油太香啦😭真係好好味！👉🏻 韮菜｜翠玉瓜韮菜又係燒得好香😭👍🏻（題外話：我整跌左一舊翠玉瓜，侍應哥哥即刻幫我清潔番個地下，真係唔好意思😫但佢地服務真係好好）👉🏻 菠蘿｜朱古力香蕉菠蘿好甜～朱古力香蕉就第一次食，侍應哥哥上碟個陣仲提我地要襯熱食👍🏻！但我覺得就普普通通，係熱既香港加朱古力醬⋯😂👉🏻 芝士墨西哥薄餅呢個又係我地必嗌，因為淨食串燒食飽都唔少錢，所以我地會嗌個薄餅墊底先🤣因為舖頭大細所限，要比個位比啲book左檯既客，我地食食下要轉位（之前食都係咁），所以有少少麻煩～但不得不提，好燒式既服務真係好好，侍應哥哥仲同我地有講有笑😆！

同呢朋友黎吹下水飲下冰凍啤酒不知幾爽，我朋友介紹呢間好燒式D串燒唔錯，咁我同朋友去試下，地點又不遠，都係喺登打士街附近。【青島啤酒(大)】一去到舖頭點都叫支啤酒嘆下，一飲入口非常冰凍，超正!!【黑松露什菇墨西哥薄餅】我見好多人都會叫呢個薄餅，咁試下這個薄餅先，餅皮好薄，食落仲好香好脆，而且用料十足，加上每一啖都有濃郁芝士同黑松露味，熱辣辣，我非常喜歡這個，值得推介！【左起：泰國露荀、安格斯牛肋串、鹽燒白鱔、串燒豆腐】露荀：細條幼身版，但勝在爽口無渣，燒到剛剛好。安格斯牛助串：肉質非常之香又好嫩，食牛的朋友呢個不錯。白鱔 ：超肥美多肉又有魚油香，外皮勁香脆肉質勁彈牙，不過係多少少細骨。串燒豆腐：外皮香脆，豆腐嫩滑，食落甜甜辣辣的，好香口，好有口感。【上：鹽燒牛舌串、雞全翼】牛舌：牛味十足非常𣺉身，這個都是唔錯的選擇。雞全翼：都算大隻，燒得皮脆肉嫩，又帶點小辣，令胃口大開。

一早知旺角有這家串燒店，但一直未有來試。今次試後就後悔...太遲來了，哈哈。友人一早便致電訂座，所以不用等，店員一早便安排好位置。打開餐牌發現除了串燒之外，還有其他選擇，點了白酒忌廉煮澳洲藍青口，無渣，好吃！估唔到串燒店能吃了這水準青口。重點推介一下，串燒豆腐，有種類似食臭豆腐既感覺，但不臭，表面加左蜜糖，正。另外鹽燒白鱔還有安格斯西冷，鱔皮燒得香脆，安格斯牛味濃郁，叫了5成熟，沒有太多肉汁流出，肉汁保留到肉內，不錯。煙肉燒蠔，其實幾款燒蠔都有試，個人喜燒這款。燒年糕平常少吃，因通常都感覺比教乾，但這次沒有這感覺。坐得比較近門口，一路食一路聽到電話訂座沒有停過，但店員幾忙都好，都會介紹太子分店就開幕，找機會都會去幫襯吧。

在附近放工，所以相約了友人來這間試試，吃一吃串燒。我們7點多來到，幸好不算太多人。我們先點了鹽燒牛舌串、安格斯牛肋串、豬頸肉串。牛舌十分爽口，牛肋串也燒得剛剛好，豬頸肉串脂肪比剛剛好，都燒得很香口。我們又點了兩隻蒜蓉燒蠔。燒蠔十分大隻，而且蒜蓉鋪滿在上面，蒜蓉味十分濃郁。我們又點了燒雞全翼。燒雞全翼調味得十分好，而且咬落很juicy。我們又點了一份香煎鵝肝配紅酒汁。煎鵝肝份量十足，而且很肥美。麵包也焗得很香脆。煎鵝肝加上脆麵包一同吃，十分滋味。我們又點了西班牙黑毛豬肋串和鹽燒白鱔。豬肋串燒得很好，肉質燒得不淋也不會硬。白鱔也很爽口，我朋友搶住吃呢。我們再點了一份龍蝦汁大蝦意粉。大蝦肉質彈牙，意粉得龍蝦汁味很濃郁，十分大驚喜。今天真的很滿足，很久也沒吃過這樣出色的串燒。下次會再來試試其他串燒。

好燒式口痕想食宵夜，就黎到呢間好燒式，上網話係由細鋪變大鋪，咁就黎支持下。鋪頭有好多款的菜，還有一些是不在菜單上的新推出菜品。 有蟹肉多士，可惜朋友不吃蟹，不然一定會叫一份嘗嘗。叫了燒雞翼和蒜香蠔，好有d 大排檔風味，上到黎食指大動。再上來有香噴噴的黑毛豬豚肉串，豬頸肉同牛舌。豚肉串好香，肉汁重。 牛舌厚身，外面小脆而內軟。 豬頸肉肥美，加埋泰式辛辣醬啱啱好。無咁膩。再來豬肋串及白鱔，白膳仲有鱔肉果種滑身的質感，魚皮勁脆又簿，完全無骨。豬肋串肉質較硬身，肉味重，無咁油。感覺係呢到嘅串燒調味料不重，是吃到原材料的味道。全部食材無類是肉或海鮮，都是外面小脆而內里有足夠水份，體驗到師傅功架。鵝肝不得不提。比酒店的更好吃，仲有份量大。比一般餐廳的掋食勁多。油分和多士簡直perfect match. 食完仲可以食一邊的salad 和小蕃茄解解膩。最後，友人肚餓，叫了個上網話有酒店水準的意粉，龍蝦汁意粉加大蝦，賣相已攞十分。先嚐一啖，意粉熟的程度剛好，保持著足夠咬口。龍蝦醬汁濃，香口，再加上大蝦，成餐都好好味。加埋個凍啤，正。

美食總是需要四處尋訪，經過這街，看這家人頭湧湧，想必有人氣。每枱客人都點了滿桌子的，應該也是信心的保證。沒猶豫地點了串燒必吃的牛舌、雞泡魚乾和燒菠蘿。當然也要啤一啤。這家店也挺特別，還有泰式美食跟西餐呢，當然要叫上我的最愛泰式鳯爪嘗嘗。雖然看到鄰座的蜆肉意粉很吸引，蜆超級多，但肚子實在不夠空位，下次吧！這鳯爪絕不欺場，份量足！不會像平時的只有四五隻，而且味道真的吃得出層次，新鮮的蕃茄味，我相信可能加了些薑末，加上辣椒，辣得來十分惹味，超級推介！！如果不是我不愛吃洋蔥，一定清盤了。雞泡魚乾甜甜的，送酒棒。牛舌非常juicy,外皮燒得有一點脆脆的，正！菠蘿跟魷魚鬚和小年糕也不負所望。不得不推介這茄子和豆腐。平時我都不敢點燒茄子，就怕吃得一口蒜，但這燒茄子片，燒得香脆又多汁，加上點點孜然和辣粉，真的令人停不住口。看這燒豆腐，一點也不乾，吃下去仍然嫩滑又有豆味。這家串燒認真高質，怪不得還開了分店下次就可以去太子的試一下了，近一點又方便！一定要再來！

一同三人，再次去旺角的好燒式串燒專門店💁🏼‍♀️💁🏼‍♀️💁🏼‍♀️食得豐富，加一服務費，人均消費$200.3～～（找數$601）黑松露什菇墨西哥薄餅（$42）：首次食這種黑松露什菇墨西哥薄餅，cheese 好多好多。cheese 有拉絲效果，喜歡 cheese 的人應該見到會愉悅尼🍕🍕🧀🧀🧀蒜蓉包（Garlic Bread）（$34）：包有蒜蓉味，包裡面幾軟身，包面就脆口，旁邊一整舊蒜頭我都有試，比較軟身，沒有生蒜的辣，但有蒜味。聽講食蒜會殺菌，所以就食多幾粒蒜🤭🤭🤭加多寶（$14）：正常，平時便利商店買的～～～罐裝。鴻福堂涼茶（Hung Fook Tong Tea)（$15）：正常，平時便利商店買的～～～支裝。鱔（$42）：有少許鱔的軟骨。配餐廳的酸辣汁幾惹味🍴～～一串有3件～～牛肋串（$20）：有牛味，肉質彈牙，有咬口🥩🥩炭燒牛舌串（$26）：這個最愛，好軟，好嫩，好滑，好味道。👍👍♥️♥️煙肉露筍（$18）：一串三件～～煙肉配露筍，從來都味道可口。煙肉本身自帶鹹鹹的，肉味濃，配上露筍，🥓🥓🥓怎樣燒都好食。羊肉串（$17）：羊臊不太有，幾好🐏🐏羊肉有咬口，聽講冬天食羊，怕凍的人都會不怕凍😆