好麵線

營業中

休息中

同事買過好麵線嘅外賣之後讚不絕口，我呢個業餘食評人當然要去一探虛實。可能因為附近學校放暑假，所以就見唔到同事所講座無虛席嘅畫面。一入去見到得小貓兩三隻，仲以為自己去錯地方雖然有唔同嘅套餐可以揀，但因為我唔太好出面啲豆漿，又想揀多幾個餸，所以我都係就咁叫小鍋。上次同事話我知有鴨血食嘅時候，我已經好興奮！所以諗都唔洗諗就揀左嫩滑鴨血，再配搭多兩個清啲餸—竹笙同海帶結。湯底方面有4個選擇：上湯、清水、酸辣同麻辣。由於我第一次試呢間店，所以辣度方面唔敢太進取，今次就試住小麻辣蕃薯粉先。蕃薯粉係屬於粗身嗰種，食落幾滑同有韌勁。湯底就係清湯再加一啲麻辣汁，唔似平時成碗都係紅油嘅麻辣湯底，相對比較清淡，無咁重口味。不過小麻辣就真係唔夠辣，連我呢個唔係好食得辣嘅人，都覺得一啲都唔夠辣。鴨血食落真係嫩滑，海帶結食落口感都好好咬口。湯底肉碎偏少，所以就冇為湯底加分。整體黎講，味道未至於驚為天人，但個湯底清清地無乜味精，食完全日都冇口乾，配搭嘅餸幾特別，有平時少見嘅鴨血、海帶結、鵪鶉蛋等等，係大型連鎖米線店以外嘅好選擇。

本身都好鍾意食米線呢間係油麻地警署隔離嘅自家經營麵店，都係連鎖米線店以外嘅好選擇好麵線主打四川米線同紅薯粉，亦有好多其他小食選擇每次嚟到呢度一定會食番薯粉同米線價錢一樣，而且口感滑溜，咬落煙韌個人鍾情於佢嘅酸辣湯底微酸帶辣，當中嘅酸菜更加係非常開胃今日叫咗佢嘅一人餐，包一碗米線連$6餸、當日特選嘅特價小食同豆漿一支紅薯粉配酸辣湯底係至佳配搭今日嘅特價小食係涼拌青瓜，青瓜係新鮮青瓜上面放上蒜茸醬，因為青瓜冇事先醃製，所以唔入味而蒜蓉醬都只係生蒜再加啲食油，食落只有蒜頭味，而且略嫌油膩，令人失望儘管青瓜麻麻，但呢度嘅米線始終對比起連鎖店仍保留一種特別嘅風味，有時食厭連鎖米線店，都會好掛住呢度既酸辣蕃薯粉

我係超級米線粉絲, 行過喱頭, 見到得食喱類嘢,即刻仆入去下午3點左右,都仲有幾多人喺入面,平時我就一定會叫米線,但嗰日唔知做咩心思思想食紅薯粉,所以我就叫左鮮牛肉,羊肉片,手工水餃紅薯粉,叫左大辣,湯底屬重口味嘢,辣味都夠,仲有勁大陣羊味,但個人覺得紅薯粉可以煮耐少少, 每樣餸嘅份量都幾多,牛同羊肉都ok,但水餃就一般,同埋唔知點解偏甜？！我男人就叫左鮮牛肉,腩肉同肉碎的酸辣米線,我試左啖他嘅湯底,都唔錯嘢飲方面就叫左一支白豆漿同一杯甜檸茶,賣單一百二十幾,應該比出面嘅米線貴少少,但就好大碗都都幾好味如果經過開喱度想食嘢都值得一試

有一間米線， 它沒有分店， 已經開了十年， 好食過大型連鎖米線， 就是位於油麻地百老匯電影中心附近的好麵線。特色之一是湯底分上湯，麻辣及酸辣， 三樣湯底各有特色， 分開大中小，小小辣。 我最愛它的煙鴨胸配餸。下午茶時段有折， 穿校服者有優惠。以前它的價錢比較大眾化， 經常座無虛席要搭枱， 現在兩餸米線差不多要40蚊一碗， 夜晚時段入去都有位坐。 有時佢星期六或日門口貼上休息， 經過想吃也吃不了。它新開店時湯底濃滑，而家遜色了很多，仍比湯粉開嘅湯底好。

Yeah! 開大食會了🎊🎉🎏～最愛大酸辣紅薯粉+蒙古羊片+海帶結🤤🤤🤤酸辣的湯底完全入味+惹味🌶仲要配埋燒茄子同手撕雞～巧無敵的說！---------------------好味指數😋：8.5/10翻啅指數🙆🏻：8.5/10人均消費💰：10-99服務態度👨🏼‍🍳：7/10乾淨指數🌝：7/10

中午刚住好酒店，有点饿，就跑出去找吃的，走不远就有这家店，就进去了。由于带着小孩去的，老板还专门给小孩拿了几颗糖，面的味道不错，尤其是泡椒凤爪，很有劲。人很多，整体还是不错的。

晚餐後趁住去睇電影，同朋友叫左個二人套餐，同埋兩支豆漿，口水雞同米線都十分足料之餘，味道都非常不錯！兩人埋完單都係七十元而已！簡直係平靚正啦！👍大有機會成為在油麻地睇戲前的飯堂呀～

約了朋友在油麻地等，大家都未食lunch原故，所以便在附近找間食店，經討論後，大家一致想食米線，'由於附近有兩間朋友認為都算好食，一間是好出多--譚X,另一間就是好麵線。由於譚X經常幫襯，所以今次就試這好 麵線。這間店附廟街大馬路，不難找，舖頭不算大，我們一行人8個坐幾張雙人檯，都算坐得辛苦。由於跟其它米線點餐一樣，我便點了BB辣雞肉餃子卤水蛋，加杯凍檸茶。太太就點了BB辣肉片卤水蛋。品道方面，BB辣也不講笑，絕對是麻辣，食到我滿頭大汗，不斷飲野及抹汗，食完真的用了整包纸巾。至於餸菜方面，本人覺得肉片很新鮮，厚薄適中，食落爽口。餃子就一般，但卤水蛋好食，調味一流，食落很好味。BB辣已辣到滿頭大汗，相信大辣絕不講笑肉片好鮮，味道一流青瓜渗滿辣汁，開胃白雲鳳汁麻嘛，咬落没有味道，下次試第款。整體而言，價錢雖有點貴，但味道一流，可有下次。

公司在附近，學生很多，因學生餐特平。我，最愛這裡的串燒（雞腎）香品，有辣和不辣。米線方面偏軟身，我比較愛吃紅薯粉，彈牙。酸菜為配菜，甜甜的，味道很好，小酸辣湯也濃郁。這裡的口水雞是两隻雞脾組成，可試！餃子普通。

雖然未至於好食到叮一聲，都屬於水平以上！但受到熱情老闆，同佢既份量係值得推介！一入去座抵，老闆就好耐心推介招呼。圖為二人份量過橋米線$80 （轉左麻辣不用加銭） 一定飽，仲有其他不同特價野，如$3 特價飲品 $20 小食 ，不過今次飲杯特價$3 凍檸茶 好似紙包維他倒出黎甘😂 但主角米缐係好食既，麻辣幾似樣，唔覺好味精 ，食完唔會好囗乾米線餸新鮮同足料 ！眼見其他人的一人份量米缐都好大碗！再去要試下個毛血旺先得！😋

因為公司系附近，經常黎呢度食，12時多至1時最多學生。最好避開人潮，本人覺得肥牛和紙菜配搭的酸辣米線最好味。不過今日d肥牛熟得熟了點，不過湯底仍好好味。服務態度也幾友善的。

好耐冇幫親呢到既米線啦，今日lunch再尋回當年既味道，通常我都鐘意叫外賣返公司食，感覺一個人係外面食好孤獨天時地凍最想食熱辣辣既米線，再配埋麻辣湯同鴨血，正呀 。返到公司一打開個蓋，D麻辣味就飄出黎，叫左小麻辣，雖然個湯睇落唔係全紅，但其實飲一啖都真係好辣嫁。米線夠哂滑口，唔會煮到一D硬一D淋，而且份量仲好多，每次既餸我都只會揀鴨血，口感超嫩滑，同豬紅好唔同，麻辣湯+鴨血真係絕配，超正 。食完當堂暖哂

當日正好放假，而又去了去玉器市場逛逛。下午時間三點多，正好肚子餓！所以行行下，隨便搵間食的，醫醫個肚。就這樣見到這家「好麵線」，終於就入去碰碰運氣。麻油手撕雞拼海蜇 HKD 28.00原本是HKD 35.00，但不知是否跟餐有優惠還是改了價錢。個人覺得這個手撕雞一般，麻油味不夠香，而且食落口很油，所以覺得一般而已。小鍋（嫩滑鴨血，鮮金菇，紅腸，鹽水豬肚）HKD 44.00揀了最小麻辣，原來真的是很少辣，所以喜歡辣一點的、可以由小辣開始試。薯粉比起平時食開的，偏稔，但仍可接受。鹽水豬肚，金菇及紅腸都OK，沒有甚麼特別，大路貨。另一份要提的是鴨血，第一次在香港吃鴨血，原來跟台灣的不一樣。他們家的鴨血感覺比較新鮮，咬落口真的很滑很像豆腐，鴨血本身是有一種比較重的血味，但因為浸過湯，所以沖淡了那份血腥味。所以我覺得做得不錯！半價凍白豆漿 HKD 6.00不錯，不會太甜，豆味雖然不濃。是日特價飲品 HKD 3.00見佢3蚊特價，所以買來飲下。點知中伏了！這杯是金桔蜜，但完全無蜜味！係完全！根本沒有加蜜糖⋯飲清水都比這杯金桔蜜好飲⋯其實食物是不錯，但是那杯飲品令我覺得是一大伏⋯到底是真的無味？還是

距離《比海還深》開場時間只有40分鐘，想要想吃個午餐，就吃酸辣米綫。而且太急趕，想叫魚腐也叫錯了腐皮。本來覺得湯底不夠好，米綫又未能吸到湯汁的味道，就像是分開灼好，要上枱時，才加湯。所以本來對它的觀感十分差，只權作飽肚就算。後來，一路吃下，竟發覺它慢慢蛻變，原來是酸瓜片味道逐點滲出，和米綫亦儲夠湯汁，才令整體漸入佳境，還比一般的酸辣米綫來得較清。(其實，一般都的會有強烈味精感覺)。在納悶，為甚麼連吃米綫都會有種等待花開的感覺。或者，是吃慣了速食，要求快，也太快下判斷，差點忽略了它的自然。Ps: 同行的朋友試為它味道不造作，而酸瓜亦比平常的易入口，不會太鹹。有種電視劇塑造女主角的手法也是類似的，一開始把她裝得奇怪/醜，然後再逐點改造，讓觀眾不自覺的看她愈來愈順眼。最後，即使她變美了，但也保留一種與眾不同的氣質，如果男主角看得太快把她錯過，就會從此失去一段美滿情緣，卻令男女主角有種識於微時的感情，即「Hey, 在我還是醜小鴨時，你已經珍惜我，你對我太好了！」，順便描述一段不是以外貌得來的浪漫故事。

眼睛看過《少年滋味》後，輪到嘴巴品嚐五味。來到附近的好麵線，兩個人以$110吃了一個溫馨二人餐，吃得飽飽的。食物包括：樽裝鮮豆漿：豆漿要了一黑一白，兩者都具豆香，白豆漿比黑豆漿甜。傳統過橋米線(二人份量)：配料超豐富！有非常嫩滑的鮮豬肉片、有如打邊爐的雪花肥牛、手撕雞肉、大量新鮮腐皮、兩條如同魚蛋質感條狀的自製魚腐、既入味又腍的香燜冬菇、蕃茄、芽菜、唐生菜、韭芽、鮮金菇、六顆鵪鶉蛋等等，一共十四款，真材實料。而湯底可選不辣、麻辣、酸辣，朋友不能吃辣，於是我額外要了碗麻辣的湯底，少少兩匙已感覺頗辣極麻，正！麻油手撕雞肉拼海蜇：小食二選一，沒有要四隻烤雞中翼而選了海蜇，清涼可口，假如海蜇可以比青瓜蘿蔔更多就好了。總結而言，這個二人餐值得推介，可以一試。