妖怪 (已結業)

我嗌咗個松葉蟹肉甜蝦丼，松葉蟹肉纖維鮮明，配以赤醋飯嘅微酸更能帶出無比甘甜嘅蟹香味，一啖一滿足！😋👍🏻 甜蝦唔洗講，色澤亮麗，完全鮮甜，零雪味～🥰友人就嗌咗燒鰻魚飯定食，鰻魚份量都幾多，目測起碼有四大件，而且件件都成個丼飯盒咁長，仲好厚肉添呀😍 唔係隔離飯香，而係真係好香！一上枱就聞到香噴噴嘅炭燒味，試咗少少🤏啖啖肉而且鰻魚汁濃郁得嚟唔會過鹹，就連啲飯都好入味，好出色👏🏻今餐真係非常滿足！對於餐廳嘅各方面都好滿意❤️ 見到隔離枱啲串燒賣相都好靚，離遠都聞到好香～有機會一定會再嚟，試下呢度啲串燒🙆🏻‍♀️

見到呢間餐廳嘅雞白湯，竟然有得以涮涮鍋嘅方式享用咁新奇有趣🤣 第二日就嚟咗呢度試下喇😝呢個餐叫做濃厚雞白湯套餐—雞腿肉套餐🍗，而佢嘅火鍋配料有豆腐、冬菇等菇類同埋娃娃菜等蔬菜類，健康得嚟仲飽肚感十足！飲一啖雞白湯，濃厚回甘唔膩口👏🏻👍🏻 豐富嘅層次令人入口即刻上癮，只會一啖接住一啖咁飲！🐔經過長時間熬煮嘅雞白湯呈乳白色，香醇嘅雞湯香氣比起平時食開嘅豚骨湯嚟得清爽，能夠飲到咁溫暖嘅雞白湯實在令人感動🥹❤️ 雞腿肉肉質鬆厚，雞味爆曬出嚟💦 冬菇吸附飽滿湯汁後口感更加嫩滑，味道更加鮮香～

疫情關係，已經好耐冇得去日本🇯🇵喇😢 對上嗰次去，喺築地附近食咗間居酒屋，當中嘅刺身同埋串燒都令我念念不忘。知道妖怪嘅總廚係嚟自九州嘅大隈啓史，曾經喺擁有多間米芝蓮星級食府嘅日本著名飲食集團工作之後，決定拉埋朋友過嚟嘗試尋找令我懷念嘅味道‼️三五知己食日本菜，嗌啲串燒就最適合不過🥳 燒雞腎配上麻油大蔥汁，滋味無比😋 燒雞頸同燒雞翼外皮微脆但入口仍非常juicy😳 燒免治雞肉配上日本蛋汁，入口creamy濃濃蛋香，頓時覺得好幸福🥰 呢度嘅燒雞肉真係特別出色！真花魚蘋果木煙燻特上大拖羅 (5切) 一上枱職員會喺我哋面前打開蓋，隨即標晒煙咁非常華麗。呢個拖羅真係好味到形容唔到，入口即溶魚脂豐富，煙燻炙燒令其油香爆棚！🤤💦

今日嚟到中環搵朋友食飯，佢提議去呢間叫做妖怪嘅餐廳，話呢度嘅魚生丼好出色。我叫咗個油甘魚深海池魚丼，果然有驚喜，魚脂豐富，肉質鮮甜。尤其係燈光下，見到魚肉纖維幼細😍 啲飯就粒粒分明，黏度同軟硬度適中，食得出係上乘嘅正宗日本珍珠米，食到好滿足🥰👍🏻朋友就叫咗個松葉蟹肉甜蝦丼，面頭滿佈蟹肉，鋪到見唔到飯！蟹肉鮮甜多汁，帶有少少海水嘅鹹而且一啲都唔乾身👏🏻🤩 甜蝦有成隻食指咁長咁大隻，帶有濃厚芳香嘅蝦味，入口甘甜又彈牙👍🏻👍🏻 呢度嘅刺身水準非常高，環境闊落且望到中環高樓景🌃 座位寬敞又舒服，侍應態度友善，絕對值得我回頭嘅餐廳💯

免治雞肉串火喉控制得好好，外皮香脆內裏鬆化，配上香濃嘅醬汁令人回味無窮，沾完月見🥚再食味覺更上一層樓😍👏🏻稱草煙燻鰹魚（5切）一上枱煙燻味香到不得了！味道層次豐富，肉質鮮嫩柔滑🤤👍🏻特上中拖羅•拖羅蓉丼嘅拖羅肉質特別肥美香滑，簡單配上白飯，加上少少蔥花同刺身醬油，就係人間美味！呢度嘅拖羅丼真係好食到返唔到轉頭😍😋萬緣寺青椒肉厚，爽勁十足，更充滿潤澤嘅水份。鍾意食椒類嘅朋友們有福了🤩🙌🏻鹽燒鰤魚鮫外層燒到金黃色十分香脆，魚肉卻依然鮮嫩😳👏🏻 魚鮫嘅油脂經備長碳燒烤而變得甘香豐腴🤤 佐酒一流！

今日午餐去咗呢間叫做妖怪嘅餐廳🍴，午市有多款定食，而且跟餐附送前菜、味噌湯、漬物同埋沙律🥗 知道呢度出名串燒，尤其係烤雞肉串，咁梗係嗌個燒雞定食啦🥳 又有得試招牌菜式，又有飯食夠飽肚，一次過滿足晒我兩個願望😍前菜都絕無嬉場㗎，漬物酸酸鹹鹹勁開胃，味噌湯配上海帶、京蔥等用料十足非常鮮濃，唔會好似坊間嗰啲即沖粉開出嚟咁死鹹👏🏻👍🏻即叫即燒，送到嚟仲冒緊煙㗎🥰 冇諗過午市個份量會係咁大，燒雞有成八舊😱 另外配菜都唔少㗎，唔好忘記餐前仲有前菜嗰啲添呀😳 雞肉嘅肉質鬆軟，配上鰻魚汁同紫菜絲等調味，甜甜鹹鹹惹味到極！食晒真係飽到不得了，但超級滿足🙆🏻‍♀️❤️ 就係鍾意定食呢樣嘢，乜都有得食😍 $260有咁多嘢食之餘，仲要每樣都咁好食，真係CP值爆錶呀‼️

七款刺身拼盤油甘魚🐟鮮味十足，脂香充沛👍🏻 赤蝦爽滑彈牙👏🏻 海膽質地軟滑，入口香濃又唔腥，好好味😋寒鯖魚一夜干我自己嘅食法係會從魚骨落手，將魚骨成個挑起！😆 魚骨上面黏住一層薄薄嘅魚肉，而呢個位嘅古早味特別濃厚！魚肉緊實飽滿，味道越嚼越香😍🤤三文魚子冬菇呢道菜個賣相好得意，冬菇就好似個碟咁裝住啲三文魚子🧆 一粒粒嘅三文魚子喺口腔入面爆發，鮮味湧出😋 燒冬菇嘅火喉控制得啱啱好，菇香滿溢冇苦澀味～萬緣寺青椒🫑清甜多汁💦 配上鰻魚汁同埋灑上木魚絲，滋味到爆😍炙燒明太子外表睇落去就好似一條雞肉腸，師傅仲好細心咁切咗幾刀等佢更加入味👍🏻 火燄炙烤過嘅明太子味道更有層次，鹹香十足🥰👏🏻

今日嚟到妖怪，為嘅就係佢哋嘅濃厚雞白湯拉麵🐔🍜先試一啖全雞熬製嘅湯頭，湯汁🥣濃厚香味十足，每一啖湯都充滿濃濃嘅雞肉味！日式溏心蛋口感Q軟，一咬落去，鮮黃色嘅蛋液即刻從濃稠嘅半熟蛋黃中流晒出嚟，實在太銷魂！🤤🙌 覺得口味太重嘅朋友，都可以將搭配嘅溏心蛋同高湯一同攪拌，濃郁嘅湯頭就會更加順口，仲會多咗一股清新嘅蛋香添！特製嘅舒肥雞叉燒，利用低溫嘅方式長時間烹調雞肉，以保留雞肉最原始嘅鮮美，肉質鮮嫩滑順😋 配上口感彈牙嘅拉麵🍜 實在太美味🥹👍🏻另外附送嘅沙律🥗都幾足料，新鮮又爽口。果然係味如其名，的確濃厚非常，令人愛不釋手😍🤤🤤

聽講呢間以妖怪為主題既日本店 刺身好出名，😋它位於中環鬧市，環境舒服又特色。🎃👻今日過嚟試嚇，確實唔錯。我叫左特上中拖羅•拖羅蓉丼，區大大碗，🍚🍚都好足料，D拖羅都好新鮮，每日新鮮運到製作，🍣👏🏻系誠意之作來。作為刺身狂熱愛好者，我中點左7款刺身拼盤，一次過滿足我7個願望。🍤😍D 生蝦好creamy好甜，仲有我最愛的海膽，🥳其他刺身都好好味。食完甘多生野，🐔叫左個串燒雞翼，都好野味，熱辣辣、蔔蔔脆，再配埋椒鹽，真系好滿足的一餐。極力推薦中意魚生刺身既朋友來探店，🍣🍣會有驚喜哦！：）💯

話說日日係街市2餸飯食到厭，😕心血來潮想食個魚生刺身，🤭😍走左出中環呢間妖怪餐廳食。仲要價錢好合理，環境都幾舒服。🤤我叫左個Lunch 刺身壽司Set，真系好多種口味可以一次試曬，有牛鰍，赤身，金木鯛，深海池魚，名鰹，昆布漬白蝦，北海道帶子，三文魚子，布甸蛋等等。🍤😏👍而且D肉都好大舊，每一淡都有驚喜，真系好吸引，岩曬我呢D 魚生愛好者。唔夠候，我仲叫左個山幸拖羅三色丼，睇個賣相都知道系良心店，💯超多拖羅，基本上見唔到飯！真系要大贊!加上呢度都算就腳，坐得舒服，下次會再光臨！🍱😎

連續幾日落雨心情差😔所以要食返啲好野開心返！今日揀左黎中環嘅妖怪餐廳食lunch，🥹🤤區系全球首間以日本漫畫大師水木茂的著作《妖怪大圖鑑》👻作主題的日式餐廳，餐廳好掛了好多水木茂老師的畫作，都幾夠特別。呢間餐廳地理位置方便，環境光猛舒服。😍總體來說，都系值得推薦的餐廳，打卡食野都系一流！✌️✌️我地點左D小食，三文魚子冬菇、特上雞腿肉還有炙燒明太子。三文魚子冬菇系一個幾特別既設計，🍣😏三文魚子夠新鮮，鹹鹹香香好好食，配冬菇竟然好夾。🍄另外特上雞腿肉，雞肉夠漲卜卜，🐔加上些七味粉微微帶辣更加好吃，而且雞肉好Q好嫩滑😆炙燒明太子都係比較少見，非常好味。坊間的日本料理比較少有👍🏻可以試下。

🤨成日經過呢間日本餐廳就聞到燒肉嘅香味，所以今日特登試下呢間位於皇后大道中的日本餐廳。餐廳環境好有特色，都系以妖怪為主題，👻睇過鬼太郎既朋友已經好熟悉。🤣🤗店內還有燈籠做裝飾燈，增添幾分情調和神秘感💯。🍱我叫左燒雞定食，好多介紹都話呢度既食材用料新鮮，份量多，坊間的日本料理比較少有👍🏻果然名不虛傳，我呢個飯真系好大盒，雞肉卷仲要系外脆內嫩，好多汁，好好味。🐔🐔D飯軟硬適中，真系食到好飽。👍下次再來試下其他串燒和刺身，好期待下次！☎️📞

我是鰻魚控，平時中意周圍試不同店的鰻魚飯，自己都會試下整。🤣🤣👍見呢間日本野網上咁多好評，所以抱住都大期望黎試試佢。真心覺得區個鰻魚整得好味，鰻魚肉質鮮嫩，而且個汁配得好好，✔️🥘唔會太甜太膩。而且真系好多鰻魚，好足料，岩曬我呢個鰻魚控。🍱😎個定食還有配沙拉和豆腐海帶味噌湯，真系食到飽一飽。有個小小建議系啲飯偏淋，🤨如果可以做到平時日本米既粒粒分明咁會好食好多。🤗總體來說，都系CP值高的店，如果大家想吃記得提早訂位，因為都幾FULL.📞☎️

好耐沒去旅行，🍝🍝以前去親日本旅行都要試過曬當地唔同的拉麵鋪。🥲😞現在沒得去唯有系香港食住先。但系講真，香港既拉麵店好少做到日本既風味，因為個湯底真系差太遠。😵但系今次我要介紹呢間真系值得一試！😳呢間位於繁華既中環區，你好容易就揾到區，👻平時lunch time 都好多人，我試左就濃厚雞白湯拉麵。🐔就講區個湯已經征服左我，💯即刻有返去日本旅行既味道，所以我覺得呢個價錢都系值得既。😍面唔會太林，各樣配料都好夾，好滋味。😎😎順便值得一提的是，店員服務周到，店內都整潔乾淨，值得推介！💯✌️

呢排幾個月都系外賣，食到厭曬。🥹🥲所以lunch 決定同同事來吃好D！我地首選呢間日本餐廳。😍因為上個星期已經想食，但系因為lunchtime 太多人放棄左。😞所以今次提早幾日book。我同事話呢間餐廳其實開業沒多久已經排曬長龍，🤗證明品質有保證。入得日本餐廳當然要試刺身壽司Set，🍱🍱我果個set 擺盤好整齊，而且件件大小相約，舊肉大過D飯，😏😏第一行由左邊開始系中拖羅，牛鰍，赤身，金木鯛，深海池魚，🍣🍤第二行由左邊開始系真名鰹，昆布漬白蝦，北海道帶子，三文魚子，布甸蛋。一次過食足曬甘多種，真系開心曬！😊✌️最後飲埋個豆腐海帶味噌湯，真系超級飽。👏🏻👏🏻呢間鋪真系沒令人失望，唔怪得成日甘多人排隊都要食。😎👍