妹記大排檔 (已結業)

久沒有來妹記大排檔了，以前在市政熟食中心地庫時經常幫襯，事頭婆妹姐非常勤力有禮落單快靚正又 Nice ，故氣氛相當熱鬧，門口仲不時排出一條條人龍，搬過二次今日才過來回味一下，真的要好好細膩一下。妹記呢位創辦人妹姐的拼搏精神值得鼓勵！勝啊🍻好有趣的戰鬥碗，今晚就扮下江湖女俠，大家一齊飲個痛快洋蔥豆豉青椒爆香加入蜆仔，陣陣香氣惹味加滋味，令我一口氣KO 了半碟薑蔥魚雲是我到大排檔必叫一道菜，這裡除了是鑊氣外，時間都控制得相當好，魚雲上檯時仍能保持外有小小脆，醬汁剛好包實整件魚雲，咬到內層魚雲滑溜溜，一件魚雲都好有層次香噴噴排骨炒麵，鑊氣無得輸服務生隨時隨時候命！妹姐瞓身推介一定有水準招牌菜 - 原隻脆皮炸豬手，有三個人就一定要試，份量十足，今次只有二位女生就要留待下次了！

十分大失所望嘅一餐晚飯，好似趕收工咁，雖然菜色賣相唔錯，但嘅不入味，又未煮熟就咁上菜，店員服務態度差，連最基本菜式都煮唔好，都唔知佢點開門做生意1）招牌原隻脆皮豬手 - 賣相不錯，點知一食就知出事，不能咬開，直頭好似未煮熟咁，嘅不入味，又未能吞落肚，只可以吐番出來，本來諗住向店員反映，點知換來澳牛嘅態度，女店員話招牌原隻脆皮豬手，師父 2 日前已整好，根本無可能唔熟，聽到呢個對問，我哋就知今餐飯出曬事2）蠔仔煎餅 - 賣相不錯，炸到金黃色，炸粉多咗啲，有朋友食到有好幾隻蠔仔炸唔熟，有嗅味3）椒鹽鮮魷 - 炸到金黃色，有用炸蒜調味，點知食落十分乾身，好唔入味其他菜式唔洗再講都知難食，唔使嘥時間再講

間中想食下中式小菜 得兩三個人又唔想去酒樓，去茶餐廳又嫌唔夠鑊氣？終於比我喺鬧市裏面尋找到大排檔嘅風味星期五夜晚差唔多九點去到 座無虛席 好彩仲有一張兩人枱 呢度氣氛非常熱鬧<<尖椒炒豬頸肉>>一黎到已經好香豉椒味 非常惹味又夠鑊氣 送飯一流<<小炒皇>>呢個餸我每次去大排檔都必叫 呢度嘅小炒皇同其他一樣 都係韮菜花、蝦乾、魷魚等 鑊氣十足 可惜味道略甜對我呢個好鍾情大排檔嘅人黎講 呢度真係一個好選擇 值得再ENCORE!

Happy hour 之後，朋友帶我來到這裡，第一次上到呢一個地方，可能星期五晚上，感覺非常熱鬧，一張張大圓枱，滿載很多人，不過就有啲嘈，旁邊有有啲四五之己嘅細枱仔，也算寬敞，不太迫窄，但由於上到去有好多野已經賣晒，所以只可以叫到兩三味小菜，個豬手都不錯，不過主要整體上嘅小菜也是味道太鹹，可能係想刺激你口喝程度，叫多啲啤酒汽水飲啦⋯⋯

年初三，相約一班好友大吃大喝一番！假期既關係，等位同齊人入座是常識吧。等候既時間唔算好長，而且店員為我地安排左近門口既位置，遠離左較為嘈吵既人群，好適合同朋友吹吹水大講大笑！餐廳有著大排檔既裝潢同氣氛，但環境乾淨，感覺很好！戰鬥碗飲啤酒，果然夠豪氣！一行六人呢晚唔覺唔覺都入左五六枝大啤酒！今次初嚐了哈爾濱啤酒，感覺比青島要淡一些，但勝左好夠凍脆皮豬手真係無得頂！外脆內軟，皮香肉滑，唔會太鹹。有趣既係配上泰式辣醬，味道好夾，又好開胃！蠔餅又係另一傑作香脆鬆化，但油而不膩！蛋味十足，蠔既份量好足又有鮮味，拍得住潮州菜館既水準。黃金蝦。蛋黃味濃烈，蝦亦都好新鮮，味道很不錯！我地仲連埋蝦殻一齊食，非常香口但略嫌份量比較少，而蝦既size比較細，如果換上大蝦會更加正 嘿嘿炸墨魚咀。煙韌得黎又好爽口彈牙，配上喼汁，夠晒惹味！飛天通菜。好惹味又唔會太鹹！梅菜蒸菜心。好懷舊既菜式，滿滿既梅菜、菇類、碎肉淋係菜心上面，送飯一流！整體而言，朋友們都食得好開心好滿足，果然係一個好好聚腳既地方

相隔很久再食妹記，地點改左，味道仍然不錯👍食次食了幾款小菜，先來頭盤小食麻辣小雞雞，不太辣，但雞肉不滑，不推薦。豬手的皮很脆，肉質不會很乾，很美味。金沙蝦球咸旦王不夠白，粉亦較厚。鵝片會連骨，不合格。最後墨魚咀最有驚喜，脆得來亦厚肉，很美味。

今日同外國朋友食野，尖沙咀既香港特色野又要平既真係唔多，腦入面得大排檔叫做比較有特色！咁大排檔緊係食妹記啦。呢間妹記開左之後都係第一次黎食，佢有個好處，就係可以訂枱！大排檔可以訂枱真係唔多見。佢係商場5樓，雖然係係商場，但都係大排檔咁既裝修，都可以比外國朋友睇到有特色。我地一行5個人，叫左5個餸。蠔餅，黑椒牛柳粒，雞煲，黃金蝦同埋啫啫通菜煲。蠔餅，好大份，但好多粉，蠔唔係好見到..雞煲普通，無乜特別，都係咁。黃金蝦味道係okay既，但炸得唔夠脆，同埋油左少少。黑椒牛柳粒，呢個好味！仲有d 蕃薯一齊炒，配搭夠正！啫啫通菜煲唔記得影相，但火喉都ok，正常既。

位於尖沙咀 出夠平靚正，今天終於有機會由朋友帶我來吃晚飯。星期六晚上二人不用等位，即坐即點菜。小菜選擇不小，大掛檔當然是吃小炒為主，但我們共點了三個非小炒菜式。 上菜速度快到離譜，都唔使十分鐘所有菜式已全部上枱。三碟菜放係張枱後無位再放其他野, 唯有食快啲。 先吃涼盤小食黑木耳  拼 牛展展黑木耳有助降膽固醇的健康的食材，可惜不是用上醋汁，口感也略嫌硬。薄切牛展入味，微微鹵水香，夠腍幾好味。海鮮雜菜煲 味道清淡，油份不多，海鮮是用急凍海鮮, 幸好無雪味。蔬菜用上絲瓜、菜芯、生菜、粉絲等，無乜特別，幾岩病病地既我。海鮮蒸豆腐一大碟家庭size 送到上枱時熱辣辣, 獻汁多將蒸豆腐完全蓋過。口感略算滑，吃下去有微微韌性，可能是加了生炒水，海鮮同樣是用急凍海鮮，灑了大量胡椒粉來癖味，有點搶喉。 未試過小炒所以不能全部定論食物好與壊，就當晚的菜式水準只是一般罷了。 

今日約咗幾個朋友一齊食dinner，因為大家都住喺唔同嘅地方，所以就喺尖沙咀搵左呢間室內大排檔就返大家😚呢間餐廳個地址唔算太難搵，不過因為佢曾經轉左地址，就好容易同第二間鋪掉轉，我哋幾個都經過左一番誤會，先可以等到齊人落單😂😂😂喺嘢食方面，我哋每人都點左一碟自己想食嘅餸，所以total係有七碟餸，呢度有好多選擇，越多人來食就可以食到越多唔同嘅小菜，所以我哋個個都食得好飽好開心，每人都食到自己想食嘅嘢😝最後埋單，我哋每人＄105，唔算太貴，但係又食到質素唔錯既嘢食，抵呀😍

士多啤梨骨 @ 妹記大排檔用生果入饌🍓依家一d都唔出奇，而呢味士多啤梨骨係妹記既招牌，咁又試下先。淋上面既士多啤梨醬多到一個點，所以朋友們都不停點黎食😂。士多啤梨醬偏甜，k就覺得唔算話好夾啦，覺到甜得濟有點搶fo ，但朋友們就食唔停口😂。不過豬肶骨就炸得幾酥脆，又唔會好油膩。 … . Ps.原來尖沙咀呢間妹記都幾大間，不過就幾嘈下😂，要傾計都要叫大聲d😣。

今日出左尖沙咀搵朋友，佢話去食打冷，然後佢帶左我黎尖沙咀妹記，唔講都唔知原來係樓上鋪，價格平民，小菜由68蚊到118，都唔算好貴，睇落份量唔算多，四個餸夠晒4個女人仔飽一晚。環境都幾舒服，不過有啲嘈，因為始終係室內所以啲聲音唔會散開，就比一般街鋪大排檔嘈一啲。入到去叫左個蠔仔粥，椒鹽豆腐，咸魚茸飛天通菜同炸大腸。Menu一大本，有啲都有埋圖比你參考返先講下我最中意既蠔仔粥，佢稀飯黎講算多米入面蠔仔都算多，加埋胡椒粉都不失鮮味，而且好大兜，至少有六碗仔椒鹽豆腐，查實是玉子豆腐黎，唔係一般白豆腐，我個人唔太偏好甜既椒鹽豆腐，佢呢個味道會較甜。其實最特別係佢啤酒係用碗裝，雖然好特別但比較易漏口所以唔戰鬥時都係唔好用整體黎講係唔錯既大排檔，如果女士怕地鋪大排檔熱又污糟，不妨試下黎呢間大排檔一試

真的真的！！！推荐不要！！！不要去！完全被坑成狗！就这样说！三口人去吃饭！服务员竟然说我们点的四盘菜不够吃？？？又让我们点一个汤！！坑！死！千万别去！我们三个人吃了600多～一盘没吃完～真是棒啊

中午去完置富都會的彩福飲茶，跟住去左理工影相。為時幾個小時，真係攰到呢⋯⋯影完相，大家想食埋飯先走～一行7大1小，選點尖沙咀妹記。以前喺尖沙咀返工，有去食午飯，碟頭飯，無乜特別，不好也不差。年幾前也飯過晚市，嗰時覺得尚算可以。但唔知係咪因為爐火的問題，鑊氣好似唔夠。當晚叫左8個餸。以前好鍾意黃金蝦，不過當晚食，麻麻地，太濕。叫左炒聖子＆炒通菜。唔知廚師係咪炒完聖子後，無洗乾淨隻鑊，所以碟炒通菜勁多聖子殻碎⋯⋯差D戒到口⋯⋯其餘的餸是普普通通啦～

There's no English menu at Mui Kee but that's okay because they have lots of pictures of food in their  menu and one can always just point at the food at the next table and say, "I want one of those, please."We only got to try two (well three if you also want to count the veggie) dishes because we were worried about ordering too much (note to self: drag along at least three other friends for an even quartet when eating at a dai pai dong). We had crispy pork knuckles, a plate of stir-fried veggie

5個人叫左以下9個菜，因為啲菜實在太細碟！豉椒聖子 $88鬼馬油炸鬼沙拉骨焗桶蠔煲薯仔牛柳粒 $128八爪魚咀飛天通菜蠔餅黃金蝦聖子：普通，唔惹味，份量少鬼馬油炸鬼：普通，不過不失沙拉骨：我無食到，但見到好大舊骨少肉焗桶蠔:好味，蠔夠大隻，入味，但得5隻剛剛好一人一隻5個人食左900蚊！本人覺得咁既質素依個價唔值。仲有個做到黑哂面既阿姐薯仔牛柳粒:難食，黑椒味過濃，薯仔淋到一pat野咁，牛柳"un"墨魚咀:普通，幾好咬口，幾香口通菜煲:普通，無特別蠔餅:好粉，不過都炸得香口，還可以黃金蝦:不知所謂，人地出面個啲係一粒粒咸蛋黃痴住，依間野係一pat咸蛋黃汁撈埋，蝦又細隻不脆，因為比啲汁淋濕哂