媽咪雞蛋仔

營業中

休息中

推薦指數：🌕🌕🌕🌗🌑◐ 冬日之選·薄荷朱古力雞蛋仔 $45｜8/10作為一個喜愛Mint Chocolate的奇怪人🙂‍↕️ 竟然見到我最愛食嘅雞蛋仔有呢個口味，試問點可以唔試？黑朱古力比重較大，每粒雞蛋仔都有粒薄荷朱古力✨熱食朱古力流心，但凍食薄荷味更突出。唯一缺點係少貴，但天星碼頭買感覺值回少少票價：）Approved by薄荷朱古力粉絲 ✅=媽咪雞蛋仔@mammypancake.hk🚶 尖沙咀站L5出口，步行約7分鐘📍 尖沙咀天星碼頭1樓KP-13, 29及30號舖🏷️地區： #laymao_尖沙咀分類：#laymao_甜品=#mintchocolate #薄荷朱古力 #雞蛋仔

無論大人細路、男女老少都好鍾意食雞蛋仔，個種外脆內軟嘅口感真係令人難以抗拒！而且仲推出咗好多唔同口味，令好多遊客都專登嚟食呢種街頭小食！平時係尖沙咀碼頭搭船都見到好多人喺 #媽咪雞蛋仔 買雞蛋仔，每次我都會被吸引咗去買嚟食！今次發現佢推出左兩款 #冬日限定口味：#薄荷朱古力雞蛋仔 及 # #紫薯番薯雞蛋仔！作為朱古力🍫愛好者，就梗係買朱古力雞蛋仔啦！用薄荷朱古力嚟製成雞蛋仔真係第一次食，入口有啖啖嘅薄荷味，配埋香濃郁嘅朱古力味，外脆內軟嘅口感，好好食，一定要試，好有冬天嘅感覺！仲有點左杯特濃朱古力沙冰，超濃郁嘅朱古力味，製成沙冰，特別消暑😍

假日到尖沙咀Shopping, 經過尖沙咀碼頭見到碼頭人頭踴踴, 原來係因為呢間「媽咪雞蛋仔」口痕就買咗底雞蛋仔同一杯飲品當下午茶醫肚。知道呢間雞蛋仔係唔少地區都有分店, 原來仲榮獲米芝蓮, 果然有名氣!所有食物即叫即做, 多款特色口味選擇, 另有格仔餅、特飲等…不但吸引遊客, 亦係港人至愛~【紫薯蕃薯雞蛋仔】HK$45即叫即整嘅雞蛋仔, 接上手熱辣辣, 外脆內軟, 雞蛋仔中有綿密微甜紫薯蓉, 飽肚又健康。【奶茶黑糖蒟蒻】HK$30港式奶茶茶味香濃, 黑糖味突出, 間中吸啜到蒟蒻, 多了點口感層次。

今日嚟到尖沙咀碼頭，本身係特登帶外國朋友嚟搭星小輪，跟住經過就已經聞到好香嘅雞蛋仔味，所以一定要停低買嚟食！全部都係即叫即做難怪呢度咁多人排隊。 今日要咗個比較特別嘅味道，因為朋友話未試過雞蛋仔，所以想俾佢試啲特別啲嘅口味，於是就叫咗紫薯蕃薯雞蛋仔。入面超多餡，粒粒得好飽滿，而且外脆內軟，真係勁好食！至於飲品方面，雖然而家都已經11月，但係晏晝時間都仲係好曬好熱，所以最尾就決定咗要一個芒果沙冰，唔會太甜，相當解渴，一路飲一路坐天星小輪真係最正嘅組合。

每一次經過尖沙天星碼頭都好想食《媽咪雞蛋仔》離遠已經聞到香噴噴由細到大都好鍾意食雞蛋仔或格仔餅以前無咁多口味淨係食原味格仔餅勁多花生醬就最好食但而家新出左好多唔同口味樣樣都想試😂今次我試左薄荷朱古力味雞蛋仔😂一出爐拎上手嘅時候已經聞到好大陣薄荷朱古力味🤤勁香再配埋凍荔枝紅茶清清甜甜可以消除油膩感天星碼頭呢間分店窗口位仲可以望到出邊海景😂平日下午少啲人望住個景係度食都幾chill架或者買黎上船食都唔錯啦😂見到格仔餅我都心思思想食😂我揀咗金莎醬格仔餅平時我好鍾意食朱古力或者榛子醬金莎醬都想試好耐味道不錯 如果再多啲醬就好😂下次想試紫薯番薯味雞蛋仔可惜今日無得買🥹

好多遊客嚟香港都會專登試吓特色街頭小食！當然係因為香港嘅街頭小食真係做得好出色同埋好好食啦！而我就覺得比較有香港本土風味嘅街頭小食就係雞蛋仔啦！咁啱去尖沙咀做嘢，準備搭船返港島，見到✨媽咪雞蛋仔✨新出咗兩款冬日限定口味，即刻買一底薄荷朱古力雞蛋仔🌿🍫黎食，薄荷同朱古力本身都已經係Prefect match💕用嚟製作雞蛋仔都係第一次食，口感一定香脆啦，入口啖啖都feel到薄荷同濃郁嘅朱古力味，值得去買黎食！另外我order咗杯抹茶牛乳紅豆沙冰，香濃嘅抹茶同紅豆本身都好Friend💕💕融入牛乳入口更香滑！咁正嘅街頭美食又點可以唔食呢！唔怪之得次次都等咁耐，真係值得嘅，咁香脆嘅雞蛋仔無論邊款口味都好正，而且媽咪雞蛋仔經常都會推出唔同嘅限定口味，真係經常都要買黎食呀！🥚媽咪雞蛋仔 Mammy Pancake @mammypancake.hk#媽咪雞蛋仔 #mammypancakehk #雞蛋仔 #米芝蓮#香港小食 #街頭小食 #格仔餅

媽咪雞蛋仔由2014開業到宜家一直人氣高企，曾經連續六年獲選米芝蓮！小編六年前已經開始食，茶味係必點！最近中秋推出咗特別口味，趁呢幾日可以試下！所有分店（除咗海洋公園分店）都有🤓-—————————白蓮蓉蛋黃月餅雞蛋仔 $49雞蛋仔外脆內軟，鹹香味同白蓮蓉嘅甜味都幾突出，真係好似食緊月餅咁，但係唔會好heavy🤪抹茶豆花豆乳凍 $34估唔到呢度有咁多款飲品！抹茶採用宇治抹茶粉，同豆乳平衡得好，好有驚喜！成碗豆腐花倒曬落去，好足料🤓 抹茶控一定要試下

好喜歡佢哋限定咩味，定時推出，新奇又有新鮮感 ，之前中秋節，食月餅以外..雞蛋仔都加入咗白蓮蓉蛋黃口味🥮🥮夠哂應節🌕🥮白蓮蓉蛋黃月餅雞蛋仔 $49即叫即整，外脆內軟，加埋蓮落香甜軟滑，蛋黃嘅咸香，出奇地夾好好食🤤🤤抹茶豆乳豆花 $34抹茶味帶茶味甘香，而豆乳中和返甜味👍🏻👍🏻#媽咪雞蛋仔 #mammypancakehk #雞蛋仔 #米芝蓮 #香港小食 #街頭小食 #格仔餅 #香港美食 #香港好去處 #尖沙咀好去處 #天星小輪 #天星碼頭 #尖沙咀 #尖沙咀美食

天氣涼返咁多，食熱辣辣嘅雞蛋仔就最好不過～ 真係聽過唔少人講媽咪雞蛋仔嘅質素下降咗，但至少試過幾間分店，都唔覺得有呢個情況😀呢一間分店嘅雞蛋仔同樣一邊脆卜卜，一邊就有口感十足嘅蛋漿，而且蛋漿香滑～總體嚟講，我仍然覺得佢係香港最好味嘅雞蛋仔

媽咪雞蛋仔我一直是他們家的捧場客，因為他們一直給我驚喜，每一次去都有新的口味，每一次都有驚喜！今次我哋叫咗抹茶黑糖麻糬雞蛋仔，我係從來冇試過呢種口味㗎🤗🤗雞蛋仔抹茶味同蛋味都非常濃郁，咬一口那個麻糬絕對是驚喜位，口感絕對是外脆內軟，非常之有層次感！而且甜度適中，不會太甜，我們都吃得不亦樂乎！飲品方面，我們點了一杯抹茶豆花牛乳，味道拍得住很多抹茶專門店🫨🫨🫨，因為抹茶味夠濃，而且同豆花配合得天衣無縫，我哋兩個人食一底雞蛋仔同埋飲一杯嘢已經飽飽了非常滿足😙😙

喺海港城附近嘅天星碼頭，有一間媽咪雞蛋仔，仲要係旗艦店嚟㗎，裝修非常之有香港特色，支持吓啦，新出咗抹茶黑糖麻糬雞蛋仔真係好正㗎 ！佢仲有格仔餅，下次都要試吓😎😎雞蛋仔都係即刻整，但唔使等好耐，6至8分鐘就可以啦👌👌🤩抹茶黑糖麻糬雞蛋仔令人驚喜😋😋外層酥脆，咬下去的瞬間，濃郁的抹茶香氣👍👍入面有麻糬Q彈口感，仲有黑糖的甜香😛😛，絕對是抹茶愛好者的夢幻之選。🤩熱蜂蜜生薑而家開始入秋，唔好成日飲凍嘢，揀咗寒冷天氣的最佳伴侶🤣🤣🤣生薑的辛辣與蜂蜜的甜美，帶來暖意，令人感到舒適。仲可以驅寒

再三回訪依間米芝蓮必食雞蛋仔😍❤️ 係香港勁多分店仲有一間係你左右🥴👍 今次🐧 就黎到依間係天星碼頭嘅靚靚分店🌟 裡面除咗有大大幅打卡牆連海景😚 仲有一邊牆簡單展示了媽咪雞蛋仔嘅歷史，有興趣可以睇下🥴 🐧 㨂咗最近新出嘅抹茶黑糖麻糬雞蛋仔🤭 用店舖特別設計嘅盒子袋包裝，容易食容易拎👍 一整列散氣孔令雞蛋仔保持香脆🤩 設計好正❤️ 雞蛋仔粒粒有份量，食落外層香脆，內餡填滿煙韌軟糯嘅麻糬，嚼感極佳❣️ 味道即有抹茶嘅醇香，又有黑糖嘅甘甜滋味，濃郁嘅蛋香令整體滋味更佳😙 加多一杯清新爽口嘅果茶😚 清熱又解暑👍 配雞蛋仔食超級match😘

由媽咪雞蛋仔👸🏻嘅元組總店開始幫襯一直係我心目中最好味嘅雞蛋仔分店越來越多 但質素依然保持到 產品仲越來越多😀經過天星碼頭分店 見到大排長龍 但係都忍唔住買返一底叫左抹茶黑糖麻糬雞蛋仔✨配搭好新穎 唔使10分鐘已經有🤭雞蛋仔依然係外脆內軟每粒雞蛋仔入面都有黑糖麻糬 煙靭又拉絲 黑糖味濃 配返唔算太濃太苦嘅抹茶底 甜度又岩岩好而家居然有新地雪糕🍦$20勁大杯 中間一啲空心都冇 食完勁飽😂好香奶味 creamy又香滑 但唔會好漏 面頭有少少朱古力醬同花生碎 好好味😀

好耐都冇食過媽咪雞蛋仔，記得好耐之前都喺港島食，而家連尖沙咀都有，仲要喺碼頭附近都幾方便～而家媽咪雞蛋仔嘅味道多咗好多，今次試佢最貴嘅抹茶黑糖麻糬雞蛋仔～～睇吓佢有咩特別先🤣雞蛋仔係溝咗抹茶粉，都有幾香濃嘅抹茶味，略帶小小苦澀，餅底都唔錯～～即叫即整，啱啱新鮮出爐好脆🤣黑糖麻糬就係麻糬已經係黑糖味😂感覺好似食緊珍珠奶茶嘅「珍珠」一樣😝麻糬煙煙韌韌，口感都唔錯👍而且可以拉絲添🫣而且都幾足料，雞蛋仔入邊都係已經爆曬料，沒有空隙～～👍👍對得起個價錢，個性價比都值得！我哋另外叫咗杯檸檬茶，本身係冇檸檬同埋冇冰嘅…可以走甜，可以飲到檸檬茶原本味道👅檸茶都算幾fresh～夠晒酸😝

今日去左海港城shopping，買完野就坐天星小輪過灣仔，行過見到媽咪雞蛋仔出咗一個中秋限定味道，係白蓮蓉蛋黃月餅雞蛋仔，因為我好鍾意食傳統月餅，今次加埋雞蛋仔一定會好好食，所以就排隊買。媽咪雞蛋仔係即叫即整，所以要等8至10分鐘，白蓮蓉蛋黃月餅雞蛋仔粒粒都有白蓮蓉同蛋黃，白蓮蓉味道甜甜地，蛋黃鹹香味道濃郁，雞蛋仔外面烘到好香脆，一咬落去入面軟綿綿，雞蛋味道10分濃郁。另外見到有個香港茶餐廳飲品，我就叫咗一杯鮮榨檸檬水，因為佢係冇冰，檸檬水唔會溝淡咗，新鮮即榨檸檬水味道酸酸甜甜，有豐富嘅維他命C，可以令到免疫力更加提升，好正！呢度係對住天星小輪碼頭，呢個海景食住雞蛋仔真係無敵，如果黃昏可以睇埋日落添。