嫦記 (已結業)

常聽家父家母說要到跑馬地的熟食中心吃飯，說水準非常高，幾天前終於有機會一試。這兒最有名的是鮑翅－－奇怪，從沒聽過熟食中心供應這樣的上價菜。一盅雞燉翅，一位用，試試亦無妨，點了一客。另外還點了西蘭花炒鮮尤、琵琶豆腐和窩貼蝦。雞燉翅－－群翅滿滿的一碗，分量很足。雞熬了很久，骨頭也軟了，整體很好。西蘭花炒鮮尤－－炒過的西蘭花還是很嫩綠，不硬不軟，剛好。鮮尤真的很新鮮，而且肉厚彈牙，相當高水準的一道菜。琵琶豆腐－－所點菜式中較遜色的一道。豆腐的比例佔很少很少，魚滑不彈下，混上那不脆的脆漿，咬下去軟軟的，像「肥豬肉」。窩貼蝦－－看樣子以為那麵包炸的太透了，變得油油的硬硬的，結果咬下去非常鬆脆，一點油膩的感覺也沒有，讚！到熟食中心最怕是油膩和過咸，但這兒的菜均沒有道個問題。下次得試試這兒的鮑魚，哈！

同事強烈推介,一行五人叫"食送"食,如下:1. 沙律蝦- 用左雪藏大蝦,鮮味一般,但炸得香口,再以沙律醬炒之,甜甜地,啖啖肉,開胃.2. 椒鹽魷魚- 魷魚厚肉,亦炸得香口,惹味,相當好食.3. 馬拉盞炒通菜- 通菜細細條,夠晒嫩口,可惜馬拉盞味道不足,味較淡,而且碟底有水汪汪現象,失手之作.4. 西檸牛仔骨- 牛仔骨好生,應該只有低於五成熟,仲有好多血,亦較韌,咬唔開,用刀叉食較適合.總括尼講係水準一般.

上個星期三想到跑馬地街市食飯，一開lift門，就會聽到"嫦記、"豬記"，真係爭得激烈。其實我兩間都試過，味道差唔多，不過"豬"記就比較多新野，不過我本人就鐘意嫦記，因為佢服務好同埋無咁怪。晚叫椒鹽鮮魷，strawberry牛柳同西蘭花帶子。椒鹽鮮魷- 好味但係似避風塘多過似椒鹽strawberry牛柳- 賣相幾差，睇唔到有strawberry，但係就味道都唔錯，同沙拉骨同一個醬。西蘭花帶子- 賣相同味道唔錯，帶子食落幾新鮮，西蘭花又唔會抄得太"林"或太硬，好。跟埋汽水兩枝都係200蚊，都幾經濟。

睇開食評先至會入到呢頭搵食!翅湯好香, 雞燉翅有d雞味, 面頭比較多油d; 菜膽翅好香菜味, 清清的, 食到2粒龍眼肉, 幾過癮。不過唔知係錯覺定點, 雞翅食到尾仲有翅, 而菜翅就比較少翅囉。有2個人的話一人一盅, 夾住食就至正!風沙雞d沙好重師傅, 不過都幾冶味, 皮脆肉鮮, 係有少少肥油only。都係應該叫的。椒鹽瀨尿蝦隻蝦成9兩重(13蚊兩, 約$108), 好大隻! 都係用返風沙(炸蒜), 不過有d椒鹽咁囉。我認為2個沙就有d duplicate左, 唔係唔好食, 不過可以試第樣會好d。仲叫左個魚湯粉皮蟶子($68/8隻)。本身我係喜蟶子的。嫦記幫我起曬肉, 食得幾方便。不過唔明佢放返d殼入去又有咩function呢? 魚湯幾鮮, 真係食海鮮鮮味的菜。可惜有d沙... 而粉皮改做粉絲會好食好多! 索汁呀~加埋2個靚仔, 食左$420, ok啦, 食到飽一飽。d人都幾有禮, 如果呢個價錢要去銖記受氣就唔抵lu! 當然呢度都唔叫十分抵食, 係值囉!

昨晚同朋友一齊到上址晚宴慶功。頭盤<焞魚翅>，湯清味香連渣食埋，值得推介，不過最好致電預留。再點<洋蠔>，賣相不俗，但味道稍欠；再上<風沙雞>，此味佳品，各位一定要試；再來<黃金蝦>及<炸肉餅>，「正」到暈！另點其他，家常便菜。我對上一次光顧已經是三、四年前，這所飯堂十年如一，味道穩定。

Went to have dinner with three friends, ordered shark fin, the famous "wind sand" chicken, the bb rips, oyster hot pot and a dish of vege....the first three are good and recommended.... however for the oyster hot pot.... the portion is rather small and you can consider it as ginger hot pot rather than oyster hot pot since there was more ginger than oyster in it....i have been there a few times and found out that the only famous food (shark fin and chicken, etc) are reliable.... so actually it is

來呢到都好幾年，都試過銖記，覺得無乜大分別，銖記多啲特別菜色，但係我都係比較鐘意呢到啲服務，而且呢一年出菜都快咗好多，以前會等好耐。不過如果多人來可以訂枱前先落單叫幾個菜先，咁會好啲。而且呢到啲服務好過銖記，個人覺得銖記啲人好似無乜禮貌。佢地既海鮮真係幾新鮮，不過食海鮮真係要早啲到或訂位時叫定，因為8時過後好多海鮮都會賣晒。

不嬲都係跑馬地常客，銖記同嫦記都試過多次，其實差不遠，但綜觀服務、食物新鮮程度，烹調手法，嫦記水準保持得十分好。銖記時好時壞…服務就…不過銖記個menu多D選擇…去邊間其實都冇乜損失。

睇完飲食男女,介紹左間食翅既舖頭,叫"火瞳翅". 點知係火都哩埋. 話無哂哩種翅,話買哂!! why? 佢同我講話廣告效應,係廣告效應就整多D啦. 我地試既原因都係因為無枱訂,同D翅話源源不絕. 點知問完我地有無訂位,跟住又話賣哂. 得番雞鮑翅wor,雞鮑翅駛鬼哩你哩間咩...L 下次試完再寫過哩間既食評…於是就去左"嫦記"啦. 平時(都差不多3年)都係去銖記,點知好過銖記D tim,D燉翅無咁鹹; 試左個”魚湯粉皮浸大硯”, ok wor; 有個X樹菇炒豬頸肉,就無什麼特別…總括哩講都算好食…

今晚一家人去食. 7:00pm 訂左位開始多人.叫左沙拉骨翅(菜膽x1, 雞燉x1)馬拉sauce炒芥蘭風沙雞半隻黑椒咸豬手個翅好得雖則幾十蚊但係的翅都一梳梳菜膽清甜, 雞燉香濃沙拉骨有沙律好味冇生炒骨咁乾身風沙雞乾左的馬拉sauce 炒芥蘭菜比較少...失色左的黑椒咸豬手咸左少少...送白飯食還可以.侍應招呼不錯清楚菜色材料小菜快上同夠熱也是優點$354小菜已算不錯吃得意會去東寶大路野呢間絕對ok.

星期六晚和幾位朋友去吃飯,叫了菜膽翅,好鮮味.風沙雞半隻,雞肉嫩滑.蒜蓉粉絲蒸扇貝,都好好味,唔錯(送飯一流).蒜蓉抄豆苗,好嫩.全場爆滿,水泄不通;好彩一早訂了位.所為一分錢一分貨,這麼平吃到這樣的美食,真是一流! ps:如想一定吃到好味的食物,怎可不一早預訂呢!最好是七時前到達.

有次星期五去到，我都預左要等位架啦，但係竟然等左廿分鐘就有位，不過好戲再後頭！坐低叫野食啦，呢樣又話買哂，個樣又話客人太多驚煮唔切，叫我地叫第二樣，都算啦，點知點菜之後等左成四十分鐘有多先上第一碟菜，之後每碟菜中間都隔成廿分鐘，個餐飯我地終於食左成三粒鐘！仲要個晚我試過既所謂招牌菜都不外如是，唉！真係唔使旨意有下次！

一行6個人, 雖然黎到呢個出晒名有鮑參翅肚食既街市, 不過我地都係食小菜JE~~ 你諗真D, 嫦記連鮑參翅肚都夠膽奉陪, 一般小菜應該好有把握了~~先來一個例湯, 嘩~~ 呢個例湯認真不得了!! 好味到我地添完再添, 我地相信冇咩味精, 因為我地食飯途中都冇好口渴, 冇特別好需要叫啤酒汽水果D飲.... 個湯有冇咩野SPECAIL配料就唔知,只簡簡單單飲到有紅蘿蔔粟米馬啼咁...然後是風沙雞, 對我黎講係脆皮炸子雞, 因以前第二度食過既風沙雞係薑蔥炸既, 呢度就係炸子雞咁紅紅地脆皮, 面頭鋪左d乾蒜既物體. 脆皮就真係好脆皮, D 肉又唔"鞋". 食到D野黎齊,佢凍晒D皮都冇林既....清炒涼瓜, 你唔會諗到可以有咁好食! 簿片爽口, 味道清新! 我指既爽口當然唔係好生未熟咁啦! 炒得岩岩好架! 即使你唔鍾意食苦瓜都應該一試! (其實只係有D甘je~)油鹽水唐生菜, 有粉絲做配料既, 呢個又係出奇好味! 唔好諗住你係食肉獸對菜冇興趣就覺得唔好食! 唔知點解d唐生菜搭落d粉絲度好好味, 食落有d似油豆腐粉絲湯既味...白灼蝦, 蝦蝦好大隻, d 紅白間得好清楚! 哈哈! 但朋友話用黎白灼

可能因為銖記出左事, 今晚唔full, 眼見大部份吉檯係銖記的, 冇計! 今晚一行5人叫左雞燉翅, 又真係幾掂, 二百幾蚊每人都有兩碗架!炸蝦球裏有溶左的芝士, 熱食係幾好味, 但略嫌芝士多左d;鮮菇油麥菜-油麥菜就ok, 幾嫩, 但d草菇一咬落去只係食到d滾水味, 唔掛得咁快啦! 魚翅箱子豆腐-一大件豆腐中間有魚翅, 肉碎, 魷魚粒同紅蘿蔔粒, 但好似淨係食到豆腐味; 風沙雞炸到d皮好脆, 雞肉幾嫩又有雞味, 半隻都夠食, 下次去東寶比較下先。

前陣子朋友生日約食飯...問佢去邊度食...佢二話不說就揀左嫦記.....食過幾次銖記....今次都係第一次食嫦記.......由於得個四個人....所以唔係order 左好多野食...箱子豆腐(見圖)....XO醬炒豬頸肉....風沙雞....燉翅....風沙雞同個翅都要預訂....同銖記一樣....平心而論....風沙雞同銖記有得揮...銖記既賣相比較好....嫦記既雞大隻D.....所以呢個回合打成平手.....至於個翅....兩間都好好味....D雞燉到好入味....但係嫦記既料多好多....翅都見到一條條.....一梳梳.....唔似銖記果D"散修修"......炒豬頸肉色香味都中上....唔錯.....最鐘意個箱子豆腐....將舊豆腐開頂....釀入海鮮粒同翅再埋芡煮.....D 汁同D 料仲有舊豆腐都好夠味....清清地....賣相又討好....係食果陣麻煩少少囉.....埋單$488...我地每人都飲左2-3碗翅.....差唔多啦....