嫦記 (已結業)

星期五晚8點到去到,一出嚇親,全爆滿,水泄不通,嘩!好彩有人走,唔洗等.如果唔係可能要等到海枯石爛.叫4個小菜,BB豬寸骨($68)味道似金沙骨,不過我就唔係幾鐘意.蒜蓉粉絲蒸扇貝($68)係幾大隻,味道好都有鮮味,不過好似過火少少.蒜蓉炒莧菜($28),我成碟食晒,一上好香,D菜油立立,食落一D都唔肥架.雲腿雞燉翅($68)好足料,一個燉'忠'上.D湯好香好甜好好飲.諗住打包一份俾媽媽,再order已經無晒.結果叫金海中蝦($98)D蝦幾大隻,好厚肉仲有膏架.兩個人$3xx,算係噤!!

其實以嫦記價錢我個人覺得唔貴...一分錢一分貨..比起東寶...己經係平啦...

可能我比較早去食(6:30pm),所以並月冇話排好耐隊既情況.點了豉椒炒蜆, 八珍豆腐煲, 風沙雞半隻, 炒豆苗, 生炒骨風沙雞好好味, 好多蒜蓉, 雞唔鞋又夠熱.豆苗好嫩, 生炒骨同豆腐煲都ok失望反而係豉椒炒蜆, 個汁好似煮出黎而並非炒.坐低仲俾我見到以前温哥華水哥埋單都係$273, 四個人仲唔叫抵?

坦白講，可能是明星效應，其實這裡的食物很一般。風沙雞細隻無咩肉，亦都炸得太乾，其實風沙雞是將雞隻淋滾油而非成隻放入去炸，咁樣至做到外皮脆而入面雞肉嫩滑，當然隻雞亦要大隻好肉至得。講來講去都係果句，要食正的風沙雞請去東寶。百五蚊一隻非常唔抵。雞燉翅則唔錯，雖只用盆翅，但真係俾幾多翅。鍋貼小棠菜是炸小棠菜釀蝦膠，唔知炸菜有何特色，炸左的蝦膠亦唔係好特別。價錢絕對是中上價，食物是中等質數，與高水準的大排檔如北角東寶或深水涉強記仲有一段距離。仲要花時間等位？梗係食唔過啦！

我就覺得唔係咁好食喇,上次去到訂左位都要等,d 位迫到死,野食就等好耐先上(仲要一樣食完,第二樣先上!),我地成班人餓住個肚等佢逐樣菜黎,你都咪話唔辛苦。<br />而且佢既野唔係唔好味,但係好細碟,我地6 個人,每人一件起兩件止,都唔夠啦!風沙雞仲要唔熱既,點叫做招牌菜呀?<br />價錢ok 啦,係大排檔黎講叫做好"容" 架喇! 山長水遠入去,唔抵食囉!

第一次去0既時候係凌晨12點, 所以唔駛等位, 仲有d 打烊feel. 但係個亞姐都好好招呼, 盡情介紹佢地d 巧手小菜, 不過好多都賣晒!!<br />我地試左鍋貼小唐菜, 佢係用d 小唐菜同蝦膠整0既, 好好味, 一d 都唔熱氣!! 好快就掃晒. 另一味係芝士牛油焗鮮魷, 好掂呀. 雖然有d似椒鹽鮮魷, 但係比佢更香口. 不過好熱氣下!! 風沙雞翼, 好多炸蒜頭, 好好食. 唔油. 食左好多隻!!<br />第二次去0既時候, 我食左風沙雞, 竟然冇雞翼咁好味喎. 我都唔知點解? 可能係先入為主啦!! 呢次仲叫左蒜蓉蝦, 唔係唔好食, 不過咸左d. 豉椒炒蟶子, 好辣, 好夠味. 唔知係咪餓0既關係, 一陣就食晒啦. 仲要連d 汁都撈埋!! 我都好少食晒一碗飯,哈哈!!<br />嫦記真係好旺架, 訂左位都要等!! 所以一定要有心理準備~~<br />總括嫦記都好值得一試!!

上次星期六八點去到,訂左位都要等幾個字,好多人..=食物唔係出色,細碟又好油,唔明點解會咁多人去??冇下次~