安南越式牛肉粉

營業中

休息中

有時幫埋同事買外賣，最怕就係拎到好重，呢個時候叫檬粉就最好，因為只係得一盒麵再加一小盒汁。外賣包得幾好，從未試過有汁倒瀉，雖然個盒好似細細地，但叫豬扒或者豬頸肉份量都好多！最欣賞佢地會斬埋塊豬扒，食嘅時候就唔會好麻煩。我食黎食去都係檬粉，不過其實可以轉麵底。外賣檬粉仲有一樣野好，就係返到公司有時唔方便即刻食都可以放一陣先。食物整體而言新鮮、份量剛剛好。服務方面，每次去到拎外賣時外賣都放在門口附近的椅子上，拎都好方便，啲呀姐員工又幾有禮貌。

10月1日晚7點半去到灣仔，仲要趕住8點半嘅約會，又想食埋嘢先去，於是就決定行去大有商場食越南嘢，等咗一陣至有位，坐低後我哋好快就決定咗叫兩個優惠一人套餐。有越式粉卷2件+柚子沙律小食+雞絲拼扎肉湯粉+熱檸水=$88，另外個餐就揀咗香茅豬排1件+木瓜沙律小食+安南海鮮炒金邊粉+熱檸水=$108，加一後總共$216。份量夠哂大份，兩個套餐都食唔哂，最後都要打包攞走。總結：食物嘅質素、味道及賣相都做得唔錯，價錢亦好合理，餐廳環境都算乾淨，服務亦做得唔錯，其中一位較成熟嘅女職員，服務態度真係好好，又夠細心，動作又夠快，令到我哋都食得好開心。

呢日落雨，晏晝冇出去食，只係喺公司食杯麵。放工好肚餓，拿拿淋行去大有商場搵食。原本想食西式，點知間餐廳原來裝修緊，呢個時候就見到安南原來下午茶供應到六點，實在太好喇。我去到的時候好多位可以任揀。我要咗生牛河，份量都幾大下，女士一定夠食。味道就普通，冇乜特別。飲品就要咗咸檸檬水，個味道好怪，純粹唔啱我口味。五點四十分左右開始，就好多人入黎趕食下午茶。我覺得都幾好，唔駛加一，份量OK，好適合老友記或者女士。服務態度就不過不失，地方都算叫闊落，灣仔區唔可以太多要求。

阿仔放半日同老公接左佢去上興趣班後，先去食晏去到餐廳岩岩轉下午茶餐牌非常好，叫多啲都唔太貴！🔆雞絲扎肉湯粉有2片扎肉，一堆雞絲，轉金邊粉底，湯底夠濃郁，阿仔好鐘意食🔆咖哩牛腩飯咖哩入面有薯仔同牛腩，份量不小，滿滿一碗，配上白飯，真係至夾🔆安南海鮮炒金邊粉啲個比較一般，雖然配料不少，有蝦、青口、菜等等，不過炒得唔夠乾身，啲麫大部份都痴埋一堆同埋調味好淡，啲個比較失色。🔆加配小食 - 香茅豬扒（1件）一份都好多，淋滑既豬扒，真係不錯！ 🔆加配小食 - 香茅雞中翼（2隻）雞中翼，外皮小小脆、都不錯既、起碼夠入味！🔆飲品 ： 凍檸茶、凍華田、滴漏咖啡

揾食時偶然發現呢家越南河店，一眼望去已經流晒口水🤤。對面一枱啲人正食緊個超大碟澎湃嘅「火車頭」河粉，同桌嘅伙伴一拍即合咁決定挑戰！菜上嚟時眼光一亮，鮮嫩牛肉、彈牙牛丸，再撒上少少香草，簡直係視覺大餐。湯底清澈得嚟味美鮮甜，啲河粉呢，滑溜溜嘅又夠幼，與生牛肉一撈即食，簡直係上心頭！🍜 口感上嚟講，啲牛肉野真係唔渣，透住柔軟見到新鮮。話曬，食物嘅魅力就係於新鮮度喺度，越簡單越講究。呢家店唔止食物吸引，連個氣氛都輕鬆得嚟，即使周圍坐滿咗人，都唔會覺得嘈雜。店員服務好，唔會令人感到急躁，感覺得到佢哋嘅幾份熱情。雖然「火車頭」可能會勁飽肚，但係你一試，定必回味無窮。😌💕 下次，唔該記得叫埋個咸檸七或紅豆冰嚟開開胃啦！

啱啱食完台灣嘢唔飽，等老婆同個女去配眼鏡，即刻單拖嚟食個撈檬。呢間嘅香茅牛肉撈檬係我次次嚟都必食。其他舖頭嘅香茅牛肉，有啲就好un, 有啲就醃得唔好食。呢間舖頭就將啲牛肉切牛柳絲，味道好味，又唔會un，所以好得我歡心。

好似茶餐廳咁，我哋2個人入座要坐埋一邊。點左鮮茄牛肉湯河，味道正常，夠味，份量都夠大，女仔食完會幾飽。總括嚟講，要求唔高，喺灣仔趕返工，一個鐘內食個lunch，依度係其中一個選擇。

這間價錢相宜的安南越式牛肉粉坐落於灣仔大有商場，毗鄰灣仔港鐵站和商業大廈，是灣仔打工人午飯想吃越南菜的首選餐廳。偶爾還是參觀完書展漫畫展的區外人醫肚的好地方，地點超方便。餐廳環境算是寬敞，有落地玻璃能夠觀賞街景，有的座位置於餐廳外，感覺一點都不侷促。價格定位比較相宜，$88的套餐包括前菜，小食，主菜和飲品，在同區來說性價比頗高。前菜：開胃柚子沙律小食：雞湯生菜，越式扎肉，香茅雞中翼主食：生牛肉拼牛丸湯河，雞絲扎肉湯河食物質素正常合理，跟我們平時吃開的都差不多。生牛肉上菜時是鮮紅色，再熱辣辣的湯底浸一浸，變成淺啡色，牛肉最鮮嫩就是這個時候了。至於小食份量不大，適合我們吃得少的人。那個柚子沙律有點辣，吃不到辣的朋友建議選擇走辣。📍 安南越式牛肉粉 (灣仔)🏠 灣仔莊士敦道181號大有廣場2樓208-209號舖⏰11:30 - 22:30🚙 港鐵灣仔站A3出口

Was having difficulty to think of a restaurant near Wanchai market which could sit with 6 people. Seeing this Vietnamese restaurant in Tai Yau Plaza when looking up, we went in straightforward.Staff was so friendly and enthusiastic to show us this meal set worth people of 4 and no service charge will be needed only for meal set😂. Staff was also hyped to recommend and explained downloading their app becoming a member could enjoy so much good deal and free food😂 The meal set covered butter and gar

lunch time 想食得清淡d d 就黎左呢度 食，不用等位！環境唔錯 又有位坐！非常唔錯嘅選擇我叫左 生牛肉河粉上菜速度都好快！分量都唔細wor！牛肉都幾多片啊！ 河粉都好滑身呀！

在灣仔莊士敦道灣仔區走來走去時，我看到這家餐廳並查看菜單並很想嘗試越南麵條，（茶套餐菜單價格為 45 至 60 美元，取決於你想吃什麼，它在下午 2 點至下午 6 點之間，我點了 牛腩配番茄湯底（麵條味道濃郁，新鮮切碎的西紅柿，味道非常美味完美融合😊，麵條非常好..完美的牛腩非常嫩而不肥，很容易吃😆） 我喜歡我的湯麵，價格為 HK$54，價格合理，非常划算，包括您選擇的熱飲，另加​​ HK$9 選擇冷飲，這對價格來說還不錯，強烈推薦..服務很快 和友好..必須嘗試👍🏻👍🏻👍🏻

好耐未食過越南野,今日去找朋友,見到一間越南餐廳,上去試下。豬扒金邊粉味到可以,豬扒比上次我去錦X好好多,下午茶底食,但比銅鑼灣越x進有進步空間。可能我要求高。

中午想食得簡單清淡些，揀左食越南河粉，這裡環境都幾好，坐得舒服，襯未到繁忙時間，即刻落單點左熟牛肉湯河加熱檸檬水，湯粉很快送到，賣相不差，份量都足夠，有一碟青檸加辣椒，不過個青檸黑黑地色，明顯唔新鮮，熟牛肉咬落口好柴，無鮮味，似擺左好耐的肉，碗河粉加檸檬水＄63 ，價錢不平，但質素認真麻麻😩，下次要試下第家，希望找到家好食的牛肉河粉。💪

呢間柯南以前補習成日食，相比起銅鑼灣利園嗰間佢價錢比較親民，而且食物選擇大眾化少少食咗每次都必要嘅生牛肉湯檬，加$25有埋椰青佢嘅份量真係超大碗，上面有好多香料仲有辣椒同埋青檸味道唔錯，湯底濃郁牛肉都算多塊整體唔錯，不過果次去服務就麻麻哋差唔多等咗半個鐘

睇演唱會前經過大有商場，就揀咗食安南越南牛肉粉。去到好彩有位，唔需要等，而我哋睇餐牌，都好快就揀咗要一個雞絲湯檬$58（蕃茄湯底＋$2），另一個係牛肉湯粉$58，無再叫其他嘢，因為見到隔離枱，就已經知道份量十足。大約3分鐘就有得食啦，我食嘅雞絲湯檬，因為用蕃茄湯底，味道真係好濃嘅蕃茄味，而且仲有大大舊嘅蕃茄，雞絲及檬粉亦好多，食一碗就已經好飽。而牛肉湯粉，亦有好多牛肉，味道亦唔錯，算係抵食。無叫其他嘢飲，只飲暖水，都覺得餐廳嘅水，無異味，職員亦好有禮貌，環境算乾淨，座位相隔距離都好大，令人坐得安心舒服。