定食 Doraya (駱克道)

營業中

休息中

我們光顧這間食店超過十幾年，由它開業光顧到現在，再度光顧感覺每況越下，令人非常失望。本人今次有攜同小朋友用餐，店舖一直都很小，坐位亦一向不多，但現在有疫情的關係是盡量避免與陌生食客一起坐得太密切，店員照已經要求調整氣温的冷氣，還要悄悄開回原來寒冷温度，令一直喊冷的小朋友不舒服，感覺就是希望調冷氣温，務求令食客難受盡快用餐然後離開，騰出空位給下一倫食客。様將食客安排得非常擠擁進食，因此，疫情期間食客脱掉囗罩傾談、又坐得親密，飛沫亂噴，感覺衛生程度減低。此外點餐前店員並沒有叮囑需限時進食，而且有部份食物製作需時，加上小朋友進食速度緩慢，有時需要餵食，與成人進食速度有大大差距，店員會失驚無神走過來說已過了進食時限，催促盡快交枱，以一間日本餐廳細心服務態度為準，這間以日本餐廳為名的食店根本就是本末倒置，店員亦沒有丁點兒同理心。已經要求調整氣温的冷氣，還要悄悄開回原來寒冷温度，令一直喊冷的小朋友不舒服，感覺就是希望調冷氣温，務求令食客難受盡快用餐然後離開，騰出空位給下一倫食客（疫情下根本沒有食客在門外排隊等候入座）。店員服務態度的強差人意，食店的價錢又並不便宜，而環境及食物質素這樣是完全沒有性價

此店開業已久，筆者亦常光顧，畢竟吃了多次仍覺得好吃的店不多，此乃其一。這裡雖以藍鰭吞拿魚馳名，菜單上仍能找到鰻魚飯、烤牛肉、生薑燒等定食，專為那些不吃生魚的人而設。大部分的菜式筆者均已試過，始終認為藍鰭吞拿魚扒飯定食性價比最高；此外，香蔥伴藍鰭吞拿魚腩腩拼吞拿魚大腩飯定食也值得一嚐。依舊點了藍鰭吞拿魚扒飯定食。壽司飯放底，魚扒輕炙其表後切片放飯面，澆些照燒汁再灑上蔥花黑椒，即成。先吃飯，醋飯以珍珠米入饌，粒粒分明，不冷不熱不酸；拌上照燒汁，少甜後鹹酸，汁份量剛好，使飯不寡不搶。魚片每片兩吋長一吋闊，厚一分，魚油經輕炙後逼出，包裹整塊魚肉。夾一塊入口，表少實油潤，咬下軟腍，嚼感猶在；細嚼下藏在肉紋之間僅餘的油分溢出，甘香不膩，美妙。定食也包括了茶碗蒸、麵豉湯、水果、漬物及涼拌菠菜，不過不失；畢竟那些都不是重點，魚生飯好吃便好了。

藍鰭吞拿魚扒小丼 $90lunch set一律為細丼飯配烏冬同小食 烏冬有得揀凍或熱 清甜既熱湯加上勁彈牙既稻庭烏冬 估計熱烏冬會比冷烏冬更勝一籌😎.主角藍鰭吞拿魚扒切成細件 每塊都有輕輕火炙過 魚香明顯 燒過既油脂滲左落底下啲飯到 而且魚片本身沾有少量鹽 好好送飯😋但啲飯就煲得太淋太濕 影響口感🙁.至於小食同生果似乎係不定時會轉 今次係茶碗蒸、黃豆同橙 醃到好甜既黃豆 真係會令人食上癮

間鋪唔係好大，啲位唔係好多，成日都要排隊，食左個鰻魚飯定食，定食好豐富，有熱辣辣嘅面豉湯，湯嘅味岩岩好，入面仲有豆腐同海帶，好好飲。蒸蛋蒸得岩岩好，好滑，入面仲有香菇，蟹柳，令到蛋好有口感。冷碟有粉絲，爽口彈牙。鰻魚飯好大份，飯面鋪有一層蛋絲，鰻魚大塊好味，一啖飯一啖鰻魚，簡直人間天堂。

定食Doraya開業已久，出名藍鰭吞拿，這天就與友人慕名而來。漬物的漬蘿蔔和菜頭以及作為前菜的雜菜粉絲水準認真一般，好像一些較平價的日式餐廳提供的貨色，即時令整個定食降了呢。幸好茶碗蒸的蛋夠細滑，雞肉亦算滑。主角藍鰭吞拿魚確是不俗的，炙燒的加有香蔥，夠香口；而剌身的雖然沒有油花，吃下也覺肥美甘潤，但絕不會令人嘩然。必須一提的是豉油鹹到無朋友，比起港式生抽還要鹹！小食雞皮餃子倒有驚喜，雞皮薄而脆，仍保留到濃濃的雞香，惟調味欠了一點點。可能對於藍鰭吞拿丼寄予厚望，不過爾爾。

聽朋友介紹左好耐，話依度嘅吞拿魚好好食，就去試吓啦。都等左一陣位，同埋注意都有好多情侶一pair pair咁等埋。我最後叫咗三文魚魚生飯，賣相同味道都唔錯，感到滿意

以前已經食過呢一間， 質素令我好滿意 。今日又再嚟試下， 睇下質素可唔可以保持。Doraya 出名嘅係吞拿魚，而我本身最鍾意嘅就係食帆立貝同三文魚 。為免糾結，就揀咗自選三色丼啦 ，既可以食佢最出名嘅吞拿魚 ，又可以揀自己鍾意食嘅食材。自選三色丼 :三文魚三片、 帆立貝兩粒、四片藍鯨 、吞拿魚大腩三片自選三色丼: 三文魚三片 、帆立貝兩粒、四片香燒藍鯨 、吞拿魚扒三片個定食包埋麵豉湯、 蒸蛋 、前菜 、水果麵豉湯足料， 蒸蛋好滑。一小碟煮菠菜， 都好好味藍鯨吞拿魚大腩好肥美。香燒藍鯨吞拿魚 輕燒過四面，半生熟的口感，令到魚味更集中鎖住。結論係好好，價錢都合理。

朋友經常大大力推薦呢間刺身店既自選刺身飯，話CP值好高但因為地區唔近，店內都唔大，得廿個位所以成日都排長龍，今日出開銅鑼灣見唔多人，終於有機會試試佢 🤩餐牌選擇都幾多，有好多唔同定食選擇可以滿足到全部食客今次黎一定要試試佢個自選三色刺身丼👏🏻有啲要求既朋友極力推薦既拖羅，因為個人唔鐘意食赤身想叫中腩但無晒，聽聞好多人會揀中腩，所以成日無貨但我覺得差十零蚊可以食大腩，好似抵啲😆今次叫左 甜蝦，三文魚，帶子，吞拿魚大腩四色四色可以減$5，五色可以減$10 成個定食會跟 兩樣前菜，湯，茶碗蒸，水果所以係非常豐富，唔會唔飽，只會超飽 😂兩樣前菜味道正常，波菜係涼食，略嫌調味偏淡味噌湯最大好處係熱辣辣，食完成個冷既定食飲番啖湯係會舒服啲 滿足啲👍🏻茶碗蒸應該溝左柴魚高湯？食落微咸之外有少少柴魚香味個蛋火候控制好好，唔會過老仲有少少湯汁，令到個蛋微潤 同埋 滑嫩配料有冬姑同蟹柳 🦀，個size都幾大主角四色丼，非常IG-able🦐甜蝦唔係迷你個隻，食落非常新鮮肉質微黏唔會霉，入口好鮮甜👍🏻.帶子係我個人好鐘意食既刺身上到黎真係心心眼 😍 非常厚切，閃令令咁好新鮮咬落口好軟嫩，帶子鮮味好重點少少醬油

同朋友想食刺身，黎到依間舖頭，舖頭細細，要等齊人入，算，正常既。係門口等既時候已經好頭痛，唔係因為唔知咩色，而係睇落太多野揀，但如果你唔食油甘魚個啲，就無咩野好揀。朋友話，不如叫自選，計計下，又想食拖羅，又想要三文魚，魚子，計計埋埋差唔多價錢，寧願自選。拖羅話無哂中，只有大，肥到個三塊都好漏，甜蝦大隻爽口， 魚子脆卜卜，但拖羅好漏，一塊已經夠，不過價錢唔爭得遠。定食有湯有蛋，幾好，同朋友叫多個雞翼，幾滿足 。舖細細，食完走人，但值得推介。

依間想試好耐，lunch time 成日排長龍，今日突然唔駛排，緊係去一賞心願。佢lunch set唔算太多款，不過就好夠份量，一碗飯加一個烏冬。烏冬可以揀凍或熱。我叫咗個免治吞拿魚腩。先講吞拿魚，新鮮，味道唔錯，不過以依個價錢，份量少咗d。個飯令我最失望，上枱時個飯係暖，依樣好失敗。我同事話佢個飯係正常壽司飯，我估佢預唔夠飯。烏冬夠彈牙，好食。同事叫咗三文魚加吞拿魚，我覺得依個賣相唔錯，6塊刺生有一定厚度，比起我個個好，下次我會叫依款。

呢間日本定食小店，佢嘅材料10分新鮮，可能因為太多客人，所以我咁多次幫襯材料都保持新鮮，可能呢個就係做刺身嘅大原則，客人夠多材料就一定新鮮，今次我就叫咗佢嘅碎葱吞拿魚吞飯，吞拿魚真係好新鮮，份量十足同埋，麵豉湯價錢實惠可以一試

我相信好多人都已經食過呢一間刺身店，佢應該暫時喺香港有兩間分店，一間係尖沙咀一間喺銅鑼灣！而本人通常去食都係去銅鑼灣食的，是我有一次因為星期六日貪方便去咗尖沙咀食，又冇得訂位又多人，等左成粒鐘先入到去，但係啲刺身嘅質素年銅鑼灣嗰間嘅一半都冇，勁難食！但其實銅鑼灣分店如果要喺午飯時間食到都好友難道，因為店內嘅座位唔多，得20幾張，如果唔啱時間去的話，啱啱坐滿晒啲枱，就唔使旨意可以食得切！所以如果我哋經過見到無人排隊二一邊好似就嚟有位，我哋都會二話不說轉地方喺度食！呢間鋪最出名一定係佢嘅拖羅同埋吞拿魚溶，性價比好高，但係要留意一下，因為太多人叫中拖羅嘅關係，試過好幾次都會冇晒貨，咁就要焗住叫190幾蚊嘅大拖羅或者其他嘢！有一日心血來潮想食埋三文魚，發覺佢啲三文魚刺身好厚切，而且非常新鮮，唔錯！呢碗拖羅仲要完全唔跟，好食到不得了，但係真係好飽好飽！除咗佢一啲設定咗嘅飯之外，仲有啲自選刺身飯俾我哋揀！想講嗰個甜蝦他他出奇地好食！三文魚子同埋帶子都好新鮮，而且帶子好厚切，口感唔錯！另外有同事唔識生野，所以冇食刺身，點左一個燒牛肉，佢話好好食，特別係隻蛋撈落啲飯到超正！呢碗叫做集天下之大成。

This small local Japanese restaurant has been on my list for a long time.Finally got a chance to visit at dinner time.Ordered Yellow Tail & Tuna Bowl Set.The sashimi was fresh and the thickness was really generous. Have a great night there and will return for other bowls for sure.

同事就last day,於是約埋幾個同事兼朋友預早一起食farewell飯，Last day同事就決定到定食doraya食。我們一行4人，悄悄地取得共識提早放工去餐廳取票，不過即使7點前到餐廳都等了差不多45分鐘先可以入餐廳。其實這間餐廳我光顧了好幾次，除左到訪銅鑼灣都有到訪尖沙咀分店，由舊記憶中記得餐廳的定食都不遜色。我本身比較貪心，想一次過食到多點不同的刺身，於是就點了粒粒海鮮壽司飯定食。粒粒海鮮依舊新鮮，飯是壽司飯，一口一口「粒粒飯」幾好食～ 我（和朋友）都有一段時間沒有光顧了，定食質素不見下降，但朋友同我都有個感覺定食份量小了。即使將來有何改變，希望餐廳能保持食物質素啦🙏🏻

There are so many Japanese restaurants in causeway bay ! Each of them have their special hit! For this one, they mainly sell “Don” rice, which is popular in Japan. /Don rice served together with sashimi on top on the rice. I choose “taro” which is a kind of tuna , the meat are quite oily as it has relatively high fat ratio! /The sushi rice is soft and chewy. The portion and size of the “don” is sufficient for girls, but may not be enough for men. /The waiting time is quite long after placing the