宮崎日式燒肉店 (已結業)

收工之後旺角附近行街，一行3人一路行一路掃街，行到10點幾諗住走架喇點知又比我見到呢間野！之前次次見到佢都係食飽晒，除左今日！我只係講左一句，有無興趣燒肉？同行既兩位女士即刻應承！原來佢地兩個都無食飽同埋想燒肉但又唔敢出聲見到228一位，就即時入左去lu入到去之後，見到人唔算好多應該得7 8台客可能因為宵夜時段要10點，無人等掛坐低就梗係即刻樣樣野叫啲啦呢間野特別既地方係有埋日式野食包括刺身～～跟住就，睇野食相啦！貝新鮮好味，刺身都好，手卷飯太多牛雞都正但上菜慢啲，服務又......無咩人服侍咁..野飲都係例牌汽水出去自己拎生果都有得拎，但就麻麻地

This place is amazing for meat lovers, have a variety of meat for you to choose. There are chicken, pork, beef, and seafood. The chicken leg was juicy and the beef was already marinated, a tad salty. In addition, there are a variety of drinks to choose from. Lastly, you can finish up with ice cream as your dessert!

見到個優惠，咁岩生日，　同朋友去TryTry，一行4個，Book左位，等一陣，入得。一開始即刻叫刺身！當時唔係用果Ｄ大船盤，用隻碟仔放，不過算啦！都係刺身姐，個人覺得新鮮好味的！放題黎講算中上！一班人食完刺身壽司開始叫肉，不過上菜有點耐，等左１５分鐘左右，個人推薦牛小扒，易熟易控制，好食的！　其他牛仔骨，雞翼，蝦，基本野都齊款，味道都係咁啦！燒肉係睇新唔新鮮，好唔好味自己控制。個火大左少少，易燶，所以唔好燒太耐。仲有樣推薦，不過冇影相，羊架的確唔錯，不過個香草汁太多唔多美觀。整體上算ｏｋ啦！　有機會的確可以試下。

起初俾佢地個好評騙左，見到佢有2百幾個好評，七十幾個OK，六十幾個負評，咁樣睇落都好似唔係好差，反正旺角燒肉都唔係好多間好味：德興、漢和、韓舍等等.....就決定一行6個人試試佢。佢果個價錢1930-2130就$268，2130後就$218，所以就試下$218，一個人相差$50，佢黎到啲刺身一開始都正正常常，但係之後啲肉，其他壽司，天婦羅，小食麵食就好似落完單後隨佢喜歡黎咩，我地都發覺佢比較鍾意黎炭水化合物，而之後啲肉就隨量減下或者消失哂。唔知道係咪見我地6個男人，為我地著想？我地2130入座，2230已經last order找數，仲話幫你吹一吹啲野食，手卷刺身呀俾哂錢就話原來無哂，都唔知真定假架。結果食完都唔知食左啲咩，淨係飲左好多罐野飲。至於啲野食質素，就自己睇圖判斷下....（烏冬、飯、天婦羅無影，因為十分普通）

我第一次嚟食呢間，見到啲相好靚所以諗住嚟試吓，去到先發現金玉其外敗絮其中，大部份肉類質感唔太好食，有啲肉片太薄燒嗰陣好難控制，有部份海鮮可以接受，但有啲唔新鮮，有啲腥味，唯獨是魚生比較好食。

今日好想食燒肉，同個朋友去左旺解角宮崎日式燒肉店。好開心，等左5分中就有位拉🤣lucky ✌️上次來等左半個中都未有😭好滾動， 極速落單，so hungry 😋我地既習慣系拎定一堆汽水，之後就完全冇後顧之憂甘食and 食and 食😂天生喂食，我都無計。一來，梗系要先食小小刺身先，五建議食壽司，因為好快飽，我會好後悔，難得食all-you-can-eat , 仲五同你死過😂每次都系要食憤怒火牛仔，個名改得好正😂飽鬼甘反家

賣相看似唔差，但其實只有刺身係好味😤個牛肉燒完出泥係超硬，燒得生d點知都係硬，諗住天婦羅會好味啦⋯⋯金菇天婦羅你只會覺得食緊一堆炸野，食唔出有金菇⋯⋯最好味應該係個甜品，因為係雪條🤣

我地一行六人只係普通朋友飯聚，打電話訂位時個姐姐語氣都好好，好有禮貌，唔會一輪咀鬼食泥咁講完算數理得你死。8:00pm準時到達一直都冇咩問題，第一輪食左一兩片魚生，少量燒肉過後問題就黎啦。想第二輪落多少少食物，半個鍾過後都冇食物黎過，大家都覺得可能人多師傅忙，得多陣都係未有食物，唯有請姐姐幫手跟跟，亦主動落多張單方便大家處理。半個鍾又過左，枱面依舊吉的，唯有再跟跟。終於有東西送上枱面，係一張單，意思係叫你比錢送客。咦？係咪誤會左？我應該好多order未到喎，姐姐話：唔緊要，我幫你跟，可以慢慢坐。好呀，冇問題。大家都好爽快比左錢。十五分鐘後，再有同事走埋黎。送上一張嘴臉，用不太好嘅語氣講左句：「你地夠哂鍾要走唔可以再坐架啦」之後用上閃電快手幫你熄爐收枱。冇問題，我地都好配合唔想人地難做。全程我地都nice同盡可能冇比壓力之下去食呢餐。大家都冇出咩聲，但原來個待遇都係咁。自問做過呢行都接受唔到。食物質素，同之前黎過相比已經退步左，肉質有少少暗淡。唔緊要，三百幾一餐呢種質素亦係咁，限米煮限飯，將貨就價好正常。不過一句講哂：冇下次

好耐冇見兩個朋友想約食飯，揀咗你一間，因大家方便就腳，訂咗位一個星期但係得七點半先有位，到咗都可以提早入去計返時間。嘢食唔算太多，飲品種類都一般，肉類都算得幾好食，不過就冇咩熟食， 基本上所有肉類都要自己燒，刺身上碟冇冰鎮，有啲可惜。 店員好準時就會叫人離座，如果想傾計吹水就可能未必咁好啦！服務嘢食都尚算一般都OK嘅。

話說我前日去同男朋友食飯睇左多間放題好耐，都知旺角的放題期望不能太大，但真心沒有想到都可以咁難食我系睇到封面有咩，八色肉，咩憤怒肉，睇落去幾得意下，點知去到系無既！！！！我估佢應該係無乜人幫襯所以會定期整啲野吸引人泥啲！！！！都係無既！！！首先我地叫做幾盤肉，佢肉類都幾多下，沒有一一影低。但我想講的是，如果各位想食燒肉可以選擇鐵板的鋪頭而不是網燒，因為網燒好難控制，而且要慢慢燒更加花心思，同埋提供既醬汁好普通之餘，燒肉質素都好一般未熟前熟左之後當然你可以話系我個人問題，唔會較火候燒都好，但真心，你出邊個牌寫住九點半到一點，而入到門口就講食到十一點半，都算。食放題都係想食得多，如果兩個鐘仲要慢慢比起鐵板燒更加費心思為左幾舊細細舊肉燒成半個鐘都未好，仲要燒靚啲好啲，先可以自己食，可想而知會有幾咁攰，唔通食放題唔係享受既咩？？？再講，我已經好留意啲肉，但燒出黎唔好食之餘，燒到燶左，食落去真系好苦，好難食到刺身，真心，系佢一上黎我就發現有燒烤炭定係唔知係乜既野系裡邊，我自己由佢地撩開先發覺，真系好唔衛生，真系唔系我自己燒野整到，而係佢一放落黎果刻我已經見到係咁 雞泡魚我以為係燒左既，點知唔係，

肉類雖然有好多，但係有D就太厚，唔方便燒，而且D食物好似唔衛生，食到成家人肚痛。刺身大部分都一般，其他小食都唔新鮮，無咩吸引力。晚市$198加一，以為都係有水準，點知食得唔盡興之餘仲要捱肚痛。老實講其實唔算平，有好多韓燒、放題係價錢、質素上都比佢好，真係比唔到一個理由推介大家去試。其實仲有好多優質餐廳等緊大家，唔好試li間！ヽ(#`Д´)ノ

原本去牛X,但太多人就轉場，經過呢間咪試下，298加一，心諗價錢都唔算平，水準應該唔差掛，點知好難食，肉無肉味，種類又唔多，又比較肥，熟食又一般，刺身又唔凍，最正常就係飲品，都係平時飲果d汽水啤酒等等，最後講句，請都唔食……真係唔想大家跌錢先出post share,.......................大家想試就去試，無問題，食垃圾既話想食好d,又開心既就轉其他，水準真係低到估唔到，謝謝大家.......

父親節試下，食物出得慢，叫咗八款牛肉，六款咬不開。最初以為過熟，原來係D牛肉根本太差，完全唔知食乜。豬肉咸到食不到，食一舊可以食一碗白飯。由六点食到八点，七点十分就叫埋單及last order.還有50分鐘巳last order.倒不如食一小時。簡直不知所謂的一餐

間野除慢之外我用吾到第二個字形容😢7.25分入座 30分落單 45分連野都未到 落三張單 就黎一張單 寫五件三文魚剌身 就黎一件 叫炸魷魚 就黎到林曬又凍曬 叫個蝦燒下 就發霉。。。問個waitress點解甘奈。距都話間野係咁。。唔好意思咁樣。。然後 重點熱到死既天氣 佢d汽水竟然係熱既。。點飲😭😭😭講真的 當初黎呢間係因為見好評幾多 又有燒肉同剌身先黎試下 點知都系失望而回。。但依家食完唔知道個好評係點樣黎 我淨係覺得我係等到飽。。🤦🏼‍♀️🤦🏼‍♀️

和家人一行7人訂左最早個節6:00 開始~ 場內位置很寬敞, 枱面亦夠大可以擺放多款食物! 點解揀宮崎係因為 我好耐冇食燒肉好想食, 但我媽媽又唔太中意肉, 比較喜歡日式放題, 所以最後揀左宮崎兩全其美! 點菜紙中的選擇十分之多! 無論係燒烤海鮮牛肉類, 抑或是刺身小食類, 都有好多唔同既選擇! 以任食黎講, 佢既牛肉和羊架質素都非常好!  刺身亦鮮味. 唯獨係放題常見既漏單情況, 去到7點左右呢D繁忙時段, 就要填2-3次先出到菜, 一係就一次過出多於你填既份量俾你 好彩我地呢班食肉獸可以KO晒d食物冇做大唗鬼!